ادبیات سئونلر

ایلده بیر اتک تحصیل حاققی اؤوده‌ییرلر. زارافات گلمه‌سین300-250 مانات آیلیق قازانجلا نئجه عائیله دولاندیرسین، اوشاق اوخوتسون یازیق اویونقولو؟! بونلاری دوشوننده آغلیما گولمه‌لی بیر فیکیر گلدی: دئدیم تئلفونوموز کاش حقیقتن خاراب اولایدی، یا دا اونون اؤزو یئنه بیر اویون قوروب تئلفونو ایشدن سالایدی... اینانین سئوینه- سئوینه اونو تاپیب، جیبینه پول باسیب و همیشه کی کیمی دئیردیم: آی اویونقولو، سن آللاه تئز اول تئلفونوموزو دوَزلت. سوزسوز کی منیم وئره‌جه‌ییم قپیک- قوروش اونون یاراسینی ساغالتمایاجاقدی. آمما..‌. کاش منیم کیمی دوشونن‌لر چوخ اولایدی. او دا یاشامالی‌دیر آخی. سون. https://t.me/Adabiyyatsevanlar

اوشاقلارین سیر- صیفتینده کی سئوینج و گولوش آنی‌دن کدره دؤنموشدو. مندن عاجزانه امداد دیله‌ییردیلر. یعنی اینترنتین دایانماسینا باعث اولموش ائو تئلفونونون دوزلتدیریلمه‌سینی ایسته‌ییردیلر. سیزدن نه گیزلین اؤزوم ده یاسا باتمیشدیم. آخی اینترنت‌له ایزله‌دیگیم چوخ جلب ائدیجی بیر فیلمه سونونادک باخا بیلمه‌میشدیم. دئمک ایسته‌ییمیز بیر ایدی: برقچی دالینجا گئتمک! آرتیق واخت ایتیرمک نه لازیم؟! بونو دوشونوب اویونقولونون دالینجا یوللاندیم. اوندان- بوندان سوراغلاشیب یئرینی اؤیرندیم. در حال ماشینی همن عنوانا سوردوم. جان‌بیر شوشه دوستلار کیمی گؤروشوب حال- احوال توتدوم. هله گلیشیمین سببینی بیلمه‌میش الیمی جیبینه سالدیم. یونگولواری اعتراضینی بیلدیردی. طبیعی کی بو گؤزه گلمه‌ین اعتراضا محل قویماییب" بورجومو" اؤوده‌دیم. سونرا واخت ایتیرمه‌دن مسئله‌نی در حال اونا بیان ائتدیم. - باش اوسته، بو دقیقه معللیم... آمما بیر قدر صبرینیزی باسین، الیمده کی ایشیمی یولونا قویوم. - نه اولار، نه اولار، گؤزله‌ییرم- دئیه تئز جاواب وئردیم و بیر قدر کنارا آدلاییب دایاندیم. آرخادان اویونقولونون سسی ائشیدیلدی: - آی معللیم، گؤزلمه‌یه احتیاج یوخدور. سیز آرخایین گئدین. من اؤزوم خط‌لری یوخلاییب تاپارام اینشاللاه. واللاه حالال اولسون اویونقولویا، دئدییی کیمی ده ائتدی، تئلفونوموز قایداسینا دوشدو. خئیلی واختادک ده بیزه عمللی- باشلی راحاتلیق یاشاتدی. آمما... آرادا یئنه دَلی‌لیگی توتدو. ایشله‌مدی کی ایشله‌مدی. بو منوال‌لا اویونقولو ایله باشلانان اویونوموز اوزاندی. یئنه اویونقولو، یئنه پول... نوبتی دفعه تئلفونوموز سوسدورولاندا هئچ آغلیم کسمیه‌جک بعضی- بعضی ایشلری قولاغیما چاتدیردیلار: قصبه مئیدانیندا گؤروشدویوم دوستلاردان بیرینه تئلفون احوالاتینی یئرلی- یاتاقلی چاتدیردیم، اویونقولودان سؤز آچدیم. تانیشیم گولمه‌یینی ساخلایا بیلمه‌دی. سونرا جیددیلشیب، بیلیرسینیز نه سویله‌دی؟ دئدی: ائله سنین تئلفونونون تئز- تئز دایانماسی‌نین سببکاری اویونقولونون اؤزودور! دوغروسو اینانماغیم گلمه‌دی. منیم‌له زارافات ائله‌دییینی دوشوندوم. آمما او زارافات ائتمیرم،- دئدی. بیر واختلار منیم ده باشیما بونا بنزر اویونلاری آچمیشدی. نه قدر پولوم گئتدی. کله‌یینی آنلاییب آبرینی اته‌یینه تؤکدوم. او زاماندان داها نه تئلفونوموز دایانیر، نه ده هاوایی پولوم گئدیر. - نه اولموشدو آخی؟ هر شئیی منه آنلاتدی. چوخ ساده بیر اویون اویناییرمیش. یعنی اؤزو لازیم بیلدیییی واختدا تئلفونون خطینی آییریب اونون ایشلمه‌سینی قصدن دایاندیریرمیش. مقصد ده سندن پول قوپارماق ایدی. کله‌یی باش توتانادک اویونون داوام ائتدیریر. ایشین اوستو آچیلاندا ایسه ساکیتجه دایانیر، سسینی بئله چیخارمیر. - بس اوندا من نه ائدیم؟ بو سؤالا دا مصلحت وئرمه‌سینی، یول گؤسترمه‌سینی ایسته‌دیم. - اونا پول زاد وئرمه. اوندا او کله‌یین باش توتمایاجاغینی یقین ائدیب، داها سنین تئلفونون حاقدا دوشونوب، اویونبازلیق ائتمیه‌جک. هله اوسته‌لیک اونونلا قارشی گلنده جیددی گؤرکم آل، گولر اوزونو ده دَگیشیب باریت چَلله‌یینه دؤندر. قوی سندن قورخوب چکینسین. و بئله‌لیک‌له ده تئلفونوز بیزیمکی کیمی داییم ساز وضعیتده قالسین. پولون دا هاوایی جیبینی ترک ائتمه‌سین. تانیشیمین تاپشیریقلارینی سیرغا ائدیب قولاقلاریما آسدیم. یعنی اویونقولویا نه پول وئردیم نه ده شیرین صیفت گؤستردیم. تئلفونوموز اؤز- اؤزونه دوزَلدی! آمما نیگارانلیق چکیردیم. فیکریم ائله تئلفونوموزدا قالمیشدی. دوشونوردوم بوگون دایانار، صاباح دایانار. منه چوخ ماراقلی گلیردی کی، گؤره‌سن تانیشیمین دئدیک‌لری دوزمو چیخاجاق؟! آخی بئله اویون اولا بیلردی؟ سن دئمه، اولارمیش.آرادان بیر آی اؤتموشدو. اؤزومو لاپ آرخایین سالماق اوچون بیر قدر ده صبریمی باسیب گؤزله‌مکده داوام ائتدیم. تئلفونوموز ایشله‌مکده ایدی، ائله بیل منه چاتدیریردی کی داها دایانان دئییلم.  سنین آرتیق نیگارانچیلیقلا گؤزلمه‌یینه گرک یوخدور. حقیقتن ده بئله‌یمیش. اوره‌ییم تام ساکیتلشدی. ائوده‌کی‌لر ده ساعاتلارلا سورن صؤحبت‌لرینی، غیبت‌لرینی کؤنول خوشلوغو ایله باشا ووروب و اوشاقلی- بؤیوکلو گوزلرینی سوسیال شبکه‌لردن مجبوری اَل گؤتورمک زوروندا قالمیردیلار. دؤنه- دؤنه نه یاخشی، مین شوکور- دئدیم. سئوندیم، عئینیم آچیلدی. چون کی ائویمیزین واجیب بیر پرابلئمی چؤزولموشدو. آمما اویونقولو بیر آن بئله یادیمدان چیخمیردی. واللاه او اویون چیخارمیش اولسا دا، اونا نیفرت ائتمکدن اوزاغام. هله اوسته‌لیک حالینا آجیییرام، اونا یازیغیم گلیر. آخی نه اوچون بوجور عجاییب کلک‌لره قول قویوردو؟! بلکه بوتون بونلار عائیله‌سیندن، احتیاجلاریندان دوغوردو؟! عائیله وضعیتی‌نین چتین‌لیگی، دؤولت اونیورسیته‌سینده اوشاق اوخوتماسینی ائشیتمیشدیم. اؤزو ده دئییردیلر قیزی اؤوده‌نیشلی اوخویور.

اویونقولو(حیکایه) ✍یازان:« فرج فرج اُو» کؤچورن:« سحرخیاوی» حاضیرلایان:«ادبیات سئونلر» عزیزلریم، منیم بو دفعه‌کی صؤحبتیم تئلفونلاردان اولاجاق. اؤزو ده کؤهنه تئلفونلاردان. یئنی ایللر اؤنجه‌سی قارا دیرکلرله، سیم خط‌لرله چکیلمیش ائو تئلفونلاریندان. ائه، بیلیرسینیز کی بیر زامانلار اونلار چوخ ماتاه ساییلیردی؟ هر باشی پاپاقلی‌نین ائوینده اولا بیلمزدی. ائله بیزیم بو بؤیوکلوکده قصبه‌ده جمعیسی اوچ- بئش آدام تئلفون صاحیبی ایدی. ائوینه تئلفون چکیلمیش اوچ- بئش کیشی‌دن بیری ده من ایدیم. بو سببه سئوینجیمه یئر- گؤی دارلیق ائدیردی. ائله ایندی‌نین اؤزونده ده " کؤهنه" آدلاندیردیغیمیز تئلفونلار نظردن دوشمه‌ییب، هئچ دوشه ده بیلمز. چون کی همین تئلفونلاردا باش وئرن ناسازلیق ائوده هامی‌نین عمللی- باشلی خسته‌سینه چئوریلدییی اینترنتین ده نورمال ایشلمه‌سینی انگلله‌ییر... بو ایسه هئچ بیلیرسینیز نه دئمک‌دیر؟! " فاجعه"، اؤزو ده اصل" فاجعه". " فوق‌العاده" حال باش وئردیکده، اوشاقلی- بؤیوکلو اوستونه دوشه‌جک‌لر کی، اینترنتی تعجیلی دوزلتدیر. و آلینمایاندا کی، اینترنتین ایشلمه‌سی ائو تئلفونونون سازلیغیندان کئچیر، او زامان آغلینا الکتریسین آراییب- آختارماق دوشه‌جک. باشیما گلن احوالاتلار: تئلفونوموز دایانمیشدی. کوچه‌میزین اوزاق باشیندا یاشایان الکتریسین اویونقولو گؤزلریمین اؤنونه گلدی. اویونقولو اونون دوغماجا آدی دئییل. آیاماسی(لقبی) دیر. اصل آدی باشقا دیر. قصبه‌میزده ایسه هامی اونو اویونقولو کیمی تانیییر...