ادبیات سئونلر

ایفا ائدیرلر:سئودا علی اکبرزاده چنگیز مهدی پور آذربایجان عاشیقلاری https://t.me/Adabiyyatsevanlar

دئدیم ،دئدی... دئدیم:ائشیدییب سن  مجلیسین وکیل لری نهایت ایکی یا اوچ فایض رای له مجلیسه گئدییب لر؟ دئدی:ماشاالله بو حماسیه  بئله گئتسه گلن سئچگی ده بونداندا بویوک حماسه یاراناجاق اوندا  وکیل لرین عاییله لریده اولارا رای وئرمییه جک. https://t.me/Adabiyyatsevanlar

- اۇشاقلؽقدا ان چوْخ سئودییینیز کیتاب هانسؽ اوْلۇب؟ - بۇففالوْنۇن شیمالؽندا، نیۇ-یوْرکۇن غربینده، کیچیک، چوْخ دا زنگین اوْلمایان بیر فئرمادا بؤیۆدۆیۆم اۆچۆن علیمه کئچه‌ن چوْخ آز کیتاب واردؽ و اوْنلارؽن هامؽسؽ، ائینن عالیسا سئرییاسؽندان اوْلان کیتابلار کیمی چوْخ قیمتلییدی. یقین کی، ان چوْخ سئودیییم اثر چوْخ گنج یاشلارؽمدا اوْخۇدۇغۇم ائدقار آلان پوْنۇن "قؽزؽل بؤجک" روْمانؽدؽر. - سوْنۇنجۇ کیتابلارؽنؽزدان بیری - "سنه دئمه‌یی اۇنۇتدۇغۇم بیر نئچه شئی" گنجلر اۆچۆن یازدؽغؽنؽز بیر کتابدؽر. گنجلر اۆچۆن اوْلان ان چوْخ سئودییینیز بیر نئچه کیتاب آدؽ چکه بیلرسینیز؟ - گۆنۆمۆزۆن ستاندارتلارؽنا گؤره، "هئلکبئرری فیننین ماجرالارؽ"، "وحشیلی‌یین چاغؽرؽشؽ"، "توْیۇن بیر عۆضوۆ"، "بۆلبۆلۆ اؤلدۆرمک"، "چوْودارلؽقدا اۇچۇرۇمدان قوْرۇیان"، "میلچکلرین تانرؽسؽ" کیمی کلاسیکلر گنجلر اۆچۆن روْمانلارا یاخشؽ نۆمۇنه اوْلا بیلر. - سیزده مایۇسلۇق یارادان، حدیندن چوْخ شیشیردیلمیش، کیفایت قدر یاخشؽ اوْلمادؽغؽ حالدا، سئوجَیینیزی دۆشۆندۆیۆنۆز و سئومدییینیز کیتابلار هانسؽلاردؽر؟ بیتیرمه‌دن قایتارؽب رفه قوْیدۇغۇنۇز سوْن کیتابؽ خاطؽرلایؽرسؽنؽز؟ - د.ح.لوْۇرئنسی ایلک اوْخۇماق جهدیم اۇغۇرسۇز اوْلمۇشدۇ - اوْ واخت کیفایت قدر یئتکین دئییلدیم، ایندی لوْۇرئنس اۇنیوئرسیتئت درسلریمده طلبه‌لریمه دفعه‌لرله اؤیرتدیییم و ان سئودیییم مۆلیفلردن بیریدیر. باشقا بیر مایۇسلۇغۇم، چوْخ گنج یاشلارؽمدا اوْخۇدۇغۇم ووْلت ویتمئنله باغلؽدؽر (بیلیرم، اینانؽلمازدؽر، آخؽ کیم ووْلت ویتمئن اوْخۇیۇب خَیال قؽرؽقلؽغی یاشادؽغؽنؽ اعتیراف ائده بیلر؟ لۆطفا، تحقیرئدیجی ائلئکتروْن مکتۇبلار گؤندرمَیین). اگر نظردن کئچیردیییم کیتاب مایۇسلۇقلا نتیجه‌لنرسه، من متندن چوْخسایلؽ جۆمله‌لر گؤستره‌رک اوْنۇ اوْبیئکتیو شکیلده اوْخۇجۇیا تقدیم ائتمه‌یه چالؽشؽرام کی، اوْخۇجۇ منیم تأثیریمه دۆشمه‌دن اؤز فیکرینی فوْرمالاشدؽرا بیلسین. (اصلینده‌، منجه‌، بۇ فیکیرلرین اوْ قدر‌ده اؤنه‌می یوْخدۇر. بیر اوْخۇجۇنۇن، سانکی چین یئمکلرینی بَینمیرمیشجه‌سینه بئوْوۇلف کیمی کلاسیکی بَینممه‌سی نئجه اؤنملی اوْلا بیلر کی؟!) - یازارلؽق درسینده مۆعللیم اوْلاراق ایستیفاده ائتمه‌یی ان چوْخ سئودییینیز کیتاب هانسؽدؽر؟ سیزجه‌، بۆتۆن یازؽچؽلار هانسؽ کیتابؽ مۆطلق اوْخۇمالؽدؽرلار؟ - ساده‌جه، بیر متنین و یا آنتوْلوْگییانؽن آدؽنؽ چکه بیلمه‌رم. یئری گلمیشکن - ۱۹۷۸-جی ایلده پرینستوْندا اوْخۇدۇغۇم واختدان بری - اؤز سئویملی قؽسا حئکایه‌لریمی و قؽسا ائسسئلریمی، عادتا بدیعی ادبییات ائمالاتخانالارؽمدا اوْخۇتدۇردۇغۇم بیر نئچه آنتوْلوْگییایا یئرلشدیرمیشم. بۇنلارا "اوْکسفوْرد آمئریکا قؽسا حئکایه‌لری کیتابؽ"، "مۆعاصیر آمئریکا قؽسا بدیعی اثرلرینین ائککوْ آنتوْلوْگییاسؽ" و "حئکایه‌لر آنتوْلوْگییاسؽ: یازؽچؽلار اۆچۆن آنتوْلوْگییا" داخیلدیر. - حیاتدا اوْلمایان بیر یازؽچؽ ایله تانؽش اوْلا بیلسَیدینیز، اوْ کیم اوْلاردؽ؟ نه سوْرۇشماق، نه‌یی بیلمه‌ک ایستردینیز؟ هئچ اؤزۆنۆز هر هانسؽ اوْخۇجۇنۇزا یازمؽسؽنؽزمؽ؟ - یقین کی، هامیمیز شئکسپیرله گؤرۆشمک ایستردیک (آدامؽن بۆتۆن بۇ پیئسلری یازؽب-یازمادؽغؽنؽ سوْرۇشا بیلردیک). بعضیلریمیز‌ده ائمیلی دیکینسوْنلا گؤرۆشمه‌یی خَیال ائدیردیک  (سوْرۇشماق لازؽمدؽر کی، اۇیلیام شئکسپیر و ائمیلی دیکینسوْن بیزیمله گؤرۆشمک ایستردیمی؟!). تاسۆف کی، واختؽمؽن دوْخسان فاعیضینی یازؽچؽ دوْستلارؽما و اوْخۇجۇلارؽما مکتۇبلار، ائلئکتروْن مکتۇبلار یازماغا صرف ائدیرم. پروْبلئم اوْندادؽر کی، اوْنلار جاواب یازؽرلار و من‌ده جاوابلایؽرام. طبیعی کی، منه چوْخلۇ مکتۇبلار گلیر، اکثریتی ایسه بئله باشلایؽر: "مۆعللیمیم آمئریکالؽ بیر یازؽچؽ حاقؽندا یازماغیمیزؽ ایسته‌دی، من‌ده سیزی سئچدیم، آما سیزین حاقؽنؽزدا چوْخ معلۇمات تاپا بیلمیرم. نه‌دن یازؽرسؽنؽز؟ ان سئودییینیز کیتابلار هانسؽلاردؽر؟ یازماق اۆچۆن ایدئیالارؽ نئجه الده ائدیرسینیز؟ اۆمید ائدیرم کی، بازار ائرته‌سینه قدر جاواب وئرجکسینیز، چۆنکی یازؽمؽ بازار ائرته‌سی تحویل وئرملییم"... - تانؽش اوْلدۇغۇنۇز یازؽچؽلاردان هانسؽ سیزه داها چوْخ تأثیر ائدیب؟ - ایندییه قدر ۱۴۴۹ یازؽچؽ ایله تانؽش اوْلمۇشام و بیر چوْخلارؽ دا تانؽش اوْلماغؽ گؤزلَییر. امینه‌م کی، اوْنلارؽن هامؽسؽندان، خۆصۆصیله ده، گؤزل ایشلری اوْلان، ایستعدادلؽ یازؽچؽ دوْستلارؽم‌دان چوْخ تأثیرلنمیشم، آما اینانؽرام کی، ان بؤیۆک سۆرپریزلر هله گلمه‌ییب. - ایندی نه اوْخۇماغؽ پلانلاشدؽرؽرسؽنؽز؟ - بۇ مۆصاحیبه‌یه باشلادؽغیمیزدان بری، چوْخۇ یازؽچؽ دوْستلارؽم‌دان گلن ۱۶ مۆهۆم ائلئکتروْن مکتۇبۇ...   https://t.me/Adabiyyatsevanlar

