ادبیات سئونلر

زرین رزندی(طناز) باغلادیق شیطانیله،بیز یئنه پیمان دییه سن اولاجاق قندوشکر،ات دویو ارزان دییه سن قارا اقبال دوُنه جک،طالعیمیز میل دوراجاق وئره جک ایشلره تانری،سروسامان دییه سن باش آچیق،ایاق یالین،جمله قادینلار گزه جک باشقا دنیا اولاجاق،اوُرتولو ایران دییه سن کیمی مسجد سئوه جک،کیم کابارا-مئیخانانی چالاجاق حلمه خانیم،تاریله قارمان دییه سن یئیه جک دوُیمه کباب،فعله وکن-کن ناهارا گئیه جک رعیتیله-خان،دونو یکسان دییه سن اوُرکنین خیرتدکیله آل-وئری تحریم اولاجاق یازارا-شاعره یوخدور،داها زندان دییه سن رایگان قویلاناجاق،وادی رحمت ده اوُلو یوخسولون خسته سینه،مفته دی درمان دییه سن نه زاماندان یازیسان گولمه لی دستان،اَده سن؟ قویمالی ترسه سوُزه،نقطه ی پایان،دییه سن. https://t.me/Adabiyyatsevanlar

خسرو سرتیپی جان کی عشقه آلیشمادی دیل کی شیرین دانیشمادی بیر کوسن کی باریشمادی           بیر داش آتدان بیر داش اوستن دؤست کی دویون آچانمادی دؤست یؤلوندا قاچانمادی بیر قارتال کی اوچانمادی            بیر داش آتدان بیر داش اوستن بیر سوفره کی قؤناقی یؤخ بیر خِرمن کی چاناقی یؤخ بیر گؤزل کی یاناقی یؤخ        بیر داش آتدان بیر داش اوستن شاعیر سؤزون یازانماسا فرهاد داغی قازانماسا اؤغول حالال قازانماسا            بیر داش آتدان بیر داش اوستن بیر سلام کی تختدن اؤتور بیر دؤستلوق کی وقت دن اؤتور بیر ناماز کی خلقدن اؤتور           بیر داش آتدان بیر داش اوستن خسروخانی بئینمه سن گؤزه للیگین گؤرنمه سن قیمتینی وئرنمه سن         ‌بیر داش آتدان بیر داش اوستن https://t.me/Adabiyyatsevanlar

فرزین نقی یان ایچیمده باغیریر سسیزلیک لریم اوره ییم آستاجا گؤزومدن سوزور اوخشایا اوخشایا یاناق‌لاریمی اومودلار لشینی اوزومه دوزور گئییرم اینیمه یانلیزلیغیمی دونلری بئینیمه سیخیب گئدیرم ایچیمه گؤمدویوم دیله‌کلر سوچون طالعین بوینونا یخیب گئدیرم بولودلار یولوما جانین چیله ییر بلکه ده باشیما غریب‌لیک یاغیر بلکه لر بئینیمده تپینیب دورور بلکه‌ده تانری‌دیر گؤزلرین ساغیر بارماغیم‌لا ماشا اؤپوشمه‌میشدن دوغولدو حسرتلی شعریم قان‌آدلی سونسوزلوق یولجوسو اولدوم حئیف کی اؤزوم آیاق یالین دویغوم قانادلی https://t.me/Adabiyyatsevanlar

شعیر :کامل قهرمان اوغلو دیکلمه:ساغر تبریزی https://t.me/Adabiyyatsevanlar

محمود قبه‌زرین "آراز" ایستمیرم یار آغلاسین چال تاری قوی تار آغلاسین گول اویناسین خار آغلاسین، بوغاز گولسون دار آغلاسین قوی یئره غم پیاله سین، سیل گؤزونون شلاله سین  آل گونشین حواله سین، شاخ قارا قوی قار آغلاسین یار نه دن آغلاسین گرک؟ بویون بوکولسون آی فلک  دویونجا قویمادین گوله ک، سیخ ناری قوی نار آغلاسین خزان یئلی اَسَن زمان، شخته امان کَسه ن زمان یار یاریلان کوسه ن زمان، کیمسه کیمیم وار آغلاسین توزدو دوماندی فیرتانا، اود یاغیلیب گولوستانا دؤنده ر اوزون شبستانا، ساغره یالوار آغلاسین صبحه تیکیلدی گؤزلریم، داغلاری آشدی سؤزلریم گیزلین آلوودو کؤزلریم، نی اؤلدو نیزار آغلاسین ساقی گتیر قدح لرین، سرخوش اولاق دَرین دَرین سئوگی توتا کینین یئرین، کین اؤزو زار- زار آغلاسین دریالارا اوزان آراز، جوم درینه قالما دایاز مرکّب اول سؤزلری یاز، داغ دا بولاق لار آغلاسین https://t.me/Adabiyyatsevanlar

