ادبیات سئونلر

اوشاق ادبیاتی شیکارگاه حاضیرلاییب سسلندیرن:«فاطمه محمودی» https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی تورکیه ده درس کلاسی https://t.me/Adabiyyatsevanlar

اوشاق ادبیاتی شعیر:«تیمور ائلچین» کؤچورن:«بهروزصدیق» □دنیز یاخشی دنیز دیر گیردیک سویا سئوینجک چیمدیک ،قوما اوزاندیق آتام سؤیله دی:گئده ک بسدیر گونشده یاندیق دئدیم:سولار تمیزدی نارین قومدا آغ آپباق دنیز یاخشی دنیز دیر اؤزوموزله آپاراق. □2 سحر سحر باغچادا بیر سئرچه دن یئییردی هردن باخیب اوزومه جیک جیک جیک جیک دئییردی او یئدی دویدو قاچدی بیردن ایتدی گؤزومدن بس او بالاجا سئرچه هارا گئتدی گؤزومدن چوخ چاغیردیم گلمه دی توتدو آغلاماق منی بیردن کولون دالیندان اوچان گؤردوم سئرچه نی. او اوچدو اوچدو اوچدو قوندو یاشیل بوداغا ها چاغیردیم گلمه دی اوچوب گئتدی اوزاغا.

