es
Feedback

¡No caigas en manos de tramposos! Telemetrio encuentra y marca estos canales 👉 Si quieres ver la etiqueta, suscríbete

ادبیات سئونلر

ادبیات سئونلر

Ir al canal en Telegram

بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار.

Mostrar más
3 139
Suscriptores
Sin datos24 horas
-47 días
+1730 días
Archivo de publicaciones
- من اؤزوم زنگیلانلی‌یام. زنگیلانی دا آلسایدیلار...بوتون گونو او خبری گؤزله‌ییرم. قورخورام زنگیلانی قایتارمامیش محاریبه دایانسین. - اللی یاشیندا آریق، چلیمسیز سوروجو گوزگودن آرخا اوتوراجاقدا بوزوشموش سولئیمانا باخیب دئدی. - بیر- ایکی گونه زنگیلانی دا آلارلار. ناراحات اولما،- پنجره‌دن چؤله بویلانان سولئیمان دئدی. - آی قارداش سحردن سنه باخیرام، منیم اوره‌ییم سیخیلیر. سن آللاه او باشینداکینی، گؤزونده‌کینی چیخار راحات اوتور دا. اؤزونه نییه ظولوم وئریرسن؟! سوروجو جسارتله‌نیب بایاقدان دئمک ایسته‌دیینی دیله گتیردی. - منه بئله راحات دیر. سن یولونو سور تئز چاتاق،- سولئیمانین بو سؤزلریندن سونرا پرت اولموش سوروجو سوسدو. *** ایکی- اوچ ساعات سونرا سولئیمان پنجره‌نین تاققیلتی‌سینا اویاندی. - کوردمیره‌ییک. دوش بیر تیکه چؤره‌ک یئیه‌ک، چای ایچک- اینجیک سوروجو دئدی. - چوخ ساغ اول. من آج دئییلم. سنه نوش اولسون. راحاتجا یئمه‌یینی یئه. سوروجو گئدندن سونرا ماشیندان دوشدو. هله گئجه ایدی. حسابلادی کی کنده سحر تئزدن چاتاجاق. سوروجو یاخشی سورموردو. فرصت‌کن بیر سیگارت یاندیریب، کافه‌دن آرالی‌دا کی توآلته آددیملادی. توآلت قاپیسی‌نین قیریق یئریندن سمایا باخدی. کافه‌ده اوتوران آداملارین، قاب- قاشیغی‌نین سسی ائشیدیلیردی. تکم- سئیرک ایت هوروشمه‌لرینی، جیرجیرامالار فاصیله‌سیز، عینی ریتم‌له مشایعت ائدیردی. گؤیده بیر اولدوز دا یوخ ایدی. آی بولودلارین آرخاسیندان بیر نئچه ثانیه‌لیک چؤله چیخیر، سونرا یئنه یوخ اولوردو. کافه‌دن گلن ماهنی سسینه دیکسیندی. کافه‌ده‌کی‌لر گولوشوردولر، دییه‌سن رقص ائله‌ییردیلر. ال چالیردیلار. ایشینی قورتاریب تئز آیاغا قالخدی. چؤلده ال- اوزونو یویاندا، سوروجو غفیل یانینا گلدی: - اوووو... معللیم! بورداسان؟ من ده بایاقدان سنی آختاریرام! سولئیمان ال- اوز یویاندان باشینی قالدیرمادان تئز اَینینی و بورکونو تاخیب چئوریلدی. هئچ نه دئمه‌دی. کئفی کؤک سوروجو آرتیق اونون ترس‌لیینه اؤیرنمیشدی: - بیر دنه من ده توآلته دَییم، گئدک معللیم. چوخ یوبانمایاق. نه دئییب آتالار؟ یولچو یولدا گرک. سولئیمان ماشینا طرف گئدیب یئنه سیگارت یاندیردی. سوروجو گلن کیمی یولا چیخدیلار. بو دفعه تئز یوخویا گئتدی. گؤزونو آچاندا گؤردویو یئرلر اونا چوخ دوغما ایدی. رایونلارینا چاتمیشدی. دان یئری آغارماغا باشلامیشدی. اوزونده تبسسوم یاراندی. گئنیش اکین ساحه‌لرینه باخدیقجا اوره‌یی ده سینه‌سینده بؤیویوردو‌. اوزاقدا کی نهنگ داغلار کؤلگه کیمی قارالیردی‌. اکین ساحه‌لری‌نین اوستوندن اوچان بوتون قوشلاری تانیییردی: بو شاناپیپیک دیر، بو ساغساغان دیر... ساحه‌ده کی آتلاردان گؤزلرینی چکمیر، بیر طرفدن ده صاحیب‌لرینی آختاریردی. الینده اوزون چوبوقلا ساحه‌ده گزیشن شوخ قامتلی کیمی‌سه گؤرنده، بیلیردی کی، آتین صاحیبی دیر، راحلاشیردی. ماشین سرعتلنمیشدی. یول قیراغیندا کی آداملاری، حیوانلاری 25-جی کادر کیمی گؤروردو. ائله بیل زاماندا سیاحت ائدیردی. آداملار بیر آنین ایچینده گؤرونوب غفیل گؤزدن ایتیردیلر. آغاجلار ایسه داها گئج یوخا چیخیردیلار. سولئیمانا ائله گلیردی کی آغاجلار دا هاراسا گئدیر. او، کنده قاییدیردی، آغاجلار ایسه کنددن باش گؤتوروب قاچیردیلار. *** کنده آز قالمیشدی. گؤزلری دولموشدو. آغلاماماق اوچون اؤزونو گوجله ساخلاییردی. سوروجو ده بونون فرقینه واریب سرعتی آزالتمیشدی کی، بو عینک‌لی، بؤرکلو ترس آدام اطرافا دویونجا باخا بیلسین. سولئیمانین دوز اوتوز ایل ایدی کی، بورالارا آیاغی دَیمیردی... ائله بیل دونَن ایدی، اییرمی یاشیندایدی. عسگرلیکدن تزه گلمیشدی. خرامانی سئویردی. خرامان دا اونو سئویردی. صوبح تئزدن کندین چیخیشینداکی قبریستانلیقدا گؤروشوب باکی‌یا قاچدیلار. ائله بیل دونَن ایدی... خرامانین آتاسی بَی‌لر کیشی دئمیشدی کی ایکی دونیا بیر اولسا دا، حکمتین اوغلونا قیز وئرمه‌رم. بَی‌لر کیشی کندین ان حؤرمتلی کیشی‌لریندن ایدی. مال - مولکونون سایی- حسابی یوخ ایدی. اوچ اوغلو، بیر قیزی وار ایدی. خرامان ائوین ایلک بئشیگی ایدی. کیشی قیزینی اوغوللاریندان دا چوخ ایسته‌ییردی. آمما حکمتین اوغلونا قیز وئرمَمه‌یی‌نین سببی باشقایدی. سولئیمانین آتاسی حکمت کیشی ده ائله بئله آدام دئییلدی. کند ساوئتی‌نین صدری ایدی. بوتون کند اونون سؤزونه تابع ایدی. اونون ایجازه‌سی اولمادان هئچ کیم داش اوستونه داش قویا بیلمزدی‌. هامی اونون یانینا خواهیشه گلیردی. وظیفه‌یه گلندن سونرا لاپ عزازیللشمیشدی. بیر واختلار بَی‌لر کیشی ایله محکم دوست ایدیلار. اوشاقلیقدان بیر یئرده بؤیوموشدولار. سونرا نه اولدو نه اولمادی، هئچ کند جاماعاتی دا بیلمه‌دی، بیر گئجه‌نین ایچینده قانلی- بیچاق اولدولار. گؤرنده بیربیرینه سالام دا وئرمه‌دیلر.
20 may 2025, 23:08