«یقین کی، هامیمیز شئکسپیرله گؤرۆشمک ایستردیک» - آمئریکالؽ یازؽچؽ جوْیس کئروْل اوْۇتسۇن مۆصاحیبه‌سی. کوچوروب حاضیرلایان:ادبیات سئونلر. «یقین کی، هامیمیز شئکسپیرله گؤرۆشمک ایستردیک» - آمئریکالؽ یازؽچؽ جوْیس کئروْل اوْۇتسۇن مۆصاحیبه‌سی آمئریکالؽ یازؽچؽ جوْیس کئروْل اوْۇتس ۱۶ اییۇن ۱۹۳۸-جی ایلده آنادان اوْلۇب. ایلک کیتابؽنؽ ۱۹۶۳-جۆ ایلده چاپ ائتدیریب. اوْ واختدان بری یازؽچؽنؽن ۵۸ روْمانؽ، چوْخلۇ سایدا پیئسی، نوْوئللالارؽ، بیر نئچه جیلدده قؽسا حئکایه‌لری، شعرلری، غیر-بدیعی اثرلری چاپ ائدیلیب. اوْنۇن "قارا سۇ" (۱۹۹۲)، "من نه اۆچۆن یاشادؽم" (۱۹۹۴)، "سارؽشؽن" (۲۰۰۰) روْمانلارؽ و "محبت چارخؽ" (۱۹۷۰)، "سئویملی، قارانلؽق، درین: حئکایه‌لر" (۲۰۱۴) آدلؽ حئکایه‌لر توْپلۇلارؽنؽن هر بیری پۇلیتسئر مۆکافاتؽنؽن فینالچؽسؽ اوْلۇب. اوْ، یازؽلارؽنا گؤره بیر چوْخ مۆکافاتلار آلؽب، اوْ جۆمله‌دن، "اوْنلار" (۱۹۶۹) روْمانؽنا گؤره میللی کیتاب مۆکافاتؽنا لایق گؤرۆلۆب، ایکی دفعه اوْ.هئنری مۆکافاتؽ، میللی هۇمانیتار علملر مئدالؽ و یئرۇسلیم مۆکافاتؽ (۲۰۱۹) قازانؽب. اوْ، روْزاموْند سمیس و لوْۇرئن کئلی تخلۆصۆ ایله بیر نئچه روْمان دا نشر ائتدیریب. یازؽچؽ ۱۹۷۸-جی ایلدن ۲۰۱۴-جۆ ایله قدر پرینستوْن اۇنیوئرسیتئتینده درس دئییب و یارادؽجؽ یازارلؽق پروْقرامؽ ایله هۇمانیتار علملر اۆزره پروْفئسسوْر ائمئریتادؽر. ۲۰۱۶-جؽ ایلدن ۲۰۲۰-جی ایله قدر اوْ، بئرکلیده‌کی کالیفوْرنییا اۇنیوئرسیتئتینده قوْناق پروْفئسسوْر اوْلۇب و بۇرادا یاز سئمئسترلرینده قؽسا بدیعی ادبییات درسلری وئریب. حاضؽردا نیۇ-برۇنسکویلده‌کی رۇتگئرس اۇنیوئرسیتئتینده درس دئییر. اوْۇتس، ۲۰۱۶-جؽ ایلده آمئریکا فلسفه جمعیتینه عۆضو سئچیلیب. یازؽچؽنؽن اوْخۇماغؽ سئودییی، اوْنۇ یازؽچؽلؽغا رۇحلاندؽران، گنجلره اوْخۇماغؽ مصلحت گؤردۆیۆ کیتابلار حاقؽندا دانؽشدؽغؽ مۆصاحیبه‌سینی تقدیم ائدیریک.    -  هارادا و نه واخت اوْخۇماغؽ سئویرسینیز؟ - هر یئرده‌! ان سئودیییم و ان راحتؽ سرین هاوادا، سوْبا (کامین) قارشؽسؽندا اوْخۇماقدؽر، تَییاره‌ده اوْخۇماق دا لذتلی اوْلۇر، گؤزلمه زاللارؽندا، یا دا نؤبه‌ده گؤزلَیرکن، حتی بۇ گۆنلرده تئز-تئز تئلئفوْندا گؤزلدیییم واختلاردا بئله اوْخۇیۇرام. اوْخۇمالؽ اوْلدۇغۇمۇز کیتابلار تعجیلی حاللار اۆچۆن الیمیزین آلتؽندا اوْلمالؽدؽر. - "آۇدیوْکیتاب"لارا قۇلاق آسؽرسؽنؽز؟ - بلی، بیر نئچه دفعه دینلمیشم، آما داها چوْخ دینلَیجَییمه اۆمید ائدیرم. آختارؽب اؤز کیتابلارؽمؽن دا آۇدیوْواریانتؽنؽ تاپماغا چالؽشاجام، اوْنلارؽ دا بئله دینله‌مک ایستَییرم، اوْلدۇقجا تأثیرلی ایدی. - اوْخۇدۇغۇنۇز سوْنۇنجۇ ان گؤزل کیتاب هانسؽ اوْلۇب؟ - جئیمس جوْیسۇن "اۇلیسس" روْمانؽ. بۇ ایلین اییۇن آیؽندا، داها اول بۇ کیتابؽ اوْخۇمامؽش، اریمله بیرلیکده "بلۇمسدئی شنلیکلری"نه گؤره (دۇبلینده هر ایل اییۇنۇن ۱۶-دا قید اوْلۇنان جئیمس جوْیس هئیرانلؽغؽنا حصر اوْلۇنمۇش بیر گۆن  - ترج.) دۇبلینه گئتمه‌یه حاضؽرلاشارکن بیر داها اوْخۇدۇم (ان سئویملی حیصّه‌م "اؽتهاجا"دؽر) هانسؽ کیتاب سیزه داها چوْخ تأثیر ائدیب؟ هانسؽ کیتابؽ اؤزۆنۆز یازماق ایستردینیز؟ - ننم لۇیس کئروْلۇن "عالیسا مؤعجیزه‌لر اؤلکه‌سیند" و "عالیسا خَیال گۆزگۆسۆنده‌" روْمانلارؽنؽ منه وئرنده دوْققۇز یاشؽم واردؽ و اوْنلار منه چوْخ تأثیر ائتمیشدی. بۇنلار، شۆبهه‌سیز کی، منی یازماغا رۇحلاندؽران کیتابلار ایدی و عالیسا ایللر عرضینده ان چوْخ اؤزۆمه بنزتدیییم قهرمان ایدی. اوْنۇن پرینسیپلری‌ده منیمکینه بنزَییر: "دایم هر شئیله ماراقلانان"... - پرئزیدئنته (آبش پرئزیدئنتیندن صؤحبت گئدیر - ترج.) بیر کیتاب اوْخۇتدۇرا بیلسَیدینیز، بۇ هانسؽ کیتاب اوْلاردؽ؟ - آمئریکالؽ فاجیعه‌وی داستانیمیز هئرمان مئلویلین "موْبی دیک" روْمانؽ. چوْخ معنالؽ بیر کیتابدؽر. - اوْخۇما وردیشینیز نئجه‌دیر؟ "کاغؽذ"، یوْخسا، ائلئکتروْن کیتابلارؽ داها چوْخ اوْخۇیۇرسۇنۇز؟ قیدلر آپاراراق اوْخۇیۇرسۇنۇز؟ - طبیعی کی، "کاغؽذ" کیتابلارا اۆستۆنلۆک وئریرم، اوْنلار جیلدلری و صحیفه ترتیباتلارؽ ایله بیر-بیرین‌دن چوْخ فرقلنیر، ائلئکتروْن کیتابلار بئله دئییل، اوْرادا سؤزلر سۇدا اۆزن قارؽشقالارا بنزَییر. کیتابلارؽ تئز-تئز نظردن کئچیردیییم اۆچۆن قیدلر آپارؽرام. آما سیاحت ائدیرمسه‌، ائلئکتروْن کیتابلار دا اوْخۇیۇرام. - سیزی گۆلدۆرن، یوْخسا، آغلادان، نه‌لرسه اؤیرنجَیینیز، یوْخسا، فیکرینیزی داغؽداجاق کیتابلار اوْخۇماغؽ اۆستۆن تۇتۇرسۇنۇز؟ - نییه بیرینی سئچملییم؟ ان یاخشؽ کیتابلارؽن چوْخۇ بیر دئییل، آدامدا بیر چوْخ حیس اوْیادؽر. من دئمک اوْلار کی، بۆتۆن یازؽلارؽمدا یۇموْرۇ (اگر قارا یۇموْرسا) گیزلتمه‌یه چالؽشمؽشام، لاکین اوْخۇجۇلارؽمؽن بعضیسی بۇنۇن فرقینه وارؽب - ائتدیییم، اوْبری بؤردسلئیین رسملرینده‌کی "ادبسیزلیگی گیزلتمه‌سی" کیمی بیر شئیدیر.

