گاللی موسی نین شعرلری

آدام وارکی گوز آچاندان دوغولوب وار اوستونه آدام وارکی حق دانیشار چیخسادا دار اوستونه یوخسول ائوده آه وایینان گون کئچیر الله آمان وارلی ائوده قارلی قیش تک وار یاغار وار اوستونه آدام وار کی فدا قیلار وارلیغینی ائلینه آدام وارکی جاندان کئچر دوغما آنا دیلینه آدام وار کی معرفتدن جومار عشقین گولونه ترلان اوچار ذیروه لرون نجه شیکار اوستونه عشق اوجوندان اودا یانیب کونول لر نه لر چکر عاشیق یئتمز معشوقینه وارلیغیندا درد اکر شئیدا بولبول ناله چکر اورکلره غم چوکر گورسه شهلی چیچکلرین ائیلئنیب خار اوستونه آیلار اوتر دئییشدیرر طبیعتین داغلارین گور بولاخلار نیشان وئرر سخاوتین داغلارین قارلی قیشدا حق گوستریر عظمتین داغلارین یاز گلئنده یاشیل پرده چکیر بهار اوستونه گاللی موسی حقیقتدن الهام آلار اهل دیل هرموسومدا بیرگوزلیک واردیردوشون یاخشی بیل آدلانمیشدی پیشیک ایلی یئتمیش سکگیزینجی ایل ایل دولاندی یئر کوره سی میندی شاهمار اوستونه

آدام وارکی گوز آچاندان دوغولوب وار اوستونه آدام وارکی حق دانیشار چیخسادا دار اوستونه یوخسول ائوده آه وایینان گون کئچیر الله آمان وارلی ائوده قارلی قیش تک وار یاغار وار اوستونه آدام وار کی فدا قیلار وارلیغینی ائلینه آدام وارکی جاندان کئچر دوغما آنا دیلینه آدام وار کی معرفتدن جومار عشقین گولونه ترلان اوچار ذیروه لرون نجه شیکار اوستونه عشق اوجوندان اودا یانیب کونول لر نه لر چکر عاشیق یئتمز معشوقینه وارلیغیندا درد اکر شئیدا بولبول ناله چکر اورکلره غم چوکر گورسه شهلی چیچکلرین ائیلئنیب خار اوستونه آیلار اوتر دئییشدیرر طبیعتین داغلارین گور بولاخلار نیشان وئرر سخاوتین داغلارین قارلی قیشدا حق گوستریر عظمتین داغلارین یاز گلئنده یاشیل پرده چکیر بهار اوستونه

یوخسول ائوده آه وایینان گون کئچیر الله آمان وارلی ائوده قارلی قیش تک وار یاغار وار اوستونه

آدام وارکی گوز آچاندان دوغولوب وار اوستونه آدام وارکی حق دانیشار چیخسادا دار اوستونه شئیدا بولبول ناله چکر اورکلره غم چوکر گورسه شهلی چیچکلرین ائیلئنیب خار اوستونه

اوستونه حقیقتدن بیر نور دوشدو کون مکان اوستونه قدرتیندن قرار وئردی گوهری کان اوستونه او لاشریک کرمیندن نظر قیلدی وارلیعا سالدی نورون آنا گونش کل جهان اوستونه بو دونیانی یارانمیشا اَن محتشم یول دئدی یارانمیشلار بیر الله ها اولمالیدی قول دئدی میلیون میلیون کهکشانی حق یاراتدی اُول دئدی ناهید آدلی بیر اولدوز وار اوتوردو دان اوستونه دوشون کوزون قیمتینی یانار اوجاق اوسته سن طبیعتین صفاسین سور جوشان بولاخ اوسته سن انسان اوغلو مغرور اولما آنا تپراق اوسته سن سون منزیلده تپراق چیخیر بنی انسان اوستونه هر سرّی دان او لامکان اولوبدو آگاه اوزو گورور نجه اورکلری اودا یاخیر آه اوزو حق الناس دان کئچمرم من بویوروب الله اوزو چکیلجک وارلی یوخسول عدل و دیوان اوستونه گاللی موسی قدرتیندن حق وار ائتدی عالمی اودور سیلن کونولردن اینان سیلینمز غمی عشقه مظهر خلق ائیلدی دوشوندوم ایلک آدمی حق روح وئردی جانسیز آدم تئز گلدی جان اوستونه

دلی گونلوم باشدان آشیب هر عذابی دونیانین اولماز انسان چکن غمه یقین تابی دونیانین گوز آچاندان آه وای دئدیک نجه ایشدی بیلمیرم ظلمت لره ایشیق ساچیر آفتابی دونیانی یامانلاری چئوره سینده دونیا سالار تونبَتون نه یاخشیلار یاخشیلیقدان بحره دالیب تاپدی گون سالدی الدن توتانلارین ایشلرین بیر بیر دویون نه بیر قولو گون گوروبدو نه اربابی دونیانین بو حیاتدان کیم‌گولر اوز کیمی کوچوبدور مه لر کیم نه بیلیر بوندان بئله باشا گلجک نه لر بونو بیلسین حق الناسی آیاقلایان کیمسه لر قورولاجاق حقیقتدن حق حسابی دونیانین بو فناده کلک قورور دوغما قارداش قارداشا خائن چیخیر گورورسن کی یاخین سیرداش سیرداشا واردان اوتری جان وئرن لر بئس نیئه دوشمور باشا هئچ کیمسیه قالمایاجاق لعل و نابی دونیانین گاللی موسی یاخشی اینان یارادانین سوزونه خئیر عمل گز بوحیاتدا عمور بویو اُوزونه بزم قیامت قوپاجاق یارانمیشین اوزونه بیر دفعه لیک باغلاناجاق دوشون بابی دونیانین