هه، دوستلار آخیر کی گلیب یئتشدیک اساس مطلبه. اصلینده تئلفونلاردان بیر قدر اوزون- اوزادی سؤز آچماغیمیزین سببکاری خصوصی اولاراق ائله بو اویونقولودور. ظاهیرن ساکیت، ملاییم خاصیتی وار. شیرین دیللی، مهربانلیغی ایسه باشقا عالم دیر. ایچینده نه‌لر یاتیر، اونو دئیه بیلمه‌رم... بعضن باشقا جور یوزانلار دا، آز اولمور: ساکیت‌لیینه باخمایین، فیریلداقچی‌نین بیری دیر. اویونقولو لقبینی ناحاق قویماییب‌لار کی! بیر باشقاسی دا بئله آچیقلادی: نه قدر اویونباز اولسا دا، یاخشی اینسان دیر، داوا- دالاشدان اوزاق دیر. اؤزونو قالماقالا سالان دئییل. کیمین‌له سؤزه گلیرسه، بیر طرفینی بوشلاییر. داها دوغروسو، سونرانین سالام- کلامینا یئر قویماغی باجاریر. - داها بونون نه‌یی پیسدی کی؟! بو سؤزلری ده من آغزیمدان قاچیردیم... او کی قالدی آدینا. سن دئمه، پاسپورت- کیتابدا آدی ولی‌قولودور. ائله بو و دیگر اویونا بنزر حرکت‌لر ائتدیییندن دوغماجا آدی دَییشیلیب، اویونقولو اولوب. البته بو قدر بیلگی‌لریمه گؤره اونو حیکایه‌مین قهرمانی ائده بیلمزدیم. اگر منیمله ده اؤزونه مخصوص بیر زارافاتا گیریشمه‌سیدی: گونلرین بیرینده ائو تئلفونوموز خیرپ دایاندی. نه بیزه زنگ گلدی نه ده بیز زنگ وورا بیلدیک. باهالی تئلفون آپاراتی‌نین ساغینا- سولونا کئچیب قوردالاماقدان یورولوب اَلدن دوشدوم. آرتیق ائویمیزه داخیل اولان خطّین هاردانسا قیریلدیغی شوبهه‌سیز ایدی. تعجیلی برقچی تاپمالی ایدیم. طبیعی کی آز-چوخ تانیدیغیم برقچی تک اویونقولو ایدی.  عسگر سایاقی تئز- تلسیک اوستومو دَییشیب کوچه‌یه آتیلدیم. نه خوش کی تصادوفن بیربیریمیزه قارشی گلدیک. سالامدان سونرا مطلبه کئچدیم. سانکی منی گؤزله‌ییرمیش کیمی: - باش اوسته، معللیم، باخیب دوزلده‌رم. بو آنی گؤروشون اوستوندن او قدر ده واخت اؤتمه‌میشدی کی، حیاط قاپیسی دؤیولدو، آردینجا دا اویونقولونون خیریلتیلی زیل سسی هاوایا قالخدی: - آی معللیم، تئلفونوز ایشله‌دی؟ سسی قولاغیما دَیَن کیمی حیه‌طه آدلاییب اونو گؤرمزدن اؤنجه گئری قانریلیب، تئلفونون دسته‌یینی قالدیریب دیققت ائله‌دیم. آرتیق قایداسیندایدی، ایشله‌ییردی. سونرا تلسیک باییرا سیچراییب جاواب انتظاریندا دایانان برقچی‌یه سئوینجیمی بللندیردیم، گوله- گوله ایشله‌ییر!- دئدیم. آردینجا دا یاخینلاشیب جیبینه پول سالدیم. ائل عادتی ائوه دعوت ائتدیم. - واختیم یوخدور آی معللیم. ایشلریم باشدان آشیر- دئییب تئز گئری دؤندو. او گئتدی، من ایسه ائوه قاییتدیم و تئلفونون ایشلمه‌سی‌نین سئوینجینی بیر داها راحاتلیقلا یاشادیم. بئله‌جه گونلر اؤتدو، هفته‌لر آرخادا قالیب یاخین تاریخه چئوریلدی. تئلفونون نورمال شکیلده ایشلمه‌سیندن اولدوقجا ممنون ایدیق. تاسسوف کی ممنونلوغوموز اوزون سورمه‌دی. تئلفونوموز بیردن- بیره سوسماسی خبرینی اون‌بیر یاشلی نوه‌مدن ائشیتدیم. سونرا اللرینده موبایل‌لارینی اوینادان عائیله عضولریمیزین ده، دئمک اولار کی هامیسی اوستومه تؤکولدو. سان کی دهشتلی بیر حادیثه باش وئرمیشدی.

