Sof.uz | Соф хабарлар
Ir al canal en Telegram
Банк, молия, иқтисодиёт соҳасидаги энг сўнгги, сифатли хабарлар, мақолалар Сайт: www.sof.uz Facebook: fb.com/sofuzb Instagram: instagram.com/sof.uz_live Почта: info@sof.uz Хабар жўнатиш: @Sofuzgaxatbot Тижорий ҳамкорлик: @almmedia
Mostrar más4 669
Suscriptores
Sin datos24 horas
Sin datos7 días
Sin datos30 días
Archivo de publicaciones
Хитой ва Россия Ўзбекистоннинг асосий экспортчиларига айланди
Ўзбекистон Республикаси Президенти ҳузуридаги Статистика агентлигининг дастлабки маълумотларига кўра, 2022 йилда Ўзбекистон экспортида юқори улушга эга бўлган ҳамкор давлатлар:
— Россия – 3,1 млрд.
— Хитой – 2,5 млрд.
— Туркия – 1,5 млрд.
— Қозоғистон – 1,4 млрд.
— Қирғиз Р. – 979 млн.
— Афғонистон – 751 млн.
— Тожикистон – 520 млн.
— Канада – 226 млн.
— Туркманистон – 195 млн.
— Эрон – 140 млн. АҚШ доллари
Энг сўнгги хабарларга обуна бўлинг: 👉
@sofuzb
23 ene 2023, 11:06
Беш йил ичида Германия ялпи ички маҳсулот ҳажми бўйича Японияни четлаб ўтади
Беш йил ичида Германия ялпи ички маҳсулот бўйича Японияни ортда қолдириб, дунёда учинчи иқтисод мақомини олиши мумкин. Бу ҳақда Dai-ichi Life суғурта компанияси қошидаги илмий-тадқиқот институти экспертларининг ҳисоб-китобларига таяниб, Япониянинг Sankei нашри ёзмоқда.
Улар ўз прогнозларида Япониядаги иқтисодий ўсишнинг паст суръатларини ва иенанинг долларга нисбатан паст даражасига эътибор беришди. Охирги ҳолат долларга айлантирилганда мамлакат ялпи ички маҳсулотини пасайтиради. Айни пайтда Япония ялпи ички маҳсулоти 4,3 триллион доллардан ошади, Германияники эса 6,7 фоизга паст. 2023 йилда фарқ олти фоизгача камайиши мумкин.
Япония 1968 йилда дунёнинг иккинчи йирик иқтисодиётига айланди. Хитой уни 2010 йилда ортда қолдирди. Германия тўртинчи ўринни эгаллаб турибди.
Энг сўнгги хабарларга обуна бўлинг: 👉
@sofuzb
23 ene 2023, 10:04
Bloomberg: 2023 йилда Европа тарихдаги энг ёмон қарз инқирозига дуч келиши мумкин
"Бу йил Европа Иттифоқи тарихдаги энг ёмон инқирозга дучор бўлиш хавфи остида. Бунга Европа давлатларининг қарийб 1,9 триллион евролик қарз мажбуриятлари билан таъминланган тижорат кўчмас мулкининг қайта баҳоланиши сабаб бўлади", деб ёзади Bloomberg Европа банк бошқармаси статистик маълумотларига таяниб.
Жами қарз мажбуриятларининг тахминан 20 фоизи (тахминан 390 миллиард евро) жорий йилда тўланади. Бироқ, Европада гаровга қўйилган тижорат кўчмас мулкининг қайта баҳоланиши олдинги молиявий инқирозларга қараганда анча тезроқ содир бўлиши мумкин.
Шу билан бирга, рискларни ўз ичига олган янги қоидалар Европа кредиторларини муаммоли кредитларга нисбатан тажовузкор бўлишга ундайди. Айни пайтда, Буюк Британияда тижорат мулкининг нархи пасайишда давом этмоқда, бу эса беқарорликка олиб келиши мумкин.