حیات یارانمیشا کرمیندن وئردی حقیقت حیات باغلانیبدی بیرلیگینه قادر قدرت حیات هر نَفَسده مین لر شوکور ائتمه لی یم‌الله ها اوره ییمه هر آن دوغور مهر محبت حیات کیمی چیخدی ذیروه لره کیمی دوشدو آیاقا وئریلیبدی بیر یول سنه حیات دوشون آی آقا گوز یومارسان بو دونیادان تئز بوکرلر آی آقا بیرده سنه یاشاماقا یاراتماز فرصت حیات ساغلیقیندا الدن یاپیش رحمت قازان انسان اول هئچ بیر یانا یئتمه ییبدیر یولدان آزان انسان اول صحف ائیلمز اوز ایشینده یازی یازان انسان اول آه وای ائتسن جهنّمه چئویرولر جنت حیات گوزله یاتما کولگه سینده نه شهرتین نه شانین باجاریرسان اوره ییندن غمین سیل بیر انسانین بو دونیایه بئل باغلاسان الدن گدر ایمانین اولار سنه باشدان باشا بند اثارت حیات گاللی موسی یارادانا باغلا اورک گوزونو بیر اللهی تانییارسان تانیدیقجا اوزونو ائشیت دئییم مختصری حقیقتین سوزونو انسان اوغلو وئریلیبدیر سنه امانت حیات

قلم لوح محفوظ اوسته یازدین گوهر اسرار قلم عشق اوجوندان چکدین ازل صورت نیگار قلم کل خلقت عالمی نین سرّی سنه باغلانیب سندن قاباق هئچ بیر ذاتی یاراتماییب یار قلم اوره ییمدن تیکان چیخار سن له توتسام بیر دَمی مست اولارام وارلیغیمدان سن سیلرسن هر غمی حقیقتدن سوز یارادیب حیران قوییام عالمی جوهریندن چون سوزولر لعل گوهر بار قلم عارف اولدو حقیقتین کیم دوشوندو سوزونو عالیم اولدو عمور بویو ایتیرمه دی اوزونو یازدی حقّه یار اولانلار بیر اللهین سوزونو یازا بیلمز حق کلامین بیر حقه اغیار قلم بو دونیایه گلن گوندن گوز آچدیم گوردوم نه لر کیمی خلقه ظلم ائیلیور کیمی سی قالیب مه لر حقیقتدن یاراتمیشام اود آلوولو نغمه لر سنی منه پای وئریبدی حی کردگار قلم گاللی موسی حقیقتدن الهام آلیب سوز یازار معرفتدن هر نه دویسا اونو دوغرو دوز یازار انسانلیغی خلق ایچینده اَن مقدّس ایز یازار دایاق دورار روز محشر یازدیقیم اشعار قلم

من کیمم میلیون میلیون آدم اوغلو گلیب جانه من کیمم یارانمیش لار باخیب کوچوب بو جهانه من کیمم ترپ اکیلیب سلطانلارین خاقانلارین یوردونا دونیا وفا گوسترمویب سلیمانه من کیمم دونیا یوردون کور ائیله دی نچه عارف اوستادین توتدو (گونون گوی اسگی یه)قارا تپراق شدادین یولدو تویوق قانادی تک اسکندرین قانادین فرعون لاردان قالماییب دیر بیر نیشانه من کیمم گلدی گئتدی نمرود کیمی نچه قدّار حکمدار منصور تکین حق دانیشان کیمسه لره قوردو دار ناکس لره نامردلره قالمایاجاق اختیار یوخدور اولوم قاباغیندا بیر بهانه من کیمم کیمسی نین گوزلرینه دولدور دو کول بو حیات کیمی سینی شاه ائیله دی کیمی سین قول بو حیات دئمک اولار یارانیبدی سحیرلی یول بو حیات چوخلار قوردو اوتورمادی خانمانه من کیمم گاللی موسی گوزله دوشمه سن بیر آیری خیالا کیمی نادان عمور سوردو کیمی چاتدی کمالا کیمی چکدی حسرت کدر کیمی یئتدی وصالا یار یولوندا چوخلار قالدی یانا یانه من کیمم ۱۴۰۰/۲/۲۹

من کیمم هئچ بیلمیرم نئیه گلدیم بو دیاره من کیمم نجه گلدیم نجور دولدوم بحروباره من کیمم میلیون میلیون یولا سالیب چرخ گردیش انسانی سینه گریب بُوی دانیشام روزگاره من کیمم نمرودلاردان شدّادلاردان چوخ گوروبدور بو حیات بیز یولچویوق بیزیم اوچون یولدور آنا کائنات قوجا دونیا چئوره سینده اسکندری قویدو مات توی توتوبدور فرعون کیمی حکمداره من کیمم حکمدارلار ندن اوتری فخر ائیله دی نامینا دونیا واری بالا بنزر گلن باخار تامینا قارن لاری قارا تپراق چکیبدی اوز کامینا بئل باغلاییم بو فناده ثروت واره من کیمم بزم قیامت قوپادیب حق یولوندا قان قویام عمور بویو درس اویره نیب صنعت اوسته جان قویام گوهر مثال سوز یارادیب عالمی حیران قویام ساغ واختیندا قیمت یوخدو صنعتکاره من کیمم گاللی موسی اورکلری اودا یاخدی آهی لر تسلیم اولوب تقدیرینه چوخ ارن لر داهی لر گلدی گئتدی بو دونیادان علی کیمی شاهی لر قول دا اولا بیلمه میشم او داداره من کیمم ۱۴۰۰/۲/۲۹