اوشاق ادبیاتی «حبیب فرشباف»  «توك‌ يارپاقلي‌ آغاجلار»    تؤكولدو بيرجه‌ - بيرجه‌ آغاجلارين‌ يارپاغي‌،  الوان‌ رنگه‌ بوياندي‌ باغ‌ - باغاتين‌ تورپاغي‌.   گونشين‌ قارشي‌سيندا  چيل‌ - چيلپاق‌ دايانديلار،  كؤلگه‌لرين‌ گؤرنده‌  لوتلوقدان‌ اوتانديلار.  سئرچه‌لر پيريل‌ - پيريل ‌ بوداقلارا ائنديلر،  توك‌ يارپاقلي‌ بوداقلار  ايسينيب‌ سئوينديلر.   https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی تلخون۵ یازار:«صمد بهرنگی» چئویرن:« منیژه جم‌نژاد» 🎈 آه تلخونون او٘ز گؤزوندن اؤپوب دئدی کی اونو گئنه چاغیرماغینی اومور. تلخون ساده جه باخدی. سانکی اونجه کی خویونا  دؤنموشدو. یالنیز باشقا جور باخیردی. نئجه باخدیغینی دئمک اولمازدی. آناخدارچی تلخونو اوزون یوللاردان آپاریب بویوک بیر قاپیا یئتیردی، قاپی چی لار اوردا کئشیک وئریردی. اوردان کئچیب باغا گیردیلر. باغین آراسیندا قوجامان  گؤز قاماشدیران بیر قصر واریدی، باغ خوش عطیرلی گو٘للر له دولویدو. خوش آوازلی قوشلار دسته دسته آغاجلارا قونوب قالخیردی. آناخدارچی تلخونا دئدی: قوش سو٘دوندن آدام جانینا بو باغدا تاپیلار، بیر بئله نعمت منیم نئچه آی اؤنجه دن ایتن، الی آچیق آغامینکی دی. نئچه آی اونجه بیردن یوخ اولدو، بیز ده هر نه آختاریریق، تاپانمیریق. منیم خانیمیم، آغامین آناسی، ائله او گو٘ندن قارا گئیینیب. سنده گرک گئیه سن. تلخون باخدی، باغین اطرافینی گؤزدن کئچیردی. او٘ره یینده دئدی: <<بئله باغین صاحابی اولاسان. بیردن ایته سن، ایتده سندن خبر بیلمیه. اوندا بوردا دا...آه نه پیس!>> آه گلمه دی، چونکو اؤزو الیندن بیر ایش گلمه دیینی دئمیشدی. تلخونو حاماما آپاردیلار، یویوندوردولار، باش گؤزونه عطیر گولاب ووردولار، بیر دست قارا پالتار گئیدیردیلر، ایتگین جوانین آناسینین یانینا گتیردیلر. آنا چوخ کدرلی گؤرونوردو. تلخونون او٘زونه او٘رک گؤزویله باخیب، سؤزلرینه قولاق آسدی، اوندان خوشو گلدی. باشقا قوللوقچولار جیجیک لندی، گئج گلیب، تئز یئر ائله دی دئیه. آما تلخون ائله باخیردی. آغانین آناسینین باخیجیسی اولسون یا دا میتباخ قوللوقچوسو اولسون، اونون اوچون اؤنمی یوخودو. تلخون بیر گئجه کنیزلرین  اوتاغینین قاباغیندان کئچیردی، گئدیب خانیمین اوتاغیندا  آیاغینین آلتیندا یاتسین دئیه. کنیزلرین بیری، آشچی باشی نین خانیمیسی- خانیم بو کنیزه چوخ امین اولدوغو اوچون اوغلوندان ایسته میشدی اونو اویغون جاهازلا آشچی باشینا وئرسین-  بیر دووری پلو، قارا بیر شاللاق الینده اوتاغا گیردی. تلخون دربچه دن باخیردی. آشچی نین خانیمیسی بیر بیر کنیزلرین باشی او٘سته گئدیب قولاغینا دئییردی: اویاقسان؟ کیمسه دن سس چیخمایینجا قوللوقچو خانیمین اوتاغینا گئتمک ایسته دی، تلخون اوندان قاباق گئدیب، خانیمین آیاغینین آلتیندا اؤزونو یوخویا ووردو. آشچی نین خانیمیسی اؤنجه خانیمین باشی او٘سته گلیب سوروشدو: اویاقسان؟ سس چیخمایینجا ال آپاردی خانیمین یاستیغینین آلتینا بیر دسته آچار چیخاردیب گئتدی. تلخون بو دو٘شونجه ایله کی" اولمایا اوغرولوغا گئدیر" دوروب کنیزین دالیسیجا گئتدی. آشچی نین خانیمی بیر قاپی آچدی، اوتاغیدی، گئنه بیر قاپی آچدی، آیری اوتاق ایدی. بئله سینه قیرخ قاپی آچدی، قیرخ اوتاقدان کئچدی، بیر باغچایا یئتیشدی، آراسیندا دوم دورو سو دولو بیر حوض واریدی. آشچی نین خانیمی حووضون آیاغین آچدی. حووضون تکیندن بیر بنایین چیخدی. آشچی باشی نین خانیمی اونو گؤتوردو. بوروق - بوروق، او٘زو آشاغی پله واریدی. آشچینین خانیمی آشاغی ائندی، تلخون دا دالیسی جا. چوخلو شئه زئر زمی لردن کئچیب بیر یئره یئتیشدیلر، تاوانین دان بیر جوان الی زنجیرلی آسیلمیشدی. جوان بتر دو٘شگون گؤروشوردو. باییلمیشدی. آشچی باشینین خانیمی جوانین او٘زونه سو سپیب، هوشا گتیردی. پلو دووروسونو بیر یانا قویوب شاللاغی ساغ الینده ساخلامیشدی. آشچی باشینین خانیمی دئدی: اوغلان باشیوی من له بیر ائلیرسن؟ جوان یالنیز یوخ! دئدی. آشچی باشینین خانیمی اوچ یول سؤزونو قاتلادی، هر بیرینده ده یوخ! ائشیتدی. سونوندا قان گؤزونو توتوب اوغلانی اوقدر قامچی لادی کی گئنه باییلدی. قادین گئنه اونو اویاتدی.  گئنه او٘چ یول یوخ ائشیدیب، اونو باییلاناجان ووردو. جوان اوچ یول باییلدی، آما بیر یول دا باشینی اونونلا بیر ائلیه جه یینی دئمه دی. او٘چونجو گز آییلاندا، آشچی باشینین خانیمی پلو دووروسونو آغزینا توتدو یئسین دئیه. جوان چکیندی، خانیم زورلا پلووو اونا یئدیردی. تلخون بونلارین هامیسینی بیر ستونون دالیندان گؤروردو. یالنیز بیر یول اوز اؤزونه دئدی:  << ائله گؤزل باغین اولا. بیر دن ایتیب باتاسان ایت ده سندن خبر بیلمیه. بیر میتباخ قوللوقچوسو سنی اؤز ائوینین زئر زمی لری، سردابالاریندا زنجیردن آسیب قامچیلایا. دئمک بوردا دا...آه نه پیس!>> آما آه گلمه دی، الیندن بیر ایش گلمیردی. اؤزو دئمیشدی. قادین دئدی: قولاقلارینی آچ ائشیت! صاباح گئجه ده گلجه یم، سؤزومه باخسان، زنجیرینی آچیب، یانیمدا یاتیردیب، تومارلییب، ایسته دیینی دو٘زه لدرم. آما گئنه دانقازلیق ائله سن، قامچی نی یئییب گئنه آسیلی قالاجاقسان. تلخون قادینین چیخماق ایسته دیینی گؤرونجه، قاباقدا قاچیب حووض دان چیخدی. تئز گئدیب خانیمین آیاق آلتیندا اؤزونو یوخویا ووردو. آردی وار.. https://t.me/Adabiyyatsevanlar

