ادبیات سئونلر

اویان اورگیمین مجنون سسینه دلی‌یم- دولویام دنیزجه‌سینه باخ زلال بیر عشقین معجزه‌سینه گؤزلريم دولان‌دا پیالا کیمی سن ای سودان دورو اینجه بیر خیال گوجون وار گل منی اؤز الین‌دن آل ساچین‌دا تئل اولدوم، یاناغین‌دا خال سنین چون یانان‌دان بیر لالا کیمی "یورغونون" سن آلدین دینین ایمانین یاندیردین جیگرین کؤورلتدین جانین گل آل قوینون اوست‌ده عؤمرون قالانین قوی یاتیم قوینوندا بیر بالا کیمی!...

شاعر: منعم اردبیلی خلایقدن جفا گوردوم تمامین بی‌وفا گؤردوم وفاسیز آشنالردن عجایب ماجرا گؤردوم اولارکی لاف یک‌رنگی ووروب آخر دو رنگ اولدو تمام اقربالر عقرب اولدو جان‌گزا گوردوم فقط بیر تخم مرغی ساده و یکرنگ بیلمیشدیم اونوندا کوینه یین رد ائیله دیم رنگین دو تا گوردوم جهاندا قورخما دشمن دن همیشه آشنادن قورخ نه اینکه آشنانین حیله و مکرین خفا گوردوم الیندن اؤپسه آلدانما چکر آخر آیاقین دن سو اوپسه پای دیواری ییخیب ویران سرا گوردوم زلیخا ایستمیردی یوسفی اوز نفسین ایستیردی هامی اوز نفسینین محبوبیدی دنیانی لا گوردوم صمیمیت محبت عشق بازی ایتده کاملدی بو حیوانین وفاسین راه حقه آشنا گوردوم https://t.me/Adabiyyatsevanlar

کریم_احمدیان_شاهید آرتیْق بو یوْللاردا چوْخوْرلاشیْرلار قارقالار لشلری سریب یوْللارا دیدرگین ایزلری قۇیلاماقداییْق اوره‌ییم یانیْری یازیْق قوللارا پیلته‌لر هیس ای‌یین سریب ائولره بوْغونتو عادتدیر بیز انسانلارا داشلاریْن اوزونو یامان آغارتدیْق هله ده قوسوروق بو زامانلارا هره‌نین ایچینده یوزلرله کولک بوْرانلیْ بیر باخیْش شهر بوْیونجا چوخورلو یوْلاقلار آددیْم به آددیْم اینانجلار قویلانیْب یوْلا دوْیونجا آغیْر کامیونلار ایچینده ماسکه گتیریر شهره بوْیاقلانماغا دوْنور بوْغازیْمدا باغیْرماغلیغیم قاچیرام اؤلومله دوْداقلانماغا نفرتین ماسکه‌سین تاخمیْشیْق اوزه شهرده هر کسه نفرت ساتیْریْق آغیْزدا یامانلار ، گؤزده یالانلار بؤیوگه ، کیچیگه هئی داش آتیْریْق دووارا آسمیْشیْق یاخشیْلیْقلاریْ هر ساعات اوْنونلا سلفی چکیریک یالانلار کؤلگه ‌ایله قوجاقلاشیْرلار سیْخیْنتی توْخوموْن یئره اکیریک آییْن دا ایْشیْغی سؤنور بیلیرم کؤلگه‌لر ایتیری قارا کوچه‌ده گئجه‌لر ماسکه‌نی عوضله‌ییریک دوروروق لش سرن سیْنیْق تیمچه‌ده بؤیله‌سی دورومدور بو آنلاریْمیْز آی‌ایلا باریْشماق گره‌کیر داها ایْشیْغی گئجه‌ایله باریْشدیْرماغا ال‌ـ‌اله وئرمه‌لی قالماییْب چارا https://t.me/Adabiyyatsevanlar

لویی‌ فردینان‌ سلین افسوسِ چه را بخوریم، جوانی؟ ما هرگز جوان نبودیم. https://t.me/Adabiyyatsevanlar

پرزیدنت زاکانی آلچاق کونولوک ائدییب آغای پزشکیان گوروشونه گئدییب لر.