سنین ماهنین بوتون خالقلارین، آنالارین، اینسان سئونلرین ماهنسی دیر.. https://t.me/Adabiyyatsevanlar

ک، ق: چوخ گؤزل! اوستاد سون اولاراق بیر سربست شعیریزه بیزی قوناق ائدین. بو دیلک له کیم گله جکده یئنه ده سیزین شعیر سوفرازین قیراغیندا اوتورا بیلیب، گؤزل یاپیتلاریزدان ادبیات سئونلره سوناق. م:ان گیزلی سؤزلری باغلی دیلیمین اوجوندا اکمیشم آچیلسا بیر گون اؤنجه دانیشاجاق، نه لر چکمیشم                                                                                                                            سون https://t.me/Adabiyyatsevanlar

م: بیرینجی کیتابیم «سولطان ساوالان» ایدی. تبریزده ایرانیان انتشاراتی طرفیندن ۲۰۰۰ سایدا چاپ اولوبدور. (۱۳۵۷-ده)کیتابین ایچ صحفه سینده ۲۰۰۰ جیلد گئدیب آنجاق او انتشارات بو کیتابی ۸۰۰۰ سایدا چاپ ائله میشدی. بو کیتاب شعر سئونلردن ده چوخ داغچیلارین ماراغینی قازانمیشدی. ک، ق: نئجه اولدو شهریاین "سهندیه" سینین دالینجا سیز ساوالان منظومه سینی یاراتدیز؟ م: منجه «سهندیه» شهریارین شاه اثریدیر. او منظومه منده تاثیر بوراخسادا ساوالان منظومه سینین یارانماسینین باشقا حئکایه سی وار. ک، ق: اورکله سیزی دیلله​ ییریک . م:من ۱۳۶۴-ده آنفارکتوس(اورک سکته سی) ائله دیم. ۱۳۶۵-ده "قوی ائله  ساوالاندا اؤلوم "دئیه اؤزومو ووردوم ساوالانا.  سئومیردیم دئیه​ لر  اؤزون اؤلدوردو. اؤزومله کفن ده گؤتورموشدوم. تاپشیرمیشدیم داغا چیخاندا هاردا ییخیلسام ائله اوردا دا منی قویلاسینلار. منیم بیر چوخ گوجلو داغچی قئینیم وارایدی. او دا مندن خبرسیز بیر نئچه داغچی یولداشلاری ایله بیرگه منیم دالیمجا ساوالانا گلیرلر. من ساوالانین ذیروه سینه چیخیب سونرا پناهگاها قاییداندا گؤردوم قئینیم ۵ نفر آیری داغچی یولداشلاری ایله بیرگه اوردادیرلار. ساغ-سالامات اردبیله دؤندوک. ۵ گون سونرا بیر آیری دوستوملا (جبرئیل نویدآذر) گئنه ساوالانا چیخدیق. تبریزه قاییدیب تبریزین ان ماهیر، بیرینجی اؤرک دوکتورو «راهب داورینین» مطبینه گئتدیم. دوکتور منی ناوار گؤتورولن اوتاغا یوللاییب اؤزو ده اورا گلدی. ناواری گورجک منی عکسه یازدی. آنفارکتوس ائله ینده منیم  قلبیمین ایکی داماری توتوق ایدی. تازا عکسی دوکتور گؤرنده شاشیردی. دئدی نئیله میسن. ماجرانی تعریفله دیم. دوکتور دئدی سن اوجالیغا قالخارکن لاختالار قلبیندن آیریلیب، قیچیوا تؤکولوب؛ اگر بیر داملاسی باشیوا چیخسایدی ائله او آن دوشوب اؤلَردین. ائله اولدو ساوالان منه مقدس اولدو؛ منه ساغلام حیات وئردیگی اوچون« سولطان ساوالان» منظومه سی ده یاراندی. سولطان ساوالاندا بوتون یئرلر، گدیکلر، ائلاتلار و باشقا بیلدیریشلر کامیل فورمودا اؤزلرین گؤستریرلر. حقیقتده او پوئما ساوالانین سیجیلیسی دیر. ک، ق:« مغان» موعللیم نه گؤزل اولار ادبیات سئونلری سولطان ساوالانیزین نئچه بندینه قوناق ائلییه سینیز. م:ساوالان، باخ هاوالان، دردین آلان چوخدو منیم تک     سئویرم داغ دره وی بت-بره وی جانلا تنیم تک     قارا-آغلی، قاراداغلی، قاراباغلی وطنیم تک     آی بوتون وارلیغی گؤیچک     دلی وورغونلارا باش چک آی طبیعت گؤزه لی چوخلو گؤزَللیک گؤزو سنسن هم شیرین یازلی، شیرین نازلی باخیشلار سؤزو سنسن نه بیلیم بلکه ده دونیادا بهشتین اؤزو سنسن کوثرین چئشمه سی دریاچه وه باغلی اته گین سبزه لی باغلی گوللرین خوللو-بوتاقلی گؤز باخارکن باخیشیملا اؤپورم آل یاناغیندان خیضر تک آختاریرام آبِ حیاتی بولاغیندان وارلیغین شفتینی بلکه امم اول گول دوداغیندان آلمادان حاجتیمی من او مقدس اوجاغیندان چکمه رم ال آیاغیندان قوپمارام هئچ قوجاغیندان اولو سولطان ساوالان داغلار آرا توت اوجا باشین نئچه میلیون ایلی، آیدیندی قویوبدور گئری یاشین آچیق آلنین