ادبیات سئونلر

اوشاق ادبیاتی آدسیز۱ یازار:«صمد بهرنگی» چئویرن:«منیژه جم‌نژاد» 😶 آرواد بیر کاسا قورودآشی، بیر تیکه بایات چؤرک ارینین اؤنونه قویوب دئدی: آل تیخ! مین مصیبت له دو٘زلتمیشم. کیشی دو٘شوندو: سحر وئردییم پول لار نئجه اولدو؟ سونرا گئنه فیکیرلشدی: گو٘ن چیخاندان آخشاما جان ایش، زحمت، سنین پایین قورودآشی، بیر تیکه بایات چؤرک. یاخجی، اولسون! آرواد بیر آز ارینین باشی او٘سته دوردو، دئیینیرسه قیناسین. بیر سؤز دئمه دیینی گؤرونجه، میتباخا گئتدی پیشیردیی قئیقاناغی داددی، شیرینی آز اولماسین دئیه. اود او٘سته جیزیلدیان قیزارمیش تویوغو اویان بویان ائله ییب، کدو لاری سویوب تاوایا سالدی. بال کره نی ده بیر بشقابا قویوب...رنگلی بیر سو٘فره حاضیرلادی. سونرا ارینین یانینا گلدی، قورود آشینی یئییب اسنه ییردی. آرواد دئدی: بارداق( دیزی) ایستیرم تئز دوروب گئدیب بارداق بازاریندان بارداق آلیب گتیریرسن. کیشینی شیرین ایکیندی یوخوسو توتوردو، سینیرلنیب دیلینین آلتیندا دئدی: اولماز بیر ساعات سونرا آلام؟ بیرده کی بیر بئله بارداغی نه ائدیرسن؟ هرگون بیر بارداق؛ هفته ده یئددی بارداق. آرواد جواب وئرمه دی. بیر ایت هو٘ردو، سسینه ایکینجی قاتدان کوچه یه آچیلان دربچه یه ساری گئتدی. کوچه یه باخیب بیرینه دئدی: بیر آز دؤز. ذلیل اولموشون یوخوسو توتور. ماهانا قوطوسو دالیسیجا یوللاییرام. سنه خبر وئررم. قاپینی باغلادی. قاش قاباقلی دئدی: گور با گور اولاسان پیس همسایا! بئله دئدی اری بیر سوز سوروشماسین. نه ده یئرینده دئدی. کیشی "کیمیدی" سوروشماغا اؤزونو حاضیرلامیشدی. ایستیردی صحبت  آچیب بارداغی یاددان چیخاردسین. آرواد قاپی دان دئدی: ائشیتمه دین دئدیم بارداق ایستیرم؟ کیشی دئدی: نیه ائشیتدیم. آرواد الینی کیشینین قاپی آغزیندا آسیلان  کوتونون جیبینه سالیب آچاری چیخاردیب دئدی: آچاری گؤتوردوم. گلنده قاپینی دؤیرسن گلیب آچارام. ایندی یاتماغا گئدیرم. او اوتاغا گئتدی کی دئمکدن بزک اوتاغی دی. پالتارلارینی چیخاریب، بدنینی عطیرله دی، ان گؤزل پالتارینی گئیدی. باشینی دارادی. انلیک کیرشان یاخدی. اوزون سوزون قیساسی، اری گئدینجه اؤزیله اللشدی، سونرا گلین کیمی آیاغینی اوتاغا قویوب دربچه نی آچدی. کیشی کوچه دؤنومونده جوان، خوش هیکل، خوش گئییملی بیرینی گؤردو. یوخولو اولدوغوندان جوانین آیاغینی آیاقلادی، یامان ائشیتدی. قاباغینا باخ، گئده! بارداق بازاری شهرین او باشیندایدی. اورا یئتیشینجه بیر ساعات تامام چکدی. اول بارداق ساتانا یئتیشیب دئدی: منی خانیمیم یوللاییب بیر بارداق آلام. واریزدی وئرین. بارداق ساتان گو٘لدو. بیر آز آرام لاشیب یاندا کی بارداق ساتانی هایلادی: آی مشه غضنفر بارداق چی! گئنه آغانی آروادی یوللاییب بارداق آلسین ها...