ادبیات سئونلر

زاهید خلیل: اعلا، چوخ گؤزل، یوخ قارداش سیز اؤز ایشینیزی یاخشی گؤرورسوز. بیزیم ده بوینوموزا دوشور کی، اؤز ایشیمیزی یاخشی گؤرک. ائلناره آکیمووا: من ایسته‌یردیم سئوینج خانیما مراجعت ائدیم. بایاق معاصر دوشونجه‌دن دانیشدیز. باخ، گولزار ایبراهیم‌اووانین «سحرلی دونیا» ژورنالی چیخیر. من آردیجیل آلیردیم اونو اوشاقلارا. سونرا ریحان یوسیف‌قیزی‌نین «یاشیل گؤزلو قیز»، «زامانین اسیرلر» کیتابلاری. بو ژورنال و کیتابلاردا فانتاستیکایا مئییل‌لی متنلر داها چوخ یئر آلیردی. بو جهدلری نئجه قیمتلندیریرسینیز؟ سئوینج نوروقیزی: گولزار ایبراهیم‌اووا فانتاستیک یازمیر، ریحان یوسیف‌قیزی یازیر، اؤزو ده یاخشی یازیر. ائلناره کیمووا: گولزار ایبراهیم‌اووانین ژورنالیندا اوشاقلار اوچون فانتاستیک متنلر ده یئر آلیردی. قشم نجف‌زاد: من او ژورنال ایله، یعنی گولزار ایبراهیم‌اووانین ژورنالی ایله تانیشام. منیم تانیش اولمادیغیم هئچ بیر متن یوخدور. گولزار ایبراهیم‌اووا چوخ گؤزل ژورناللار بوراخیر. اولا بیلسین،کی  متن بیر آز ضعیف اولا بیلر. اورادا مونجوقلاردی  ال ایشلریدی ایللوستراسییالاردیر(تصویر-نقاشی-عکس). بو گرگین بیر ایشدیر. باخ، گؤرورسوزمو  گولزار اونو نییه بوراخا بیلیر؟ اونون هاراداسا ماليّه‌ دسته‌یی وار. ماليّه‌ اولماسا، اونو بوراخا بیلردی؟ اونون نه قدر اوخوجولاری وار؟ اطرافینا نه قدر اوخوجو توپلاییب؟ نه‌یه گؤره؟ ماليّه‌یه گؤره. گئدیر گؤروشلر کئچیریر و س.  هامی اونا «گولزار ننه» دئییر. اونون اوتاغی وار، اوتاغینا گیریرسن اوشاق اویونجاقلاری ایله دولودور. اوشاق ال ایشلریندن اوتاغا گیرمک ممکن دئییل.  ائله بیل اوشاق عالمینه دوشورسن. شهلا قمبرووا: قشم معلّیم، مثلا  بیزیم «گؤی قورشاغی» اوشاق ژورنالیمیز وار.  بیلیرسیز کی، ژورنالین دسته‌یی مدنيّت و توریزم ناظرلی‌یینده‌ندیر. ژورنالی بیز تأسیس ائدیریک کیتاب‌خانا اولاراق. من باش رئداکتورام. سئوینج خانیم رئداکتوردور. اساس متنلرین رئداکته ایشی ایله سئوینج خانیم اؤزو مشغولدور. دئملی، اوردا هر نمره‌ده بیر اوشاق یازاریندان نمونه وئریریک.  معاصر یازاردان یعنی، برپا نشر لایحه‌سینده بیر کلاسسیک یازارا مراجعت ائدیریک. بیر روس دیلینده اثر وئریریک، بیر دنه ده اینگیلیس دیلینده خارجی ادبيّاتدان. نییه؟ چونکی مختلف کاتئقورییالی اوخوجولار وار. انگلیس دیلی تمایل‌وندا اوخویان اوشاقلار وار.  روس دیلینده اوخویان اوشاقلاریمیز وار کی، اونلار دا اؤزلرینه اویغون اثرلری هئچ اولماسا ژورنالدا تاپا بیلسینلر. بیر ده بیز ژورنالیمیزدا هر دفعه‌ اوشاقلار آراسیندا، یعنی استعدادلی اوشاقلار وارسا، کیمین‌سه اثری، یازیسی وارسا، شعری وارسا، سئوینج خانیم نظارتدن کئچیریر. یعنی اوشاغا باشا سالا بیلیریک کی، بونو بئله یازسان، داها یاخشی اولار.  اوشاقلارین دا یازیلارینی وئریریک. آمّا بیر دفعه‌،وئریریک  بونون دالی گلمیر، بیز دولت قورومویوق آخی. بایاق دئییرسیز گولزار خانیم، گولزار خانیم مستقل فعالیّت گؤستریر. او، بو گون بوردادیرسا، صاباح گئدیب شمکیرده اولا بیلر. یعنی مستقل‌دیر ژورنالی. آمّا بیز دولت قورومویوق. یعنی بیز ایش یئریمیزی ده آتیب هانسی‌سا ژورنالین دالینجا گئده بیلمریک. آنجاق چالیشیریق کی، متمادی اوشاقلارین شعرلرینی وئرک. مثلا، بایاق دئدیم علمدار معلّیم، اونون شعرلری چوخ گؤزه‌لدیر. قشم نجف‌زاد: اوشاق عالمینه تزه بیر ژورنال دا گلیب. «تئاس پرئسس» نشریّاتی‌نین‌دیر. آرتیق اونون ۱ نمره‌سی چیخیب، ۲-جی نمره‌سی چاپ اولونور. ماراقلی ژورنالدیر. من بیر شئیی دئییم. ایسوئچره‌ده(سوئیس) بیر اوشاق یازیچیسی وار، مشهور بیر.یازیچیدیر. اونون آد گونونه دونیا اوزره مکافات کئچیریلیر. مبلغ ده ۳۰۰ مین دولاردی. بو ایکینجی نوبل مکافاتیدی. اونلار مکتوب وئریبلر آذربایجانین سفیرینه کی، بو مکتوبو چاتدیر آذربایجانا. آذربایجان یازیچیلارینی بیز قئیده آلاق. سونرا اونلار اورادا ایشتیراک ائله‌سینلر.   شهلا قمبر اووا: بوردان بیر نفر بیزیم یازیچی اؤز اثرینی گؤنده‌ریب همین مکافاتا. ایسوئچره‌نین سفیری ایسوئچره‌دن بیزه زنگ ائله‌دی. ائلناره آکیمووا: کیمدیر او؟ شهلا قمبرووا: قشم عیسی‌بیلی. اؤزو اؤز اثری‌نین کیتابی‌نین تقدیماتینی وئریب، گؤنده‌ریب. بیز  بئین الخالق اوشاق کیتاب شوراسی‌نین عضوو اولدوغوموز اوچون و اورانین ملّی شعبه‌سی اولاراق آذربایجاندا فعالیّت گؤستردیییمیز اوچون هر ایل اورا عضولوک حاقی کئچیردیریک. بیز تقدیمات وئرمه‌سک، اونلار او اثری گؤتورمه‌یه‌جک. زاهید خلیل: قشم عیسی‌بیلی‌نین کیتابی‌نین نتیجه‌سی نئجه اولدو؟