‌ گوزلَنیلمه‌ین بیر قتلین تاریخچه‌سی(حیکایه) ✍یازان: اولوجای آکیف کوچورن: سحرخیاوی حاضیرلایان:ادبیات سئونلر - بلکه، کنده گئده‌سن؟- گازین اوستونده‌کی قازانی قیراغا چکیب آستا سسله دئدی. - نه‌دی؟- سولئیمان آروادی‌نین نه دئدییینی ائشیتسه ده، تکرار سوروشدو. - دئییرم، بلکه رایونا گئده‌سن؟ بیر آی کندده قال، هم دینجل، هم ده بو سؤز- صؤحبت قورتارسین، سونرا قاییت گَل- بو دفعه داها اورکک سسله دئدی. - بوش-بوش دانیشما! من یازیق نئینه‌میشم کی، جاماعاتدان گیزله‌نیم؟!- عصبلشسه‌ده، آروادی‌نین بو مسئله‌ده گوناهسیز اولدوغونو باشا دوشوب، تئز ده یومشالدی،- یئمه‌یی گتیر، دوزه‌له‌جک، سن ناراحات اولما. اوتوز ایل ایدی کی ائولی ایدیلر. سئویب ائولنمیشدیلر. سولئیمان اونو مکتب واختی سئومیشدی. خرامانین دا سئومه‌یی چوخ واخت آلمامیشدی. سولئیمان دؤرد ایل، اونو مکتبدن ائوده اؤتورموشدو. خلوتجه الیندن ده توتموشدو، بیر دفعه ده اؤپموشدو. خرامان یئمه‌یی چکیب اَیلَشدی. جیندیری چیخمیش اسکی ایله اللرینی سیله- سیله ارینه باخدی. سولئیمان آروادی‌نین عصبی اولدوغونو یا حالینا آجیدیغینی توتا بیلمه‌دی. باشینی آشاغی سالیب یئمه‌یینی قاشیقلادی. *** ائله‌جه ائشه‌لندی، او طرفه چئوریلدی، بو طرفه چئوریلدی. گؤزونه یوخو گئتمه‌دی. خرامانین تکلیفی عاغلینا باتمیشدی. ان یاخشیسی، بو مسئله‌لر سنگییه‌نه کیمی گؤزه گؤرونمه‌مک ایدی. هم ده نئچه ایل دیر دوز- عمللی استراحت ائله‌میردی. دیکه‌لیب آروادینی اویاتدی: - خرامان، من گئدیرم. خرامان یاخشی بیلیردی کی اَری اونون تکلیفی ایله راضیلاشاجاق. او دا یاتمامیشدی. سسی یوخولو دئییلدی: - پال- پالتارینی ییغمیشام. چمدانین ایشکافدا دیر. هر شئی قویموشام. قالخیم یوللوق دا قویوم، یولدا آجارسان. خرامان اونون اوچون یوللوق حاضیرلاییردی. سولئیمان سیگارت چکه- چکه احمدلی‌نین بوز بنالارینا، شهرین آددا- بوددا ایشیقلارینی عکس ائتدیرن دنیزه، کله- کؤتور یوللارا، شوتویَن ماشینلارا باخیردی‌. بعضی ائولرین ایشیقلاری یانیردی، بعضی‌لری‌نین یوخ. یولدان تک- توک ماشینلار اؤتوب کئچیردی. هله سحره چوخ وار ایدی. سولئیمان سحر آچیلمامیش کنده چاتماق ایسته‌ییردی. - اوتوبوس‌لا گئده‌جکسن؟ - یوخ، نه اوتوبوس؟ تاکسی دئمیشم، بیرآزدان گله‌جک. - نییه تاکسی دئییردین؟ چوخ باها آپاراجاق. - جهنمه کی، باها آپارسین! جاماعات اوتوبوسدا دا منی گؤروب لاغ ائله‌سین؟ - سون قوللابینی آلیب سیگارتین کؤتویونو دیواردا اَزدی، چیرتما ایله ان اوزاغا آتماغا چالیشدی. سیگارت یئره دوشَندن سونرا خایخیریب بلغمینی ده بوتون گوجو ایله باکی‌یا توپوردو.- دی وئر نه حاضیرلامیسانسا، ردّ اولوم گئدیم، گؤره‌ک باشیمیزا نه گلیر. - یاخشی اولاجاق، اوره‌یینی سیخما! اوزاغی بیر آیا هامی‌نین یادیندان چیخاجاق، - خرامان حاضیرلادیغی یوللوغو سولئیمانا وئردی. سولئیمان قاپیدان چیخاندا آروادینی قوجاقلادی. اصلینده، ائله‌جه یاناغیندان اؤپمک ایسته‌میشدی، آمما بیر ده گؤردو کی خرامانی برک- برک کؤکسونه سیخیب دوداقلاریندان اؤپور. خرامان دا اؤزونو ایتیردی. آخیرینجی دفعه نه واخت اؤپوشدوکلرینی ایکیسی ده اونوتموشدو. اؤپوش اوزاندی...بیر ده اوندا فرقینه واردی کی، اللری آروادی‌نین یومشاق، یومرو اومباسیندا دیر. بیرآز دا سیخمالاییب اللرینی چکدی: - یاخشی، یاخشی، بسدی بو قدر، محاریبه‌یه گئتمیرم کی. بیر آیا گله‌جم اینشاللاه،- گوله-گوله دئدی. - بیلیرم، بیلیرم...- خرامان نفسینی دره- دره دئدی،- اینشاللاه! سالامات گئت. یاخشی اولاجاق. سولئیمان تاکسی‌یه میننده آرتیق باشیندا یئکه، بوز بؤرک، گؤزونده قارا شوشه‌لی ایری عینک وار ایدی. سوروجو ایله ائله سالاملاشدی کی، اوّلدن آرادا پرده یارانسین، بوش بوغازلیغیلا یول بویو اونو ناراحات ائتمه‌سین. *** سوروجو خبرلر بوراخیلیشی‌نین باشلادیغینی ائشیدن کیمی رادیونون سسینی آرتیریب، باشینی آزجآ ساغا اَیدی. " بو گون فضولی رایونونون قوچ احمدلی، چیمن، جووارلی، پیر احمدلی، موسی بیلی، ایشیقلی، دده‌لی کندلری و فضولی شهری آذربایجانین مظفر اُردوسو طرفیندن دوشمندن آزاد ائدیلیب. یاشاسین آذربایجان! قاراباغ آذربایجان دیر! - آی آللاه، سنه شوکور! شوکور! شوکور! گؤزون آیدین سنین ده، قارداش! هامیمیزین گؤزو آیدین!- سوروجو آرخایا چئوریلدی. سولئیمانین سئوینمه‌دیینی گؤروب دوروخدو. ایسته‌دی بایاقدان آغزینی آچمایان، بؤرک و عینک آلتیندا گیزلنمیش موشترینی سؤیسون، آمما اؤزونو ساخلادی. - هه‌...گؤزوموز آیدین. بونو سحردن دئمیشدیلر، بیلیردیم- سولئیمان دیللندی کی سوروجو توختاسین.
20 may 2025, 23:08