نادر الهی ساچلارینین حسرتیندن دئدیم داراغا دؤنه جک آه گولوم!نه بیل ایدیم من الیم اوراغا دؤنه جک بلکه بو گون،بلکه یارین ایچه جه یم نارین-نارین سالخیم-سالخیم باخیشلارین قاب-قاب عاراغا دؤنه جک آی بو قارانلیغا قادام قویمادی بیر اولدوز دادام واللاه بو آسیلان آدام بیر گون چیراغا دؤنه جک https://t.me/Adabiyyatsevanlar

طنز بویوک آغآ افندی الله سنه انصاف وئرسین مئشه جلیل ،جانیم چیخمایاجاغیدین نییه کاندید اولوردون،اوزون جهنم ،  قردش بیزیم مشقولیتیمیزی الیمیزدن آلدین به بیز صاباهدان کیمه طنز یازاجاغیق؟ جانین اوچون سنن چوخ من ناراحاتام ،تازا یولا دوشموشدوق با. یاخشی دا اولان اولوب کئچن کئچییب دور آیاغا چوخ ناراحات اولما دور قاش گئت  دولت سایه نی سر سامان وئر  دور بالامسان انتخاباتدا بئله بیرزادار اولار  سیز بیرزادلار بیلیردیز، دئییردیز انتخابات اولماسین، رئیس جمهوری اولماسین ،نخست وزیر اولسون ابدی اولسون. https://t.me/Adabiyyatsevanlar

نزار_قبانی سنی باشقا بیر عصرده سئومک ایستیردیم داها مهربان داها شاعیرانه بیر عصرده کیتاب عطرینی یاسمن و آزادلیق عطرینی داها چوخ حس ائدن بیر عصرده ... https://t.me/Adabiyyatsevanlar

عاشیق محبوب خلیلی

طنز بویوک آغا افندی اوستاد س.ج حضرت‌لریله قیسا موصاحیبه س: اوستاد ان یاخشی و یاخین یول  دونیا ایله ارتباطا کئچمک هانسی یول دور؟ ج: سفارت‌لرین دوواری دونیا ایله ارتباط قورماغا ان یاخین یولدور. س: باغیشلایین اوستاد آموزش پرورشین چوخ مشگولی وار، سیزین مشخص  پیشنهادینیز آموزش پرورشین مشگلاتین حل ائتمه‌یه ندیر؟ ج: آللاه دئیین اولسا حورمتلی شاگیردلری  محترم معلیم‌لره گودوک‌چی قویاجاغیق، مدرسه لرین مودور-معاونی ، معللیم‌لرایله شاگیردلری گوده‌جه‌ییک.    هر مدرسه‌یه اون موللا دا قویاجاغیق ممه یئیندن په‌په یئینه هامی‌نی گودسونلر. س: اوستاد سیز بیر بئله تحریم ایله نفتی نئجه صادیر ائده‌جکسینیز؟ ج:  اولا تحریم نعمت دیر، دویومن دونیاداهئچ کیم بیزیم کیمی نفتی صادیر ائده بیلمز!   انشالله بیز نفتین یاریسینی خالقین سفره‌سینه چکه‌جه‌ییک. نفت‌دن کورلوقدا اولماسینلار. یاریسینی دا بورسودا ساتیشا قویاجاغیق میلت آلسین صادیر ائله‌سین . س: اوستاد سیزین  دانشگاهی‌لرین مسئله‌لرینی حل ائتمه‌یه نه برنامه‌نیز وار؟ ج: آللاه دئین اولسا  بیز گلن دؤرد ایلده  مداح!‌لاری اوستاد تمام ائده‌جه‌ییک، همکارلیق ائدن اوستادلاری دا مداح تمام.   س: باغیشلایین اوستاد سوروشا بیله‌رم سیزین وزیر بهداشتینیز کیم اولاجاق؟ ج:من پدر طیب اسلامی، اوستاد دوکتور "تبریزیان" کاشف روغن بنفشه‌نی وزیر بهداشت ائده‌جم. س: اوستاد سیزین تنظیم خانوادیه گؤره برنامه‌نیز وار؟ ج: بلی، براداران عراقی ،افغانی،   لبنانی‌دن ...دعوت ائده‌جه‌ییک ثوابینا بوردا تشکیل خانواده وئرسینلر بشرطیکی هره‌سی اون آروادی صیقه ائله‌سینلر. هره سیندن ده بئش اوشاغی اولسون. https://t.me/Adabiyyatsevanlar