قیریشیبسا آغاریب باش ایله قاشین یئنه سایسیزدی تلاشین چوخ دوشوب باشلارا داشین حؤرمتین وار ائل آرا بیزلره سولطان بابا سنسن اؤز قوچاقلارینا یول گؤسترن آغشین خوجا سنسن دده قورقودلو او سکسن بیر ائلاتا آتا سنسن دیللرین ازبری ائللر آرا سنسن بوللو درده چارا سنسن ک، ق: اوستاد بیزی بیر قوشمایا دا قوناق ائله یه سینیز. م:چئینک عؤمور اؤزومون دورددن بیری یازسیز؛ یایسیز گوزومون دورددن بیری چئیرک عؤمور، سئیرک حیات بیزده دیر اود یوردوندا اورمودا تبریزده دیر یازیق جانیم هامیسی ائومیزده دیر باشدا اوچان توزومون دورددن بیری دؤرد عونصوردان تشکیل تاپیرسا اینسان اود گوج سالیر ناسیل بیزده هر زامان اورک یانیر آلازلانیر آهدا جان گؤزدن آخان کؤزومون دوردن بیری بیزده یاشام اوزو قارا بیر کؤمور یاز-یاز دئیه قیلیشلی قیشدا گؤمور اوزدن-گؤزدن اولموش اؤلومجول عؤمور سینیق-سالخاق لِزومون دوردن بیری سایمازیانا باخما منه کئچری گؤزلرینی قایتار بیر آز ایچه ری هر قَدَر ده باخیش اولسا کؤچه ری سنده قالیر گؤزومون دورددن بیری هر آغارتی سانما گؤزه جیغالدیر گؤز اؤنونده دوغرولانار دوغالدیر سونوچلانان سوروم-سورغو کامالدیر هر بیر یازی-پوزومون دوردن بیری گیزلی-گیزلی گیزیلتیده کوره گیم اوغرون-اوغرون آلقاساییر اوره گیم گؤزدن دوشور؛ دیلدن دوشمور دیله گیم هربیر جوزوو، جوزوومون دوردن بیری سؤزلریمی یانیتلایا، کیم سورا؟ کیملر یازیب ایچ ائله یه، کیم یوزا اوچ پایینی تاپشیرسام دا سانسورا سنه چاتیر سؤزومون دوردن بیری آلت-اوست اولموش بیزده یاشام اساسی قلمدیرسه شعیر اَلینین عصاسی هر سؤز یازیر دؤنور اولور سیاسی یئرده قالان دؤزومون دوردن بیری

بیر آز والایلاییردیم آنجاق تئز دوغرو یولو تاپدیم.۲۰۰۰ دن ده آرتیق قدیمکی شعیرلریمی آرادان آپاردیم. یئنی فیکیر تاپارکن اجتماعی شعیرده ده ایره لیله دیم. بونو دا آرتیرمالییام من اولدن صنعت شاعیری اولموشام، ائله نوحه شعیرینده ده. او فضادان اوزاقلاشارکن اؤنجه غزله اوز گتیردیم. ۱۳۵۸-جی ایل ایدی؛ ظولمکار شاهین دورانی قورتولوب، اینقلاب مظفر اولسا دا، آز چکمه دی یئنه چوماقدار دسته لری یولا دوشوب مخالفلری تاپدالاماغا باشلادیلار. اوندا فی البداهه بو شعیر یاراندی: " یئنه ده یاد سسی قولاغا دوشدو سونگودن ایشیمیز چوماغا دوشدو یئنه یاخین گلدی قارا گون بیزه بوتون ایسته گیمیز اوزاغا دوشدو   صلیبه  قاتلاشیب شمشیره دؤندوک آخیردا آغزیمیز اوراغا دوشدو باش وئرن جان وئرن یازیق ائل اولدو ماللالار گؤتویله قویماغا دوشدو... بوگونلر ده کئچر، بیر گون گؤرَرسیز ظالیمین تیفاغی نیفاغا دوشدو بو یاریم قرنیده گؤردو گؤزلریم فرعونلار سیناقدان-سیناغا دوشدو ایکی مین بئش یوز ایل باشدا گزن تاج بیر گونون ایچینده  آیاغا دوشدو ک، ق: چوخ گؤزل، دیرلی عؤمرونو اوغورلا یاشایان شاعیر شعیریمیزین بوتون ژانرلاریندا چوخ گؤزل اثرلر یارادیب. غزل دونیاسندا، قوشما دونیاسیندا، سربست شعیر؛ دونیاسیندا اؤزونون دست خطی وار. موغان معلم بویوردوغوز کیمی سیز «صابیر» کیمی «مؤجوز»... کیمی اجتماعی و مشروطه تاریخیندن بویانا اؤزلریندن قیزیل ایز بوراخان، شعیرلری کوتله نین اویانیشیندا درین ایز قویان شاعیرلرین اثرلریندن تاثیر آلیب، انسان سئور سوسیال شعیره اوز دؤندریبسینیز . م: آدلارینی چکدیگینیز شاعیرلرین شعرلری کوتله آراسیندا چوخ گؤزل قارشیلانان شعیرلرایدیلر. آنجاق منجه اونلار صنعت شاعیری دئیلدیرلر. اونلارین شعیرلری اجتماعی-طنز ژانریندا اولدوقدا چوخ ساده دیرلر. اؤنجه دئدیگیم کیمی من بوتون شعیر ژانریلاریندا، ائله نوحه شعیرینده ده، صنعت شاعیری اولموشام. اجتماعی شعیره اوز دؤنرمه ییم ده ائله هرشئی دن چوخ اؤزومه قاییدیر. ک، ق:« موغان» معلم تحصیلاتیز نئجه اولوب. م:  ۱۳۴۸-جی ایلده اردبیلده دیپلم آلدیم. سربازچیلیغدان سونرا تبریزه گلدیم. بهداری اداره سینه استخدام اولدوم. ایش ایامیندا تکنسین بیهوشی عنوانیلا بیر دوره قویدولار؛ آنجاق گؤردوم ائله ایش منیم روحوما اویغون دئییل. سونرا گئدیب حسابداری رشته سینده فوق دیپلم مدرکینی آلدیم. ک، ق: چوخ ساغ اولون« موغان» موعللیم؛ چوخ یئنیشلی- یوخوشلو بیر حیات سوروبسونوز، ادبیاتینان قدم-قدم آتدیملاییبسنیز. مغان موعللیم انقلابدان اونجه تبریزده ادبیات نه سویه دَیدی؟ شاعیرلرین آراسیندا گؤروش اولوردو-اولموردو؟ سیز او زامان هانسی شاعیرلرله چوخ گؤروشووردوز؟ م: چوخلو اوستاد «شهریارین» خدمتینده اولاردیق. اونلار شعیر اوخویاردیلار من ده اؤز نوبه مده او محفیلدن یارارلاناردیم. یئتینجی سینیفده ایدیم «عقیلی»  آدلی بیر معلم، کلاسدا حیدربابادان شعیر اوخوردو. بیرینجی یول ایدی ائله بیر شعیر ائشیدیردیم. او شعیرلر منده چوخ ائتگی بوراخدی.« شهریار» دا منیم کیمی آنا دیلینده مکتب بیتیرمه میشدی؛ او دا اؤز گوجونه شفاهی ادبیاتیمیزا دایاناراق حیدر بابانی آناسینین ایسته یی اوزره یاراتمیشدی؛ آنجاق صنعتکار شاعیر اولاراق او گؤزل مجموعه یارانیب پارلاق بیر اولدوز کیمی تورک ادبیاتینین لکه سیز گؤیلرینده پاریلدامیشدی. من تبریزه کؤچندن سونرا ان بؤیوک آرزوم اوستاد «شهریاری» گؤروب اوندان درس آلماق ایدی. اینقیلابدان آز  اؤنجه هابئله اینقیلابدان سونرا اوستاد« یحیی شیدا» و باشقالارینان( حافظ-فضولی) انجمنینده اولاردیق. او انجمن ده شاعیرلردن ده چوخ کؤنوللو شعیر سئونلر اولاردی بو ندنله، اوچ نفره ( من، نادر پاشائی "پاشا "، احد فرهمندی"اویاق" ) او انجمندن آیریلیب، نئجه دئییم تقریبا بیر فنی انجمن قوردوق. او انجمنده تورکیه شاعیرلینین او جمله دن ناظیم حئکمت، احمد عاریف و...باشقا شاعیرلرین شعرلرینی اوخویوب آچیقلاردیق. اؤز شعیرلریمیزی ده اوخویوب آراشدیراردیق. ایندی او انجمن ده ۱۱نفره یاخین شاعیر و یازار دوستلاریم چالیشیرلار. من خسته دوشدویومدن او ییغینجاغا آزاراق باش چکه بیلیرم. آنجاق دوستلار هله ده اوردا چالیشیرلار؛ انجمنلرینین آدینی دا " موغان انجمنی" قویوبلار. ک، ق:«موغان» موعللیم بیلدیگینیز کیمی شهریارین حیدرباباسین چوخ شاعیرلر قارشیلاییب اونا تای اثر یارادیبلار؛ سیز نئجه؟ او فورمادا شعیر یاراتمیسینیز می، یوخسا یوخ؟ م: بیرزامان تبریزین اینالی داغینا حیدر بابا قالیبینده شعیر قوشموشدوم؛ آنجاق چاپ ائتمه دیم. او شعرلردن یادداشتیمدا بیر شئی قالماییب؛ یازیلمیشینی دا بیلمیرم نئینه میشم. ک، ق:« موغان» موعللیم سیزین بیرینجی کیتابیز نه واخت گونش اوزو گؤروب؛ عنوانی نه دیر؟

محمدعلی نهاوندی(موغان)« ادبیات سئونلر» گوزگوسونده                                                 آپاریجی:«کریم قربان زاده» یازی یا کؤچوروب، دوزنله ین: نادر پاشائی(پاشا) حاضیرلایان:«ادبیات سئونلر» ک،ق «سلام خانیملار، جنابلار، ادبیات سئونلر عایله سی. سیزی خوش گؤردوک. بوگون قوجامان تبریز شهرینده، تانینمیش، شؤهرتی سرحدلردن آشمیش شاعیر،یازیچی، اوستاد محمدعلی نهاوندی(موغان) جنابلارینین قوللوغونداییق. موغان موعللیم خوش گؤردوک سیزی.«ادبیات سئونلره» بو آغیر دورومونوزدا واخت وئردیگینیز اوچون اورکدن تشکور ائدیریک، آرزوموزدور سیزی ساغ-سالامات گؤروب داها آرتیق یئنی، دیرلی اثرلریزدن یارارلاناق. موغان موعللیم اجازه وئرین سیزین بیر سلام-علیکینیزی ادبیات سئونلر عایله​ سی ایله بیرگه ائشیدیب سونرا بوتون دانیشیقلاریمیزین اساسیندا، یاشامیز ایله اثرلریزین ساحه سینده دانیشاق. آرتیرمالی یام بو دانیشیغی باجاردیغیمیز قدر بوتون ادبیات سئونلرینین اللرینه چاتدیریلاجاق. م: من ده سلام عرض ائله ییرم سیزه، بوتون ادبیات، شعیر سئونلره. آرزولاییرام همیشه ساغ-سالامات، کئفلری ساز اولسون. ک، ق: تشکورلر. چوخ گؤزل! موغان موعللیم یاخشی فورصتدی یاشامیز چئوره سینده ادبیات سئونلری بهره لندیره سینیز. م: من موصاحبه لرین بیرینده دئمیشم آذربایجانلی​یام. سیزی ده  چوخ یورماق ایسته میرم؛ آنجاق دوغروسو بودور کی اردبیل شهرینده دوغولموشام.