Батафсил: https://sof.uz/hv57
Энг сўнгги хабарларга обуна бўлинг: 👉
@sofuzb
23 ene 2023, 08:55
Repost from Тuronbank matbuot kotibi
❗️Туронбанк тажрибали маркетолог лавозимига танлов эълон қилади!
🔹Aгар сиз тажрибали маркетолог ва компания имиджини ривожлантиришда профессионал ютуқларга эга бўлсангиз ҳамда бозор тенденцияларини аниқлашни билсангиз, биз сизни жамоамизга таклиф қилишга тайёрмиз!
Асосий шартлар:
➖ Маркетинг йўналишида олий маълумот
➖ Маркетинг соҳасидаги иш тажрибаси: 3–5 йил
➖ Маркетинг таҳлилини амалга ошириш ва бозорни ўрганиш
➖ Digital-marketing инструментларидан фойдаланиш
➖ Ўзбек, рус ва инглиз тилларини билиш
Батафсил талаблар - www.turonbank.uz
Аъзо бўлиш👇
https://t.me/turonbankmatbuotkotib
23 ene 2023, 08:32
Табиий газ тармоқларига ноқонуний уланиш ҳолатлари фош этилмоқда
Бош прокуратура ҳузуридаги Департаментинг Оҳангарон туман бўлими томонидан “Тошкенттумангаз” ГТФ туман газ таъминоти бўлими ходимлари билан ҳамкорликда ўтказилган терговга қадар текширувда, “M.B.” МЧЖ раҳбари А.Г. “Ёнариқ” МФЙдаги ишлаб чиқариш цехини ўзбошимчалик билан газ тармоғига улаб, 270,2 минг куб метр табиий газдан ноқонуний фойдаланганлиги оқибатида, давлат ва жамият манфаатларига 270,5 млн сўм зарар етказганлиги аниқланган.
Департаментнинг Ғиждувон туман бўлими томонидан “Ҳудудгаз Бухоро” ГТФ туман газ таъминоти бўлими ходимлари билан ҳамкорликда ўтказилган терговга қадар текширувда, “С.С.” МЧЖ раҳбари С.Ҳ. корхонага қарашли иссиқхонани ўзбошимчалик билан газ тармоғига улаб, 186,9 минг куб метр табиий газдан ноқонуний фойдаланганлиги оқибатида, давлат ва жамият манфаатларига 186,9 млн сўм зарар етказганлиги аниқланган.
Батафсил: https://sof.uz/cqi
Энг сўнгги хабарларга обуна бўлинг: 👉
@sofuzb
23 ene 2023, 08:01
Электр энергетикаси тизимидаги ислоҳотлар Туркияда қандай натижа берди?
Прогнозлаштириш ва макроиқтисодий тадқиқотлар институти (ПМТИ ) мутахассислари Туркияда электр энергетикаси тизимида амалга оширилган ислоҳотлар қандай натижа бергани ва бунинг омилларини ўрганди.
Электр энергетикаси тизимини ислоҳ қилишнинг зарурати:
Ўтган асрнинг 90-йиллари охирларида Туркияда давлат бюджети кўрсаткичлари ёмонлашди;
Электр энергияси учун субсидия ажратиш давлат учун молиявий жиҳатдан қийинчиликларни юзага келтирди;
2002-2007 йилларда электр энергиясини ишлаб чиқариш харажатлари сезиларли даражада ошди, бироқ тарифлар ўзгармади. Оқибатда мавжуд инфратузилмани таъмирлаш ва янгисини қуриш имконияти чекланди.
Батафсил: https://sof.uz/cqi
Энг сўнгги хабарларга обуна бўлинг: 👉
@sofuzb
23 ene 2023, 07:27
Ўзбекистоннинг 200 минг сўмлик пул бирлиги "Йилнинг энг яхши банкнотаси" бўлиш учун курашади
Ҳар йили Халқаро банкноталар жамияти (The International Bank note Society) томонидан "Йилнинг энг яхши банкнотаси" аниқланиб келинади.