photo content
20 may 2025, 23:03

"همت شهبازی" خاطرات دکتر سلام الله جاوید (۲ جیلدده)، شیرازه، ۱۴۰۱ ترجمه، تدوین و توضیح: رحیم رئیس‌نیا اوستاد تدقیقاتچی رحیم رئیس‌نیانین آذربایجان ملی حکومتی‌نین داخیلی ایشلر ناظیری دکتر سلام الله جاوید-ین حیات و اجتماعی-سیاسی فعالیت‌لرینی چئوره‌ین ایکی جیلدلیک #خاطرات‌دکترسلام‌الله‌جاوید کیتابی چوخ شئیلره ایشیق سالیر. کیتابین ایلک جیلدینده تدقیقاتچی‌، دکتر جاویدین فرقه‌دن اؤنجه و سونراکی حیاتی، شاه‌ رئژیمی‌نین تهلوکه‌سیزلیک تشکیلاتی «ساواک»ین پرونده‌سینده اولان فاکتلاری آراشدیریر. ایکینجی جیلد ایسه دکتر جاویدین فارسجا و تورکجه خاطیره‌لری‌نین فارسجایا ترجمه‌سینی احتیوا ائدیر. #آذربایجان‌ملی‌حکومتی داغیلدیقدان سونرا دکتر جاویدله علی شبسترینی خیانتده گوناهلاندیرانلار اولدو. تدقیقاتچی‌، خصوصی ایله دکتر جاویدین ساواک‌ تشکیلاتیندا اولان خصوصی دوسیاسینی اینجه‌لیکله آراشدیردیغی فاکت‌لارا اساسلاناراق دولاییسی ایله وورولان بو خیانت دامغاسی‌نین یانلیش اولدوغونو ثبوت ائتمه‌یه چالیشیر. او، فاکتلارلا گؤستریرکی دکتر جاوید حیاتی بویو فرقه‌ و سورگونلره معروض قالان فرقه عضولرینی اونوتماییر، الیندن گلن یاردیمی دا اسیرگه‌میر. سایین تدقیقاتچی پرونده‌ده اولان ساواک مامورلاری‌نین ان کیچیک راپورلارینی دا گؤزدن قاچیرمیر. دکتر جاویدین مطب یئرینه خسته آدی ایله گئدن ساواک مامورلاری‌نین یازدیقلارینی، اورایا گئدن فرقه عضولری حاقدا گزارش‌لری، دکتر جاویدین اونلارا ائتدییی یاردیملاری، فرقه تشکیلاتینا گیزلیجه رهبرلیک ائده‌رک اونو آیاقدا ساخلاماسینی بو مامورلارین گزارشلرینده گؤرمک اولور. تدقیقاتچی بورایا داخیل اولان گزارش‌لری آراشدیریر. . رحیم رئیس‌نیانین «جاوید»ین «ساواک» اداره‌سینده اولان دوسیاسی‌نین آراشدیرماسیندان بئله چیخیرکی «ملی حکومت»ین باشچی‌لاری، سونراکی دؤورلرده ده اؤزونون حقیقی فدائی‌لرینی اونوتماییر. حقیقی فدایی‌لر ده، بو دولته صادق قالاراق ۵۷.جی ایل انقلابینا قدر داوام ائدیر. بو زامان، انقلابین عموم بشری شعارلاری هر بیر کیمسه‌نی جذب ائتدییی کیمی، ملی حکومت فدایی‌لری ده اؤز مفکوره‌لرینی بو انقلابین چرچیوه‌سینده تاپدیقلارینی ظن ائتدیکلری اوچون گیزلی فعالیت‌لرینی دایاندیراراق انقلابا قوشولورلار. . گیزلی دولتین کناریندا، بلکه ده بیر-بیرلریندن خبرسیز اولاراق گیزلی ادبیات دا حیات سوروردو. گ.صباحی، ح.ساهیر، ب.سهند، م.ع.فرزانه، ب.بهزادی، س.جاوید کیمی‌لرین یازیلاری ال آلتی یاییلیر. بونلارین او دؤور یازدیقلاری‌نین درحال انقلابدان سونرا چاپ اولمالاری دا اونو گؤستریرکی گیزلی ادبیات، گیزلی دولت و گیزلی ملت اؤز ایچ‌لرینه چکیله‌رک آماجلارینی یاشاتمیشدیلار. ملتیمیزده اولان او دؤورکی اراده‌نی  من دئیردیم کی حتتا سونراکی دؤورلرده اولان نسبی سربست‌لیک دؤورونده ده  گؤرمک اولماز. اشغالا معروض قالمیش اؤلکه‌نین دولتی داغیلدیقدا، ملتی ده پَرن-پَرن اولور. دولتی اولمایانلار اوچون ایسه، یئنی بیر کیملیک یونتالایارلار. قایناق: دوشرگه https://t.me/Adabiyyatsevanlar
20 may 2025, 13:46

