ادبیات سئونلر

هر هانسی میللتین بو اوچ سیلاحی اولسا دونیانی فتح ائدر. بیرلیک، دوشونجه، کیتاب... بیرلیک دیرلیک‌دیر، دوشونجه اولسا!... دوشونجه یالنیز کیتاب اوخوماقلا آرتار. دیکتاتورلار اونا گؤره دونیانی فتح ائده‌بیلمزلر کی، کیتاب اوخوماغا، یازیب-یاراتماغا مانع اولارلار.

یانار_قاراداغلی عجــایبـــدی     احـوالیمیــز     ایـلاهــی! حسـرتـلــره  قیسمــت   دئییـب   دؤزوروک! هـر درد  اولـور     باشیمیـزا      نـه  گلیـر هئـی  شئیـطانـا  لَعنـت   دئییـب   دؤزوروک! اینسـان  اوغـلـو    اؤز  اودیـلـــه    قـالانیـر گـاه چاپیـلیـر   گـاه  داغیلیـر    تـالانیـر کیمـی   کؤلــه   کیمـی  آقــا   دولانیـر زیلـلـت لــره  قیسمـت  دئییـب    دؤزوروک! هئـی  شئیـطانـا  لَعنـت  دئییـب  دؤزوروک! ایلـلـر  اؤتــدو  یـــاز اولمـــادی   قیشیمیـز بیـری  تـوخسـا  قـارنـی آجـدی   بئشیمیـز داهـا  بیـزیـم   دؤزمَـک  اولـوب   ایشیمیـز زحمـت لـره  قیسمـت  دئییـب   دؤزوروک! هئـی  شئیـطانـا  لَعنـت  دئییـب  دؤزوروک! بـاش تـاپمــادیـم آخــی نئجــه دونیــادی!؟ کیمــه زَهَـــر کیمـه لــره سـه  بــال دادی چـوخ  ائشیتــدیـک  سَسیمــیـزده  چیخمـادی مئحنــت لــره  قیسـمــت  دئییـب   دؤزوروک! هئـی  شئیــطانــا  لَعـنــت  دئییـب  دؤزوروک! قـورتــارمــادی  بیــزی  مــوســا   نـه  عیسـا کئچـدی  دونیــا    ائلــه بئلـه    هـارداسـا « یانـار »  نئیلیـم  سـؤزلـر  چوخـدو  دیـل  قیسـا بیـز  درت لـره    قیسمـت  دئییـب  دؤزوروک! هئـی  شئیـطانـا  لَعنـت  دئییـب   دؤزوروک...! https://t.me/Adabiyyatsevanlar

نصرت_کسمنلی ‍ ایکيميزده بير اورک وار، یاری منده، یاری سنده، سئوگی آدلی بيرآغاجيق، بوداق منده، ناری سنده. چيچک عطری گول اوزونده، مين معنا وار هر سؤزونده، بير بولودوق گؤی اوزونده یاغيش منده، دولو سنده بير اووچویام گونوم اوودا قاچ-ها-قاچدا، قوو-ها-قوودا عئشقيميز بير شيرین سئودا پتک سنده ، بالی منده ... https://t.me/Adabiyyatsevanlar

رحیم گوزل سئویرم گونش کیمی گله سن بیزه؛ نه، نازا قویور نه، مینّت وورور... قاپینی دا دویمور  پنجره دن بویورور گلنده!.. 2 گئجه یله - سَحَرین قوووشاغیندا اینجه تیق - تیق سسی گلیر..‌. یا یاکریم قوشودور بالکونداکی نرده لری دیمدیکله ییر، یا دا کی یاز یاغیشی دیر جامی دویور. ایکیسی ده بیر جور منه اویان دئییر، ایکیسینی ده سئویرم.