ها...ها...هاها اودا میزی - میزی گو٘لدو. بازارین بلور تاوانینی سیلکله لدی. یان قونشوسونو اویاتدی: آی سید کاظیم بارداق چی داداش!  ایستیردین سفیه گؤرسن؟ باخ. گئنه آروادی بارداق آلماغا گؤندریب ها...ها...هاها. سید کاظم بارداق چی ائله اوجادان گو٘لدو کی الی دییب ایکی بارداق دو٘شوب اووولدو. او دا اولکی اوچ نفره قاتیلیب گولوب یانینداکینی هایلاییب دئدی: آی میرزه موسا کلبه سیدحسن بارداق چی! باخ. گئنه آروادی بارداق آلماغا گؤندریب...ها...ها...هاها. گو٘لمک سسی بازاری بو٘رودو. بارداق ساتانلار کیشینین باشینا تؤکولوب گو٘لوردولر. اونو لاغا قویموشدولار. آبتال دئییردیلر. سونوندا دا ایکی تومنه بیر بارداق ساتیب یولا سالدیلار. بیر ساعات دا کیشینین ائوه یئتیشمه سی چکدی. قاپی دؤیدو. آچیلمادی. گئنه دؤیدو. گئنه آچیلمادی.  قاپیا بیر تپیک وورماق ایسته دی، قاپینین باشیندان بیر کرپیچ دو٘شوب، باشینی سیندیردی. دینمه دی. الینی باشینا چکدی، خوش رنگلی قانینا باخیب، آجی گو٘لومسه دی. اوسته کی دربچه آچیلدی، آروادینین سسینی ائشیتدی: بارداق آلدین؟ کیشی دئدی: آلدیم. آرواد دئدی: سوروشدون نه قدر دوز تؤکوم؟ کیشی بونو سوروشمامیشدی. گئدیب بارداغی آلیب گتیرردی، دا نه قدر دوز تؤکمه یی سوروشمازدی. سوروشوب سوروشماماغین بیر اولدوغونو بیلیردی. سوروشسایدی، گئنه آروادینین باشقا ماهانا سی واریدی: سوروش گؤر نه قدر دوز توکوم؟ سوروش گؤر نئچه نخود توتار؟؟ سوروش گور...اونا گؤره هیچ واقت سوروشمازدی. آروادین الینه دوو دو٘شدو: آخی دووار آلتیندا قالاسان انشاالله. یوز کره دئمه دیم بارداغین دوزونو سوروش گل؟ یالله تئز گئت سوروش گل. سوروشمایینجا قاپی آچدی یوخدو. دا کئچن لر کئچیب. اونجه لر کیمی رحم ائله ییب قاپینی آچماق یوخدو. دا کئچینمک یوخدو، یا گئت سوروش گل، یادا قیامته جه اوردا قالارسان. کیشی گؤروردو، قانی بورنونون اوجوندان آخیر. آروادینین دا سسینی دویوب اؤزونو گؤرموردو. باشقاسینین دا نفس سسینی ائشیدیردی. آروادی دئدی: نیه دوردون؟ دئدیم...سوزو یاریمچیق قالدی، بیر شئی آروادینی دالا چکدی. آردی وار...