✍:بالاش_آذراوغلو سَن نارین یاغیش کیمی ائله هوپموسان قلبیمه ساکیت-ساکیت، آرام-آرام یاغیش یاغار یئر دویماز مَن ده سَندن دویمارام گؤزوم گؤزوندن دویماز قولاغیم سَسیندن... سینه‌م نَفَسیندن... دئییرلر بو دونیادا اَن اولوی سئوگی، سَسسیز، سؤزسوز مَحَببت‌دیر... آخی دیله-آغیزا سالماز سئون-سئونی. مَنه ده سَنین عشقین کیفایتدیر نه‌یه لازیم هامی بیله، سئویرم سَنی ایسته‌میرم شیدیرغی یاغیش کیمی سئله سویا دؤنه‌سن یا دا شیمشک اولوب ،تئز چاخیب ،تئز ده سؤنه‌سن مَن ده نه یاغیشینا ایسلانا بیلیم، نه اودونا یانا بیلیم نئینیریک ناغیل اولوب، دیللره دوشن شؤهرتی.. نئینیریک داغ چایینا، دؤنن مَحَببتی... یاماجدا های قوپارا صَحرادا نه سَسی، نه ایزی قالا. اورکلره هوپمایا هَر یاندا سؤزو قالا. سَن ائله نارین یاغیش اول عَزیزیم یاغ ساکیت-ساکیت ،آرام-آرام. یاغیش یاغار یئر دویماز، مَن ده سَندن دویمارام... https://t.me/Adabiyyatsevanlar

    « غزل ... » « جامی بنه بر دست من، تا بگذرم از نام خود   کامی بده جان مرا، تا وارهم از کام خود بس بی‌دلان دیدی؛ ولی این جان شیدا، دیگر است  دریای دل پر موج کن، تا وانهم آرام خود از این شکسته‌کوزه‌ات، گر جرعه‌ای نوشانی‌اَم با جام دستم می‌چشم، سنگی زنم بر جام خود آهووشانه می‌روی در دشت‌ باز روبه‌رو خود گشته‌ام نخجیر تو، افکندم اکنون دام خود دیدی که شامم تلخ بود، چشمان و دستانم فلج یک دم اگر شهدم دهی، من پانهم بر بام خود آغاز من کی دیده‌ای تا گویمت بودم چنان؟ خاموش بنشین در برم، بنمایمت انجام خود همراه اگر گردی مرا در راه پرگرد و سیه گستاخ و سرخوش می‌شوم، تا بگذرم از نام خود. »         ۱۴۰۲/۰۴/۲۷    https://t.me/Adabiyyatsevanlar

"قاسیم جبرئیل زاده" تله‌سیرم قویلانماغا تله‌سیرم؛ گؤزلرینی ساخلا منه! تیتره‌ینده دوداقلارین، سؤزلرینی ساخلا منه! کیپریییندن آسیلاسی، گؤز ائوینده باسیلاسی، قوجاغینا قیسیلاسی، دیزلرینی ساخلا منه! گئدر آیاق؛ باخما گئری! بیرآز قالسین اومود یئری، قویلاساندا دیری- دیری، ایزلرینی ساخلا منه! کوله دؤنوب اله‌نینجه، ساچلارینا چیله‌نینجه، اؤز کولومدن گولله‌نینجه، کؤزلرینی ساخلا منه...! https://t.me/Adabiyyatsevanlar