«یقین کی، هامیمیز شئکسپیرله گؤرۆشمک ایستردیک» - آمئریکالؽ یازؽچؽ جوْیس کئروْل اوْۇتسۇن مۆصاحیبه‌سی. کوچوروب حاضیرلایان:ادبیات سئونلر بو یازینین آردینی ادبیات سئونلر کانالیندا اوخویون. https://t.me/Adabiyyatsevanlar

✍:روزبه صمدی - نیراوغلو به دئدیم سن گلدین قاپی تیققیلدادی بیردن، به دئدیم سن گلدین سئوگی داشلاندی اورکدن، به دئدیم سن گلدین تئز دورارکن قاپینین ایشگیله‌سین رد ائله‌دیم  قاپیدان قاچدی دومان چن، به دئدیم سن گلدین یئنه آغ  کؤرپه‌لرین ساچلاریما دوزدو بولود جوم جولوق اولدو بو خرمن،  به دئدیم سن گلدین باغدا یارپاقسیز آغاجلار یئنی‌ده گوللندی اولدو کؤیشن یئنه گولشن، به دئدیم سن گلدین غم کدر قالمادی باشلاندی بو باغریمدا سئوینج گولشنه چؤندو بو کؤیشن، به دئدیم سن گلدین سن دئدین بایراما گللم ، نئچه بایرام کئچدی ائله بایراملادی بهمن، به دئدیم سن گلدین ساچلارین دوشدو منیم بوینوما ظولمت قویودا گولدو روحومدا کی بیژن‌، به دئدیم سن گلدین «آیسانیم» قاچدی دالمیجاق  قاپییا جیران تک اورتادا اوینادی «ائلشن»،  به دئدیم سن گلدین سن هاچان مندن اوزاخسان، اوتوروب منده گودم؟ سن همیشه من ایلن سن، به دئدیم سن گلدین بیر زامان درده دَیر ساخلا { نیراوغلون } گؤزه‌لیم قاپی تیققیلدادی بیردن، به دئدیم سن گلدین https://t.me/Adabiyyatsevanlar