زاهید خلیل: بو پروبلئمدن دانیشماق چوخ چتیندیر. بیزیم بو گونه قدرکی ادبيّاتیمیزی یئنه آ-چوخ قوجالاریمیز چیینینده گتیریب. باخ  الله رحمت ائله‌سین  فیکرت صادیغا. نه گؤزل شعرلر یازیب. خانیم‌آنا علی‌بیلی، ایلیاس تاپدیق. من گلنده اؤز اؤزومه فیکیرلشیردیم، دولت مکافاتی آلدی «مستان گونر». او بؤیوک شاعردیر. بیز بونلاری بایاق دئدییینیز ائمبلئم‌لر شکلینده چاپ ائله‌مه‌لی‌ییک. دولت مکافاتی‌دیرسا، ائله دولت مکافاتینی وورمالیسیز اورا کی، منیم بئله بیر اوشاق یازیچیم اولوب. واللاه من اونون شعرلرینی اوخویاندا حئیرته گلیرم. قشم نجفزاد: بؤیوکلر اوچون ده گؤزل شعرلری وار. زاهید خلیل: بیر دنه شعری واردی، ص وورغونون آدینا چیخیردیلار. ائله ایندی ده ص‌. وورغونون آدینا چیخیرلار. «من کی آپارمادیم شئحلی بنؤوشه، چؤللرده بیتمیشدی، چؤللره قالدیم».  من بونا دئییرم کی، آی کیشی، بو سنین شعریندیر، نییه اعتراض ائتمیرسن؟ دئییر کی «صمدین آدییلا دئییرلر ده، لاپ یاخشی». یعنی او،چ سسلرین، سؤزلرین هارمونییاسی منه ائله گلیر کی، یئنه ده او بؤیوک یازیچیلاردا، یعنی یاش اعتباری‌له قوجالارین چیینینده داشیندی. شهلا قمبرووا: علمدار معلّیمین اؤزونون ده قشنگ شعرلری وار. قشم نجفزاد: علسگر علی اوغلو  کندده یاشاییر. زاهید خلیل: علسگر علی اوغلو چوخ گؤزل شاعردیر. عالمزر علیزاده وار، یاخشی شاعردیر. «ادبيّات قزئتی»نده ممد نامازین بیر حکایه‌سینی اوخودوم، چوخ گؤزل حکایه‌ ایدی. من ائله حساب ائله‌دیم کی، آمریکا یازیچی‌سی‌نین حکایه‌سیدیر. قشم نجفزاد: بو یاخینلاردا بیز ده، زاهید معلّیم «آذربایجان» ژورنالیندا بؤیوک بیر اوشاق صحیفه‌‌سی وئردیک. آنار معلّیمین ده چوخ خوشونا گلمیشدی چ. آذر توران: ائلناره خانیمین سوالی ادبيّاتشوناسلیق باخیمیندان چوخ جدّی سوالدیر. مثلا  ترکیه ادبيّاتیندا احمد هاشیم وار. سیموولیزمین ان گؤرکملی نماینده‌سیدیر. شعرلرینده آخشام رنگلری، گئجه رنگلری، آخشام و گئجه رنگلری‌نین والیورو چالاری حدسیز-حسابسیزدیر. اوندا گئجه‌نین مین بیر رنگ .وار. آمّا بیزده عباس صحّت‌ین سحر رنگلری هاشیمین گئجه رنگلریندن مین قات آرتیقدیر. افکت‌لیدیر. «اود توتوب قیرمیزی آتشله یئنه یاندی اوفوق، شفقین قیرمیزی رنگیله ایشیقلاندی اوفوق»...  بئله بیر شعری اوخویان اوشاغین دوشونجه‌لری‌نین ائستئتیک طرفی ده تعمین اولونور.  