حسن_اومود_اوغلو سوکوتا بورونوب یوللارلا، آنلار، گؤیلر ده ساللاییب قاشین - قاباغین. گئتمک ایسته‌ییرسن، آددیمین گلمیر گؤزومه باغلی‌دیر سنین آیاغین.   اوخلانیب گؤزومه، گؤزلرین سنین باخیشین جالاییر کؤنلومه سازاق. آیریلیق ناغیلین اوخویورام من، هر کیپریک چالاندا دؤنور بیر واراق.   جومورام کؤنلونه آی دنیز گؤزلوم! کؤنلون دالغالانیب چاغلاییر منی. آدیمی سیلیرسن بو گون بختیندن گؤزلر داملا ـ داملا آغلاییر منی.   بو گون سن گئدیرسن کدرلی‌یم من دونوب‌دور آغزیمدا فریادیم-سؤزوم. یوخ-یوخ! آغلاماییر دالینجا سنین، «اوغور اولسون» دئیه سو سپیر گؤزوم.   نه واختسیز کؤچورسن سونقور باخیشلیم! هاچان یازدا کؤچور گؤللرین قازی؟! آی ایپک قانادلیم! سن کی بیر داها، قاییتمایاجاقسان، نئینیرم یازی؟!   داشلار دا آغلاییر ویداع مارشینا یوللار دا دوشونوب سون نییتینی. آیاقلا آرزیمی! خوش گونه قوووش! ایسترم دونیادا سعادتینی.   دئمیشدیم آنانا: "سئودیییم گؤزل، سیزین قیزینیزدیر، منیم اولاجاق!" بیلمزدیم ساچین تک باخدیم قارادی، آرزی چیچک‌لریم بیر گون سولاجاق.   منیمسه بختیمدن بئله گلیبدیر، هئچ آلوو بئله‌جه منی یاخمادی. اوچدو آرزیلاردان تیکدیییم بینا، ییخیلمیش تاواندان توز دا قالخمادی.   گئتدین بخت ائوینه، یولون اوغورلو ظن ائتمه اؤز الیم ـ اؤز باشیم اولدو. گئتدین‌می، حیاتین اوغوللو ـ قیزلی منیمسه سیرداشیم گؤز یاشیم اولدو.   گؤز یاشیم جواهیر، گؤز یاشیم اینجی دایان، گئتمه! دایان دردینی آلیم! آغارمیش ساچیمین ساپینا دوزوب، بو سون یادیگاری بوینونا سالیم.   آتالار دئییبلر: "حیاتین یولو، یاری قیسمت اولسا، یاری همت‌دیر" اولدوقجا چالیشدیم، چاتمادیم سنه خوشبخت اول گؤزلیم! بودا قیسمت‌دیر.   «الویداع» دئییرم تیترک دوداقلا لاکین آرزیم - عشقیم دومانا دؤنور. سؤزلریم آسانجا قوپور دیلیمدن آنجاق گؤروشوموز گومانا دؤنور.   کؤکسومده قیزیلدان بیر سارای سالدیم یاشارسان عؤمورلوک دیله‌ییمده سن. گؤزومدن گئتسن ده، اوزاق دییلسن رویالاریمداسان، اوره‌ییمده‌سن.  https://t.me/Adabiyyatsevanlar

"جانای" بو سئوگی گؤزومده سو کیمی اولدو ایچدیم دویانمادیم ایچمه‌دیم یاندیم بیر چیچک یاشادیم یاشیل باغچادا آچدیم قالانمادیم آچمادیم یاندیم سوسادیم بیر آخار بولاق سایاغی یاغیش دا غرق اولدو سئوگینین باغی سئودیم اوز ایچیمده قارانی آغی کؤچدوم گئدنمه‌دیم کؤچمه‌دیم یاندیم کپه‌نک سئوگیمی دریب آپاردی آپاردی گؤزومده توفان قوپاردی بیلمه‌دیم زیروه‌لر یاغیشدی قاردی کئچدیم کئچنمه‌دیم کئچمه‌دیم یاندیم گونشه بویلاندیم آیا بویلاندیم ایچیمده دوغولان هایا بویلاندیم گؤزومدن سوزولن چایا بویلاندیم اوچدوم دؤزنمه‌دیم اوچمادیم یاندیم

