گەشە(توسعه): سید هاشم هدایتی
Ir al canal en Telegram
در این کانال یادداشت های شخصی اینجانب حول مباحث توسعە, با تمرکز بر کردستان و گاهی هم اشعار و دلنوشتەها و ...درج می شود. منتظر نظر و پیشنهادهای شما هستم. t.me/KDproblems لینک کانال
Mostrar más618
Suscriptores
Sin datos24 horas
-17 días
-130 días
Archivo de publicaciones
وردە فەرمایشت ( ٣٦٣ )
🔹 پێشینیان ئەڵێن: " خوا بیکات هیچ ماڵێک بێ گەورە نەوێت"
🔹ئەو مەتەڵە کاتێک بەکار براوە کە بنەماڵەیەک یان کۆمەلگەیەک تووشی بێنەزمی و سەرلێشێواوی بووە و کەس بەقسەی کەسی نەکردووە و هەرکەس بەلایەکدا رۆیشتووە!
🔹ئەوە پێداگرییە لەسەر ئەسڵێکی زۆر گرینگی بەڕێوەبەرایەتی کە وەک ڕێبەرایەتی سەرکردەیی یان سەرپەرشتی ناوی لێی براوە. مانای ئەوەیە هەر گرووهێکی ئینسانی کە بێبەش بێت لە سەرکردە، تووشی کێشە دەبێت! بێگومان مەنزووری ئەو مەتەڵە سەرکردە و بەڕێوەبەری لایق و لێهاتووە، ئەینا گەورەی نالایق، هەندئجار، نەبوونیان باشترە!
🔹 پەیامی ئەو مەتەڵە ئەوەیە هەرکاتێک دوو کەستان پێکەوە ئیشێک دەس پێدەکەن یان بەرەو شوێنێک دەچن یەکێکتان بکەن بە بەڕێوەبەر و سەرپەرشت باسەرتان لێی نەشێوێت!
س.ه.هیدایەتی
t.me/KDproblems
وردە فەرمایشت ( ٣٦٢ )
🔹 پێشینیان ئەڵێن: " عەقڵی پارسەنگی گەرەکە "
🔹ئەو مەتەڵە بۆ کەسانێک وتراوە کە بڕیار و بۆچوونەکانیان لە ڕووی عەقڵییەتەوە نەبێت و دەڵێت ئەوجۆرە کەسانە نیازیان بە هەڤاڵی ژیر و زانایە کە یارمەتییان بدەن بۆ ئەوەی عاقڵانە ڕەفتار بکەن!
🔹ئەو مەتەڵە پێداگری لەسەر ڕۆڵی ڕاوێژکاری دەکات و لای وایە زۆرێک لە مرۆڤەکان پێویستییان بە هاوبیر و ڕاوێژکار هەیە تاکو هاوفکرییان لەگەڵا بکەن. قسەیەکی زۆر ڕاستیشە. بەڕاستی هەرکەسێک لە بیرو هاوفکری کەسانێکی تر یارمەتی بگرێت وەک ئەوە وایە لەتاریکەشەودا چرایان لەسەر ڕێگە دابنریێت.
🔹ژیرانە ئەوەیە وەک گاڵتەیەک سەیری ئەو مەتەڵە نەکەین و بە پەیامێکی زۆر گرینگی بزانین و بڵێین؛ هەموومان پێویستمان بە هاوفکری و ڕاوێژکاری لەگەڵ کەسانێکە کە زاناتر و ژیر تر لە خۆمانن.
س.ه.هیدایەتی
t.me/KDproblems
وردە فەرمایشت ( ٣٦١ )
🔹 پێشینیان ئەڵێن: " ڕۆزگار هەروا نامێنێت"
🔹ئەو مەتەڵە باسی گۆڕان دەکات کە یەکێکە لە گرینگترین خاڵەکانی ژیان و بەشێکە لە بیر و ئەندێشە و زانستە نوێیەکان! لە دونیای ئەوڕۆدا گۆڕان وەک واقێعییەتێکی حاشاهەلنەگر بۆ بوارەکانی ژیان ناو براوە.
🔹 لەوە دەچێت ئەو مەتەڵە لەکاتگەلێکدا وترابێت کە کەسێک یا کۆمەلگەیەک لە بارودۆخی خۆی ناڕازی بووبێت و بەرەو ناهومێدی ڕۆیشتبێت، پێیان وتراوە نیگەران مەبن ئەم ڕۆژانەیش تێپەڕ دەبن و دۆخەکە دەگۆڕێت.