زاهید خلیل: آذر معلّیم  «ادبيّات»قزئتی آیری-آیری شعرلری وئریر، تحلیل‌لرینی وئریر، اوشاق ادبيّاتیندان دا شعرلرین تحلیلینه یئر وئرسه‌نیز اعلا اولار. آذر توران: طبیعی کی، بو دا اولاجاق. زاهید خلیل: او دا بیر خدمت‌دیر. بیری‌نین شعرینی وئریرسیز، سونرا ایکی راکورسدان باخیرلار. چوخ ماراقلیدیر. آذر توران: بیز  سئوینج خانیما اوشاق صحیفه‌‌سی حاضرلاماغی تکلیف ائله‌میشدیک. بیزی یاری یولدا.چ قویدو. سئوینج نوروقیزی: یوخ یوخ، من ائله بیلدیم سیز وئرمک ایسته‌میرسیز. ۲-۳ نمره چیخمادی. من ائله دوشوندوم، یئنه ده یازاجام. قشم نجف‌زاد: ائلناره خانیم، اصلینده اوشاق ادبيّاتی حاقیندا دئدیییمیز پروبلئملر کی وار، بو بؤیوک ادبيّاتدا دا بئله‌دیر. علمده ده بئله‌دیر، رساملیقدا دا بئله‌دیر. آیگون باغیرلی: بؤیوک یازارلارین اوخوجو پروبلئمی وار، او یازیچیلار شیکایت ائله‌یه بیلرلر کی، یازیریق اوخومورلار. آمّا اوشاق یازارلاری‌نین بونو سؤیله‌مه‌یه حاقلاری یوخدور. عکسینه  اوشاقلار ایندی بو دقیقه گؤزل نمونه‌لره تامارزیدیرلار. اوتوروب گؤزله‌ییرلر. مثلا  بیزده ائوده ده اوشاق وار. گونده یئنی اثر ایسته‌ییر. وئره بیلمیریک. من اثر تاپمیرام. بوتون یازیچیلار ایسته‌یردی کی، ائله اوخوجولاری اولسون. اوخویوب ائله گؤزل فیکیرلر یورودورلر کی. آدلارینی چکمیرم، بو یاخینلاردا اثر آپارمیشدیم، اوخویوب دئییر کی، «آنا  بیلیرسن نه تاپمیشام، بو حکایه‌ ایله حاق وئردییئوین حکایه‌سینی اوخودوم. سون جمله‌‌لری عینیدیر «تزه چیخیب اثر». یعنی کی، اوشاقلار هم ده تندیقچی‌دیرلر. گله‌جه‌یین تنقیدچی‌سی‌دیرلر، ادبيّات شوناسلاریدیرلار. اوشاقلارین ایچینده اوشاق یازارلاری دا وار، یازیچیلار  شاعرلر ده وار. عینی زاماندا اده بیییتاشوناسلار دا او اوشاقلارین ایچیندن چیخاجاقدیر. او اوشاقلارین ائستئتیک ذوقونو فورمالاشدیرماق اوچون بو گون اونلارا گؤزل اثرلر وئرمه‌لی‌ییک. قشم نجف‌زاد: او اوشاغین یانینا اثری نئجه آپاراق؟ آیگون باغیرلی: من ائله بایاق اونو دئدیم کی، مکانیزم اولمالی‌دیر بیزده. آذر توران: مکانیزمدن اوّل ماراقلی،  مکمّل متن‌لر اولمالیدیر. او متنلرین اؤزو عنوانینی تاپاجاق. مثلا، «ادبيّات» قزئتی‌نین نمونه‌سینده یئری گلمیشکن، آذربایجانین ائله بؤلگه‌لری وار کی، ایکی ایل اؤنجه‌یه قدر اورالارا «ادبيّات» قزئتی‌نین بیر نئچه نسخه‌سی گئدیب چیخیردی. آمّا بو گون همین نسخه‌لرین سایی یوزلرله دیر. بو ائله حاقیندا دانیشدیغیمیز یاخشی متنلرین حسابینا باش وئردی.