اوشاق ادبیاتی

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

ائله‌دیر، اکثريّتیمیزه باخاندا دوغرو فکرلشیرلر. کدرلی فاکتدیر، آخی یازیچی‌نین وظیفه‌‌سی هر شئیی، هئچ اولماسا، باشقالارینا نسبتاً تخمیناً دوغرو آنلاماقدیر؛ یازیچی ایتی گؤزه مالک اولمالیدیر، دریندن حسّ ائتمه‌لی، دوشونمه‌لی و دوشوندوکلرینی ده باشقالاریندان فرقلی اولاراق داها آیدین افاده ائتمه‌لیدیر. بیز نه‌یی گؤروروک‌سه، نه‌یی حسّ ائدیریک‌سه، نه بارده دوشونوروک‌سه  بونو دوغرو و گؤزل ائتمه‌لیییک. چؤره‌ییمیزی هاوایی یئمه‌مک اوچون بیز صبیرلی، کفایت قدر تواضع کار و مستقل اولمالیییق. هر زمان یومور حسّیمیزی اؤلچو-بیچینی و روحی دینجلیییمیزی قورویوب، ساخلاماغی باجارمالیییق. سون   https://t.me/Adabiyyatsevanlar

علاوه‌ اولاراق، خلوت‌جه قولاغینیزا پیچیلداییم: اینانمیرام کی، او واختا قدر ساکسیفونلار و همچینین کئچمیشین جاز آلت‌لری آرفا، زبور آلت‌لری، سیمباللار موزه‌لرده یئر آلاجاق و اورادا بو آلت‌لری چالماق، قانونا گؤره قاداغان اولوناجاق. بلکه ده بو قناعته گله بیلرسینیز کی، من بوتون ائکسپئریمئنتلره چوخ احتیاط‌لا یاناشان قاتی مرتجع‌ اولمالییام. یوخ، هئچ ده بئله دئییل! صنعتده ائکسپئریمئنت واجب‌دیر. علم‌ده ده همچینین. ائکسپئریمئنت ایره‌لی‌یه دوغرو حرکته تکاندی. بعضا اؤز بهره‌سینی ده وئریر، لاکن بیر معلوم مسئله‌نی اونوتماق اولماز: یازیچی یالنیز او زامان اوزون‌عؤمورلو صنعت اثری یارادا بیلر کی، موضوع‌نون اؤزو، ائکسپئریمئنتی عنادلا طلب ائتسین، یوخسا کیمسه نه‌یین باهاسینا اولور اولسون، اورژینال‌لیق خاطرینه ایسته‌دییی کیمی ائکسپئریمئنت آپاریرسا، بونونلا دا ساده هم وطن‌لری‌نین دقتینی بیر مدت جلب ائتمه‌یه نایل اولورسا، اونون یازدیغی تئزلیکله ایتیب-باتاجاق؛ شئح ده گونش شعاع‌لاری آلتیندا بئله‌جه قورویوب، گئدیر. یا دا شاعرلرین پوئتیک دیلی‌ایله ایفاده ائتسک، بئله ائکسپئریمئنت‌لر اؤپوشدن سونرا دوداقلاردان سیلینیب گئدن پامادا(دوداغا سورتن ماده، یاغ) کیمیدیر. اون بئش ایل بوندان اؤنجه لندن‌ده بیر هیکل‌تراشین اثرلری‌نین سرگیسی واردی، چوخ یاخشی و نرمال ایشلر ایدی. سرگی زامانی زالا ایکی گنج خانیم گیردی، کؤنولسوز-کؤنولسوز و تلم-تلسیک بیر رنگدن او بیری رنگه باخیردیلار، نهایت اونلاردان بیری‌نین گؤزو اوتوراق حالدا یئکه بیر فیگورا ساتاشدی. فیگور دوزگون اولمایان هند‌سی ائللیپسوید(بیضی)لردن دوزه‌لدیلمیشدی.  