"ثریا خلیق خیاوی " من داشا باخیرام ، داش منه باخیر یئرین اوره یینه بیر قوخو گلیر اوقدر عزیز دی ، اوقدر اؤزل بئل_کولونگ ایسته میر، داشلاری دلیر یانمیشام، قورویام دوزلاق لار کیمی گلیرسن اللرین یاغیر باشیما گؤزلریندن دوشور بیر دنیز اوره ک سریلیر،ساریلیر مزار داشیما همشه دووارلار گؤیده یارانمیر ! سئوگیلیم !هردنده یئر ایچینده دیر ! بیلمیرسن !گورمورسن!بو دوواری سن نه جور آنلادیم کی نه بیچیمده دیر؟؟ یئر آلتیندا قالیب چورومک چتین دویغولارا ، کفن بورومک چتین بیری یوخدور منی آییرا بوردان؟ بورالاردان سنه یورومک چتین! نه دن اللریمدن الین ایتیبدیر نه دن ساچلاریمی داراق دارامیر؟ نه دن گؤزلریمده سورمه اوتورمور؟ نه دن مئهریبانیم منی آرامیر؟ جئب تلفونوم هانی سنه زنگ ائدم؟ سوسوزام سسینی سو کیمی ایچم اود اولام ، سئل اولام ، بوردا دورمایام انگل لری ییخام ، دوواردان کئچم یاشیل شالیم هاردا باشیما آتام ؟ آینا نییه یوخدور اوزومه باخام؟ بیر گون ایَر گلسن بیر آز صبر ائله بوجور اوتانیرام ، قاباغا چیخام بو نه جور قوناقلیق؟ دئنن تانریا ! داردودوک بیر یئره منی سالیبدیر هئچ دئمیر بو قادین نه جور یاشایار؟ اللریمده نه وار توتوب آلیبدیر! ایکی بؤلونموشم یئنه بوردا دا "شهر یئری" دوروب "خییوو" آختاریر! گوناهکار کیمدی بس؟ بوینونا آلسین بو سسسیزلیک سسی ،بئینیمی یاریر نه دن منه ایندی اؤلو دئییرلر؟ من هله ده سنه غزل یازیرام رومان آنلادیرام قاریشقالارا هارداسان ! دییه سن گوزل یازیرام...؟ آدین دیلیمده دیر، قورخمورام جانیم! بوردا هئچ کیم منی سورغویا چکمیر! تورپاق آلتیندایام نیگاران اولما راحات آچیقلانیر جان یاندیران سیر! من بوردا دا اینان سس سیز دورمورام عشقی آنلادیرام تورپاغا_داشا ماهنی اوخویورام ،ماهنی یازیرام عاشیق اولور داشلار، آیاقدان باشا بوغاناق گله جک اوره ک لرینه داش تورپاق اوچاجاق گؤیون اوزونه منسه بوردان چیخیب یوللاناجاغام سنین وارلیغینا ، سنین گؤزونه خزل آیی 1397 https://t.me/Adabiyyatsevanlar

شعر : کریم قربانزاده برگردان به فارسی: مجتبی نهانی من اؤلندن سونرا منی دار دودوک مزارا باسدیرمایین حسرتی، حسرته قالادیم دردی، درده جالادیم اللریمده قابار، روحومدا چادار نه ائل بیر گون گؤردو نه ده کی وطن سئوگیمی گیزلتدیم قاچاق مال کیمی خاطیره لر دوستاغی اولدو آزادلیق و سیز، من اؤلندن سونرا منی دار دودوک مزارا باسدیرمایین سهنده، ساوالانا تاپشیرین آچیق دوزنلرده باسدرین کولک لر اسسین سینم اوستونه دلی شیمشک لر شاخسین اولدوزلار آخسین گونش یاندیریب یاخسین مزاریمی قاطار، قاطار قوشلارین کؤچ یولوندا باسدیرین و من اوچوش حسرتینده اؤلن بیری ام منی دار دودوک مزار لاردا باسدیرمایین بعد از مرگم مرا در گوری تنگ و تاریک دفن نکنید حسرت را حسرت کشیدم درد را بر روی درد پاشیدم دست هایم پینه بسته و روحم، ترک برداشته قبیله و وطنم یک روز خوش ندیدند عشقم را مثل کالای قاچاق پنهان کردم زندان خاطره ها، شبیه آزادی شد و شما، بعد از مرگم مرا در گوری تنگ و تاریک دفن نکنید مرا به سهند و سبلان بسپارید مرا در دشت های وسیع دفن کنید کولاک بر روی سینه ام جولان دهد رعد و برق دیوانه، بر فراز آسمان بدرخشد ستاره ها جاری شوند خورشید به آتش بکشد و بسوزاند مزارم را در راه کوچ فوج فوج پرندگان بگذارید و من کسی هستم که در حسرت پرواز مرده ام مرا در گوری تنگ و تاریک دفن نکنید https://t.me/Adabiyyatsevanlar