اوشاق ادبیاتی اوشاق ادبيّاتی‌نین پروبلئ «ادبيّات قزئت»نین موذاکیره‌سی کوچورن:«ویدا حشمتی» حاضیرلایان:«ادبیات سئونلر» اوچونجو بولوم vida: ساده‌جه، من او شورانین ییغینجاغیندا جاوان یازارلاری و جاوان رساملاری دعوت ائله‌یه‌بیله‌رم. ایسته‌نیلن دولت قزئتینده، یعنی کیم کی، بو ساحه‌‌یه باخیر، اوشاق ادبيّاتی ساحه‌‌سینه باخیرسا، بیز مذاکره ائدک، من کئچن ایل تکلیف ائله‌دیم کی، گلین رئسپوبلیکادا بئله بیر آددیم آتاق، کؤچرلی هولوقرامینی تأسیس ائدک، کؤچرلی مکافاتی تأسیس ائدک، آز مقداردا ۲۰۰ مانات اولسون، ۳۰۰ مانات اولسون. قشم نجف‌زاد: یئنه ده ماليّه‌ گؤردون؟ شهلا قمبرووا: اونو من وئره‌رم  قشم معلّیم. سئوینج نوروقیزی: شهلا خانیم هئچ اولماسین ماليّه‌. شهلا قمبرووا: توتاق کی، منیم کیتابیمی قشم معلّیمین، زاهید معلّیمین کیتابینی چاپ ائله‌یین، اونو دا وورون اوستونه. او مکافات تصدیقلنمه‌لیدیر. او هولوقراملا  تصدیق اولونموش هولوقرام اولمالیدیر. هانسی کیتابلارا کی، احتیاج وار، چاپدان چیخیب و آرتیق تیراژا احتیاجی وار، بیز او خصوصی هولوقرامی ووراق. قوی ایلده ۱۰ دنه کتاب چیخسین. او هولوقراملا، والدین ده بیلسین کی، اوشاغینا نه آلسین. آیگون باغیرلی: بیزده ادبيّات اینستیتوسوندا «ایلین ادبی یئکونلاری»   یارادیجیلیق مشاوره‌لری کئچیریلیر. سون ۳ ایلدیر بورادا اوشاق ادبيّاتی حاقیندا خصوصی معروضه وئریلیر. اوشاق پوئزییاسی دا منده‌دیر. من پوئزییا نمونه‌لری اوچون زاهید معلّیمه زنگ ائدیرم، استولونون اوستونده، سیییرمه‌سینده نه وار، اونو وئریر منه. حتی ال‌یازما شکلینده. سئوینج خانیما زنگ ائدیرم. «کاسپی» قزئتینده ۲ شعری چیخیبدیر. کئچن ایل بیر دنه شعر کیتابی اولمادی سیزده. اژدر آغایئوین بیر دنه شعر کیتابی چیخمیشدی، او دا ایللر بویو یازدیقلارینی توپلاییب نشر ائله‌میشدی. یعنی من بدیعی نمونه تاپمیرام کی، اونون حاقیندا دانیشیم. یوخدور، شعر یوخدور. زاهید خلیل: عذر ایسته‌ییرم. اونونلا علاقه‌دار من ایسته‌ییرم ائلناره خانیم اونو ممکون‌دیرسه، قئید ائله‌سین.  چمن آکادمیانین او تدبیرینی خصوصی‌له تقدیر ائدیرم. حقیقتاً، عیسی معلّیم گلندن سونرا اوشاق ادبيّاتی ایله باغلی آردیجیل مشاوره کئچیریلدی. سونرا او ۲ جیلدلیک کی، مستقیل‌لیک دؤورو آذربایجان ادبيّاتی چیخاریلدی، اورادا اوشاق ادبيّاتی حاقیندا چوخ گئنیش یئر وئریلیب. گونای قارایئوا آدلی مولف یازیب. بوتون بونلار هامیسی اونو گؤستریر کی، آکادمیا بو ایشه چوخ جدّی شکیلده یاناشیر. بیلیرسینیز، بیز بو ادبيّاتا اگر چوخ جدّی باخیریقسا، اولان نایلیّت‌لریمیزی ده حؤکماً قئید ائله‌مه‌لی‌ییک‌ آکادمیانین او ایشینی قئید ائله‌مک لازیمدیر. قشم نجف‌زاد: اساس متندیر. الله حاقی  ایستر بؤیوک کیتابی اولسون، ایستر اوشاق کیتابی اولسون، ۱-جی مصراع‌سینا باخان کیمی قاتلاییب قویورام قیراغا. گؤرورم کی، بونون ادبيّاتا دخلی یوخدور. باخ  متن‌له دیداکتیکانین فرقینی دئییم. تئلئویزییالارین بیرینده «اوشاقلار یالان دانیشا بیلرلرمی»، عمومیّت‌له، یالان نه‌دیر، دانیشیرسینیزمی موضوع‌سوندا وئریلیش گئدیردی. اوشاقلاری دا ییغیبلار اطرافیمیزا. بیز ده اکسپرت، پسیخولوق و من ۳ نفریک. آپاریجی دا میکروفونو گتیریر اوشاغا کی، «یالان دانیشمیسان‌؟» اوشاق دئییر یوخ چ. آرتیق بو، بو گون بیزیم ادبيّاتیمیزی باشینا گؤتورن همین او دیداکتیک محصولدور. اونون او «یوخ» دئمه‌یی. وئریلیش جانلی گئدیردی، قیز او یانا گئدن کیمی یاواشجا بونا دئدیم کی «سن هئچ یالان دانیشمیسان؟» دئدی «هه». دئدیم نییه؟  دئدی گولدانی سیندیرمیشدیم، آناما دئدیم کی، قارداشیم سیندیریب. دئدیم بس سن دوزونو دئسن نه اولاردی؟ دئدی آنام منی اؤلدوره‌جکدی. اوشاق متنی بودور. باخ بو اوشاقلا خلوتی صحبتیم  ادبيّات نه دیر؟ خلوت اوبرازلا صحبت ائله‌مک. آمّا او قیزین دئمه‌یی کی، «یالان دانیشمیسان؟» بو دا دئییر «یالان دانیشمامیشام». «بلی اوشاقلار  یالان دانیشمایین، یالان پیسدیر» -  بو آرتیق بو گون ادبيّاتیمیزی باشینا گؤتورن بیر محصولدور. اوندان جانیمیزی قورتاراق. ائلناره آکیمووا: من ایسته‌یردیم یئنیدن یارادیجیلیق پروبلئملرینه قاییداق. زاهید معلّیم، آیدیندیر کی، بیر اثرین مطالعه‌سیندن آلینان تأثّرات نه قدر گوجلو اولورسا، همین اوشاغین ائستئتیک دویوموندا، حیاتی درکینده بیر او قدر رول اویناییر. مثلا  بئلینسکی‌نین ده بیر فیکری وار کی، اوشاق اوچون منطقی آردیجیلیق سبب نتیجه لازیم دئییل. اوشاق اوچون اوبرازلار، سسلر و رنگلر لازیمدیر. بو گون یارانان متن‌لرده مثلا، قارشینیزا چیخان، اوخودوغونوز متن‌لرده رنگلرین و سسلرین هارمونییاسی نه درجه‌‌ده قورونور؟ رئالیزه‌سینی تاپا بیلیرمی؟