گویا آدی دا وئنئرا ایدی، تاماشاچی‌لارین دقتینی جلب ائده بیلمیشدی. یئنی فیگورون قارشیسیندا دوران گنج خانیم سانکی پروانه کیمی حرکتسیز قالمیشدی، رفیقه‌سینه سسلندی: «عزیزیم  بورا گل،  اودور باخ، وئنئرا!» سونرا باشینی اییب داوام ائله‌دی: «چوخ گؤزه‌لدی ائله‌می؟» بئله پروانه‌لر ایندی ده وار و اونلار بو گونه کیمی اثرلره یالنیز اورژینال‌لیق خاطرینه تاماشا ائدیرلر، چونکی اونلارین قولاقلارینی هر جور قیشقیرتی‌ایله دولدوروبلار کی، گویا گؤردوکلری «اورژینال» اثردیر. ادبيّات مسئله‌سینه قاییداق. بیز ائکسپئریمئنتلرله دولو بیر دورده یاشاییریق؛ یازیچیلاریمیز اوچون آسان دئییل. بیزی بوگونکو نثرین پوئزییایا، پوئزییانین ایسه نثره دؤنمه‌سی آز ماراقلاندیریر. بیزی منجه، داها چوخ بئله بیر سوال قایغیلاندیریر: عمومیّت‌له  موجود شرایطده، هم شعر، هم ده نثر یازماغا ديرمی؟ منه ائله گلیر کی، بیز ایندی پیدا اولان هر شئیه گؤره سئوینیریک، چاپ اولونان کیتابلار حاقیندا ائله سس-کوی قالدیریریق کی، نشریّات‌لارین رئکلاملارینی دا اوسته‌له‌ییر، نادیر کیتابلاری «نهنگ» آدلاندیرمازلار. «شئدئورلر»(شاه اثرلر) و «استعدادلی شئیلر» گؤبه‌لک کیمی آرتیر، سونرا دا اونلاری، ائله بئله‌جه، هوس‌له هوررا ائدیب قاریشدیریرلار. هاچان‌سا  آمّا بو تئزلیکده یوخ، ناشرلر و رئسئنزییا(علمی و یا ادبی-بدیعی اثرین تحلیلی باره‌ده اساس‌لاندیریلمیش رأی)مؤلف‌لری آنلایاجاقلار کی، «داهی» و «استعدادلی» کیمی ائپیتئتلری(مجازی معنا) یاخشی اولار کی، نفوذلو و غرض‌سیز حاکمین-زامانین عهده‌سینه بوراخسینلار؛ ائله بیر زامانا کی، رقملری آشاغی سالماقلا، اوندان گلیرین گیزله‌دیلمه‌سی ممکون اولمایان غیری عادی وئرگی ییغیجی‌سینا بنزه‌ییر. دوغروسو، بوتون بو دینقیلتیلی سس-کویلرده بیر اوستونلوک ده وار: کیتابلار درحال پوپولیارلاشیر. بو دا فایدالی‌دیر، هرچند جاوان یازیچیلار اوچون تهلوکه‌‌ ده یارادیر. کئچمیش زامانلاردا بیلیجی‌لر یازماغا تزه باشلایان مؤلفلری دئیک کی، مئرئدیت، کونراد و یا استیوئن کرئین کیمی یازیچیلاری تعریفله‌ینده، امین اولماق اولاردی کی، اونلارین کیتابلاری ساتیلمایاجاق‌ لاکین ایندی یازیچینی تعریفله‌ینده اونون کیتابی درحال اون بئش نشریّات طرفیندن چاپ اولونور، مخبرلر مؤلفین باشی‌نین اوستونو آلیرلار، اونا اسپیرتلی ایچکی‌لرین قاداغاسی‌یلا، داغ آدامی‌یلا  دوغوشا نظارتله، نه بیلیم، مختلف موضوعلارلا باغلی سواللار وئریرلر؛ بو جور خبر باشلیقلاری اؤلکه‌نی باشینا گؤتورور، مؤلفین باشی چوخ دا یئرینده دئییل‌سه، دئمه‌لی  هر شئی اونون گؤزلرینه سرعتله باش-آیاق گؤرونه‌جک. گؤرونور، ائله بونا گؤره ده اکثر هم‌وطنیمیز یازیچیلاری بیر آز باشدان‌ خراب حساب ائدیر. آداملار بیزیم کیتابلاری آلیرلار، بونونلا بئله دونقولدانیرلار: «آه، بو یازیچیلار!» سانکی امیندیرلر کی، بیز هر شئیی باش-آیاق گؤروروک، دَيرلریمیز ده یالانچی دَيرلردیر.