2022 йилнинг энг яхши банкнотасини аниқлашда номинант купюралар қаторидан Ўзбекистоннинг 200 минг сўмлик пул бирлиги ҳам ўрин олган.
Эслатиб ўтамиз, 2021 йилда бўлиб ўтган энг яхши банкноталар учун номинациялар қаторида Ўзбекистоннинг 5 минг сўмлик пул бирлиги келтирилган ва якунда Мексиканинг 50 песолик банкнотаси "энг яхши" деб топилган эди.
Энг сўнгги хабарларга обуна бўлинг: 👉
@sofuzb
23 ene 2023, 06:59
23 ene 2023, 06:20
Энергетика вазирлиги ёш мутахассисларни танлаш дастури доирасида бир қатор олий таълим муассасалари битирувчи талабалари учун танлов эълон қилади
Олий таълим муассасалари битирувчиларини Энергетика вазирлиги ва тизим ташкилотларида стажировкасини ташкил этиш мақсадида ёш мутахассисларни танлаш дастури тасдиқланган.
Танловда: олий таълим муассасаларининг бакалавриат ва магистратура босқичларида кундузги таълим шакли бўйича таҳсил олувчи битирувчи курс талабалари;
инглиз тилини билиш даражаси бўйича сертификати (камида B1 даража) мавжуд бўлган ҳамда ўртача рейтинг баҳоси 71 фоиздан юқори бўлган битирувчи талабалари қатнашишлари мумкин.
Танлов 2023 йил 5 февралига қадар (шу кун ҳам) давом этади.
Батафсил: https://sof.uz/i1h
Энг сўнгги хабарларга обуна бўлинг: 👉
@sofuzb
23 ene 2023, 06:12
Уй шароитида долларларнинг ҳақиқийлигини қандай текшириш мумкин?
Чет эл валютасида нақд пулдан фойдаланиш, ҳатто энг кутилмаган жойларда ҳам қалбаки долларларни олиш имкониятини сизга тақдим этади. Агар бу пулдан фойдаланишда кўп тажриба бўлмаса, сохта нарсани таниб олиш жуда қийин бўлиши мумкин.
Шу сабабли, қалбаки банкнотларни аниқлаш усулларига алоҳида эътибор берилиши керак. Долларни ҳақиқийлигини текширишни аниқ тушуниш пулни йўқотмасликка ва жиноий жавобгарликдан ҳимоя қилишга ёрдам беради.
Долларнинг жаҳон муомаласида жуда кўп сохта нарсалар иштирок этади. Мисол учун, 2011 йилда тахминан 220 миллион доллар ҳақиқийлигини текширишдан ўтмаган.
Аксарият қалбаки долларлар Перуда яратилган ва 2013 йилгача Колумбия бу сегментда етакчи бўлган. Бундай банкнотлардаги тасвирлар тўғри бўлса ҳам, асл бўлмаган қоғоз инфрақизил чироқ ёрдамида осонгина таниб олинади.
Шимолий Кореяда "супердоллар" деб атала бошлаган жуда юқори сифатли сохта нарсалар яратилмоқда. Мутахассисларнинг фикрича, бундай банкноталар Германия бирлашиши даврида ГДР ҳудудидан олиб чиқиб кетилган Америка босмахоналарида босилади. Пул учун бўёқ АҚШ Ғазначилигига аралашмани етказиб берадиган Швейцарияда жойлашган компаниядан сотиб олинади. Ҳисоб-китобларга кўра, сохта долларлар туфайли КХДР ҳар йили тахминан 25 миллион доллар даромад олади.
Сохта долларларни ҳар қандай шароитда турли жойларда топиш мумкин. Бундай банкнотларни ўтказиш учун фирибгарлар кўпинча психологик омилдан фойдаланадилар. Стрессли, шошилинч вазиятда ёки кечаси, бир неча кишидан олинган пул ҳам "соҳта пул" ролини ўйнаши мумкин.