۱۳۲۷-جی ایل پاییزدان ۱۱ گون گئدنده. کیچیک چاغلاریمدان شعیره  وورولموشام. بئش یاشیم اولاردی آنام رحمتلیک، کریمی مراغه​ ی​نین رنگارنگ آدلی طنز شعرلریندن منیم چون اوخویاردی "فالچی قارداش قاپیدا دورما بویور گل ایچه​ ری باجیوین بیر-ایکی ساعت سنه وار دردسری" من ائله او زامانلاردان شعیر دئمیشم. اردبیلده اکبریه  محله سینده اوستا جلال آدلی بیر مسجید خادمی وارایدی.اوستا ائله قنوو قیراغیندا کنددن گلنلرین باشلارین قیرخاردی. چوخ دا یاخشی آدام ایدی. ازلکی شعیریم (ظنّیمجه ۶ یاشیم اولاردی)بو بیت ایدی: " ایسته ییرسن بیله سن اوستا جلالین یاشینی قیرخیب اوّلده اونون حضرت آدم باشینی." بو بیتی اوستایا اوخویان دا اؤزوده گولمه گه باشلاردی. یا بیرینجی ایل مکتبه گئتدیگیم گون مکتبدن دؤننده  ناهار چاغی ائوه گیرنده گؤردوم سوفره آچیب ناهار یئییرلر؛ اؤزو ده کوفته. "کوفته یئینده یادیما آش دوشور" اوخودوم، آتام دا تئز سؤزون دالیسینی توتوب دئدی: " درس اوخویاندا باشیوا داش دوشور." سورالار اردبیلده نوحه نین یایغین اولدوغو اوچون من ده  نوحه شعیرینه یاناشدیم. نوحه شعیرنده گوجلندیگیم ایللر(۱۷-۱۶ یاشیمدا) شعرلریمی رحمتلیک سلیم مؤذنزاده یه وئرردیم؛ باقرتمدنی کیمی ، میرزه حمداله شهادتی کیمی آدلیم نوحه خوانلار دا منیم نوحه شعیرلریمی اوخویاردیلار. هردن ائله اولاردی، منیم نوحه لریمی اوخویاندا او نوحه خانلارین قَهَردن بوغازلاری توتولولاردی. سربازلیق واختیم چاتاندان سونرا خدمتیمین آخیرلاریندا اؤز ایسته گیمله تبریزه دوشدوم. تبریزده بیر شعیر انجمنی وارایدی" شبهای شهریار" عنوانی ایله. او انجمنده اوستاد شهریار، یحیی شیدا، درویش و باشقالاری اولوردولار. او گونلر داها نوحه شعیریندن اوزاقلاشیب اجتماعی شعیره اوزقویموشدوم. او انجمنده بیرینجی دفعه اشتراک ائله ینده اوستاد شهریاردان تضمین ائله دیگیم بیر غزلی اوخودوم.  " آمدی جانم به قربانت ولی حالا چرا            بیوفا حالا که من افتاده ام از پا چرا" ایندی او شعر یادیمدان چیخیب. او شعیری اوخویاندا اوستاد شهریار  ایسته دی نئچه بندین تزه دن اوخویام و چوخ دا بَیندیلر. اوندان سونرا فارسجا شعیر دئمه یه ماراقلانمادیم. انقلابدان سونرا داها فارسجا شعیر قوشمادیم. ک، ق: نئجه اولدو نوحه شعیریندن اجتماعی شعیره  اوز دؤندردیز. بو بیر فیکیر دییشیکلیگی ایسته ییردی. م: بو دییشیکلیک ائله اؤزومده یاراندی. من نه کربلانی گؤرموشدوم نه ده کربلا اولایلاری یاریم گوندن آرتیق اولموشدور او حالداکی بو قونویا چوخ قول-قاناد وئریبلر. بئله لیکله  بالا-بالا دوشوندوم دوز یول گئتمه میشم. ۱۳۶۲-ده اردبیلده قوناق ایدیم. حاجی انور اردبیلین آدلیم نوحه شاعرلریندن ایدی، اون بئشه یاخین دا نوحه کیتابی چاپ اولموشدو. اونلار منی ائولرینه چاغیردیلار. اوردا انور جنابلاری منی بیر آغایلا تانیشدیریب، دئدی بو آدام سنین تورکو شعرلریوه( نوحه شعرلری) مشتریدی. اؤزو ده حاضیردی ۲۰۰ جیلد کیتاب، هابئله، ۲۰۰مین تومن ده پول سیزه وئره لر. مندن ایسته دیلر  بیر قرارداد یازاق؛ دئدیم بوگون ایشیم وار آنجاق صاباح گؤروشه ریک. او گون تبریزه قایتدیم؛ بیر مودت ده اردبیله دؤنمه دیم. تبریزه گلیب اوردا یاشاماغیمین اؤزل ندنی ده اردبیلین او فضاسیندان چیخماق ایدی.«مؤجوزون، علی اکبر صابرین» اثرلری ایله تانیش اولماغیم منی او آغیر یوخودان اویاتمیش ایدی. تازا بیر دونیایا سانکی گؤز آچمیشدیم.