🔹 پەیامی ئەو مەتەڵە ئەوەیە خۆتان مەنووسێنن بەوەی ئێستا هەیە، خۆتان ئامادە بکەن بۆ گۆڕان. وەک وتوویانە هیچ شتێک وەک خۆی نامێنێتەوە، هیچ یاسایەکیش سابت نامێنێت جگە یاسای گۆڕان نەبێت.
س.ه.هیدایەتی
t.me/KDproblems
وردە فەرمایشت ( ٣٦٠ )
🔹 پێشینیان ئەڵێن: " مێمان شەوێک. دۆعا ساڵێک "
🔹ئەو مەتەڵە دوو شت باس دەکات مێمان نەوازی و قەدرناسی. پێشینان لایان وابووە ئەوکەسانەی مێمان وەردەگرن، تا ماوەیەکی زۆر خۆشەویستی خۆیان لەدڵی ئەواندا جێگیر دەکەن. دیارە پێکەوە بوون و لەگەڵ یەک دوان و قسە و باس و گەرمی کۆرەکانە، دڵەکان پێکەوە نزیکتر دەکات و خۆشەویستی دەخوڵقێنێت.
🔹بگرە یەکێک لە هۆکارەکانی پتەوبوونی خۆشەویستی لە ڕابوردوودا ئەوە بێت کە مێمانی و ئامشۆ و ڕەفتیان پێکەوە زیاتر بووە. بەداخەوە لەو سەردەمەدا هەندێ کێشەی نوێ وەک کێشە ئابوورییەکان، یان سەرگەرم بوون بە مێدیا و ئینترنێت، کارێکی وای کردووە، مێمانی و پێکەوەبوونی ڕاستەقینەی ناو کۆمەلگەی کوردی ڕۆژلەگەڵ ڕۆژ کەمتر دەبێتەوە!
🔹 پەیامی ئەو مەتەڵە ئەوەیە کە بە هاتوچۆ و مێمانی نێوان دۆست و خزم و کەس و دەوروبەرییەکانتان، خۆشەویستی لەنێوانتاندا زیاتر بکەنەوە!
س.ه.هیدایەتی
t.me/KDproblems
وردە فەرمایشت ( ٣٥٩ )
🔹 پێشینیان ئەڵێن: " ئەگەر هەست درێخ مەکە، ئەگەر نێست قەرز مەکە "
🔹 هەندێکەس بەرچاوتەنگن و لەوەی هەیانە نابەخشن، هەندێکەسیش نیانە بەڵام ئەوەندە دڵفراوان و دڵاوا و سەخین حازرن بۆ ئەوەی ببەخشن لەخەڵکی تر قەرز وەربگرن. ئەو مەتەڵە هەر دوو ڕەفتارەکە ڕەت دەکاتەوە و بە باشیان نازانێت!
🔹لەڕاستیدا ئەو مەتەڵە وەک وەرگێڕانێکی ئامۆژگارییەکی ئەخلاقی و عەقڵانی دژ بە(افراط و تفریط )ە و باسی میانەڕەوی دەکات؛ هەم خەسیس بوونی پێی باش نییە و هەم زیادەڕەوی له بەخشیندا.
🔹 پەیامی ئەو مەتەڵە زۆر ئاشکرایە دەڵێت؛ "لە هەموو شتێکدا میانەرەو بن، حەتتا لە بەخشیندا".
س.ه.هیدایەتی
t.me/KDproblems
وردە فەرمایشت ( ٣٥٨ )
🔹 پێشینیان ئەڵێن: " حاشا لە فرەوێژ! "
🔹ئەو مەتەڵە باسی کەسانێک دەکات کە لەهەر کۆر و دانیشتنێکدا چاویان دەقووچێنن و دەمیان بۆ قسەکردن بەرەڵا دەکەن. چاویان لە زانیاری خۆیان و بیسەران نییە و وەک شارەزای تەواو بوارەکان، لەبارەی هەر شتێکەوە بڕیار دەدەن!
🔹 ئەمجۆرە مرۆڤانە خۆیان بە بنەمای عەقڵ و زانست دەزانن و لایان وایە دەتوانن سەبارەت بە هەرشتێک بریار بدەن و بۆچوونەکانیشیان دەبێ لەلایەن هەمووانەوە وەک سەرچاوە وەر بگیرێت!