Батафсил: https://sof.uz/s5o
Энг сўнгги хабарларга обуна бўлинг: 👉
@sofuzb
23 ene 2023, 05:20
Эмбарго нима?
Россия-Украина уруши фонида “Эмбарго” атамасини тез-тез қўлланилганлигига гувоҳ бўлдик. Мисол учун, Еврокомиссия Россия кўмирига эмбарго қачондан кучга киришини маълум қилганда.
Хўш, ўзи эмбарго нима дегани? У қандай ҳолларда қўлланилади?
ЭМБАРГО сўзи испан тилидан олинган бўлиб, “хатга олиш”, “ман этиш” ва “хатлов” маъноларини англатади.
Хусусан, давлат томонидан муайян товарлар, хизматлар, валюта ёки бошқа бойликларни мамлакатга келтириш ёки бошқа мамлакатларга олиб кетиш, четга чиқаришни тақиқлаб қўйиш; айрим мамлакатлар ёхуд мамлакатлар гуруҳи билан савдо муносабатларини тўла тақиқлаш; иқтисодий ёки сиёсий, молиявий, илмийтехлик тазйиқ воситаси бўлиб, ҳукумат томонидан жорий этилади. БМТ қарорига кўра, БМТ Уставини бузганлиги ёки бошқа ножўя ишлари учун жазо чораси тарзида муайян мамлакатларнинг бошқа мамлакатлар билан савдо алоқаларини тўсиб қўйши ҳам Эмбарго ҳисобланади.
👉🏼Батафсил ўқиш учун босинг 🧑🏻💻
Энг сўнгги хабарларга обуна бўлинг: 👉
@sofuzb
23 ene 2023, 04:17
Fox News: миллиардер Жорж Сорос Америка оммавий ахборот воситаларига дунёда содир бўлаётган воқеаларни ўзи учун фойдали тарзда ёритиб бериш камида 131 миллион доллар сарфлади
Американинг Fox News телеканали маълум қилишича, миллиардер Жорж Сорос кўп йиллардан буён ОАВга дунёда содир бўлаётган воқеаларни ўзига фойдали тарзда ёритиш учун пора бериб келган.
Телеканал маълумотларига кўра, ўтган йиллар давомида Сорос 54 та нуфузли оммавий ахборот воситаларини, жумладан, журналистлар, мухбирлар, телебошловчилар, CNN, NBC, CBS, Bloomberg, NPR ва Washington Post бош муҳаррирларини молиялаштирган.
Fox News телеканалига иқтибос келтирган MRC Business маълумотларига кўра, бизнесмен бутун вақт давомида 253 та оммавий ахборот воситалари дунёда содир бўлаётган воқеаларни айнан ўзи талаб қилганидек ёритишини таъминлаш учун тахминан 131 миллион доллар сарфлаган.
Таъкидланишича, Сорос бу ОАВга ўзи пул инвестиция қилган гуруҳлар орқали ҳомийлик қилган.
Энг сўнгги хабарларга обуна бўлинг: 👉
@sofuzb
23 ene 2023, 03:25
Туркманистон Ўзбекистонга газ экспортини тиклади
21 январдан Туркманистон Ўзбекистонга кунига 4,8 млн куб метр газ етказиб беришни бошлаб, бугунги кунда бу кўрсаткични 12,6 млн куб метрга етказди.
Аста-секин етказиб беришнинг кунлик ҳажми 16 млн куб метргача ошади — кескин совуқ тушишидан олдин шунча газ етказиб берилган.
Энг сўнгги хабарларга обуна бўлинг: 👉
@sofuz
23 ene 2023, 02:48
Ўзбекистонда пиёз нархи аввалги рекорддан аллақачон 4 баробар қимматроқ
EastFruit таҳлилчиларининг тадқиқотларига кўра, Ўзбекистонда пиёзнинг ўртача улгуржи нархлари яна бир рекордни янгилаган. Ортга қолган ҳафтада ҳолатига кўра, пиёз нархи кичик улгуржи лотлар учун 8000 сўмга етди. Бу ўтган йилнинг шу давридаги пиёзнинг аввалги рекорд нархидан роппа-роса тўрт баробар қимматроқ деганидир.