عایشه صیادقیزی‌‌ یالاندان نه درد دانیشیم، یانمایان آنلامایاجاق. اودون قیمتین اوشویوب، دونمایان آنلامایاجاق. نقاش ناخیشدان اوینایار، یولچو یوخوشدان اوینایار، قانان باخیشدان اوینایار ، قانمایان آنلامایاجاق. یاشی قاریشیب سئللره، دردی سس سالیب ائللره، کؤنول قوشو کؤنوللره، قونمایان آنلامایاجاق. عایشه دئییم یاز اورتادان، دلر دوغرو سؤز اورتادان. منی قلبی دوز اورتادان، سینمایان آنلامایاجاق. https://t.me/Adabiyyatsevanlar

داریخدیم سخاوت عزتی یامان اؤتدو ایللریمین قیر آتی خاطره‌لر توزا باتدی داریخدیم. بیر آنا وار او توز- دومان ایچینده ایللر اونو هئی آغلاتدی داریخدیم. دوشنی یوخ یورد- یوواسی بوش قالیب، گؤز یاشیندان قایاسیندا یاش قالیب اوجاغیندان بیر جوت سؤنوک داش قالیب، داشلار منده اوجاق چاتدی داریخدیم. آدام‌سیزدی بو اوتاقلار، او داملار، کؤکدن دوشوب او باغچالار، باداملار، گؤزه‌دَیمیر من گؤردویوم آداملار، دومان اولدو گؤزدن ایتدی داریخدیم. یاد صحرادا بیر پیادا غریبم، کیم تاپیلار چاتسین دادا غریبم، تکلنمیشم بو دونیادا غریبم، بودا بئله بیر حیات‌دی داریخدیم. چینه‌ییرم اؤتنلرین دادینی، گئیینیرم ایستیسینی، اودونو، تامسینیرام قایماغینی، سودونو، بیر ناغیلدی، احوالاتدی داریخدیم.

نرگیز بیلدی، تبریز بیلدی، امریکا، اسراییل، قطر، عمان، روسیه، چین، بوتون اوروپا مملکت‌لری، حتتا آفریقادا ممد خوسی بیلدی، ایلّا امت قهرمان و نامحرم ایران. امریکا نه دئدی؟ آغالار نه جواب وئردیلر؟ بیرده باشا دوشمه‌دیک. آمریکا ایله دالدا-بوجاقدا، غیر مستقیم مذاکره ائتمک‌له مستقیم مذاکره‌نین فرقی وار؟ یالنیز بونو بیلدیک کی سی... گئدر شیرازا، گؤره نه وئررلر عزا ایله جزا، تحریم.‌‌.. رحمت اولار بابک زنجانی‌لره، شهرام جزایری، چای دبشی یئییب، ایچنلره... یالنیز یوز تومنلیک دولار بیزیم بئلیمیزی سیندیرار....

مثل 8 : بیلدی بیلمدی 💥کاربرد مثل: این مثل زمانی به کار می رود که شخصی به خاطر ترس از کار خلافش  بخواهد به صورت غیر مستقیم نتیجه عملش را بداند. قصه پژوه : فاطمه محمودی ویراستار فارسی:حسن محمدی ویراستار ترکی : حمید حسینی - مینا ابراهیم پور طراح جلد: سمیرا خانزادی زبان کتاب : ترکی با ترجمه فارسی انتشارات: نظامی گنجوی موسیقی :Uzundərə آهنگساز: شهریار صدیق کتاب مین بیرمثل، مین بیر حئکایه ، مجموعه ای کامل از مثل های ترکی، به همراه قصه های آن به صورت مینیمال در 10 جلد کار شده. و1001 داستان و مثل دارد. این مجموعه به صورت صوتی اجرا شده و در  کانال تلگرام  به اشتراک گذاشته می شود. در صورت تمایل می توانید با آسکن بارکد یا لینک وارد کانال شده و قصه های صوتی را گوش کنید

