هذا شعوري !

ليت المنايا ليا شافت لها هاب ريح ‏تصد وتخلي الطيّب على راحته .

ما يهم إن جارت ظروفي ولو عرّت يديّا ‏أنت من ترعاه عينك ؟ أشهد إن الله حبه !

ناسٍ قبل تسوى ملايين عندي ‏ماعاد تسوى عندي اليوم حاجه ".

على النقا ماننحدر بالمحادير ‏نظراتنا صوب النجم و المجرّه ".

دامك الـوافي وميقـَافك حقيقي ‏والله ان اطيق لأجلك مالا أطيق .

دايم نجي فوق هقوة من هقى فينا ‏و الوقفة اللي تسرّ العين .. سقناها ‏شلنا الحمول الثقيلـه ما تراخينا ‏لا عجّزتنا و لا ضقنا من اقصاها ‏ما والله اثـقـل عـلينـا مـن أَسامينا ‏و من فضل ربي حميناها و شلناها

لا تصدّق أكثر من يسولف عن الطيب ‏" الطيب ناسه ، ماتحبّ السوالف "

اخذلوه .. وضيّقوا كل الأماكن ! ‏وشرهته توصل لحنجرته وتاقف ‏كانو أقرب من زرار الثوب لكنّ ! ‏" طيّح الله حظهم " عند المواقف

وجعل حنا لاحدتنا ظروفنا الجبّاره ‏مانسوم وجيهنا على الرفيق الهيّن

جعل الليالي كلها سهود ومهود ‏نسعد ولا نحزن ولا نعرف الضيق .

لا ترخص النفس والايام ملحوقه ‏اجمع من العز ما يروي مشاويرك .

" لابسين من المعزّة جديدات اللّبوس ‏ إن رسى ميزان الأيام و الا ما رسى "

خضار العروق اللي تحت جلدك الشفاف ‏" عناقيد ربلٍ " ما سفى فوقها السافي .

ملامحك مفروض يكتب تحتها ‏حاجة جميلة تستحق التأمل

كل ما واجهت لي طيب دعيت الله تعالى ‏مايوريه " الظروف " الي تخليه يتردى

كل ما ضاقت بك الدنيا تعال ‏تدري إن قلبي لجيّاتك وسيع

لا ترفع الهقوه ، ولا تظلم الناس ‏خلّك وسط بين الحذر والهقاوي ".

الشخص لامنك بخصته وشفته ‏ يطري عليك أمرين لا ثالث لهم ‏أما كرهت الحظ يومك عرفتـه ‏وإلا شكرت الله عـلى معرفتهم .

تعدتك شرهاتي وجاك الهجر بسكات ‏ما أستشير بكلمتي . . وانت خابرني .

نحتزم بالعز ونشوم عن سود الوجيه ‏والرديّ ما نحشمه والمنافق نحقره