خاطرات دکتر سلام‌الله جاوید (۲ جیلدده)، شیرازه، ۱۴۰۱ ترجمه، تدوین و توضیح: ✍️ رحیم رئیس‌نیا 📚📚 https://telegram.me/dusharge
+1
خاطرات دکتر سلام‌الله جاوید (۲ جیلدده)، شیرازه، ۱۴۰۱ ترجمه، تدوین و توضیح: ✍️ رحیم رئیس‌نیا 📚📚 https://telegram.me/dusharge1 ☘️
20 may 2025, 13:45

4_6023867868033069200.mp37.61 KB
20 may 2025, 01:01

سخاوت ممد اوف آزاد بیر قوشودوم https://t.me/Adabiyyatsevanlar
20 may 2025, 00:55

photo content
20 may 2025, 00:21

فعالیت لره . بیر سوره "راننده" آدلی بیر گونده لیک قازئتین مودیری اولور و بو درگی تعطیله اوغرادیقدا "مهد آزادی " درگی سینه گئدیب  اوزون ایللر  دونیاسینی دییشه نه قدر او درگی ده چالیشمالارینا دوام ائدیر. اوستاد شیدا باشقا یازیلاری یانیندا بو گونده لیک درگی ده صنعت و ادبیات حاققیندا و خصوصن آنادیلیمزده ، اونودولماز و قالیجی صحیفه لر یاییری . آنجاق بو آرادا مهد آزادی درگی سی نین  یاییلماسیندا حکومتی تصییق لر اساسیندا  بیر  آز مدت ، آخساق لیق یارانینجا " چالیشمالارینی " آذرآبادگان " قازئتینده دوام ائدیری . بو یاشار اینسان ژورنالیستی فعالیت لرینی بوتون چنین لیک لر ه دوزه رک کنارا قویمورو . من لاپ او اوشاقلیق چاغلاریندان یعنی بئش و آلتی یاشلاریندان اوستاد شیدانی یاخین دان تانی یاردیم . نییه کی مهد آزادی مطبعه سی نین صاحیبی و بو درگی نین مودیری رحمتلیک آنامین دایی سی ایدی و قارداشلاریم عیباد و نوروز دا بو مطبعه ده چالیشماق دایدیلار . بو نو دئمک کی "فروغ آزادی " درگی سی ده ائله بو مطبعه ده یاییلیردی و یحیی شیدا هر ایکی درگی نین یازیچی سی ساییلاراق اونون باش یازارلیقی لا تورکجه صحیفه لرله  زینت تاپیر دی وادبیات اوجاغیمیزی یانار ساخلاییردی  . ایران ایسلام اینقیلابی نین ایلک ایل لرینده "آهنی" جنابلاری نین باشچیلیقی لا ، آنادیلیمیزه و ادبیاتیمیزا حورمت بسله ین ادبیات سئوه ر یاشلی و گنج لر" آذریجان شاعیر لر و یازیچی لار جمعیتی نی " یاراداراق "اوستاد یحیی شیدا " بو جمعیتین ادبی محفل لری نین مودیری و مدرسی سئچیلیر و هر جوماخشامی ناهاردان سورا ، تبریزین دانشسرا محله سی نین تربیت کیتابخاناسیندا آردیجیل اولاراق بو جلسه لر دوام ائدیری. بو ادبی جمعیتین شکیل تاپماسیندا  بویوک نقش لری اولان گنج لردن ، ئوزوم دن باشقا حسین فیض الهی وحید ، علیرضا ذیحق ، صدیار وظیفة،  فریدون حصاری و ائولادی رضا حصاری ، باریشماز مراغه ای ، شهرک ، قهرمان خطیبی و سلیمان ثالث دن آد اپارمالی یام . اوستاد شیدا بو شئعیر جلسه لری نین مدرسی اولاراق  اوخونان اثرلری ایسه  تنقید  ائدیردی .  شاعیرلر مجلیسنده حاضر اولان و اوزاق شهرلردن گلن ادبیاتچی لارین سایی دا چوخ ایدی کی بو آرادا "عباس بارز "و  "ستار گول محمدی "   آن اونملی چئهره لردن ساییلیردیلار . حتتا بیرگون شاعیرلر مجلیسی آذربایجان فخری" دوکتور جواد هیئت " ین قدم لری نن برکت تاپاراق دیرلی صوحبت لره و شاهانه بیر جلوه یه شاهید اولدو  . هابئله او گون  تهران دان شاعیر "ساوالان " (حسن مجید زاده ) دا بو جلسه ده دوکتور هیئت له بیرلیک ده حوضورلاری وار ایدی . آذربایجان شاعیرلر و یازیچی لار جمعیتی نین آن دیرلی ایش لرین دن بیری ده "اولکر" آدلی بیر درگینی یایماق ایدی کی تکجه ایکی نمره چیخدی . شاعیرلر مجلیسینده چوخلی شاعیر ، یازیچی و ادبیات هوسکار لاری ایشتیراک ائده رک اونلارین ایچینده  ایران دا "جذام  "  آتا سی ساییلان حکیم ،  دوکتور مبین " ( شیمشک) ده آردیجیل حضور تاپاردی . هابئله " نقابی  ، صمد ظهوری ، نجار اوغلو ، بهرام ائلچین ، رضا ایتگین ، اصغر فردی " و باشقالاری . آنجاق او گونلر و ادبی جلسه لر  ایکی ایل چکمه دن ، تربیت کیتابخاناسی نین و ادب دونیاسی نین  حورمتینی سیندیران  بیر پارا قارا قووه لرین غصبینه و هوجومونا اوغراییب  بوتون ایشتیراکچی لار آغیر کوتکلر و باش _ قول سینمالارلا ، کیتابخانادان قووولدولار .چوخ اوزوجوسوده اوردایدی کی یاشلی و صنعتکار اینسانلار لا بیرلیکده ، اوستاد یحیی شیدا دا آغیر ضربه لر نتیجه سینده یارالی حالدا مجلیسی ترک ائدیر . بو سارسیلماز اینسان ، ۱۳۹۰_ نجی ایلده وفات ائده رک ادبیات سئوه ر لری یاسا و اوزونتویه بوغوب آذربایجان ادبیات سماسی بئله لیک له  ایشیقلی بیر اولدوزونو ایتیریری . ۲۰۲۵م _ استانبول https://t.me/Adabiyyatsevanlar
20 may 2025, 00:06