بیزه موزه‌نی گؤسترن پروفسوردان سوروشدوم: -سئر، بو نهنگ حیوانین آغزی چوخ خیردادیر، گؤره‌سن او، دویا بیلیردی‌می؟ پروفسور منه غرض‌له باخدی، سانکی دئمک ایسته‌ییردی: «من ده ائله بونو سیزه ایضاح ائله‌مک ایسته‌ییردیم»‌ دئمک ایسته‌ییرم کی، ادبيّات هارداسا  ایری اسکلتی و قویروغو اولان دایناسورا بنزه‌ییر، قویروغونون اوزونلوغونون سونو یوخدو، آغزی دا چوخ خیردادی و دایم حیاتدان دادیر. من، نئجه دئیرلر، بیر قدر قاباغا قاچیرام، دئدیکلریمه گؤره ده جوابگویام: بعضیلری بئله حساب ائدیر کی، ادبيّاتین حیاتلا چوخ سویوق مناسبت‌لری اولمالی‌دیر. ساده‌جه اوزاقدان-اوزاغا حیاتا ال ائتمه‌لی‌دیر. مطبخ ائستولونا دا بیرینجی ادبيّات یئتیشمه‌لی‌دیر. بعضی‌لری ایسه حساب ائدیر کی، ادبيّات حیاتین اؤزوندن ده جانلی اولمالی‌دیر، تلسمه‌لی‌دیر، چاپمالی‌دیر. بوش شئیلره، توتاق کی، سئچیمه فورمایا، گؤزل‌لییه و یا حیاتدان، هانسی‌سا معنوی-اخلاقی بیر شئی گؤتورمه‌یه فکر وئرمه‌ملی‌دیر. ادبيّات اصلینده بیهئویوریزمین(بئهاویوریسم، رفتار، اخلاق) قایدالارینی قورومالی‌دیر. تخمیناً  موسیقی بسته‌لمه‌یه حاضرلاشاندا «ایلاهی گؤره‌سن بیر شئی آلیناجاق‌می؟» -دئیه دعا اوخویان اولترا مودئرنیست بسته‌کار کیمی بو جور یاناشمالار معلومدور. لاکین من قاتی محافظه‌‌کارام: منیم اوچون ادبيّات او زامان باشلاییر کی، حیات صنعتکارین طبیعتیندن و احتراصیندان قیغیلجیم قوپاریر؛ اؤزو ده بو حیات، هانسی‌سا، پلیس حساباتیندان و یا قزئت مقاله‌سیندن قیغیلجیم قوپاران حیات دئییل. اصلا یوخ! بو حیات بوتون نهنگ قاینایان، سس-کوی یارادان حرکت و حادثه‌‌لرین مختلف چالارلاری و قوخولاری، درینلیکلری و قارانلیقلاری دئمکدی. بو حیات بیزیک، بیزلردن هر بیریمیز حرکت و حادثه‌‌لرین گؤرونمز حصّه‌‌سی‌ییک. ادبيّات بونلاری صاف-چوروک ائدیب، بوتون باشقا حصّه‌‌جیکلر و اشتراک‌چیلارلا قارشیلیقلی علاقه‌‌ده توتاراق، قیدالانمالی‌دیر. باخ، بو قارشیلیقلی علاقه‌‌ کفایت قدر گؤروننده و یا هانسی‌سا، بختورین گؤزونه گؤرونندن سونرا سؤزه چئوریلنده ادبی اثر دوغولور. یئنی، ظریف و ایشیلدایان بیر فقره‌دیر. بو  بلکه ده ایلک واختلار هله‌لیک  قبول ائدیلمیر، لاکن معيّن واخت اؤتدوکدن سونرا ادبيّاتین اوجو-بوجاغی گؤرونمه‌ین اونورغا سومویونده اؤز یئرینی توتور. ادبيّات ساپا دوزولموش قیمتلی داشلارا بنزه‌ییر، اونلارین