🔹 پەیامی ئەو مەتەڵە ئەوەیە چاوتان بکەنەوە، خودا دوو گوێی پێمان داوە و دەمێک، واتا دوو جار قسە ببیسین و یەکجاریش بدوێن. زۆروێژی دەبێتە باییس سووک بوونی کەسایەتی!
س.ه.هیدایەتی
t.me/KDproblems
وردە فەرمایشت ( ٣٥٧ )
🔹 پێشینیان ئەڵێن: " پایەک وە ڕۆژێک، دوو پا وە دوو ڕۆژ! "
🔹ئەو مەتەڵە وەک ئامۆژگارییەکی بەڕێوەبەرایەتی، باسی جێبەجێکردنی هەنگاو بە هەنگاوی هەر ئیش و کارێک دەکات و پەلە نەکردن! دیارە هەر تاک و کۆمەلگەیەک ئەو یاسا بنەڕەتییە ڕەچاو نەکەن سەرکەوتنەکانیان تووشی کێشە دەبێت!
🔹 هەندێکەس دەیانهەوێت لەڕۆژێکدا ڕێگەیەکی سەد ساڵە بپێون کە بەداخەوە هەرگیز بۆیان ناکرێت و بەم پەلە کردنە، تەنیا خۆیان تووشی کێشە و ناهومێدی دەکەن.
🔹 پەیامی ئەو مەتەڵە ئەوەیە بۆ سەرکەوتن لەهەر کارێکدا دەبێت؛ هەنگاو بەهەنگاو برۆی بەڕێوە. واتا بۆ سەرکەوتن لە هەر نەردەوان و پەینجەیەک، دەبێ پلە بە پلە سەرکەویت!
س.ه.هیدایەتی
t.me/KDproblems
وردە فەرمایشت ( ٣٥٦ )
🔹 پێشینیان ئەڵێن: " جواو نەفام، خامۆشییە ! "
🔹ئەو مەتەڵە ئامۆژگارییەکی ساکار و ڕوونە بۆ مرۆڤەکان کە وریابن بە وڵامدانەوەی کەسانێکی نەفام و دوور لە نزاکەت و بێ مەنتیق خۆیان تووشی کێشە و گرفت نەکەن!
🔹 هەندێکەس بە بیانووی ڕوونکردنەوە یان لایەنگری لە هەقێقەت ، لەگەڵ کەسانی نەفام و بێ مەنتیقدا دەکەونە مڕومشت و دەمەقاڵێ و باسکردنی بێ فایدەوە، کە جگە سووکایەتی و بێ ڕێزی بە خۆیان هیچ ئاکامێکی نابێت!
🔹 پەیامی ئەو مەتەڵە ئەوەیە کە لە ڕووبەڕووبوونەوەی مرۆڤی نەفامدا دەم ببەستن و خامۆش بمێنن. زۆرجار - بەتایبەت لەکۆمەڵگەی کوردیدا کە نەیاران هانمان دەدەن بۆ بەگژ یەکداچوون - ئەو خامۆشییە باشترین وڵامە بۆ مرۆڤە نەفام و مەسڵەحەت نەشناسەکان!
س.ه.هیدایەتی
t.me/KDproblems
وردە فەرمایشت ( ٣٥٥ )
🔹 پێشینیان ئەڵێن: " من خان و تۆ خان، کێ کەرەکە ئاو بات! "
🔹ئەو مەتەڵە باسی دابەشکردنی ئەرکەکان دەکات لە کۆمەڵگەدا. بەداخەوە لەو کۆمەڵگە دواکەوتوو و سەرلێشێواوەی ئێمەدا ئیش و کار بۆ لاوەکان یان نییە، یان کەمە یان هەیە و هەندێک عاریان لێیدێت بیکەن. بۆیە بە مێلێۆنان کەس خەڵکی وڵاتانی دراوسێی، جێگەی لاوەکانی وڵاتیان داگیر کردووە!
🔹 دیارە کۆمەڵگە هەروەک چۆن نیازی بە دۆکتۆر و ئەندازیار و مامۆستا و مۆزیسیەن هەیە، نیازیشی بە کرێکار و خزمەتکار و شۆفیر و سەدان ئیشکەری تر هەیە. هیچ ئیشێکیش عەیب و عار نییە و هەر کارێک لەزاتی خۆیدا بەبایخ و بەکەڵکە!