بو شکیلده بونلاری گؤسترمه‌یی سیز نئجه قبول ائله‌ییرسیز؟ لازیمدیرمی، یوخسا یوخ؟   آنار: بیر وار، آدام آداملارین پروبلئملرینی اوره‌گین آغرییا-آغرییا یازاسان، بونو گؤستره‌سن کی، باخ، بئله انسانلار دا وار. بیر ده وار کی، بوندان سئنساسییا(احساسات) یاراداسان. شوو دوزلده‌سن کی، باخ، گؤر بالدیزلا گلین نئجه بیر-بیرینی سؤیورلر. گلینله قایینانا نئجه یولا گئتمیرلر. نه بیلیم، ارله آرواد نئجه دالاشیرلار فیلان. بونلار، اونلاری باشا دوشمک اوچون گؤستریلمیر،  اونلارین قالماقالیندان سئنساسییا یاراتماق، تاماشاچی جلب ائله‌مک اوچون گؤستریلیر... چونکی، تاماشاچی دا اینساندی دا، بئله شئیلره باخماغا داها چوخ ماراق گؤستریر، نه‌ این کی، آنلاماغا، ماراق اساس رول اویناییر کی، گؤرک نه اولدو؟ گؤرک بو، بونو دؤیه‌جک، دؤیمه‌یه‌جک؟ گؤرک بوشاناجاقلار؟بوشانمایاجاقلار!؟ سؤیوشه‌جکلر؟سؤیوشمه‌یه‌جکلر!؟ باخ، بو اخلاقسیزلیغی بعضی تلویزیون کاناللاری‌نین تبلیغ ائله‌مه‌سینه من چوخ بؤیوک قباحت کیمی باخیرام...  https://t.me/Adabiyyatsevanlar  