هئچ بیری دیگرینه بنزه‌میر. یئنه دئییرم، ادبيّاتین دوز فقره‌سی وار. من اونا آرخالانیرام، اونون هر هانسی فورمادا اییلمه‌سی منی دهشتلی درجه‌‌ده قورخودور. گئرییه، کئچمیشه بویلانیب باخاندا ادبيّاتین انکشافیندا اونون بئل ستونونو آسانجا گؤرمک اولار. لاکن او آداملار کی، بو ستونو سیندیرماغا چالیشیر و هر شئیی یئنیدن باشلاماق ایسته‌ییرلر. ناحق یئره واخت ایتیریرلر؛ اونلار هم اؤزلری‌نین  هم ده اگدیکلری(و یا سیندیردیقلاری!)  سوتونا مجبورا باخان آداملارین واختینی یئله وئریرلر. مثال اوچون، دیگر جوان مؤلف‌لردن روحلانیب، رومانی حادثه‌‌لر کالئیدوسکوپونا (چیچک دوربینی، سوره‌کلی دییشیلن منظره) چئویرن غریبه ائکسپئریمئنتلر (تست و سیناماق، تجربه ائتمک) وار؛  پروست‌دان (ساغلیق وئرمک، ایچکی ایچیله‌نده اؤزل بیر عادت و رسم) روحلاناراق یازیلان عائله‌‌ حیاتی ائنسیکلوپئدییاسینا (دایره‌المعارف) بنزه‌ین رومانلار.  ادگار اوئلس‌دن روحلانیب، بیر-بیری‌ ایله باغلی اولمایان یاشانتیلار بورولغانیندان یازان مؤلف‌لر، نه بیلیم، داها کیمدن‌سه، تأثیرلنیب میکروپسیکولوژی آنالیز موضوع‌سوندا تراکتات یازان مؤلف‌لرین ائکسپئریمئنت‌لری. من امینم کی، اوتوز ایلدن سونرا بو ائکسپئریمئنت‌لری اونوداجاقلار،  کاراکترلری و سوژئتی اولان رومانلار یاشایاجاق. بونا دا امینم کی، پوئزییادا او شعرلر یاشایاجاق کی، اونلارین مضمون و ریتمی هانسی‌سا، آنلاشیلماز شکیلده بیزیم حسّ‌لریمیزه تأثیر ائدیر. تصویری صنعت نمونه‌لری باره‌ده دانیشماغا، عمومیّت‌له جرأت ائتمیرم. چونکی رسّاملار، قید ائتدیییم کیمی، یازیچیلاردان داها کوسه‌ين‌دیرلر. من برلین شکیل گالری‌سینده بیر بیلیجی‌نین فکری ایله راضیلاشمادیم. هله ده اونودا بیلمیرم؛ اونا بیلدیردیم کی، سیزین دئدییینیزدن بئله چیخیر کی، پاکت مارکالاری‌نین خط‌لرین، تباشیرله چکیلمیش جیزگی‌لرین میخلارین و کؤهنه اتوبوس بیلیت‌لری‌نین هانسی‌سا  نظام‌سیز ییغیمینی معيّن قایدادا کتانا کؤچورن رسامین شکلی رافائلین‌ «سیکستین مادونا»سیندان داها چوخ هیجان‌لاندیریر ائله‌می؟ همین بیلیجی ده چوخ عصبی‌لشدی. موسیقی‌یه گلینجه  قید ائدیم کی، منی بئله بیر قناعتیمدن هئچ کیم چکیندیره بیلمز: اوتوز ایلدن سونرا اینسانلار یئنه مئلودیک موسیقی‌لره جان آتاجاق، چتین هضم ائدیلن کند تصرّفاتی و صنایع گورولتوسوندان عمله گلن موسیقیلری اونوداجاقلار.

