ياليتني قدمت لحياتي

- زمان وأنا فى إبتدائى .. أمى كانت لازم تخلينى أفطر كويس قوى قبل ما أنزل م البيت .. وده كان مشكلة كبيرة ليا أتعلمت بسببها أعظم درس فى حياتى .. - ساعة الفُسحة .. كنت ألاقى زميلى اللى جنبى طلع ساندوتشاته وبياكلها وهو مستمتع بيها جداً جداً .. وأنا أطلع ساندوتشاتى ألاقيها باردة ومالهاش طعم وماتفتحش النِفس .. أقوم شايلها زى ماهى فى الشنطة وأقعد مضايق .. وفضلت ع الحال ده كتيرررر .. - لغاية ما فى يوم جات مُدرسة مستحيل أقدر أنساها .. كانت بتتكلم مع كل واحد فينا كأننا كبار .. ودايماً مبتسمة، وبتعاملنا زى ما تكون أم لكل طفل ف الفصل .. المهم فى يوم كنت قاعد فى الفسحة مضايق وشافتنى المُدرسة دى .. جات وقالتلى مالك قاعد لوحدك ليه ؟؟ انت مامعكش ساندوتشات تاكلها زى زميلك اللى جنبك؟؟ قولتلها معايا بس أنا ساندوتشاتى مش حلوة زى ساندوتشاته .. قامت المدرسه قالتلى يعنى انت نِفسك تبدل مع زميلك .. بصيت لها بكل سعاده وانا بقولها .. "ياريت" .. قالتلى ماشى .. راحت المدرسه وأقنعت زميلى إنه يبدل معايا ساندوتشاته .. بالفعل زميلى وافق .. لكن ساعتها حصلت حاجة غريبة جداً .. لما جيت اكلت ساندوتشات زميلى ، لاقيتها عادية بردو ومالهاش طعم مش زى ما كنت فاكر .. المُدرسة لما لاقيتنى سيبت السندوتشات تانى .. - قالتلى .. انا حبيت أثبتلك إن العيب مش فى الساندوتش اللى معاك .. العيب جواك انت .. أيوة جواك انت .. - طول مانت شبعان .. مستحيل تحس بنعمة الساندوتش اللى معاك ..وتلاقى مُتعة لما تاكله .. زميلك عشان بياكل وهو جعان فعلاً .. بيلاقى الأكل حلو جداً .. وأنت بتلاحظ إنه مستمتع قوى بأكله .. عزيزى .. مستحيل تحس بقيمة النعمة اللى معاك طول ماإنت مش حاسس بقيمتها .. هاتفضل طول حياتك عايش فى تعاسة .. وفاكر إن كل الناس معاهم حاجات أحسن منك .. وأنت الوحيد المظلوم .. وتعيش فى عتاب شديد مع ربنا وفاكر إنه ظالمك .. صدقنى .. لو بدلت حياتك مع حد ..ساعتها هاتعرف انك في نعمه مش عند حد بنعرف بقيمة النعمة اللى معانا .. لما نتحرم منها .. انت ..غنى.. باللى معاك .. اذكر الله. وقول دايما الحمد لله. اللَّهُم أكرمنا بِعَظِيِم غُفْرَانَك وجزيل إحسانك وأَشْرَح صُدُوْرُنا بِذِكْرِك وَلَا تَجْعَل سُوَءا إِلَّادَفَعْتَه وَلَا ذَنْبَا إِلَاغفَرْتَه وَلَارِزْقا إِلَا بَسَطْتَه بِرَحْمَتِك يَا أَرْحَم الْرَّاحِمِيْن .. #اللهم_أردنا_إليك_ردا_جميلا. #اللهم_امين_يارب_العالمين. #صلي_على_الحبيب_محمد_صل_الله_عليه_وسلم.

عمل عجيب لسرعة الحفظ وقوة الذاكرة ✋🏼 شارك المقطع خلي غيرك يستفاد منه ❤️

‏يجازيك الله على صدقك، وسلامة قلبك، وصفاء نيّتك، وتمنّيك الخير لغيرك.. فتجدهُ يُسخِّر لك الأحداث والمواقف والأشخاص من حيث لا تحتسب، وتجد الخير يسعى إليك من حيث لم تطلبه.. ذلك ان الله صدَق وعدهُ إذ قال: "إن يعلم الله في قلوبكم خيرًا يؤتكم خيرًا"

' ‏إنهُ اللطيف ‏يُغلِق عنك بابًا ‏ويفتح لك أبوابًا أخرى أڪثر سِعَة ‏ ويأخذ منك من جهة ‏ويعطيك من جهات أخرى أڪثر وفرة وغِنَى ‏ويبعد عنك أشخاصاً وأشياء ظننتها في صالحك ‏ويُقرِّب ما يليق بك ويرتقي بك أڪثر من الأولى ‏هو الذي يُدبِّر أمرك بحڪمته ‏ويڪفيك قوله: "فإنّك بأعيننا" ♥️ 🕊🌿 .