  آنار: یالان اولماسا دا، بیر آز شیشیرتمه اولور، بیر آز افراط اولور، بیر آز مبالغه اولور دا...   پروین: آمّا دوشمنلرین آجیغینا یاشاماق موضوع‌سوندا منه ائله گلیر کی، بو دوشمنلرین آجیغینا یوخ- آمّا مئیدانی بوش قویماماق، مئیدانی بایاغیلیغا، قرافومانییایا(یازماق شهوتی)، معناسیزلیغا وئرمه‌مک-  باخ  بو، یاشاماق اوچون چوخ جدّی استیمولدو(تشویق) دوزدو؟ آنار: ائله‌دی، تامامی‌له دوغرودو.   پروین: بو، یازماق اوچون ده استیمول(تشویق)دو، آنار معلّیم؟ یئری گلمیشکن، من اونو سیزین یارادیجیلیغینیزدا حیسّ ائله‌ییرم. یازیلارلا، همین بو بایاغیلاشان، بوزلاشان دونیایا عصیانی. مثلا، بو یاخینلاردا سیزین «قاتاردان قالان آدام» حئکایه‌نیز چیخدی. بو، تام کلاسسیک حئکایه‌دیر و آنار یارادیجیلیغی اوچون ده، آذربایجان ادبيّاتی اوچون ده، چوخ اونیکال(بی‌همتا، یگانه) بیر حادثه‌‌ اولدو. منده بو فیکیر یاراندی کی، سیز سانکی بئزدیز، بو بایاغی محیط غیبت‌لریندن و دئدیز - گل، بیر دنه ده ادبی حادثه‌‌ اولسون..‌   آنار: بیلیرسن، بیزیم نسلین فاجعه‌‌سی یا، پروبلئمی اودور کی، ایندی دئییرلر،  بونلار سووئت یازیچیسیدی. بو، بوش شئیدی. باخ بوتون یازیلاریما، هاردان من سووئت یازیچیسی اولموشام؟ عکسینه  سووئت دؤورونده عادی اینسانلاردان یازمیشام، اونلارین پروبلئملریندن یازمیشام، اونلارین بدبختلیییندن یازمیشام. منیم قهرمانلاریمین دئمک اولار کی هامیسی بدبختدیلر، خوشبخت سووئت آدامی یوخدو منیم یازیلاریمدا. آمّا سووئت دؤورونده بیز بئله فیکیرلشیردیک کی، بو قورولوشون چوخ بؤیوک نقصان‌لاری وار، ناقص‌لیکلری وار، حتی جینایتلری وار استالین دؤورونده. باشقا بیر دؤورده ایسه، آزاد بیر دونیا وار، اوردا اینسانلار داها خوشبخت یاشاییر. بعضا سووئت حیاتی ایله مقایسه‌ده، خارجه گئدنده، اورانین ظاهری پارلاقلیغی، رنگارنگ‌لییی، حیات اوردا ماراقلیدی فیلان، بیزه ائله گلیردی کی، دوغرودان دا، بو آلتئرناتیودی (جایگزین). ایندی کی بیز کاپیتالیزمه کئچمیشیک، کاپیتالیزم قانونلاری ایله یاشاییریق، ایکی مقام وار: بیر مقام وار کی، بیز مستقلیک، بو  بؤیوک خوشبختلیکدی. دوغرودان دا، من اؤزومو خوشبخت حسّ ائله‌ییرم کی، مستقل آذربایجانی گؤردوم و خوشبخت حساب ائله‌ییرم کی، قاراباغ آزاد اولدو، شوشایا گئتدیم، اونو دا گؤردوم. آمّا عینی زاماندا مستقل‌لیک دؤورونده بیز سوسیالیزمدن بازار اقتصادییّاتینا کئچدیک؛ یعنی فاکتیکی کاپیتالیزمه.  ایندی بیز کاپیتالیزمین نقصان جهتلرینی گؤروروک، ایستر-ایستمز. بو هئچ کیمدن آسیلی دئییل. بو، جمعيّتین اؤزونون خصوصيّتی‌دی کی، کاپیتالیزم دؤنه‌مینده وار-دؤولت، پول، اساس معیاردی. سووئت دؤورونده ائله دئییلدی. اونا گؤره سووئت جمعيّتی، ادبيّاتی، صنعتی، سیخیردی، معيّن چرچیوه‌لره سالیردی.  آمّا عینی زاماندا ادبيّاتا ماراق وار ایدی.  آمّا ایندی ماراق ائسترادا مغنّی‌لرینه داها چوخدو، نه‌این‌کی ادبيّاتا.   پروین: آنار معلّیم، بو داها غلیظ بیر حال آلیب؟ ائسترادا مغنّیلری‌نین سويّه‌سیندن ده آشاغی ائنیب بو ماراق... داها پیس وضعيّتده‌ییک...   آنار: چوخ غلیظ بیر حالدی بو. بونو بیر دئتاللا ایضاح ائله‌مک اولماز. چونکی سوسیال طرفیندن باشقا، هم ده تکنیکی ترقّی‌یله باغلی طرفی وار. ایندی انسانلار ویرتوال(‍ مجازی) حیاتلا یاشاییرلار. تلفونلا یاشاییرلار. خارجه گئدنده اطرافا باخمیرلار، آنجاق تلفونا باخیرلار کی نئجه چکسینلر بونلاری. جاوانلار گؤرورم ده، لاپ بئله منیم نوه‌لریم، گلنده گؤرورم، آنجاق تلفونا باخیر. ائله بیل حیاتی سیخیب-سیخیب گتیریب بیر تلفون ائکرانینا سیغیشدیرمیشیق. ان یاخشی حالدا، بیر تلویزیون ائکرانینا، شبکه‌لره سیغیشدیرمیشیق. بو، بئله چیخماسین کی، یاشی اؤتموش آدامین دئیینگن‌لیییدی. من دئیینمیرم، باشا دوشورم کی، مندن آسیلی اولمایاراق دونیانین اؤز انکشاف یوللاری وار. آمّا هر حالدا، من اؤز حیسّلریمی، اؤز دویغولاریمی ایفاده ائله‌ییرم کی، منه بو یابانچیدی. قاورایا بیلمیرم، درک ائده‌ بیلمیرم.   پروین: آنار معلّیم، اصلینده ماراقلی بیر مقاما گلدی چاتدی دیالوقوموز. داها اؤنجه دئدینیز کی، منیم بوتون قهرمانلاریم بدبختدیرلر، بوتون یارادیجیلیغینیز بویو آیری-آیری قهرمانلارینیز واسطه‌‌سیله انسان طالعی‌نین غلیظ‌لییینی غریبه‌لییینی، انسانین یاشادیغی هانسی‌سا سارسینتیلاری گؤسترمیسیز و بونلاردان، هانسیسا معنادا بیر چیخیش یولو دا گؤسترمیسیز. ایری پلاندا بو آدامی  اونون فاجعه‌‌سینی قارشییا چکیب دئمیسیز کی، بو دا وار. ایندی بو گون تلویزیونلاریمیزدا، گونون تام پیک واختیندا، «پرایم تایم» واختیندا دئیک، بوتون کاناللاریمیزدا انسان طالعلری گؤستریرلر. معیشت پروبلئملری، بیری کیمین‌له‌سه بوشانیر.  کیمسه حیات یولداشینی آختاریر، کیمسه چؤرک تاپمیر، کیمسه خسته‌دی و س.