اوشاق ادبیاتی اومای خانیم «ایتمکدن‌، ایت اولماق یاخشیدیر» عمومی یئرلرده، اوشاقلاریمیزدان چوخ گؤز اولمالییق. ائکیز بالالاریم ایکی و اوچ یاش اولاندا، عمومی شلوغ یئرلرده، اؤزللیکله هاوالیماندا فنری قولباغی قوللانیردیم. هم چمدان واریدی، هم کشف ائتمک، قاچماق و اؤزللیکله برقی پله عاشیقی اولان ایکی بالاجا اوشاق. ایران و بعضاً تورکیه ده انسانلارا عجیب گلیردی و یا بعضاً «اوشاقدی، یا ایت دی؟» کیمی آتماجالار آتیردیلار، آما «ایتمک دن، ایت اولماق یاخجیدی» جوابلاییردیم شوخلوقلا. آما گئرچکدنده بالالاریمین ایتممکلری، و ساغلیقلی گئدیب گلمکلری منیم اوچون انسانلارین نه دئیجکلریندن داها اؤنملی ایدی.

اوشاق ادبیاتی بالاجا قارابالیق۷ یازار:« صمد بهرنگی» چئویرن:« منیژه جم‌نژاد» 🐠  نارین بالیق آغلاماغینی کسیرکن، بالیق دئدی:" من بالیق اودانی اؤلدوروب بالیقلاری قورتارماق ایستیرم، آما اونجه سنی ائشیه گؤندرمه لیم، روسوایچیلیق چیخارمیاسان دئیه." نارین بالیق دئدی:" سن کی اؤزون اؤلورسن، نئجه بالیق اودانی اؤلدوره بیلرسن؟" بالاجا بالیق خنجرین گؤستریب دئدی: ائله بو ایچری دن، قارنینی سؤکرم، ایندی ائشیت گؤر نه دئییرم: من ترپنیب اویان بویانا گئده جاغام، بالیق اودان قیدیقلانسین دئیه، آغزین آچیب قاه قاه گو٘لنده سن آتیل ائشیه." نارین بالیق دئدی:" سن اؤزون نئجه؟" بالاجا بالیق دئدی:" منی دو٘شونمه. من بو ذاتی قیریغی اؤلدورمسم، ائشیه چیخمارام." قارابالیق بونو دئییب باشلادی ویرنیخیب اویان بویانا گئدیب، بالیق اودانین قارنینی قیدیقلاماغا. نارین بالیق، بالیق اودانین قورساغینین آغزیندا حاضر دورموشدو. بالیق اودان آغزینی آچیب قاه قاه گولونجه،  نارین بالیق  ائشیه آتیلیب اکیلدی، بیر آز سونرا سویا دوشدو، آما هر نه گؤزله دی قارابالیقدان خبر اولمادی. بیردن گؤردو بالیق اودان بورولور، باغیریر، تا کی ال آیاق چالیب آشاغی گلیب، شالاپ سویا دوشدو، گئنه ال آیاق چالیب، سونرا حرکتدن دوشدو، آما بالاجا قارا بالیقدان خبر اولمادی، ایندیه جه ده هئچ خبراولمییب... قوجا بالیق ناغیلین قورتاردی، اون ایکی مین بالالار نوه لرینه دئدی:" داها یوخو واقتی دیر اوشاقلار، گئدین یاتین." اوشاقلار، نوه لر دئدیلر:" بویوک آنا! دئمه دین او نارین بالیق نئجه اولدو." یاشلی بالیق دئدی:" او دا قالسین صاباح گئجه‌یه. ایندی یاتماق واقتی دیر، گئجه نیز خئیرلی!" اون بیر مین دوقوز یوز دوخسان دوقوز بالاجا بالیق گئجه‌نیز خئیرلی دئییب گئدیب یاتدیلار. بویوک آنا دا یاتدی. آما بالاجا بیر قیرمیزی بالیق هر نه چالیشدی، یوخلایانمادی. گئجه سحره جن دنیزی دو٘شونوردو... سون💧 https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