🔹 پەیامی ئەو مەتەڵە دەبێ ئەوە بێت کە هەرکەس بەپێی تواناییەکان و زەوق و عەلاقەی خۆی ئیشێک هەڵبژێریت. کەس بۆی نییە بێکار بێت یان ئیشی بانتر لە تواناییەکانی خۆی داوا بکات!
س.ه.هیدایەتی
وردە فەرمایشت ( ٣٥٥ )
🔹 پێشینیان ئەڵێن: " من خان و تۆ خان، کێ کەرەکە ئاو بات! "
🔹ئەو مەتەڵە باسی دابەشکردنی ئەرکەکان دەکات لە کۆمەڵگەدا. بەداخەوە لەو کۆمەڵگە دواکەوتوو و سەرلێشێواوەی ئێمەدا ئیش و کار بۆ لاوەکان یان نییە، یان کەمە یان هەیە و هەندێک عاریان لێیدێت بیکەن. بۆیە بە مێلێۆنان کەس خەڵکی وڵاتانی دراوسێی، جێگەی لاوەکانی وڵاتیان داگیر کردووە!
🔹 دیارە کۆمەڵگە هەروەک چۆن نیازی بە دۆکتۆر و ئەندازیار و مامۆستا و مۆزیسیەن هەیە، نیازیشی بە کرێکار و خزمەتکار و شۆفیر و سەدان ئیشکەری تر هەیە. هیچ ئیشێکیش عەیب و عار نییە و هەر کارێک لەزاتی خۆیدا بەبایخ و بەکەڵکە!
🔹 پەیامی ئەو مەتەڵە دەبێ ئەوە بێت کە هەرکەس بەپێی تواناییەکان و زەوق و عەلاقەی خۆی ئیشێک هەڵبژێریت. کەس بۆی نییە بێکار بێت یان ئیشی بانتر لە تواناییەکانی خۆی داوا بکات!
س.ه.هیدایەتی
t.me/KDproblems
وردە فەرمایشت ( ٣٥٤ )
🔹 پێشینیان ئەڵێن: " گوێچکەی شەیتان کەڕ ! "
🔹ئەگەر ئەو جۆرەی مامۆستاکانمان تێگەیشتوون ئێمەیش شەیتان بە وەسوەسە بزانین، ئەو مەتەڵە کورت و پڕ بایخە هێرش دەکاتە سەر ئەو کەسانەی کە لە ناوچەی ئێمە پێیان ئێژن "فیتنە" واتا کەسانێک کە ئیشیان قسە هاوردن و قسە بردنە لەناو خەلکدا!
🔹 بەداخەوە زۆر کەس هەن متمانەیان پێناکرێت بۆ دەردی دل و ڕاوێژ کردن، چونکە هەرکات قسەیەک دەبیسن لەم لا و لەو لاوە بڵاوی دەکەنەوە. وادیارە ئەو کردەوە ناحەزە لەمێژە لەنێو کۆمەلگەی ئێمەدا باو بووە کە پێشینان بەو وتەیە ویستوویانە لەکاتێ قسەکردندا خۆیان لە مرۆڤە فیتنە و شەیتان سیفەتەکان بپارێزن!
🔹 پەیامی ئەو مەتەڵە ئەوەیە هەرکەسێک قسەیەکی بە ئەمانەت بەلاوە دەوترێت بڵاوی بکاتەوە کردەوەکەی شەیتانیە. بۆیە ناراستەوخۆ دەڵێت؛ خۆتان لەو ڕەوشتە ناحەزە بپارێزن!
س.ه.هیدایەتی
t.me/KDproblems
وردە فەرمایشت ( ٣٥٣ )
🔹 پێشینیان ئێژن: " ئینسانە، خۆ کوچک نییە ! "
🔹ئەگەر کەسانێک بخرێنە تەنگانە و سەختی و کردەوەی زالمانە، ئەوە، کاردانەوەی خراپیان لە سەر دادەنێت و دەبێتە باییسی توندوتیژی و کردەوەی دوور لە عەقڵییەت لەواندا! ئەو مەتەڵە دەڵێت؛ هەر مرۆڤێک توانایی و پەیمانەیەکی تایبەتی خۆی هەیە. ئاساییە کە کاتێک سەرڕێژی کرد، کردەوەی دوور لە قاعیدەی لێدەکەوێتەوە! ئەوانیش ئینسانن، خۆ بەرد نین!