یحیی شیدا ۱۳۰۳ _ نجو گونش ایلینده تبریزین چرنداب محله سینده دوغولوب بویا باشا چاتسادا کئشمه کشلی بیر حیات یاشاییب دیر . آتاسی
یحیی شیدا ۱۳۰۳ _  نجو گونش ایلینده تبریزین چرنداب محله سینده دوغولوب بویا باشا چاتسادا کئشمه کشلی بیر حیات یاشاییب دیر . آتاسی " حسن یوزباشی چرندابی  " ایدی کی مشروطه موجاهید لرین دن ساییلیردی و تبریزین " صفی الدین " بازاریندا قصاب توکانی وارایدی . یحیی شیدا ایلک تحصیلاتینی ، فقه و دینی علم لر حاققیندا تبریزین "طالبیه مدرسه سینده " بیتیرسه ده ، سونرالار فارس ادبیاتیندا تحصیلینی دوام ائتدیریری و ۴ دیلده دانیشیب یازاراق آلمانییا ، عربجه،  فارسجا و تورکجه دیللرینده  دیرلی بیر اوستاد و بیلگی صاحیبی ساییلیر . یحیی شیدا ۱۳۲۵ _ نجی ایلده دمکرات فرقه سینه قوشولاراق هیجانلی و عصیان بایراغی قالدیران یازی و شعیر لری نن بویوک بیر شوهرت قازانیر . فرقه،  پهلوی استبدادی الی نن یئنیلدیک دن سونرا ، توتولوب ئولدورولمه سین دئیه  دوغما دییارین دان دیدرگین و قاچاق دوشه رک ، تهرانا  گئدیری .  او ایللربویو  تهراندا  گیزلی حیات یاشارکن ، وضعیت یونگول لش دیک ده آتا انا اوجاغی اولان، ئوز شهری تبریزه قاییدیر . امما اوستاد شیدا یئنه بیر سارسیلماز یازیچی کیمی باشلاییر ژورنالیستی
20 may 2025, 00:05