اوشاق ادبیاتی کارتون https://t.me/Adabiyyatsevanlar

اوشاق ادبیاتی دلی باش دومرول۴ یازار: صمد بهرنگی چئویرن: منیژه‌ جم‌نژاد پهلوان، دا نه ایستیرسن؟ کیمسه‌نین سنه رحمی گلمه‌دیینی، جانینی سنه وئرمه‌دیینی گؤردون. تئز جانینی وئر، صلاحینا دیر. دومرول دئدی: حسرتیم اوره‌ییمده قالماسینی ایستیرسن؟ عزراییل دئدی: کیمین حسرتی؟ دومرول دئدی: منیم خانیمیم وار، ایکی اوغلوم وار، امانت دیرلر. گئدک اونلاری ائشیمه تاپشیریم، سونرا ایسته‌دیینی ائله. دومرول قاباغا دوشدو، خانیمینا گئتدی. دومرولون ائشی ایکی اوغلونو دیزینده اوتوردوب، اونلارا سود وئریر، ناز ائلیردی. اوشاقلار آنانین دولو دؤشلرینی یومروقلاییب نفس- نفس ووراراق سود یئیر، گؤزلری گولوردو. دومرول گلدی. خانیمینی گؤردو، اوغلانلارینا باخیب اوره‌یی سوینج‌له، حسرت‌له دولدو. خانیمی دومرولو گوردو، اوغلانلارینی یئره قویوب، باغیردی، دومرولون بوینوندان آسلانیب دئدی: آی دومرول، منیم پهلوان اورتاجیم ، بو نه حالدیر؟ سن هئچ واقت سیخیلمازدین، سن یئنیلمزدین، ایندی نیه بئله توتقون، پوزغون سان؟... اوغلانلارینا باخ... دومرول ایکی اوغلونا باخدی. اوشاقلار آهو دریسی اوسته دیغیرلانیب بیربیریله دالاشیب سس چیخاریب اویناییردیلار. گؤزلری سوینج‌دن پاریلداییردی. دومرول بیر آن باخدی. سونرا خانیمینا دئدی: آی قادین، آی شیرین خانیمیم، آی اوشاقلاریمین آناسی، بوگون قیزیل قاناد عزرائیل گؤیلردن ائنیب نامردلیک‌له کوکسومده اوتوروب، شیرین جانیمی آلماق ایسته‌دی. قوجا آتاما گئتدیم، جانینی وئرمه‌دی، قوجا آناما گئتدیم، جانینی وئرمه‌دی. دئدیلر حیات شیریندیر، جان عزیز، اونلارا گؤز اؤرته بیلمه‌ریک. ایندی آی قادین، آی اوشاقلاریمین آناسی، گلمیشم اوغلانلاریمی سنه تاپشیرام. هوندور قارا داغلاریم یایالغین اولسون! سپ-سرین سولاریم جانینا یاراسین! طویله‌لرده چوخلو اوجا باشلی آتلاریم وار، سنه مینک اولسونلار! آی قادین، آی بالالاریمین آناسی، مندن سونرا گؤزون توتدوغون، اوره‌یینه یاتدیغین کیشی‌له ائولن آما بالالاریمین اوره‌یینی سیندیرما، سنه امانت، گئدیرم. عزراییل قاباغا گلدی: دومرول حرکت‌سیز دوردو. بیردن دومرولون ائشی یئردن قالخیب، عزراییل‌له ارینین آراسینی کسیب باغیردی: آی عزراییل، ال ساخلا!... من هله وارام، قویمارام اریم، سؤیکوم، پهلوانیم اولسون، اوغوللارینین گنج‌لیین، ارن‌لییین گؤرمه‌سین. سونرا او٘زونو ارینه توتوب دئدی: ای دومرول، اریم، اوغولالریمین پهلوان آتاسی، بو نه سؤزدور؟...ای گؤزومو آچان گوندن تانیدیغم، ای اوره‌ک‌ باغیم، سئودییم، ای سئوگی دولو اورک‌له قادینین اولدوغوم، سنین‌له راضی، خوشبخت اولموشام. سندن سونرا یاشیل داغلارینی نئیلیرم؟ اونلارا آیاق قویسام منه قبرستان اولسونلار. سندن سونرا سرین سولارینی نئیلیرم؟ آردی وار https://t.me/Adabiyyatsevanlar

