❤️رجزها و رباعیات ترکی وفارسی🌷

❤️لا ادری ❤️ 🌴رجز خنجر زنان عاشورا🌴 مُهر تایید ِ حسینچی ؛ باشدا خنجرلرده دی ثبت اولوبدی تَلّین اوسته قانی معجرلرده دی نامه نی امضا ائدوب  زهرا ؛ سَند  حیدرده دی یا حسین ؛لبیک حسین مین ایلدی خنجرلرده دی.... عاشقم مستم گرک جانیم حسین وای سسلسین روز تاسوعاده جودانم حسین وای سسلسین جنت السون زاهدین  منده حسین دیوانه سی گوی منیم باشدان آخان قانیم حسین وای سسلسین.... 🆔 @ragazha

❤️استاد کلامی زنجانی❤️ 🌴یا علی اکبر ( ع ) 🌴 "ای دردی اولان بنده دن یا علی اکبر اول یاره پناهنده دینن یا علی اکبر سیر ایله بو گلشنده دینن یا علی اکبر گل درد سر خرمنده دینن یا علی اکبر منده دیوروم سنده دینن یا علی اکبر * با جادی غلام اولسا جوانلار بو جوانه ویرمزدی حسین بیر توکونی کل جهانه اکبردی که عزت یارادوب هاشمیانه مثلین گوره هیهات بو عالم بو زمانه به به بیله فرزنده دینن یا علی اکبر کیم حسنیده سبقت دوتا گلدن دالا گلمز خلقت باغینا هیچ بیله قرمز لالا گلمز یوسف یوزینی گورسه ایدر غش حالا گلمز اکبر کیمی دنیایه ادبلی بالا گلمز بیل قدرینی ارزنده ، دینن یا علی اکبر رای علنی معاویه آلدی امرادن کیمدرون دیدی سلطانلیقا لایق ، دیدیلر سن انصاف دیدی ایلمدوز چوخ کیچیکم من اکبرده لیاقت وار ایده عالمی گلشن ایستر اونی دشمنده دینن یا علی اکبر ای زاده کوثر سنه قربان اولا زمزم ای شبه پیمبر قاپووین سائلی حاتم هر فرقه ورار بیر گوزلین آدینه پرچم من بنده درگاه علی بن حسینم قویماز دوشه دل بنده دینن یا علی اکبر یعقوب اوقدر آغلادی اولدی گوزی کم نور چون یوسفی بیر مدت ایترمشدی او مهجور شاه شهدا نیلدی گور ای دل مغرور گوندردی جهاده بالا مسرور آتا مسرور تا دین قالا ایمنده دینن یا علی اکبر" 🆔 @ragazha

❤️پریشان تبریزی❤️ 🌴باش یاران 🌴 باش یاران ایلـر ئوزون  آماده  تاسوعا گونی باشدا قان جوشه گلر هر ائیلده واویلا گونی در به در حیـران گزر هیئتده عاشورا گونی   الده خنجـر قلبینین سر رشته سین فوری قیرار   سسلیر لبیک حسین ؛ لبیک ابوالفضل باش یارار... 🌹🌹🌹🌹🌹 قلبیـده وار هـر نقـد آلامی ؛ پیلر باش یاران یارماسا ئوز باشینی  بیر ائیلده نیلر باش یاران ائیل به ائیل شمشیرینی آماده ایلر باش یاران غسل ائدوب ؛ نیّت ائدوب قربان کیمی زُلفون دارار سسلیر لبیک  حسین ؛ لبیک  ابوالفضل  باش یارار..... 🌴🌴🌴🌴🌴 باش یاران باش یارماسا قلبی اونون ایلر وَرَم جوش ائدر باشینده قانی هر اَسَن  وقته عَلَم باش یاروبدور محمل اوسته  زینب والا شیَم باش یاران زینب باشیـن یاد ایلیوب  دل یاندیرار سسلیر لبیک حسین ؛ لبیک ابوالفضل باش یارار.... 🌴🌴🌴🌴🌴 ائیلده عاشورا گونی باش یارماغیم برنامه دی بیله بُول باش  یارماغیم  حُکم  زیارتنامه دی یاش یارانلاره خانیـم زینب ئوزی اَعلامه دی اُول سببـدن بـاش یاران ؛ باش یارماغا دامن وئرار سسلیر لبیک  حسین ؛ لبیک  ابوالفضل  باش یارار... 🌴🌴🌴🌴🌴 سیــد  کـربـوبـلادن  کـربـلانی   ایستَرم اَلده خنجر ساخلیوب قلبیمده مُحنت بَسلَرم یاردیغیجـا باشیمی لبیک ابوالفضل سسلرم شاه دینـون گوز یاشین یاد ایلیوب یارام باشیم قولسوز عباسین  باشین یاد ایلیوب یارام باشیم..... 🌴🌴🌴🌴🌴🌴 باش یاران یاردیخجا  باشین آه و فریاد ایلسون یارسین  ئوز باشین ولی عقباسین آباد ایلسون باشینه خنجـر وئـران وقتـه منی یاد ایلسون بو پـریشــانـه آقـام تـا کی  عنایت ایلسون دردمنـدِ   عشقیـم   بلکـه   طبـابت ایلسون.... 🆔 @ragazha