خزر_سلیمانلی آپاراجاغین چوخدور گتیره‌جه‌یین نه وار؟ بو گوندن من ده یوخام! ایتیره‌جه‌یین نه وار؟ دوداق بیر گون توخونور توتون آیریلیق‌لارا اینسان بئله آلیشیر بوتون آیریلیق‌لارا بیر ده قوربان ائله‌مه اؤزونو هر سئوگییه آما چوخ یاراشیردین بو عئیبه‌جر سئوگییه دانیش، اوجادان دانیش بیر آرا وئر سوسماغا ایندی ائله مؤحتاجام سنه قولاق آسماغا بیر داها سوروشورام نه‌لر کئچیر ایچیندن؟ یا من، یا سن، یا دا بیز بیرینی سئچ اوچوندن! https://t.me/Adabiyyatsevanlar

زلیمخان یعقوب گؤرۆش وار بیر عمر وئرسن ده آزدی گؤرۆش وار گئتمه‌یه آدام جان چکر گؤرۆش وار فرحی سیغماز ایللرهz گؤرۆش وار شادلیغی بیرجه آن چکر یاشاسان ان شیرین آرزویلا، کام‌لا سئوینجین سئل اولار، دردینسه داملا اۆرکدن وئریلن خوش بیر سلاملا الی ال ایسته‌ير، قانی قان چکر آیریلیق حیاتدا هر شئیدن چتین !  مین بیر عذابی وار بیر محببتین گلمزسن یاندیرار منی حسرتین گلرسن نازینی زلیمخان چکر..... https://t.me/Adabiyyatsevanlar