Ўзбекистон фермерлари ва савдогарлари томонидан нотўғри шароитларда сақланаётган катта ҳажмдаги пиёз захиралари ғайритабиий совуқ ҳавода музлаб қолганидан сўнг, мамлакат бозорида маҳсулотларнинг катта танқислиги юзага келган ва бу нархларнинг кескин ошишига олиб келган.
"Ўтган ҳафтада Ўзбекистонда пиёзнинг улгуржи нархлари минтақада энг юқори бўлди. Айни пайтда Ўзбекистонда пиёзнинг улгуржи нархи ҳатто Украинадаги нархдан ҳам юқори бўлиб қолмоқда", дейилади манба хабарида.
Эслатиб ўтамиз, олдинроқ, Ўзбекистонда пиёз экспорти вақтинча чеклангани ҳақида хабар берган эдик.
Энг сўнгги хабарларга обуна бўлинг: 👉
@sofuz
23 ene 2023, 02:19
❗️Боланинг боғчага кетма-кет 3 кундан ортиқ келмаган даври учун тўлов ундирилмайди
Қуйидаги сабаблар билан боланинг боғчага кетма-кет 3 кундан ортиқ келмаган даври учун тўланган тўловлар кейинги тўловларни амалга оширишда ҳисобга олинади:
боланинг ёки оила аъзоларининг касаллиги сабабли;
карантин ҳолатида бўлганлиги туфайли;
ота-оналардан бирининг ишдан (ўқишдан) бўш вақти даврида ёки бошқа сабабларга кўра.
Бунда боланинг келмаган кунлари сони бир кунлик тўлов миқдорига кўпайтирилиб, кейинги тўлов суммаси чиққан суммага камайтирилади.
Агар боланинг келмаган кунлари учун тўлов ҳали амалга оширилмаган бўлса, тўланиши лозим бўлган тўлов миқдори у келмаган кунлари учун ҳисобланган тўлов суммасига камайтирилади.
Шунингдек, ота-онанинг олдиндан берган ёзма аризасига асосан, боланинг боғчага қатнаши бутунлай тўхтатилган тақдирда, тўлов тўлиқ бўлмаган ой учун, яъни бола амалда боғчага қатнаган кунлар учун тўланади.
Энг сўнгги хабарларга обуна бўлинг: 👉
@sofuzb
23 ene 2023, 01:36
Хитой Ўзбекистонга маҳсулот импортида Россияни ортда қолдирди
Статистика агентлиги маълумотларига кўра, 2022 йилнинг январь-декабрь ойларида Ўзбекистон импортида юқори улушга эга бўлган ҳамкор давлатлар:
— Хитой – 6,4 млрд.
— Россия – 6,2 млрд.
— Қозоғистон – 3,2 млрд.
— Корея – 2,3 млрд.
— Туркия – 1,7 млрд.
— Германия – 1,1 млрд.
— Туркманистон – 732 млн.
— Ҳиндистон – 655 млн.
— Бразилия – 553 млн.
— Беларусь Р. – 410 млн. АҚШ доллари
Энг сўнгги хабарларга обуна бўлинг: 👉
@sofuzb
23 ene 2023, 00:50
"Аватар 2" фильми икки миллардлик маррадан ўтди
"Аватар: Сув йўли" бутун дунё бўйлаб 2 миллиард доллардан кўпроқ даромад олиб келди. Режиссёрнинг сўзларига кўра, фильм рекорд ўрнатиш учун тарихдаги энг кўп даромад келтирган учинчи ёки тўртинчи фильм бўлиши керак.