♥️کربلایی رحیم شایان ♥️ 🌴کربلا 🌴 دَیَر تمام جنانه صفاسی کرب و بلانون صفا و مروه‌دن افضل، مناسی کرب و بلانون نه کربلا که مطاف ملایک ایله بشردی عجیبه‌جلوه‌سی واردی نماسی کرب و بلانون بهشته طعنه وورور حد فاصل ایکی گنبد نه دلربادی خدایا فضاسی کرب و بلانون او سمت قبرحسین و بو سمت قبر ابوالفضل وزیر اوزاقدا بو باش پادشاسی کرب و بلانون سبب نه دور که دوشوبدی بو فاصله او مکاندا گریزه حاضر اول ای آشناسی کرب وبلانون دوشنده آتدان ابوالفضل کنار علقمه‌ده دییردی داده گل ای مبتلاسی کرب وبلانون دگوبدی مشگیمه اوخلار یاتیبدی پرچم حسینیم دوشوبدی صاق سولوم ای مقتداسی کرب وبلانون یامان گونومدی حسینجان، یوبانما تیز گل هرایه دوشوب کمند جفایه هماسی کرب و بلانون آنان دا سینه‌سی داغلی گلوبدی دشت بلایه شروع اولوبدی برادر عزاسی کرب‌و بلانون بو پاره پاره وجودی آپارما خیمه‌یه ساری خجلدی تشنه‌لروندن فدا‌سی کرب وبلانون یانا یانا او دلاور چاغوردی حضرتی داده گلوبدی تا شه گلگون قباسی کرب وبلانون عمود ازن باشین آلدی دیز اوسته آغلادی بیر آز دییردی آچ گوزون ای مه لقاسی کرب وبلانون منیم پناهیم ابوالفضل امیدگاهیم ابوالفضل گوز آچ که ال چالوری اشقیاسی کرب و بلانون بلیم بوکولدی برادر ایوی ییخیلدی حسینین سنیله گیتدی دا قارداش صفاسی کرب وبلانون ئولوبدی اکبریم الان یوخومدی بیرکسیم عباس فقط قالیبدی او دیلسیز بالاسی کرب و بلانون نه حالته قالیب الان رباب آناسی او طفلین اونیلان ایتمدی سازش هواسی کرب و بلانون سرشک چشمیله شایان یازیبدی نوحه حسینه که بلکه بیر نظر ایتسین آقاسی کرب و بلانون

❤️لا ادری❤️ 🗡🗡رجز خنجرزنان اربعین حسینی🗡🗡 شیعه نون باش یارماقی بیر انقلاب عشقیدور@ خون عاشق زینت سرخ تراب عشقیدور@ باشیلن خنجر حروف شعر ناب عشقیدور@ آگه عشاقین قانی والله گلاب عشقیدور@ زینبین قانلی ساچی اسلامی احیا ایلدی..... 🆔 @ragazha

❤️کربلایی محمد علی مصیبی تبریزی❤️ 🗡🗡رجز قمه زنی «آغ کوینکلر»🗡🗡 . قینوری باشیمده کی قان ای قلج یار بوباشی وئرمه امان ای قلج . بادۀ عشقی آلانا عشق اولا قلبینی درده سالانا عشق اولا باشینه خنجر چالانا عشق اولا وور باشیوی پارچالانا، عشق اولا یار بوباشی وئرمه امان ای قلج . تاج جنوندی بو باشین زینتی عشقه قسم یوخدی بونون قیمتی سیندیرا گر باشی قلج ضربتی تا یاشوری سینماز اونون حرمتی یار بوباشی وئرمه امان ای قلج . ای باشی نین کاسه سی جولان یری آهیلن ائت سینه وی افغان یری ائت باشیوی خنجر بُرّان یری زینت اولا قانلی باشا قان یری یار بوباشی وئرمه امان ای قلج . خنجر پولادی اله آلگیلن قولسوز ابوالفضلی یادا سالگیلن وارنه گوجون فرق سره چالگیلن خوف ائله مه بو قاپودا قالگیلن یار بوباشی وئرمه امان ای قلج . حمد ائله گویلرده کی نقاشیوی عشق حسینله یارادوب قاشیوی زیور ائله صورته قان یاشیوی خنجر عریانیله یار باشیوی یار بوباشی وئرمه امان ای قلج . یاده سالاق مقتل خونبارینی شمر جفاکاریله پیکارینی قانلی بوغازدان آخیلان ثارینی خنجریلن گرمی بازارینی یار بوباشی وئرمه امان ای قلج . آق کفن ، اگنه بیچنه عشق اولا جام بقانی ایچنه عشق اولا محشره یارین سئچنه عشق اولا عشق اولا باشدان گئچنه عشق اولا یار بوباشی وئرمه امان ای قلج . @ragazha

«قیام عشق» البوم جدید محرم ۱۴۰۳ ترک«علمداریم» با نوای:کربلایی ابوالفضل عزیزی تنظیم:بهامین سروری شعر:رضا امیری

❤️استاد هادی اردبیلی❤️ 🌴روز چهارم ماه محرم و شجاعت طفلان حضرت زینب «س»🌴 زینبون اوغلانلاری مشمول ِ هجران اولدولار تلّین اوستن عرصه ی میداندا ویلان اولدلار ⭐⭐⭐⭐ حیدری هیبتلری خلق ائتدی زیبا منظره لشکر اوسته سالدیلار صولَتله سنگین منظره صولَت عباسیلَن یوز دوندریبدیر لشگره هامّیسی گُفتاریلن بیر بیر رجزخوان اولدولار.... 🏴🏴🏴🏴 اوّلی فرمایش ائتدی زاده ی زینب منم شیرزادم شیر غیرت داده ی زینب منم اذن میدان آلمیشام آزاده ی زینب منم آیریلاندا خیمه گاهین اهلی گریان اولدولار .... 🏴🏴🏴🏴 دومی فرمایش ائتدی عرصیه یول سالمیشام غیرتم ؛ قهرم ؛ غرورم داغ مثالی قالمیشام اوز آنامدان فن جنگی ؛ بوگجه درس آلمیشام سوزلری سینمده مَشعَل تک فروزان اولدولار... 🆔 @ragazha