photo content
20 may 2025, 00:02

داش آتمایاق گؤیرچینه ح. هریزلی آغ له‌لک قانا بله‌شر داش آتمایاق گؤیرچینه! آرزیلارى اودا دوشر داش آتمایاق گؤیرچینه! گؤیدن یئره یاغار قارقیش کوسر بولوت یاغماز یاغیش قالار قارا تامارزى قیش داش آتمایاق گؤیرچینه! چؤکمز داها داغا دومان توستویه بورونر زامان چاى-چشمه‌لر قوخویار قان داش آتمایاق گؤیرچینه! طبیعتدن انسان کوسر انسانلاردان وجدان کوسر تانرى دا انساندان کوسر داش آتمایاق گؤیرچینه! سوتون یئرینه کؤرپه‌لر- موشک‌لردن آتوم امه‌ر بیز انسان دئییلیک مگر؟ داش آتمایاق گؤیرچینه! بیر داش بند اولماز داش اوسته بیر بؤرک قالماز بیر باش اوسته قودوز سئون ساواش اوسته داش آتمایاق گؤیرچینه! من سنه سن منه دوشمن صلح اولماسا نه سن نه من انصاف اولسون حؤکوم سورن داش آتمایاق گؤیرچینه. https://t.me/Adabiyyatsevanlar
18 may 2025, 23:21

ایچیمیزی ایشیقلاندیراق تاحالا به دنیا از این زاویه نگاه کردید؟
18 may 2025, 23:20

مرکّب‌لیک ح. هریزلی مرکّب‌لشیر انسان: ایچ دونیاسى آیریلیر اونون چؤل دونیاسیندان. ایچریسى سئچیلمیر باخیشیندان گؤزوندن؛ اونو تانیماق اولمور صؤحبتیندن سؤزوندن. مرکّب‌لشیر انسان: او بعضاً قورد اولالى قویون گئییمینده‌دیر. گاهدا قویون اولالى قورد گئییمى گئیینیر. مرکّب‌لشیر انسان: بعضاً اؤز اوره‌یینده نیفرت بسله‌دییینه محبتله یاناشیر؛ بعضاً ده سئودییندن نیفرتله اوزاقلاشیر. مرکّب‌لشیر انسان: ماسکالى یاشاماغى اؤزونه گره‌ک سانیر، اؤز اینانمادیغینا بعضاً اؤزو اینانیر. مرکّب‌لشیر انسان: بعضاً اولور اؤزوده باشا دوشمور اؤزونو، دؤنگه‌لرده ایتیریر اوره‌یینین سؤزونو. مرکّب‌لشیر انسان: بیر آز ایسینمک اوچون آلولو تونقال آلتدان او ائشیب کؤز آختاریر؛ ساده بیر دویغوسونو دیله گتیرمک اوچون مرکّب سؤز آختاریر. بو مرکّب دونیادان قاچقین گئدیر نه یازیق ساده انسان، ساده سؤز، ساده دویغو، صاف اوره‌ک، ساده باخیش، دورو گؤز مرکّب انسانلارین مرکّب هوسیندن. قوربان اولوم او گونه قورتولا انسان اوغلو اؤز الی‌له قوردوغو مرکّب تله‌سیندن. باهار-۱۳۷۸ https://t.me/Adabiyyatsevanlar
18 may 2025, 23:16

✍: خلیل رضا اولو تورک سن اینجه چیچکلرده‌کی ژاله‌م کیمی گلدین بیر قان باهاسی، باغچاما لاله‌م کیمی گلدین آلدین دا اوجالتدین منی افلاکه اؤزون‌له ائندیک‌ده، موقدّس، یئنی عالم کیمی گلدین دولدوم نفسین‌دن ساچیلان راییحه‌لرده گئتدیک‌ده آپاردین فرحی، غم کیمی گلدین شاهلار منه غبطه‌یله باخیر، ان اولو شاه من چون سن اولو گؤیدن اولو تؤحفه‌م کیمی گلدین بیر قانلی گول آغزین‌دا و مئی کاسه‌سی الده بیر جنّت ایکن، عؤمره جهنّم کیمی گلدین بیرجه تئلینه گؤزلریمین نورو دا قوربان عشقیم، فرحیم، آه ایله ناله‌م کیمی گلدین دونیا باغی قارلی، من اوزولموش قوجا باغبان روحوندا قرنفیل، منه همدم کیمی گلدین غوربت ده، محبّت ده، متانت ده اؤزونسن ییغدین داغینیق گوللری، بیر جمع کیمی گلدین وئردین، آلیب ایچدیم مئیی، کؤنلوم داغا دؤندو داغدان تؤکولَن نورلو شلاله‌م کیمی گلدین عالم‌لره بیلدیر کی، خلیل هئچ زامان اؤلمز، چون اووجوما افسونلو‌ پیاله‌م کیمی گلدین. https://t.me/Adabiyyatsevanlar
18 may 2025, 23:14