رائفی پور : از زمانیکه حضرت عیسی به دنیا آمده تا الان ۳۵۰۰ ثانیه گذشته است /حضرت عیسی درون کرمچاله هست. بیری ده دئییردی:حضرت یونس دریالاردا مامور یت ده دیر، لابد گئدییب بالیق توتماغا... وآللاه یاواش یاواش آدامین پیغمبر لرده رحمی گلیر ... https://t.me/Adabiyyatsevanlar https://t.me/Adabiyyatsevanlar

سئور_شهابى آغلادیم دئدی‌لر: کیشی آغیر اولار. اوینادیم دئدی‌لر: کیشی یۆنگول اولماز. بیر گۆن بو ترازونو سیندیریب- آغلایا- آغلایا اوینایاجاغام..! https://t.me/Adabiyyatsevanlar

"آمانسیز "حسین شاهمرادی نشانیم وار منیم کؤورک بو قلبیمده الولانمیش جهانیم وار سینمده قات با قات داغلی یانان سیرری نهانیم وار سولوب گتدی باهار عؤمروم خزان ووردو پاییزلاندیم منیمده بو جهان ایچره داغیلمیش دودمانیم وار جاوان واقتی گزردیم من دالیمجا مین باخیش حسرت گؤزمده بیرجه سِیر إتسن او گونلردن نشانیم وار گؤرنده شوخ جاوان خالقین گؤزوم هرآن چکیر حسرت گزردیم منده اونلارلا کی بیلسیدیم توانیم وار حایاتدا گولمه دیم افسوس قارا گلدی قارا باختیم نه دونیاده کونول خوشدور نه دونیایه گومانیم وار سوسوب کونلومده بولبول لر داها یوخدور هوس منده منی سورسان اگر ای گول سینمده مین فغانیم وار کونول غملن قوجاقلاشدی «آمانسیز» کچدی احوالیم فلکدن شاکی اولمازدیم کی بیلسیدیم امانیم وار https://t.me/Adabiyyatsevanlar

صیاد زیادپور من نه لر دانیشدیم یادیمدا دئییل بیلمه دن قلبینه دیمیشم بلکه؟! سن آدلی مله یین اوءنونده قفیل یانیلیب اوءزومو اوءیموشم بلکه؟! اگر چاشمیشامسا منی باغیشلا سوءز وئریم کی بیرده خاطام اولماسین سئویندیر کوءنلومو سوزگون باخیشلا آدین داش اوره کلی آدام اولماسین باغیشلا گوءزلیم واخسیز کوءچرم درد اولارام سنه هئی سحر -آخشام مودام خیالیندان گلیب کئچرم دئیرسن یاخشی کی باغیشلامیشام باغیشلا صیادی باغیشلا گولوم باغیشلا دئمک دن یورولدو دیلیم باغیشلا قاییدیب اوءزومه گلیم آرایب سوچومون،ندنین بیلیم.

