دومان

" مهريبانيم" من ايشيقلي دونيا سن نورلو گونش ضياني اوستومہ سال مهريبانيم وارليغيما حيرت، كؤنلومہ آتش آيريلما قلبيمدن قال مهريبانيم سنسن ديانتيم، دوستوم، ياريمدا عشقيم، محببتيم، ناموس، عاريمدا سؤز سئودا گمینے دالغالاریمدا ڪؤنلوم درياسينا دال مهريبانيم " آزافلي" گؤزوندن قورالار تؤكر حسرتين قدديمي قاتلاييب بوكر ايستہ سن خان ائیلہ ، ایستہ سن نوڪر منے اؤز قوينونا آل مهريبانيم " ✍آزافلي ميكاييل"

یولدا قالان گؤزلریوه قوربانام شیرین شیرین سوزلریوه حیرانام فلک قؤیمور چوخلی گلیم یانیوا اؤ یول چکن گؤزلریوه قوربانام

من سنی سئومیشم دونیا بویونجا گؤزلریم ایشیغی قالیب دالینجا جانیم گئدیب سندن جاواب آلینجا سالمیسان سن ساچلارا دن دینمه‌میشم هر زاد ائتدین   منه سن دینمه میشم اولموسان چوخ سیمیتن‌دینمه میشم

گؤزلیم گؤزلـریمه رحم اله آغلاتما منی عشقیمین قدرینی بیـل آیریسنا ساتمــا منــی من سنه جان دمیشم باغریمی قان ایله میشم بو غریبانه لرین محمیلینه آتما منی

اومودسوز عشقیمین پناهی ســــنســـــــن قارانلیق دونیامین چیراقی ســــنســــن یارالی کونلومون صفاسی ســــنســــن کونلومون گولشَنی باهاری ســــنســــــن

یازاجام سوزلریمی دردیمی دیوانه کیمی نیه جان جان دئمیرسن سن منه جانانه کیمی إئدیرم هر گئجه گوندوزده پرستیش سنی من بس هاچان باخمییاجاقسان منه بیگانه کیمی

غملی اورگیم یاندی بو سنسیز گئجه لرده سن یوخسان ایشیغ یوخدی سحرسیزگئجه لرده تک بیر باخیشون ائتملی دیر دردیمه درمان اولدوزدا ایاق یوخ گله سنسیز گئجه لرده

‎عشقین سؤزونو گؤز دانیشار دیل دیه بیلمز ‎او گؤزکی دانیشماز اونا مستانه دمزلر ‎عاشیق کی گؤزون قویدو دیلینن دئدی عشقین

یاخچی یولداش اولمسین دوشمنی هئچ گولمسین گوروم یاخچی یولداشین گوزی بلا گورمسین❤️ (یوللا اورهدن گلن یولداشلارا) 🌼🍃🌼🍃🌼

▫️گؤزَلیم، توتما برابر منے پروانہ ایله! او اگر شمعہ یانیر، من رخِ جانانہ ایله. قورخورام ائل دوشوب آردینجا اولا حئیرانین، احتیاط ایلہ داغیت زولفون اوزہ شانہ ایله! بوندان آرتیق غمِ هجرانینا تابیم یوخدور، اؤله‌رم، بیر دہ گؤرم گر سنے بیگانہ ایله. بو قدر گؤز گؤرہ زولفوندہ اسیر اولمازدیم، ممڪن اولسایدے باجارماق دلِ دیوانہ ایله. من دورارڪن، یئنہ ائل صحبتِ «مجنون»ہ اۇیور، نہ زمان‌دیر ڪئچیریر عؤمرونو افسانہ ایله. توبہ جامین نئجہ سیندیرماییم، انصافیم وار، دلبریم ساقے اولوب مئے وئرہ پیمانہ ایله؟ من اگر باده‌نے ترڪ ائیله‌مه‌سه‌یدیم، «واحد!» چورویوب محو اولاجاقدیم رهِ میخانہ ایله. علی_آغا_واحد

فاصیله؛ هئچ بیر سئوگییه خیانت ائتمیر چۆن‌کو فاصیله‌لرده محببتی سیناماق اوْلار...

عزيزيم اوتا ياندی کوزردی اوتا ياندی ماتم خبرين چاتدی اوره گيم اوتا ياندی

آراز اۆسته بیر آه چکدیم، آی ائللر، آراز گؤر‌ه‌ن، نیسگیلیمی دۇیدومو؟ بیر گؤره‌‌یدیم بۇ آمانسیز آیریلیق، داغ چکمه‌میش بیرجه‌سینه قوْیدۇمو؟ نه دۆشۆنور یۇردون اوْغلو بیلمیرم، کوْرلاشدیمی حسّی، عقلی، بیلمیرم، یوْللار باغلی، سینه داغلی بیلمیر‌م، اوْ طر‌فده ماتم‌دیرمی، توْیدۇمو؟ خزینه‌سی یاد ائللر‌ده پایلانیر، ملحم‌سیزدی یارالاری هوْولانیر، منه ساری نئچه شهر‌ بوْیلانیر، تبریزدیمی، مرنددیمی، خوْی‌دۇمو؟ قان اۇتدۇردون نئچه- نئچه مرده سن، گۆج قوْیمادین ایگیتده سن ارده سن، سالدین بیزی بیر چکیلمز درده سن، ظالیم حسر‌ت، ایسته‌دییین بۇیدۇمو؟ ✍️"زلیمخان یعقوب ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