🔹 هەموومان بەردەوام شاهدی ئەم جۆرە مرۆڤ و ڕەفتارگەلینە کە بەداخەوە سەرجەمیان کۆمەلگەیش تووشی ئالۆزی و توند و تیژی دەکات!
🔹 پەیامی ئەو مەتەڵە دەکرێت ئەوە بێت نابێت لەدوورەوە قەزاوەتی ناهەق لەسەریان بکرێت، هیچ ڕەفتارێکی مرۆڤ بێ هۆکار نییە! یەکتری ئازار نەدەین با ڕەفتاری دوور لە عەقڵییەتیان لێنەکەوێتەوە!
س.ه.هیدایەتی
t.me/KDproblems
وردە فەرمایشت ( ٣٥٢ )
🔹 پێشینیان ئەڵێن: " شۆرەت، ئافاتە! "
🔹ئەو مەتەڵە کورت و پڕ مانایە ئاماژە بە یەکیک لە کێشە رەفتارییەکانی کۆمەڵگە دەکات کە بریتییە لە بەناوبانگ بوون و شۆرەت پەیدا کردنی - هەندێجار پێش وادەی - بڕێک لە مرۆڤەکان!
🔹 وەک بە چاوی خۆمان دەیبینین؛ کاتێک ئەو مرۆڤانەی کە هێشتا پەروەردەیی ئینسانی و ئەخلاقییان نییە و خۆیان بۆ ناودار بوون ئامادە نەکردووە بە پلەیەکی بەرزی هونەری یان وەرزشی وە حەتتا زانستی و ماڵ و سامان دەگەن، خۆیان لێی گوم دەبێت و ژیانیان تووشی کێشە دەبێت!
🔹 پەیامی ئەو مەتەڵە ئەوەیە وریابن تا ئەوکاتەی ڕۆح و کەسایەتی خۆتان پەروەردە نەکردووە بۆ وەدەستهێنانی پلە و پایەی بەرزی دونیایی پەلە مەکەن تا نەکەونە بەرچاو، چونکه لەوانەیە ژیانتان لێی تاڵ ببێت!
س.ه.هیدایەتی
t.me/KDproblems
وردە فەرمایشت ( ٣٥١ )
🔹 پێشینیان ئەڵێن: " کەم ئەمدەس و ئەودەس بکە! "
🔹ئەمدەس و ئەودەس کردن ئاماژە بە دوودڵ بوونە لە هەلوێست گرتن و بڕیارداندا. کاتێ کەسێک بڕیاردان لەبارەی ئیشێکەوە بخاتە دواوە پێدەڵێن کەم ئەمدەس و ئەودەس بکە!
🔹 لە زانستی بەڕێوەبەرایەتیدا ئەو حاڵەتە بە ناکارامەیی بەڕێوەبەران دەزانن کە دەبنە بایسی لەدەس چوونی فرسەت و دەرفەتەکان. هەندێجار کە ئەو ڕەفتارە زۆر دووپات ببێتەوە، دەبێتە وەسواس، کە دەروونناسەکان بە نەخۆشینی دەزانن پێیانوایە دەبێ دەرمان بکرێت!
🔹 پەیامی ئەو مەتەڵە بۆ هەمووان ئەوەیە کە لە بڕیارداندا نەزۆر بەپەلەی بن کە نەزانن چی دەکەن، نەیش ئەوەندە ماتڵی بکەن کە دەرفەتەکانتان لەدەس بچێت.
س.ه.هیدایەتی
t.me/KDproblems
وردە فەرمایشت ( ٣٥٠ )
🔹 پێشینیان وتوویانە: " سەر خوەش وێت، هەر کڵاو فرەس ! "
🔹ئەو مەتەڵە بۆ ئەو کاتانە بەکار هاتووە کە مرۆڤ کەرەسەیەک یان سەروەت و سامانێکی گرینگی ژیانی لەدەس دەدات و ئەو لەدەس دانە دەبێتە باییسی هاوار و داد و خەفەت خواردن. بۆیە پێدەڵێن خەم بۆ سامانی لەدەس چووگ مەخۆ مرۆڤ خۆی بمێنی ئەو شتانە بەدەس دێنێتەوە!