ادبيّات و حیات   جان گولزرثی‌نین ائسسئ‌سی   «جان گولزورثی» کوچورن:«ویدا حشمتی» حاضیرلایان:«ادبیات سئونلر» اینگیلیس یازیچیسی و دراماتورگو  نوبل مکافاتچی‌سی جان گولزورثی (۱۸۶۷-۱۹۳۳) مشهور «فورسایتلار حاقّیندا ساقا»  تریلوگییاسی‌نین؛مؤلفی‌دیر. او امکانلی عائله‌‌ده بؤیوموش، وکیل‌لیک اختصاصی‌نا یییه‌لنمیشدی، لاکین جون ان محصولدار یازیچی اولدو؛ اونون ۲۰ رومانی، ۲۷پیئسی، ۵ شعرلر توپلوسو، ۱۷۳حئکایه‌سی،  ۵ ائسسئ‌سی، ۷۰۰دن چوخ مکتوب و پوبلیسیستیک مقاله‌سی چاپ اولونوب، مختلف موضوع‌لاردا یوزلرله محاضره‌سی و آنالیتیک یازیسی ایشیق اوزو گؤروب. هله ۱۸۸۹-جو ایلده ۲۳ یاشیندا جان دئییردی: «صاباح گؤره‌ بیله‌جه‌یین ایشی بو گون گؤرمه». لاکین ایللر اؤتدوکجه مؤلف تامام فرقلی-فرقلی ملاحظه‌لرله یاشاییب-یارادیر، رئالیست یازیچی کیمی دونیا ادبيّاتی تاریخینه دوشور. او حساب ائدیردی کی، صنعتین مقصدی حیاتدان قیدالانماقدیر؛ روماندا اساس اودور کی، یازیچی تصویر ائتدییی قهرمانین حیاتی، اونون کاراکتری و فکرلری آراسینداکی قارشیلیقلی علاقه‌‌نی توتا بیلسین. آشاغیدا آذربایجان دیلینده ایلک دفعه‌ اونون «ادبيّات و حیات» آدلی ائسسئ‌سینی کامران نظیرلی‌نین اورژینالدان ترجمه‌سینده تقدیم ائدیریک.   ادبيّات و حیات ادبيّات نه‌دیر؟ اگر ساغلیغیندا مؤلفین اثرینی ادبيّات حساب ائتمیرلرسه، بلکه ده او، اؤلسه یاخشیدیر؛ حتی بو حالدا بئله، سایسیز-حسابسیز کتابلار و اونلار باره‌ده دایم فکر ديیشکن‌لییی میدانا گلدییی واختدا ادبيّاتین نه دئمک اولدوغونو معيّن ائتمک چتیندیر. سیز ایکی آدام تاپا بیلمزسینیز کی، بیر نئچه دقیقه عرضینده ادبيّاتین نه دئمک اولدوغو بارده عینی فکره گله بیلسین.  یقین کی، هامیمیز شکسپیری قبول ائدیریک، لاکین اوندان باشقا داها کیملرین آدینی چکه بیلریک؟ آخی بیز شاعرلریمیزی هانسی «تزه»دیر،  هانسی «کؤهنه»دیر دئیه، یومورتا کیمی اشاره‌‌له‌یه بیلمه‌ریک. آخی اونلار اوزون مدتلر قالیبلار تاریخده، یوخ، یازیچیلار «استفاده مدتی»نی اؤزلری-اؤزلرینه یازیب قویورلار. من شخصاً، هئچ بیر اساس-فلان گتیرمه‌دن، حساب ائدیرم کی، ادبيّات یالنیز و یالنیز اوخوماغا امکان تاپدیغیم کیتابلاردی؛ بو ملاحظه‌ منه چوخ‌سایلی،  نهنگ مؤلف‌لری اختصارا سالماقدا کؤمک ائدیر، لاکین فردی ذوق‌دن بیر قدر آرالانساق، دئمک لازم‌دیر کی، ادبيّاتی یازیلان رئسئنزییا(ادبی تنقیدین و ژورنالیستکانین اساس ژانرالریندان بیری‌دیر. بیر اثری نظردن کئچیرتمک، تحلیل ائتمک، قیمتلندیرمک حقوقو دئمکدیر.)لارا گؤره تعیین ائتمک چتیندی، عینی‌ایله قورولوشچو رئژیسسورون (کارگردان) تئاتری اوچون تاماشاچی‌نین گؤزله‌دییی پیئسی سئچدییی کیمی، لاکین بورادا بیرجه فرق وار: رئژیسسور اؤز سئچیمینی تاماشاچی‌نین ایسته‌ییندن سونرا ائدیر،  بیز یازیچیلار ایسه بونو اوخوجودان اوّل ائدیریک. نئجه ده بؤیوک بیر تسلّی!  