CNBC маълумотларига кўра, "Аватар: Сув йўли" фильми АҚШ кинотеатрларида 598 миллион доллар ва бутун дунё бўйлаб 1,4 миллиард доллардан ортиқ даромад келтирган.
2 миллиард доллардан ортиқ даромад олган фильмлар:
"Аватар"— 2,9 миллиард доллар;
"Қасоскорлар: Интиҳо" — 2,8 миллиард доллар
"Титаник" — 2,2 миллиард доллар;
"Юлдузлар жанги" — 2,1 миллиард доллар
Қасоскорлар: Абадият жанги - 2,05 миллиард доллар
Аватар: Сув йўли - 2,02 миллиард доллар
"Аватар" фильмининг давоми бутун дунё бўйлаб 16 декабрда чиқди. Биринчи қисмнинг премьераси 2009 йилда бўлиб ўтган эди.
Энг сўнгги хабарларга обуна бўлинг: 👉
@sofuzb
23 ene 2023, 00:16
2022 йилда Солиқ қўмитаси томонидан қуйи солиқ органларининг жами 557,4 млрд сўмлик 120 та қарори солиқ тўловчилар фойдасига бекор қилинган
2023 йил 1 январь ҳолатига кўра, Солиқ қўмитасига шикоят бериш тартибида жами 1 556,5 млрд сўмлик 512 та солиқ низоларига оид шикоят келиб тушган. Уларнинг барчасини белгиланган тартибда кўриб чиқилган. Шундан:
солиқ аудити бўйича — 1 299,6 млрд сўмлик 299 та;
сайёр солиқ текшируви бўйича — 256,9 млрд сўмлик 213 та.
Натижада:
557,4 млрд сўмлик 120 та шикоят бўйича (шундан, 37 таси 468,2 млрд сўмлик қисман) солиқ тўловчиларнинг шикояти қаноатлантирилган;
974,2 млрд сўмлик 369 та шикоят бўйича давлат солиқ хизмати органлари қарорлари ўз кучида қолдирилиб, бу ҳақда белгиланган тартибда тушунтиришлар берилган;
24,9 млрд сўмлик 23 та шикоят ўрганилмоқда.
Энг сўнгги хабарларга обуна бўлинг: 👉
@sofuzb
22 ene 2023, 23:28
Yonhap: Шимолий Корея 2022 йилда 2,3 миллион доллар гуманитар ёрдам олган
Бирлашган Миллатлар Ташкилотининг Гуманитар масалаларни мувофиқлаштириш бошқармаси молиявий кузатув хизмати маълумотларига кўра, Шимолий Корея 2022 йилда халқаро ташкилотлар ва бошқа идоралардан қарийб 2,3 миллион доллар олган, бу 2021 йилга нисбатан 14 миллион долларга кам дегани. Бу ҳақда Yonhap ахборот агентлиги хабар бермоқда.
Нашрнинг қайд этишича, Швейцария Бирлашган Миллатлар Ташкилотининг Болалар жамғармаси (ЮНИСEФ) ва Швейцария тараққиёт ҳамкорлиги орқали 2022 йилда КХДРга умумий молиялаштиришнинг қарийб 69,5 фоизини – 1,6 миллион долларни ажратган.
Агентликнинг таъкидлашича, 2021 йилда Шимолий Кореяга молиявий ёрдам таклиф қилган Канада, Финляндия, Франция ва Германия 2022 йилда ёрдам таклиф этмаган.
Нашрнинг қайд этишича, Швейцария 2023 йилда «овқатланиш хизматлари» учун ЮНИСЕФ орқали яна 1,2 миллион доллар юборишни режалаштирмоқда.
Аввалроқ, Жанубий Корея президенти Юн Сок Ёл Сеул Пхеньян билан келишилган ҳолда КХДРга коронавирусга қарши вакциналар ва зарур дори-дармонларни етказиб беришга тайёрлигини маълум қилганди.
Энг сўнгги хабарларга обуна бўлинг: 👉
@sofuzb
22 ene 2023, 22:55