شعر: مریم‌جعفرزاده‌ چئویرن: احد فرهمندی سني هر گون؛  شعرلرينين قاتلاريندا، گؤزلرينين درينليگينده، اللرينين تيترَييشينده، مين بير دؤنه دَنيتيرلر سن هر گون مين بير دؤنه؛ گولوشلرينين آرخاسيندا، گؤز ياشلارينين ايچينده، اونلارين گؤزلرينين قارشيسيندا، مني دانيرسان. روزی هزار بار تو را تفتیش می کنند لا به لای شعرهایت عمق چشمهایت و لرزه ی دستهایت روزی هزار بار مرا کتمان می کنی پشت خنده هایت پیش چشمهاشان لای گریه هایت ** شعر: مریم‌جعفرزاده‌ چئویرن: احد فرهمندی دونيا بويدا اوره‌ييم توتولوب تانرينين قاچينيلماز جبريندن ايكي پارالل جيزگيه دؤنموشوك بير- بيريميزه سونوجدا دا بيله چاتانماريق. نفسلرينين عطريندن بوشالميش هاوادان، آنيلاريندان ايز قالمايان كوچه‌لردن، و سحري اونوتدوران، يورقون گئجه‌لردن، دونيا بويدا اوره‌ييم توتولوب دونيا بويدا اوره‌ييم توتولوب خبرين وارمي؟ يوخلوغونو گونلريم دويماسين دئيه ياشاييش طاقچامدا هله‌ده شكيلريني ساخلاميشام! يه دنیا دلم گرفته ! از جبر ناگزیر خدا ، شدیم دو خط موازی که دیگر حتی در نهایت هم به هم نمی رسیم . یه دنیا دلم گرفته ! در هوایی که از عطر نفسهایت خالیست از کوچه هایی که دیگر ردی از خاطرات تو ندارند و شبهایی که کندی آنها ، سحر را به فراموشی سپرده. یه دنیا دلم گرفته ! خبر داری؟ هنوز عکسهایت را روی طاقچه ی زندگیم نگه داشتم تا نبودنت به چشم روزگارم نیاید. ***‌ شعر: مریم‌جعفرزاده‌ چئویرن: احد فرهمندی قيش بير داها گئتمكده‌دير من اوركلريميزين چيچك آچماسينا هله ده اينانيرام. اؤلمز بير ياز يوردوموزو  ياشيل‌لانديراجاق بو اولا بيلر، آنجاق؛ كينه‌لري سويا بوراخيب كؤهنه فيكيرلرله قورخوموزو يئله وئرسك. گل بو دؤنه بركتلردن يئدديسيني ائو بوجاغيميزا يوخ سئوگيله بيرليك دوشونن گئنيش ذهنيميزه دوزك. اوركلريميز يئني‌لنن گون باهار اولاجاق آرزولاريميز گوللـه‌نجك. گل بير داها يازاق ناغيلين سونوندا گؤورچين يوواسينا قاييتدي ... زمستانی دیگر می رود ومن هنوز باور دارم دلهایمان جوانه خواهد زد و بهار ابدی سرزمینم را شکوفه باران خواهد کرد غیر ممکن نیست اگر کینه ها را به آب بسپاریم افکار کهنه و ترسمان به باد بیا اینبار هفت سین را نه در کنج خانه در وسعت ذهنی بچینیم که جنسی دارد از یکدلی و عشق که بهار آنزمان ست که دل من وتو تازه شود بیا یکبار دیگر بنویسیم آخر قصه ما پرستو به آشیانه اش رسید **** شعر: مریم‌جعفرزاده‌ چئویرن: احد فرهمندی بو گونلر يامان قيسقانج اولموشام هر كيمسه‌دن اؤنجه گليشيني بيلين كوچه  باشيندا الده شئي ساتان كيشي‌يه بيله (حتي) بو گونلر يامان قيسقانج اولموشام گليش عطريني مندن چوخ سيجاق دويان قونشونون كور قيزينا بيله بو گونلر يامان قيسقانج اولموشام مندن اؤنجه اليني سيخان ائو قاپيميزين، دسته يينه بيله ايستي قوجاغين آيريليغي سيلن زامان بيرده مهربانجاسينا گولوشون اوزومه ياييلاندا  بوتون قيسقاجليقلاريم ايتيب باتير بوگونلر مني اؤزوندن اوزاقلاتما بيلميسن نئجه قيسقانج اولموشام. این روز ها حسود شده ام حتی به فروشنده دورگرد سر نبش که زودتر از هرکس آمدنت را می فهمد این روزها حسود شده ام حتی به دخترک نابینای همسایه که عطر حضورت را گرم تر از من حس میکند این روزها حسود شده ام حتی به دستگیره در خانه مان که قبل از تن من لمس می کند آمدنت را اما همه حسادت هایم ته میکشد وقتی لبخند مهربانت پخش میشود روی صورتم و آغوشت پاک میکند فاصله را این روزها دورم نکن از حضورت ، آخر بدجور حسود شده ام ! *** https://t.me/Adabiyyatsevanlar