اورتا یاشلی کیشی بئله دئدی: -  علی داواخاناچییام. دوه چیده ابن سینا دواخاناسی منیمکیدی. ایکی گون قاباق قیزیم مرصاد عملیاتیندا اؤلوب، بولار بوگون گلیب منی توتوبلار. آروادیم ائشیدیب سکته ائله ییب. علی کیشینین بو آجیناجاقلی دورومو اؤز دردیمی ده یادیمدان چیخارتدی. آغیر بیر عذاب روحوما چؤکدو. گؤز یاشلاریم یاناقلاریمی یاندیریردی. دئدیم: -  چوخ چتین آنیلاردی. سنی باشا دوشورم، آمما نگران اولما، سنی بوراخارلار. علی کیشی یئرینده دیکلنیب دئدی: -  آتام فرقه چی ایدی. فرقه دن سونرا اونو تبریزده آسدیلار. بیز قاچاق دوشدوک. ایندی ده بئله.  منه اولان اولوب، بوندان آرتیق نه اولاجاقدی؟ بوراخیرلار بوراخسینلار، بوراخمیرلار جهنمه گورا؛ اصلن ایندی گلسینلر آپارسینلار منی ده آسسینلار ... انفرادی سئللول ایدی. حتتا بیر ایستکان سو دا یوخ ایدی علی کیشینی آراملادام. علی کیشی بیر هفته منه قوناق اولدو. آپارمامیشدان بیر گون قاباق بئله دئدی: -  ائوده یئددی حووض بیر- بیرینین ایچینده دوزتمیشم. آزادلیق گونو حووضلاری شرابیله دولدوراجام. فواره لریندن شراب یاغاجاق. اؤلمه سک قالساق، سنی بیر گون او فواره لرین کناریندا قوناق ائده جم. اوچ ایل سونرا بیر گون او فواره لرین یانیندا علی کیشی‌یه قوناق اولدوم. قیپ- قیرمزی شراب علی کیشینین اؤز الینین ایشی‌ایدی. یاناقلاریمدان آلوو قالخیردی، باشیمدان توسدو... دوز بیر ایلدن سونرا همن ائوه بیرده یولوم دوشدو. علی کیشینی سحر اذانیندان قاباق آسمیشدیلار. جاماکیدا قارایا بویانمیش دؤرد شکیل منه زیللنمیشدیلر. علی کیشی دوز گؤزلریمین ایچینه باخیردی؛ قیزینین اوزونو گولوش آلمیشدی؛ اوغلو ایله آروادی گؤزلرین مندن اوزموردولر. فواره لردن ایستی قیپ- قیرمزی قان سوزوردو... https://t.me/Adabiyyatsevanlar