🔹 هەندێک لە مرۆڤەکان ئەوەندە ماڵ و سامانیان بەلاوە خۆشەویستە کە حازرن بۆ پاراستنی جەستە و ڕۆحی خۆیان بخەنە مەترسییەوە. ئەوانە لەبیریان دەچێت کە تەواوی ئەوەی لەبەردەستی ئەودایە بۆ خزمەت بە مرۆڤە نەک مرۆڤ کەرەسە بێت بۆ وەدەست هێنانی ئەوانە!
🔹 پەیامی ئەو مەتەڵە زۆر ڕاشکاوانە ئەوەیە کە خۆتان فیدای ماڵی دونیا مەکەن. هەچێکتان هەیە بۆ ژیانی سەربەستانەی ئێوەیە. گرنگ پاراستنی خۆتان و ژیانی خۆتانە. کەوایە وریای سڵامەتی خۆتان بن !
س.ه.هیدایەتی
It.me/KDproblems
وردە فەرمایشت ( ٣٤٩ )
🔹 پێشینیان ئەڵێن: " دا خان بڕازێ لەشکر ئەترازێ ! "
🔹واتا تا خان خۆی برازێنێتەوە و خۆی ئامادە بکات بۆ شەڕ، شیرازەی سپا و لەشکەرەکەی لێکدەترازێت. ئەو مەتەڵە باسی سەرکردە نالایق و فیزنەکان دەکات کە زیاتر لە کردەوەی پێویست، ئیدیعایان هەیە و لە کاتێ زەروردا هەمیشە پاش شکست دێنە مەیدانەوە!
🔹 لە زانستێ بەڕێوەبەرایەتی دا ئەم باسە بەناوی "بەڕێوەبردنی کات" دەناسرێت و ئاماژە بەوەی دەکات کە ڕێبەران و سەرکردەکان وەک پێشەنگی ڕێکخراوە، دەبێ هەموو ئیشیکیان لەسەر کاتدا بەڕێوە بچێت و پێش هەموو کەس خۆیان لە مەیداندا حازر بن!
🔹 پەیامی ئەو مەتەڵە ئەوەیە کە تێبگەن؛ بۆ سەرکەوتنی هەر رێکخراوە و کۆمەڵگەیەک دەبێ فەرماندەر و سەرکردەکان ئامادەترین کەس بن. دێر هاتنە مەیدانی ئەوان و دواکەوتنیان دەبێتە باییس تێکشکانی بەرەی خەبات و دۆڕانی رێکخراوە و کۆمەڵگەکەیان!
س.ه.هیدایەتی
t.me/KDproblems
وردە فەرمایشت ( ٣٤٨ )
🔹 ئێژن: " قسە لەتەک بازێ کەس وەک کوتانن ئاسن سەرد واسە! "
🔹ئەو مەتەڵە باسی پێداگریی بێهوودە لە سەر قسە کردن لەگەڵ کەسانێک دەکات کە لێدوان هیچ کاریگەرییەکی لەسەریان نەبێت. لەم جۆرە وەختانەدا دەڵێن لەسەری مەچۆ ئەو قسەکردنەی تۆ وەکوو ئەوەیە بتەوێت ئاسنی سەرد بە کوتاندن بیچەمێنیتەوە!
🔹 هۆکارەکانی ئەو ناکاریگەرییە لە هەندێکەس زۆرن بەڵام وادیارە قازانج، جیاوازی بیروبۆچوون و عاقیدە و رکابەری گرنگترین هۆکارەکانی ئەوە بن کە خەڵکانێک نەیانەوێت گوێگری قسەی کەسانێک بن!
🔹 دەکرێت پەیامی ئەو مەتەڵە ئەوە بێت کە خۆتان بە کەسانێکەوە کە بەهەر دەلیلێک ڕکیان لەگەڵ کردبێتن ماندوو مەکەن چونکە قسەتان لێوەرناگرن. بە واتایەکی تر دەڵێت؛ لەگەڵ کەسانێک بدوێن کە کەسایەتیتان بەلایانەوە شەرعییەتی هەیە و متمانەتان پێدەکەن!
س.ه.هیدایەتی
t.me/KDproblems
وردە فەرمایشت ( ٣٤٧ )
🔹 ئێژن: " ئاو لەجێیەی لێژا ناوێسێت"
🔹ئەو مەتەڵە باسێکی گرینگی بەڕێوەبەرایەتێ دەخاتە بەرچاو و دەڵێت هەر ئامانج و مەبەستێک، حەتتا ئەگەر سەد لەسەدیش دروست بن، لە پرۆسێس و شێوازی ڕاست و دروست دا بەدەست دێن و کەرەسە و پرۆسێسی ناکارامەو ناقابل، ناتوانن ئامانج و داخوازەکان، بە سەرەنجام بگەیەنن!