اوشاق ادبیاتی کارتون https://t.me/Adabiyyatsevanlar

اوشاق ادبیاتی دلی‌باش دومرول۳ یازار: صمد بهرنگی چئویرن: منیژه جم‌نژاد عزراییلین آیاغی اونون اوره‌یینین دؤیونتوسونو، ایستی‌سینی دویوردو. آما گئنه‌ده آیاغینی اونون کؤکسونه سیخیردی.  دلی باش دومرول سینیخ قیچینی اوزالدیب، آلین قانینی سیلیب دئدی: آی آلله کیم اولدوغونو، نه اولدوغونو، هاردا اولدوغونو بیلمیرم. چوخلو عاغیلسیز آدام یئرده-گؤی‌ده سنی آختاریر، آما سن اینسانلارین اوره‌یینده اولدوغونو بیلمیرلر. آللاهیم، جانیمی آلیرسان دا، اؤزون آل، منی بو نامرد عزراییله بوراخما!...  عزراییل دئدی: بدبخت بئچارا، سنین دعا، سیزلامان دا کفر قوخور، قورتولوشون یوخدور!.. آللاه دومرولون سؤزوندن خوشو گلدی، عزراییله بویوردو: آی عزراییل بو ایشلر سنه قالماییب. دومرولدن باشقا بیرجان تاپیب منه وئرمه‌سینی ایسته، دا سن اونون جانینی آلما. عزراییل دئدی: آللاهیم، بو سیرتیق آدامی اؤز باشینا بوراخماق یاخشی ایش دئییل. آلله دئدی: عزراییل، دا سن منیم ایشلریمه قاریشما. عزراییل آیاغینی دومرولون کوکسوندن گؤتوروب دئدی: دور آیاغا. باشقا بیر جان تاپیب اؤز جانینین یئرینه منه وئریرسن، سنینله ایشیم یوخدور. پهلوان دومرول اؤزونو ترپدیب دوردو. سینیق قیچی او٘ستده دایانیب دئدی: گؤردون عزراییل، الیندن قاچدیم؟ گل قوجا آتامین یانینا گئدک. او منی چوخ سئور، جانینی قیسیرقانماز. دلی دومرول قاباقدا ، عزراییل دالیسیجا، دومرولون قوجا آتاسینین یانینا گلدیلر. آتاسی آدی "دوخا قوجا" یدی. دومرولون باش گوزونو قان ایچینده گوروب، باغیریب دئدی: اوغول بو نه حال‌دیر؟ آتین هاردا قالیب؟ بوکیمدیر  گؤزونو بئله منه تیکیب؟ د٘ومرول اَییلیب آتاسینین الیندن أوپدو دئدی: آتا باخ گؤر باشیما نه گلیب: کفر دئدیم، آللاهین خوشونا گلمه‌دی. عزراییله بویوردو اوجا گویلردن ائنیب، منیم جانیمی آلسین. عزراییل آیاغینی آغ کوکسومه قویوب، منی خیریلتیا سالدی، جانیمی آلماق ایسته‌دی. ایندی آتا سن جانینی عزراییله وئریرسن منی بوراخسین، یا منیم یاسیمدا " وای بالام!..." دئمک ایستیرسن؟ آتا هانسینی ایستیرسن؟ تئز دئ چوخ واقتیمیز یوخدور.  "دوخا قوجا" سوسوب فیکره گئتدی. دومرولون قیرخ پهلوانی اوودان گلیب، اونون هورکک آتینی دومرولسوز تک قاییتماسینی، گؤرموشدولر. هامی دومرولون نیارانی ایدی. ایندی سینیق یارالی پهلوانی آتاسینین یانیندا گؤردولر. آتاسی سونوندا دیله گلیب دئدی: آی دومرول، آی جییر پارام، آی اوغلوم، آی اوشاقلیغیندا دوقوز یابان أوکوز اؤلدورن پهلوان، سن منیم ائو-ائشییمین دیره‌یی‌سن! سن منیم گؤزل قیز- گلینلریمین چیچه‌یی سن! سنین اؤلمه‌نی قویمارام. قارشی‌دا کی بو هوندور قارا داغلار منیم دیر،  عزراییل ایسترسه اونون اولسون. منیم سپ-سرین بولاقلاریم وار، منیم شولوم آتلاریم وار، قاتار - قاتار دوه‌‌لریم وار، قویون-کئچی دولو پیه‌لریم طؤیله‌لریم وار، عزراییله لازیمسه، هامیسینی آلسین. نه قدر قیزیل، گوموش گرکیرسه وئررم، آما منیم بالام، حیات شیرین دیر، جان عزیز، اولاردان گؤز اؤرتنمرم. دومرول دئدی: آتا هر شئی سنین اولسون، جانینی ایستیرم، وئریرسن یا یوخ؟ دوخاقوجا دئدی: اوغول، مندن عزیز، مهربان آنان وار. اونون یانینا گئت. عزراییل دومرولون جانینی آلماغا تلسیردی. دومرول دئدی: ال ساخلا، نامرد!... آناما گئدیریک. دومرولون قوجا آناسینا گئتدیلر. دومرول آناسی الینی اؤپوب دئدی: آنا نیه سینیب، یارالانیب، نه باشیما گلدیینی سوروشمورسان؟ آناسی سیزلایاراق دئدی: وای بالام، باشینا نه گلیب؟ دومرول دئدی: آنا، قیزیل قانادلی عزراییل اوجا گؤیلردن قانادلانیب، ائنیب، کوکسومده اوتوردو، منی خیریلتیا سالیب، جانیمی آلماق ایسته دی. آتامدان جانینی ایسته‌دیم وئرمه‌دی. ایندی سندن ایستیرم آنا. جانینی منه باغیشلیرسان یامنیم یاسیمدا قارا گئییب "وای بالام!.." دئمک ایستیرسن؟.. آنا نه دئییرسن؟ آناسی بیر آن فیکره گئتدی سونرا باشینی قووزاییب دئدی: بالام، آی بالام، آی گوزومون ایشیغی، دوقوز آی منیم قارنیمدا یاشایان بالام، آی آغ سودومو یئین بالام، کئشگه هوندور قالالاردا، ال چاتیلماز گؤی دلنلرده توتساق اولایدین، گلیب قیزیل گوموش توکوب، جانینی قوتارایدیم. آما نه ائدیم، پیس یئرده گیره دوشموسن، منیم گلر آیاغیم یوخدور. بالا یاشاماق شیرین‌دیر، جان عزیز، جانیم‌دان کئچنمرم. چارام یوخدور...دومرولون آناسی‌دا جانینا قییمادی. دومرولون اوره‌یی توتولدو. عزراییل جانینی آلماغا گلدی. دومرول سینیرلنیب نعره چکدی: ال ساخلا  نامرد! بیرآن آمان وئر، آجیماسیز!... عزراییل لوغازا قویارکن دئدی: آردی وار... https://t.me/Adabiyyatsevanlar

اوشاق ادبیاتی مهارتلر اوشاقلارین اعتماد بنفسین یوخاری آپآرار. https://t.me/Adabiyyatsevanlar

اوشاق ادبیاتی https://t.me/Adabiyyatsevanlar