رسول یونان پل شکسته روزگاری کوه ها را به هم وصل می کردی آدم ها را قلب ها را اما حالا... آه ای پل شکسته ! حالا دیگر فقط ابرها می توانند از روی تو بگذرند !    https://t.me/Adabiyyatsevanlar

نرگیز گۆلۆ ✍یازان: رضوان_حاجی‌قاسملو (جانای) آنام ساچێمێ ایکی تای هؤرمۆشدۆ، گؤزل دوْنۇمو گئیب، گۆزگۆ اؤنۆنده دۇرموشدۇم، گاه ساغا باخیردیم گاه سوْلا، دوْنوم چوْخ یاراشیردی. هؤرۆکلریمی هردن بوْینۇمون دالێنا سالێردێم. هردن قاباغا گتیریردیم. اۆر‌ڲیمده اؤزۆمه هئی نه گؤزلم دئییب، دۇرۇردۇم. آنام حوضون یانیندا پالتار یۇیۇردو، اَروْون آلدیغی پالتارلاری سالیردی حوضا قێرێشلانماسێن. منی چاغیردی: - آی قێز! گَل بو پالتارلاری حوضدان چێخاردت، سال طَنفین (طناب) اۆستۆنه. باش اۆسته آنا، دئییب، گلدیم. حوضون قێراغێنا آنام نرگیز گۆللری، شمعدانی گۆللری قوْیمۇشدو، گۆلدانلارین آراسیندان بیر بیر پالتارلاری گؤتۆرۆب، سالیردیم طَنَفه، سوْنرا سودا اؤزۆمۆ گؤرۆنجه آغزیمی دوْلدۇردۇم دئیم آنا من نه گؤزل اوْلموشام، آنام کؤینلردن بیرین سالدی حوضا، سۇ لپه‌لندی، شکلیم قاریشدی، دوْداغیمی بۆزۆب باخدیم آناما! آنام گۆلۆمسه‌ییب، دئدی: منیم گؤزل قیزیم، ایراق جاندان نرگیز اوْلما گؤزۆنه قُربان. - نرگیز؟ نرگیز گۆللریمیز گؤزلدیر دا، من گؤزل اوْلمایێم؟ - پالتارلارین قالانین آت طنفه، من ده سنه گؤزل نرگیزی دانیشیم. ناغیل مۇشتۇلوغونا سئوینیب، تلیم تلسیک قالان پالتارلاری سریب، تِشتی بوْشالدێب، دایادیم حوضون قیراغینا، آنام دا ال آیاغین آخێردێب، آنا- بالا اوْتۇردوق کؤلگه‌ده. - آنا! - جانا قاداسی! - نرگیزین ناغیلین دانیشدا... - ایللر اؤنجه بیر گؤزل قێز جێغاز واریمیش، آدی نرگیز، چوْخ گؤزل ایمیش دئییرلر، چوْخ گؤزل اوْلدۇغونا خاطیر هئچ کیم اوْنۇن سئوگیسین دیلینه گتیره‌ بیلمز،  نرگیز اؤزۆنه وۇرغۇن اوْلار. دئییرلر هر گۆن گلیب اوْتۇرارمیش چایێن قێراغێندا، اڲیلیب، اؤزۆنه باخارمیش. گۆنلرین بیرینده اؤزۆنه باخیب من نه گؤزلم دئییرمیش، اوْقدر باخار سۇیا سانار سۇدا اوْلان قیز آیری گؤزل قێزدی، قوْللارێن آچیب، اڲیلر اؤزۆن قۇجاقلاماغا، سو نرگیزی باغرینا باسێب، اؤزۆیله آپارار، دئییرلر صاباحیسی گۆن نرگیز اوْتۇردۇغو یئرده نرگیزه اوْخشار گۆل بیتمیشدی. گۆل نرگیزه اوْخشادیغینا خاطیر آدین نرگیز قوْیارلار. بو گۆل سۇدان قێراقدا قالماز، آخی گرک اؤزۆن سۇدا گؤرسۆن! سن منه گؤزل نرگیزی خاطیرلاتدین! سوْن https://t.me/Adabiyyatsevanlar

✍️:«توفان-قارا داغلی» پاییز ، پاییز  اَله نیره م یارپاغلارین  سینه سیندن هارا گلیر دؤشه نیرم توشوره م یئل گیله سیندن قایا، قایا  اوغولورام سینیرام  داش اورکلردن گَدیک ، گَدیک سوغرولورام قیش کئچیرم کولکلردن تاخجا ، تاخجا  دوزولورم انسانلارین  گؤزلرینده داباق ، داباق جان وئریره م حیوانلارین  ایزلرینده بیر کلیسا قوجاغیندا هئیکلیمی داریخیرام بیر معبدین  آیاغیندا آدام ، آدام قان آخیرام بیر گون سالام وئریلیره م یولدان کئچن چرچیلَره بیر گون علیک آلینیرام آتیلیرام   کوچه لَره ...و بیر آن یوخااا چیخیرام هئچ اولورام  پوچ  اولورام ایچی بوش بیر کؤچ اولورام "توفان"لاردان سوغولورام 1398/12/20 https://t.me/Adabiyyatsevanlar