🔹 بەداخەوە زۆرێک لە خەلکی ئێمە بۆ گەیشتن بە ئامانجە ڕەواکانی خۆیان، گرنگی نادەن بە شێواز و کەرەسە و، لەبیریان دەچێت حەتتا ئاویش بۆ گەیشتن بە شوێنی خۆی، پێویستی بە جۆگەی شیاوە!
🔹 ئەکرێت بێژین پەیامی ئەو مەتەڵە ئەوەیە کە ئەگەر ئەتانەوێت داخوازە بەحەق و رەواکانتان بەئاکام بگەن، دەبێ شێواز و کەرەسەی دروست و گونجاویان بۆ هەڵبژێرن! پێتان وانەبێت هەر ئەوەی کە قسە و بۆچوونی حەقتان پێیە دەکرێ بەهەر شێوەیەک بەدوایدا بچن!
س.ه.هیدایەتی
t.me/KDproblems
وردە فەرمایشت ( ٣٤٦ )
🔹پێشینان ئێژن: " قسەیەک بکەفێتە دەم دووکەس، ئەکەفێتە دەم شارێک! "
🔹ئەو مەتەڵە باسی فەرهەنگی وتی وتی نێو خەڵک دەکات کە هەر قسەیەک ببیسن بەبێ ئەوەی هیچ زانیاریی و لێکۆڵینەوەیەکیان لەسەری ببێت دەم بە دەم دەیچەرخێنن و بڵاوی دەکەنەوە!
🔹 ڕاز، ناوی خۆی هابە خۆیەوە؛ واتا قسەیەک کە پێمان خۆش نییە لەنێو خەڵکدا بڵاو ببێتەوە، یان قسەیەک کە لەبەینی دووکەسدایە و پێویست ناکات خەڵکی زۆر لێی تێبگەن، لەوایە حەتتا ئەگەر بەلای تاکەکەسێکیشەوە بوترێت بکەوێتە سەر زاری خەلکێکی زۆر. بەتاێبەت لە کۆمەلگەی ئێمە. کە مرۆڤەکان بەگشتی رازدارێکی متمانەپێکراو نین!
🔹 پەیامی ئەو مەتەڵە دەکرێت ئەوە بێت کە ڕازی خۆتان بەکەس مەڵێن، حەتتا بە نزیکترین کەس. ئەگەر وتتان، چاوەروانی ئەوە بن ببێتە نەقڵ و نوقڵی هەر کۆڕ و دانیشتنێک!
س.ه.هیدایەتی
t.me/KDproblems
وردە فەرمایشت ( ٣٤٥ )
🔹پێشینان وتوویانە: " بازێ کەس پیاوەتییان لێی نایێت"
🔹ئەو مەتەڵە کەسانێکمان پێی دەناسێنێت کە لەژیانی خۆیاندا ئەوەندە ناجوانمێرییان کردووە کە خەڵک ئیتر متمانەیان پێ ناکەن. بۆیە ئەگەر بە هەڵکەوتیش بیانەوێت کارێکی باش بکەن پێیان دەوترێت؛ جوامێری لەدەستی هەندێ کەس نایەت. واتا تۆ کە قەت پیاوەتیت نەکردووە ئیدیعای پیاوەتی مەکە چونکە لێت نایەت!
🔹 هەندێکجار ناپیاوی و ناجوانمێری دەبێتە باییس لەناوچوونی ڕێز و کەسایەتی مرۆڤەکان و بۆ هەمیشە بڕوا و متمانەی خەڵک لەدەست دەدەن. بەداخەوە کێشە کۆمەڵایەتییەکان کارێکی وای کردووە کە بەڕاستی کردەوەی پیاوانە، پیاوی دەوێت!
🔹 پەیامی ئەو مەتەڵە ئەوەیە کە تێبکۆشن متمانەی خەڵک لەدەست مەدەن. بڕواپێکراوی، گەنجێکی نایابە کە لەدەست چوو بە ئاسانی نایەتەوە دەست...
س.ه.هیدایەتی
t.me/KDproblems