اوشاق ادبیاتی ✅ دانشگاه پیام نور جنوب تهران برگزار می کند                                  📌 عنوان کلاس: آموزش قصه گویی.     ⭐(با ارائه مدرک معتبر از دانشگاه پیام نور جنوب تهران)                                                                                                                                             ⭐هزینه دوره: ۳۰۰هزارتومان                                                             🔺 نحوه برگزاری دوره مجازی گوگل میت                                                                                                                                                                    مخاطبان :برای اولیا و مربیان ، دانشجویان و... تعداد جلسات :۸جلسه شروع کلاس: آذرماه زمان:  دوشنبه ها بعد از ظهر ۶تا۷ برای ثبت نام تماس بگیرید  ۰۹۱۴۹۲۳۳۸۱۹ محمودی مباحث آموزشی👇 ⭐استفاده از فن بیان و زبان بدن  در قصه ⭐تبدیل قصه های خواندنی به قصه های شنیدنی ⭐به یاد سپاری و تحلیل احساسی قصه ⭐ورودخروج تعامل با مخاطب ⭐قصه های صوتی ⭐و... لازم به ذکر است خلاصه مباحث هر جلسه در ایتا به اشتراک گذاشته خواهد شد

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

قادینا… ائسسئ یازان:«زومرود یاغمور» کوچورن:«ویدا حشمتی» حاضیرلایان:«ادبیات سئونلر» مین ایللردیر کی، بو دونیانین آغیر یوکونو روحوندا گزدیرن، اوره‌گینه دونیا بویدا درد یوکله‌ییب، زامان-مکان و اؤزو ایله ساواش حالیندا اولان قادین هئچ واخت حضور الده ائده بیلمه‌دی. دونیا ایله دیل تاپا بیلمه‌دی. دونیا اونون دیلیندن آنلامادی. قادینسا دونیانین حیله‌‌گر دیلینی هئچ اؤیره‌نه بیلمه‌دی. یا دا بلکه مادیّاتچی، راسیونال اولان دونیانین بو اوزونو گؤرمکده امتناع ائدیب غیری راسیونال بیر شئی آختاردی، اولمایانی قلبی‌نین اولاشا بیلمه‌دییی حضورو… …آرام‌لا، ایچینده‌کی عصیانا قاتدیغین  سوکوتلا، سوکوتدا آرادی… ***  دونیانین بیر چؤخ یئرلری وار کی، اوردا قادینلار قادینلیق روحو ایله یاشاماز، یاشایاماز. خیاللارینی بئله اؤزونه اوجادان سؤیله‌یه بیلمز. هئچ خیالی بیر گزینتی‌یه چیخیب قادینسی آرزولار دا قورماز. اوزو دنیزه اوتوروب، ساحله عصیان ائدن دالغالارین او نارین کله-کؤتورلویونه سیغال چکیرمیش کیمی تیترک الینی اوزاتسا، ووجودوندا اویناشان احتراصلی گیزیلتینی دویسا دا، دنیزه بئله اؤز ناغیلینی دانیشا بیلمز. قادیندیر چونکی... قادینلار ساحلینده اوتورا بیلمه‌دییی دنیزده باتان، اوردان چیخان گونشین نه چیخدیغینا سئوینر، نه باتیشینا اوزولر. گونشین هر چیخیشی اونون اضطرابلاری‌نین باشلانغیجی اولور. ایشله‌مه‌لی، بیریلری‌نین قایغیسینا قالمالی، بیریلری‌نین ایسته‌دییی کیمی گئیینمه‌لی، باشینی اؤرتمه‌لی، گولمه‌لی  حتی آرزولاری، دویغولاری، احتراصی بئله بیریلری‌نین ایسته‌دییی کیمی شکیل‌لندیریلن دونیانین گونشلی صاباحیندا او گونش ایسیتمز قادینین اوره‌گینی. باتیشینداسا ایشله‌مکدن کؤتویه دؤنموش اللری‌یله درد چکمکدن شیشیب داغ اولموش قلبینی قوجاقلاییرمیش کیمی، هئچ بیر