دیگر طرفدن چوخ تأسف کی، بیزیم اوخوجولاریمیز بو گونون رئال‌لیقلاری‌یلا یاشایان تئاتر تاماشاچیلاریندان فرقله‌نیر و بو دا اوزون مدت، نسلدن-نسله  بئله‌جه اؤتورولور. ۱۸۰۰-جو ایلده صحنه‌‌یه قویولموش تاماشا ۱۶۰۰-جو ایلده‌کینی اوسته‌له‌ییر ۱۸۳۰-جو ایلده، هانسی‌سا  مؤلفی تعریفله‌ییرلر، ۱۹۳۰-جو ایلده ایسه اونو تنقید ائدیرلر. ادبيّات تورپاق اوزه‌رینده ایز بوراخمیر،  زامانین اووالانان ظریف قوملاری اوستونده ایز سالیر و من او قومون اوزه‌رینده قاچان آدامین ایزینی آختارمالی اولان خفيّاً ده آنلاییرام. بئله‌لیکله، بوتون حاللاردا ادبيّاتین نه دئمک اولدوغونو دقیق تعیین ائله‌مک منجه، ممکن دئییل. لاکین بو یاخینلاردا تانیش بیر یازیچی‌یلا گؤروشوب، صحبت ائله‌دیم؛ او کؤهنه پیئسلری دریندن اؤیره‌نه‌رک بیلمه‌یه چالیشیردی: گؤره‌سن  نه‌دن ادبی اثرلر اؤز-اؤزون‌ عمرلوک‌لییینی قورویوب ساخلاییر؟ او بئله بیر نتیجه‌یه گلیب کی، مسئله‌ کاراکترلرین حیاتی اولماسیندادیر. دوشونورم کی، اگر پیئس و رومانلار بارده دانیشساق، اونون قناعتی تخمیناً دوغرو اولار. آمّا بونو پوئزییا حاقّیندا تام معنادا دئمک ده اولماز. شعر اوچون نه‌سه، باشقا بیر آرگومنت(دلیل، علت، برهان) تاپماق لازم‌دیر منجه. بئله دئمک اولار: بؤیوک حرفلی ادبيّاتی معيّن ائتمک اوچون اثره اصل فردی مؤهور وورمالیسان؛ ماهیّتینه گؤره یازیلمیش اثر اوّلکی اثرلره بنزه‌مه‌ملی‌دیر. سیز هئچ ایلانین اسکلت‌ینی گؤروبسوز؟ بو چوخ حیرتلی و ظریف وارلیقدیر. باخ  ادبيّاتی دا ایلانین اسکلتی‌ ایله مقایسه‌ ائتمک اولار: هر بیر فقره‌سی بیر-بیریندن فرقله‌نیر، لاکین سیرلی شکیلده بیری-بیری‌یله باغلانیر. یا دا اجازه وئرین، باشقا بیر مثال گتیریم. تاریخدن  بیر نئچه ایل بوندان قاباق نیویورکدا اولارکن، نهنگ سوموکلری اولان بیر دایناسور نوعونو گؤردوم. غریبه قویروغو و خیردا آغزی واردی؛ یوخ جانلی دئییلدی؛  هرچند بعضا اوندان دا خیردا آغیزلی، حیرت آمیز حیوانلار گؤرورسن.

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم7 آپاریجی:«کریم قربانزاده» https://t.me/Adabiyyatsevanlar

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم6 آپاریجی:«کریم قربانزاده» https://t.me/Adabiyyatsevanlar

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم5 آپاریجی:«کریم قربانزاده» https://t.me/Adabiyyatsevanlar

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم4 آپاریجی:«کریم قربانزاده» https://t.me/Adabiyyatsevanlar

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم3 آپاریجی:«کریم قربانزاده» https://t.me/Adabiyyatsevanlar

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم2 آپاریجی:«کریم قربانزاده» https://t.me/Adabiyyatsevanlar

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم1 آپاریجی:«کریم قربانزاده» https://t.me/Adabiyyatsevanlar

مهندس«علیرضا صرافی»  ادبیات سئونلر گوزگوسونده  1402/9/7 چکیلیش:«مرجان منافزاده»  بیرینجی بؤلوم7 آپاریجی:«کریم قربانزاده» https://t.me/Adabiyyatsevanlar