ایشیق اردیبهشت آیی‌نین 20سی «اوستاد یحیی شیدا»نین آد گونودور. (20 اردیبهشت 1303 – 29 مهر 1390)* اوستاد شيدانين حيات و ياراديجيليغي‌نين ان حساس ايللري آذربايجان خالقي‌نين 25-24 ينجي ايل‌لرده ياراتديغي ميللي – دمکراتيک حرکاتين تاثيري آلتيندا يارانان ادبي- اجتماعي شرايطده فورمالاشيب، اؤز حقيقي معناسيني تاپا بيليبدير. اونون يازيب ياراتديغي يوزلرجه پوئزيا نمونه‌لري، اللي‌بئش ايل‌ليک ژورناليسم فعاليتي، اون‌لارجا آپارديغي ادبي و اجتماعي تدقيقات، ياراتديغي مختلف ادبي درنک‌لر، اون‌لارجا شاعر و يازيچي‌نين اثرلريني يايماسي، بير چوخ صنعتکارلارين ادبي سيمالاري‌نين فورمالاشماسيندا بوراخديغي بلاواسطه تاثيري و بونلار کيمي بير چوخ خدمتلري، اوستاد شیدانی ادبيات تاريخيميزده اوزون عؤمورلو بير شخصيته چئويرميشدير. بیر داها خاطیره‌سینی عزیزله‌یرک، اوستادلا باغلی ایکی فاکتی ایلک دفعه اولاراق نشر ائدیریک: 1-  اوستاد شیدا و اوستاد گنجعلی صباحی (شکیل) / تبریز شهرینده اوستاد هاشیم ترلانین 65 ایللیک آد گونو تدبیرینده(1367) 2-  اوستاد شیدانین آذربایجان نهضتی‌نین قانا چکیلمه‌سیندن سونرا دا شاه رژیمی طرفیندن نظارت آلتیندا اولدوغونو ثبوتلایان بیر فاکت. (ملی کیتابخانادا ساخلانیلیر) *بعضی منبعلرده اوستادین دوغوم گونو 5 آذر ده یازیلیبدیر. **** تاریخ 1328,1,17 شماره 154 ری ضمیمه 44/ م محرمانه وزارت کشور اداره سیاسی جناب آقای نخست وزیر شهربانی کل کشور باستناد گزارش شهربانی تبریز اطلاع میدهد منزل یحیی فیروزبخت معروف به شیدا از شعرای متجاسرین که مورد بدگمانی بوده بازرسی در نتیجه مقداری روزنامه (آذربایجان و وطن یولوندا و پیس نمایش تبلیغاتی و چند جلد اشعار تالیف خود او کشف با پرونده متشکله جهت تعیین تکلیف بفرمانداری نظامی تسلیم شده است. وزیر کشور 1328,1,18

:یحیی شیدا» آی ساری کوینک آی خسته گوش ، آواره گزیرسن،بو دییاری زنداندی،قفس دی،چمنی،باغی،باهاری گوزله اوزونو،آوچو دور هر یانی بو،یوردون قوزغون کیمی دورد گوزلو گزیر،کورپه شیکاری فرصت دالیسینجا گزیری،ال یئری تاپسا ویران قویاجاق یوردونو،آی کوینه یی ساری تيک اوز يوواوي، قويما سنه ال تاپا اوچو سن بو يووانين مالکی سن، قانگیله باری جهد ائيله کي، جان قورتاراسان،آوچو اليندن دوشسن تورا، فرياد ائله مه ،چک بو فشاری گولشنده کي ،يوخ ذوق و صفا، آي ساري کوينک قاچ -قاچ بو يئرين زهرلي دور، دار و نداری  ديللنسن اگر،آوچو ائده ر قانيناغلطان اوچسان آيازيق ! تير جفا ،قلبيني ياری مين فيرتينا قالخيب،دويه جک باشينا طوفان هر کيمده اولا داغ کيمي تمکین و ویقاری  گلسه نه قدر درد و بلا داغ کيمي دور، باخ! آيديندي بو سوز،توستو گئده ر گويچه یه ساری  ايستیر سني آوچو اوزونه رام ائده،آمما اویقودا گورر آج تويوق البتده کي، داری سندن ده هله خسته سی،آواره سی واردیر یوخ ذرٍّه جه آسایشی،یوخ ذرّه قراری بو ياخشي مثل دير کي، بيزیم ائلده دئیه رلر: ((باخ بیر آشاغي، باخما اوزوندن ده يوخاری))  غم-غصه کيچيک قلبيني گر دويسه،سيخيلما بو گوند ه کئچه ر آخيري ،غم لر ده قوتاری اوندا کي دوغار گون، ياييلار عالمه بيردن اوندا کي قارا دان يئري صبح اولجاق آغاری داغي- داشي آسوده خياليله گزه رسن گولشنده نه شاختا گوره سن ،داغدا نه قاری ظلمون ائوي ويران اولی، ظاليم دوشر الدن قان دورماز،اگر کس سه پيچاق ،قيرسا داماری  بختين قاپيسي ايندي قيفيللانسا ،داريخما! هر بير قيفيلين واردي طبيعتده آچاری  اوز جانيويلن اویناما بو عرصه ده ((شيدا )) ليلاج دغلبازايله، قيزديرما قوماری https://t.me/Adabiyyatsevanlar