«کریم قربانزاده» قان چاناغینداکی شراب بیرینجی شراب آبادانین موحاصیره‌سینی سیندیراندان سونرا بهمنشیر چایینین کنارینا کؤچموشدوک. جماعات بمباردیمانلاردان آماندا قالسین دئیه، جانین گؤتوروب، ائو- ائشین بوراخییب قاچمیشدیلار. ایندی بو ائولر قیریق قوشونون ایستراحت مکانی اولموشدو. تزه قارانلیق دوشموشدو. دوستوملا برابر خورمالیغین اورتاسینداکی گؤیلره باش قالدیران خورما آغاجلارینین پناهیندا یئرلشن گؤی قاپی- پنجره لی بیر بینادا مسکونلاشدیق. یئنی ائوین هر یئرینه باش چکیردیک. ائوین دیبینده ساندیقخانا کیمی بیر یئر وارایدی. قارانلیقدا اللریمی اویان بویانا سورته- سورته بیر کوپه راست گلدیم. آستاجا کوپون آغزینی آچدیم. اشاره بارماغیمی کوپون ایچینه سوخدوقدا بارماغیمین یاش اولدوغونو حیس ائتدیم. بارماغیمی بورنوما یاخینلاشدیردیم؛ خورما شرابینین عطری بورنومو دولدوردو. بیر آیا جاق هر آخشام ایکی یولداش آداما بیر پیالا شرابدان ایچیردیک. ایلک اؤنجه ائوصاحبینین ساغلیغینا، سونرا بالالاریمیزین ساغلیغینا و .... شرابین کوپونون دیبینه داش آتاندان سونرا بهمنشیردن کؤچمه لی اولدوق. ائوی تر- تمیز سیلیب سوپوردوکدن سونرا ائو صاحابینا بیر مکتوب یازدیم: تانیمادیغیم دوست! مجبوریت اساسیندا بیر آی سنین ائوینده ساکین اولدوق. شرابیندان باشقا هئچ بیر شئیه ده یمه میشیک. کئشگه هئچ زامان جنگ اولمایا، سن ائوینه قایداسان، خورما آغاجلاری چیراق کیمی یانا و سن خورما شرابی قویاسان؛ بهمنشیر گون باتان نغمه سین چالا و دونیا شنلیکدن کئفلنه... ایکینجی شراب 62-نجی ایللرده، او آغیر آجی، عذابلی گونلرده توتوقلانمیشدیم. ایکی ایله یاخین انفرادی سئللولدا ساخلانیلدیقدان سونرا بیر گون سحر چاغی زیندانین «بند شهرستان»ینا تحویل وئریلدیم. بو بندده دوستلاریم دا اولوردولار. قاپیدان گیرجک دوشمن ائوینده دوستلاریم دؤوره‌له‌دیلر: اللر سیخیلدی؛ اوره کلر گوپ گوپ دؤیوندو؛ گؤزلر یاشالدی؛ اؤپوشلر یاغیش کیمی یاغدی... بیر آزدان آرا بره خلوتلشدیکدن سونرا اسکی بیر دوستوم منی اوتاغینا آپاردی. اؤز به اؤزوموز بیر یغیوا قوردوق؛ بیر آن دایانمادان هرزاددان دانیشدیق. بیردن اسکی دوستوم دئدی: شربت ایچیرسن؟ من دونوخدوم. دوستلار قاه قاها چکیب گولدولر. آلتی بالاجا ایستکان گیزلینجه سینه زینداندا قویولان شرابدان سوزدولر؛ آزادلیق نامینه، یولداشلیق آدینا ایستکانلاری قالدیردیق... اوچونجو شراب شهرستان بندینده قالماغیم بیر او قده ر چکمه دی. معتادلارین موقت بندینه تبعید اولدوم. اوتاقلاردا بوش تخت اولمادیغی اوچون یئر آچیلانا کیمی زیندانی‌لر الیندن قیمیلدایان بندین کریدوروندا یاتمالی ایدیم. کناریمدا آریق، جانسیز بیر معتاد یاتیردی. چوخ ادب و نزاکتله دانیشیردی. بیردن دئدی: -  باغیشلایین جناب، سیزدن بیر سوز سوروشا بیله رم!؟ چوخ مئیلسیز دئدیم: -  بویورون. دئدی: -  سیزین ظاهیرینیز دانیشیغینیز نیشان وئریر منقل قوشونوندان دئییل‌سینیز. نه عجب بوردا؟ مختصر باشیما گلنلری دانیشدیم. منی ائشیدندن سونرا دئدی: -  باخ گور منی تانیرسان؟ بیرده قیافه سینه دیقت ائله دیم. بیرزاد خاطیریمه گلمه دی. دئدیم: -  یوخ، واللاه تانیمادیم. دئدی: -  من شاه زمانی وزیر ایدیم، آموزش پرورشین وزیری... باشینا گلنلری منه سؤیله دی. موقعیتلریمیزدن آسیلی اولمایاراق دانیشیقلاریمیز بیر- بیریمیزه خوش گلیردی. او آموزش پرورشدن، درباردان نئجه اعتیادا چکیلمه سیندن دانیشیردی، من ده باشیمیزا گلنلردن. اوچ- دؤرد گون بئله کئچدی. اوتاقلارین بیرینده یئر آچیلدی. وزیری آپاردیلار اوتاغا. من هله کریدوردا قالیردیم. آیریلاندا دئدیم: -  منیم بیر بالاجا دبه انجیر مورباسی واریمدی. سنه مندن چوخ لازیمدی. موربانی اونا باغیشلادیم. ایاق اوسته بیر ایکی قاشیق یئدی، چوخ خوشو گلدی. دئدی: -  بیر شرط ایله قبول ائدیرم. دئدیم: -  نه شرطی؟ دئدی: -  نومره می وئریرم سنه، اؤلمه سک قالساق، بوردان قورتولساق، عوضینه سنه ایکی شوشه نئچه ایللیک شراب وئره جم. اولان اولدو، کئچن کئچدی. ایندی سربست بوراخیلمیشیق. وزیر وعده سینه عمل ائدیب، بازار آغزیندا قارا موشامبایا بوکدوگو ایکی شوشه‌نی منه وئردی...  . دؤردونجو شراب - قان چاناغی بیر گئجه ساعات اوچ میزانی ایدی. زیندانبان تاراق- توروق ایله سئللولومون دمیر قاپیسینی آچدی. آریق، اورتا یاشلی، اورتا بویلو بیر کیشینی سئللولا ایتله دی. اوستونه بیر پتو آتیب، قاپینی شاققیللتی ایله باغلادی. بیر نفری چوخ چتینلیکله اؤزونده یئرلشدیرن دار- دودوک سئللولدا یان-یانا اوزاندیق. سؤزدن باشقا بیر زادیمیز یوخویدو بیر- بیریمیزه وئرمه یه؛ اونو دا قورخا- قورخا، مین ملاحظه ایله دیله گتیرملی ایدیک.