اوشاق ادبیاتی یالانچی چوبان : میرزا علی اکبر طاهیرزاده "صابیر" دیکلمه "کوثر موسوی" 9یاشیندا اردبیل شهریند

اوشاق ادبیاتی ذکیه ذولفقاری آلمانیا دا اوشاقلارین آد گونلری نئجه قید اولور https://t.me/Adabiyyatsevanlar آنار و آندانین (ائکیز ایکی قارداش نوه‌لریمین) آلتی یاشلاری دوغوم گونو قوتلاماسی(آلمان لایپزیگ): نئچه گون قاباق آنار و آندانین آتاسی احسان، اونلارین دوستلاری و اوشاق باغچاسی هم‌کلاسی‌‌لرینین آتا -آناسیندان کتبی رضایت آلیب، اونلاری دوغوم گونونه دعوت ائتمیشدی. دوغوم گونو بیر چوخلو قوولوق پوفله‌ییب ائوین حیطینین اورتاسیندا پالتار شریطی‌نین دمیریندن آسدیلار. بیر میز قویدولار اؤنونه، زرلی بیر کاغاذ یاپیشدیردیلار. ایکی جوره یونگول و سویوق یئمک (سالاد کیمی) حاضیرلاییب میزین اوستونه قویدولار. حیطین دوره‌سینه آز سایی‌دا صندل دوزولدی. بیر طرفده ترامپولین (هوپپاناق اوچون)، بیر طرفده بسکتبال توری, بیر یاندا اوست اوسته دوزولموش بوش کنسرو قوتولاری (هدف آلیب توپ نان وورماق اوچون) و باشقا ساده اوشاق اویونلاری واریدی. دعوت ائلدیکلری ساعاتدا اوشاقلارین آنا و یا آتالاری اوشاقلاری دوچرخه‌یله، چرخ بؤرکو باشیندا گتیریب قویدولار، گئتدیلر. چوخ اؤنملی نکته‌لر بو دوغوم گونو مراسیمیندن: اوشاقلار چوخ ساده و راحات گونلوک پالتار گئیمیشدیلر. ایکی دانا بالاجا و چوخ ساده کیک آلینمیشدی. کیکین اوستونده آنار- آندانین نه عکسی واریدی نه‌ ده آدی یازیلمیشدی، نه کارتونی بیر کاراکتر واریدی، نه رنگلی بزکلی تزئیین. تم تولد کیمی اجباری بیر رنگ و یا طرح تحمیل اولمامیشدی. باهالی پرنسس کیمی دونلاردان، کارتونی قهرمان لار پالتارلاری، ساچ دوزتمک، رنگلی سوسلمه‌لردن، اوغلانلارین توک ژلی، قیزلارین ماتیک و یا اکلیل لی بزک لردن، باهالی کادولاردان اثر یوخویدو. گئنلده بورادا، اؤزگه اوشاقلاردان عکس سالماق یاساقدیر. بیز عائله‌لریندن ایزین آلیب پایلاشماماق شرطیله بیر ایکی عکس سالدیق. موسیقی رقص و یا قولاق کار ائدیجی بیر بانددان خبر یوخویدو. ایضافه، لزومسوز و خرجلی هر هانسی بیر آباردیجی سوسلندیرمه‌لره احتیاج یوخودو. بیز؛ آنار و آندانین عائیله سی جمعی ۵ نفر بؤیوک آدام واریدیق. بیزایسه چوخ ساده و راحات پالتاریلا اوردا اشتراک ائتمیشدیک. بؤیوکلرین دیقت و تمرکزلری بوردایدی کی اوشاقلار بیرلیکده خوش کئچیردیب گوزل و خاطیره‌لی گون یاشاسینلار. ایراندا بیزیم اوشاقلارین دوغوم گونو جشنلرینی خاطیرلاییب، مقایسه ائتمکده آدام بوقدر فرقلره حئیران قالیر. https://t.me/Adabiyyatsevanlar