نادر پاشا "بو گئجه" بو گئجه اؤزومدن چیخماق ایسته ییرم خیالینی باغریما سیخماق ایسته ییرم تک باشیما بیر بارداق شراب هی!هی آنجاق مزه م سنده قالدی دوداقلاریندا، گؤزلرینده آغ بوخاغیندا مزه سیز ایچگیم چوخ آجی سن ایدین دردیمین ایلک علاجی، سون علاجی سنین ساغلیغینا سن کی عشقی یالنیز عشق کیمی یوزوردون آپتاللار قوران قوراللاری پوزوردون! ایندی ساچلارین کیمی وصالین دا یاساق سسین ده، سئوگین ده! اۆزدن ایراق آپتاللارین وطنداشی اولدوق تیکانلارین یار- یولداشی اولدوق تیکانلار یار-یولداشیمیز اولدو یولداش دئدیگین، تیکانلاری  جاندان چیخاردان اولماسا نه یولداشی! بوشلا جانیم تاپانمازسان بئله نچی کؤنولداشی هرکیم اؤز ایتگین آختاریر بو دومانلیقدا آما منیم ایتیگیم سن اولدون آزادلیقلا برابر جانیمین تیکانلارین چیخاراردین بارماقلارین قانییا-قانییا آخ آغ بارماقلارین بیاض قوللارین بوْی-بوخونون هامیسی سئوگی قوللوقچوسو اولوردو منی گؤرنده سنی گؤرنده گؤزلریم اولدوزا دؤنوردو بیر دۆنیا قارانلیغی سؤندورمک اۆچون هوسی، نه بیلیم بۆتون خام خیاللارین اۆزون عشقه دوغرو دؤندرمک اۆچون آی سئوگیلیم کیم نه دئیه جک، قوی دئسین قوینوما سیغین روحوما سیغین دۆنیانین هئچ نه یی سن اولا بیلمز نه اسگیسی، نه تزه سی دوداقلارین مییمین ایلک مزه سی سوْن مزه سی بو گئجه اؤزومدن چیخماق ایسته ییرم خیالینی باغریما سیخماق ایسته ییرم https://t.me/Adabiyyatsevanlar

سحر_خیاوی یاشلاندیقجا اینسان اوغلو... جاوان ایکن ماکیاژ، داراق وئریر ایچ اوزونه دوواق قارا اوز ده گؤرونور آغ سونوندا دوزه چیخاجاق سولدوراجاق خزان یئلی بو یاشیل گولشنی، گولو آغارداجاق سونبول تئلی ساریسی بئزه چیخاجاق گیزلتسن ده اوز قارانی دئشه‌جک زامان یارانی کشف ائده‌جک ماغارانی آستاری اوزه چیخاجاق آشارسان سَکسَن سکگیزی جاوانلیغین قالماز ایزی آیدینلادار قیریش، گیزی تضییقین یوزه چیخاجاق سانیرسان هله باهاردیر باغلار دولو گیله‌نار دیر هله عؤموردن چوخ وار دیر لاپدان قار دیزه چیخاجاق ایبره‌لر قاچیشیر تووولو ائله گئدیر باشی لووولو یاشلاندیقجا اینسان اوغلو ایچ قاتی، اوزه چیخاجاق کیمسه گئتدیکجه نورلاشار قوجایکن ده جاوان یاشار کیمسه‌لر ده مئیمونلاشار!! قینین‌دان تزه چیخاجاق گیلئی‌لنمه آی خَردَجَل باشیندا فیرلانیر اَجَل کئچمیشینده دولاش، گیجَل پیس ایچین اوزه چیخاجاق. *گیز: رمز، راز **تضییق: فشار خون ***ایبره‌لر: عقربه‌لر ****خردجل: بو شعرده خیرداجیل، اوزونو بویوک گوسترن کیچیک آدام. https://t.me/Adabiyyatsevanlar

ائمیل_راسیم‌اوغلو منی شکیل-شکیل اؤلدورن آدام! منی شکیل-شکیل اؤلدورن آدام! نئجه شکیللرین دلی‌قانلیدی! سنین گؤزلریندن قان اییی گلیر، سنین گؤزلرینین الی قانلیدی. گؤزومو چیرپیرام آی ایشیغینا، نه هؤروم ییخدیغین ائوه... بیلمیرم. سنه اؤله-اؤله وورولورام من، سنی دیری-دیری سئوه بیلمیرم. منی شکیل-شکیل اؤلدورن آدام! منی تانری-تانری دیریلتمه، نولار! قوی ایتیم گئجه‌نین ائله ایچینده، صاباحین قاپیسین کیلیدله‌، نولار!... https://t.me/Adabiyyatsevanlar

گؤزومون نورو، جانیم آنا بؤیوتدون سن منی یانا- یانا اودلوسان گون کیمی، بیر قاینار حایات کیمی بورجلویام من سنه، سنه بیر اولاد کیمی آلدیغیمیز آجی خبر اساسیندا تانینمیش شاعیر ،یازیچی سئویملی گروپداشیمیز سایین اسماعیل خرمی‌نین مئهریبان آناسی (حاجیه خانیم گلی احمدپور مغانلو) حیاتا گؤز یوموب ادبیات سئونلر بو آجی آیریلیغی خرمی عائیله‌لرینه خصوصیله سئویملی گوروپداشیمیز اسماعیل خرمی جناب‌لارینا باش ساغلیغی وئریر. بو عزیز آنانین یاس توره‌نی جمعه گونو 1403,2,21ساعات 3,30دان 4,30 قدر پازس‌آبادین امام خمینی مسجیدینده کئچیریله‌جک. ادبیات سئونلر 1403,2,20 https://t.me/Adabiyyatsevanlar

اوشاق ادبیاتی شعر : هاتف ماکویی سس: آرزو منافی تبریزدن https://t.me/@adabiyyatsevanlar

اوشاق ادبیاتی آیناز ،معللیم لر اوچون شعیر اوخویور. https://t.me/Adabiyyatsevanlar