خیال قورمادان داش کیمی یوخویا گئدر و بو داش کیمی یوخودا ایپکسی رؤیالار دا گؤرمز قادین... ***   بیر ایبلیس سنین روحوندا قالادیغی تونقالین آلتینا اودون داشییار داواملی  باشقا بیر ایبلیس سنین او گؤزل ساچلارینا قارالار باغلار. بیری اوزونده‌کی، دوداغینداکی تبسّمو سیلر،  بیر باشقاسی الینی اوزادیب اوره‌گینده‌کی ایشیغی سؤندورر. ایچینی ظولمت ائدر. بیری اینجی دیشلری‌نین آراسیندان اورکک دوداقلارینا جان آتان کلمه‌لرینی آغزینا حبس ائدر. بیری داها نه ائدر و او بیری وار هر زامان. و او بیری بوتون بونلاری ائدرکن سنی قورودوغونو دئیر. اؤزوندن، الی‌نین، اوره‌گی‌نین، نفسی‌نین، گؤزونون، شهوتی‌نین کیریندن قورویا بیلمه‌ینلر بیزه محافظ اولور. مین ایل‌لردیر بو تورپاقلاردا بیزی «قورویانلار» بیزه تجاوز ائدیر، دؤیور، سالدیریر، اؤلدوروب داش‌قالاق ائدیر. *** منی اؤلدوروبلر. روحومو، آرزولاریمی  دویغولاریمی یون کیمی دیدنلرین یاراتدیغی حبس‌خانالاردا نظارتچی اولانلاردیر قاتیلیم. الینده بالتا یوخدو، آمّا اوره‌گیمه بالتا کیمی آغیرلیق ائندیریلیب. الینده قیلینج یوخدو، آمّا دیلیمین کسیک یاراسینا دوز باسیلمیش کیمی سیزیلداییر. منی یاندیراجاق تونقال دا گؤزه ديمیر. آمّا آتشده یانان قادینلیق دویغولاریمین قوخوسوندان اوره‌گیم بولانیر. منیم ساچیمی، تبسّومومو، بدنیمی، الیمی، گؤزلریمی اؤز کیرلی شهوتینده حبس ائدنلرین حبس‌خاناسیندا بوغولورام.   بوغولورام، آمّا قارشیمدا الی بالتاسیز-بیچاقسیز، اودونسوز قاتیلیم منه دئییر کی... ...سنی قورویورام. منی کیمدن قورویورلار کی؟ کوچه‌نین او بیری تینینده کیرلی نظرلرینی منه دیکیب شهوتله آغیر-آغیر نفس آلان او یاشلی آدامدان قورویورلار منی. بینانین گیریشینده کیرلی نفسی ایله اوزومو یالایان گنجین هارین گولوشوندن قورویورلار منی. حتی گئتدیییم مکتبین، اونیوئرسیتی‌نین صینیف اوتاغیندا الی کیتابلی «ساوادلی» معلّیمین تاجیزیندن قورویورلار منی.  و یاشلی آدام، او گنج، او موعلّیم کیمدی؟  ائوده منیم آتام، چؤلده او یاشلی آدام.  ائوده قارداشیم، چؤلده او گنج آدام. ائوده یولداشیم، چؤلده او موعلّیم... ...دن قورویورلار منی... بیزی!       *** اؤزونو اداره ائده بیلمه‌ینلر، قادینین بیر ساچی، تبسّومو، باخیشی ایله«شیطانا اویدوق» دئینلر، دونیانی دا اداره ائتمک حیکّه‌سینه قاپیلیب و دونیا چئوریلیب اولوب ائرکک جینسلی.  سنین روحون، احتراصین، دویغولارین  حتی سئوگین بئله چیلپاقسا، نییه قادین قارا گئیینمه‌لی؟ سنین آغلین شهوتینه اسیر اولاجاق قدر عاجیزسه، قادینین تبسّومو نییه حبس اولونمالی؟ مین ایللردیر بو تورپاقلاردا عینی جاوابسیز سواللار سسله‌نیر و بختینه قارا گئییندیریلمیش قادینین اوره‌گیندن بیر آه قوپوب تاریخین داشینا دگیر.  ساری دونلو سئلجان خاتون هارداسان؟ ساری رنگه آزادلیق نئجه گؤزل یاراشیر؟! سون https://t.me/Adabiyyatsevanlar      

گیلگمیش داستانلاری ادبیات سئونلر کانالیندا   1402/8/8 ناغیلی حاضیرلاییب سویله یین:«رضوان حاجی قاسیملی» جانای ایلک لووحه  اوچونجو بؤلوم https://t.me/Adabiyyatsevanlar