✍️:«توفیق_فیکرت» آذربایجان آدیم_آدیم آزادلیق قوربانسیز  اولمور. نئیلیه سن، قانسیز اولمور. هر بیریمیز بیر اوغولوق. اوغول اوچون ، نوه اوچون آزادلیغا گئدن یولوق. یولا دونوب بو تورپاغا دوشه نیریک، اوزانیریق. قانیمیزین باهاسسینا بیز آزادلیق قازانیریق. آزادلیغا گئدن یولدا بیر آددیمدی منیم آدیم آزادلیغا گئدیر وطن شهید- شهید، آددیم- آددیم ! https://t.me/Adabiyyatsevanlar

« احد فرهمندی» ادبیات سئونلر گوزگوسونده ایکینجی بولوم 1402/7/4 چکیلیش:«مرجان منافزاده» آپاریجی:«کریم قربانزاده» https://t.me/Adabiyyatsevanlar

« احد فرهمندی» ادبیات سئونلر گوزگوسونده ایکینجی بولوم 1402/7/4 چکیلیش:«مرجان منافزاده» آپاریجی:«کریم قربانزاده» https://t.me/Adabiyyatsevanlar

« احد فرهمندی» ادبیات سئونلر گوزگوسونده ایکینجی بولوم 1402/7/4 چکیلیش:«مرجان منافزاده» آپاریجی:«کریم قربانزاده» https://t.me/Adabiyyatsevanlar

« احد فرهمندی» ادبیات سئونلر گوزگوسونده ایکینجی بولوم 1402/7/4 چکیلیش:«مرجان منافزاده» آپاریجی:«کریم قربانزاده» https://t.me/Adabiyyatsevanlar

« احد فرهمندی» ادبیات سئونلر گوزگوسونده ایکینجی بولوم 1402/7/4 چکیلیش:«مرجان منافزاده» آپاریجی:«کریم قربانزاده» https://t.me/Adabiyyatsevanlar

« احد فرهمندی» ادبیات سئونلر گوزگوسونده ایکینجی بولوم زمان: سه شنبه 1402/7/4 ساعات: 10 طراح:«تانیش» چکیلیش:«مرجان منافزاده» آپاریجی:«کریم قربانزاده» https://t.me/Adabiyyatsevanlar

نیر حسین دلدار بناب «یوللار منی ایزله‌ییر!» کلمه_ کلمه دیلیم سوسوب داریخیر یاپراق_ یاپراق باغدا پاییزلانیرام قورشون_ قورشون دؤشوم دئشیک‌_ دئشیک‌دیر اؤلوم_ اؤلوم، اؤلوب يالقيزلانيرام أددیم_ آددیم قاندال آیاغیمدادیر سورگون_ سورگون یوللار منی ایزله‌ییر دوستاق_ دوستاق سؤزلر آغزیمدا قالیب بیتیک_ بیتیک حسرت منی گؤزله‌ییر بایات_ بایات قالیب بایاتی‌لاریم آغیت_ آغیت آنام اورک داغلاییر بولود_ بولود شیمشک چاخیر گؤزلريم دوزلو_ دوزلو دنیز یارا آغلاییر باخچا_ باخچا چیچک سولور ایچیمده اورمان_ اورمان بالتا تؤکور قانیمی قارغا_ قارغا گلین گئدیر گونلریم گئجه_ گئجه ظولمات سیخیر جانیمی کئف‌سیز_ کئف‌سیز قالیب دیلیم دیله‌ییم شاختا_ شاختا سویوق قارا قیش گلیر وطن_ وطن غوربت یاغیر باشیما قاتار_ قاتار گؤیه قارانقوش گلیر... ۱۴۰۲/۰۷/۰۲ https://t.me/Adabiyyatsevanlar