عدالت دومان باريشيق صـوٍلحوٍن باريشيغين يالنيـز آديني ائشيديب اينسانلار،گؤره‌ن اوْلماييب اوْنـون بايـراغيني بيـر قـانـاد كيمـ
عدالت دومان باريشيق صـوٍلحوٍن  باريشيغين  يالنيـز  آديني ائشيديب اينسانلار،گؤره‌ن اوْلماييب اوْنـون بايـراغيني  بيـر  قـانـاد كيمـي مظلوملار  اوٍستوٍنه  سره‌ن  اوْلماييب يـانـا -  يـانـا  درده    دؤزه‌ن    آنـايـا اوْغـول  دئييـب  آغلار  گزه‌ن  آنايـا اومـودونـو  اوٍزه‌ن  ،   دوٍزه‌ن   آنـايـا ايللردي موشدولوق  وئره‌ن اوْلماييب سپسه‌لر  بيته‌جك ،  اؤلمه ، ‌ داريني اگر  بيتسـه  بوٍتـوٍن  آجـلار  باريني اوْ نئجه  باغـدي‌كي  بيرجـه  باريني يئتگين بوداغيندان دره‌ن  اوْلماييب؟ بو  دللال  سؤزوٍدوٍر  اينانمـا  كؤنـوٍل دللال    بـازارينـا    دوْلانمـا   كؤنـوٍل هر   يانـان   اوْجاغـا   قالانما   كؤنوٍل صوٍلحوٍن صفاسيني سوٍره‌ن اوْلماييب بـو   خبـر  يـالانـا    دوٍزه    بنـزه‌ييـر آستـاري   گؤروٍنـن   اوٍزه   بنزه‌ييـر عـدالت!    عملسيـز  سـؤزه  بنزه‌ييـر اوْنونچوٍن سينه‌سين گره‌ن  اوْلماييب
17 may 2025, 22:30

رحیم گوزل سوووشاجاق عومروموزون بونالیم‌لی گونلری، ایلک باهارین قوخوسونو آلار-آلماز قار-کوله‌یین ییغیشدیریب کوچون چاتان هر قیش
رحیم گوزل سوووشاجاق عومروموزون بونالیم‌لی گونلری، ایلک باهارین قوخوسونو آلار-آلماز قار-کوله‌یین ییغیشدیریب کوچون چاتان هر قیش کیمی. دوزوملو اول! آلینیمیزین یازیسی‌نین هله، ایلگینج صایفالاری اوخونمامیش. بخته‌ور‌لر بختیمیزین حسرتینی چکه‌جکلر!..
17 may 2025, 22:27

"نادر_الهی" دۆنن گلدی چاتدی ، تزه بیر یازین عطریندن اییندن ، دوْلوُ سئوگیلیم یازمیشدین چوخداندی گلمیر کاغاذین یامان گؤزله‌ییر
"نادر_الهی" دۆنن گلدی چاتدی ، تزه بیر یازین عطریندن اییندن ، دوْلوُ سئوگیلیم یازمیشدین چوخداندی گلمیر کاغاذین یامان گؤزله‌ییرم یوْلوُ سئوگیلیم یازمیشدین تای توُشدا ،کیم گئتدییین‌دن کیمین گئتدییین‌دن ، سن دؤنه- دؤنه بیرده بیر ائلچینی رد ائتدییین‌دن اوُتانا-اوُتانا یازمیشدین یئنه یازمیشدین بس هیجران هاچانا کیمی یازمیشدین،لاپ ایتیب دای خئیریم،شریم من سنه نه یازیم ،تر نانا کیمی آخی افیل ،افیل اسیر اللریم آه او باغ،او بولاق،او یاز آخشامی داشلانیر گؤزۆمدن ، خاطیره‌لرین او گۆن عشقیمیزدن یانیردی هامی بو گۆن نه سَریندی هاوا نه سَرین خزل تک کۆله‌گه  وئردیم بیر به بیر الیمی یاندیران مکتوبلارینی قازدیْم اۆرییمده ،قازدیم بیر قبیر قویلادیم عشقیمین اعتبارینی گئت منی گؤزله‌مه،گئت گؤزل پری قاپیدان قایتارما ائلچی‌لری سن آلنیمی ایسلادیب ، خجالت تری   گئت غربت شهردن ائولنمیشم من
17 may 2025, 22:21

یامان خه طیریمه دیمیسن... https://t.me/Adabiyyatsevanlar
17 may 2025, 06:15

موغان کوچه‌ری‌لرینین کوچمک ریوایت‌لری دانیشیر شاهسون قادینی. (ایمگه‌لر آخاغی)
17 may 2025, 04:58