رِوايات سُودانية 📚♥️!)"

_ بصراحه احنا م بنقدر نشارك تفاهاتنا مع اي زول ، مشاركه التفاهات والافكار البسيطه والاهتمامات الهايفه بتحتاج قدر كبير من الشعور بالأمان ويقين بالقبول غير المشروط وإطمئنان حقيقي لعدم التعرض لأحكام ، مشاركة التفاهات علامه من علامات الحب والله ❤️

لمن تكون ماري بي ضغوطات نفسيه والحوليك شايفنك وما بعملوا شئ فغير دايرة معارفك طوالي وخليك قريب من ناس بتحبك وبتدعمك نفسياً💜🦋

استفدتوا شنو من الرواية؟ شنو العبر الفهمتوها منها؟

انا عموما م بقرا روايات سودانية وقفت لي سنين اصلا لانه ك كاتبة م بتضيف لي أي شئ وانا عايزه احسن لغتي ومفرداتي في الكتابة د اول سبب ثانياً بحسها بتتشابه وماف جديد والاغلبيه مراهقين فايرين ساي. تالتا الايموجي في الرواية بخرب هيبتها. لكن نرمينه بحبها اصلا وبحب اسلوبها م عشان هي صحبتي لكن هي بالجد مبدعه💜

احمد كان بصرخ و بقول انو كلو كذب .. في الوقت ده مشو ل اسيل في شقتها كانت بتجهز في هدومها هيا و احمد و فاتحه اغاني كان في تذاكر طيران في الطاولة و واضح انهم قررو يسافرو بعد يخلصو من موضوع مصطفى فجأه الباب دقه اسيل مشت تفتح بحماس و متوقعه انو احمد بس كانت الشرطه من غير تفهم شى لقت نفسها في مركز الشرطه و بدو معاها تحقيق .. كانت خايفه و بتبكي بس ما كان قدامهم حل يامن عرض كل الأدله ال عندو و كان بسجل كل ال حاجات ال هُما بقولوها .. عمر لمن عرف كان متفاجئ و انور كمان ما كان في زول متوقع انو يامن داخل في اللعبه دى ساره و سوسن رجعو ال بيت و معاهم ال طفله عمر قرر يسجلا ب أسمو .. اثناء ما هُما لسه في نوبة البكا و الحُزن سوسن كانت عايزه حاجه من دولاب غرفته فجأه وقعت ورقه فتحته و بدت تقراها .. " ماما .. آسفه لأنو خيبتا ليك ظنك .. و آسفه لأني ما كنت بت مثالية .. انا بكل الغباء حبيت واحد بجنون .. احمد فارس أحلامي .. ما قادره اتخيل حياتي من غيرو .. امكن هو م بحبني و بلعب بي فعلاً بس انا حقيقي بحبو .. كان بهددني انو ممكن يقتلني بسبب الطفل عشان كده انا قتلتو .. ما كان بيدي شى كنت خايفه اخسرو .. انا ندمانه شديد انى قتلتا طفلى .. قاعده احلم بيهُ كل يوم .. بس انا بحبو يا ماما .. ما عايزه شى غير احمد من الحياة .. لمن قلتا ليك انى قتلتا كتير كنت بكذب .. ماما انا كنت عايزاك تكرهيني لاني ح اهرب و امشي مكان بعيد مع احمد ح نعيش سوا بسعاده .. بس انا ابدا ما اذيت زول و ما كان قصدي اموت ال بيبي حقي انا شفتا في احمد صورة بابا كان بتكلم زيو و عندو نفس الحنية عشان كده ما عايزه اخسرو زي بابا أنا آسفه حا اكون مبسوطه ما تخافى بحبك ." سوسن لمن قرت الورقه كانت بس بتبكي سوسن:اخخ من وجعتك يا بتي .. اخخخخ ... عمر كان في القسم و عرف انو احمد هو ال قتل ابوهو كان بصرخ بصورة جنونية .. عمر:ليه .. مستحيل الحيوان ده يكون انسان !! مستحيل .. فعلاً مستحيل احمد يكون إنسان احمد بعد الضغط اعترف .. احمد:ابوي يستاهل .. عمرو ما حسسني بالحب .. كان دايماً شايف ملك كل شى .. ملك بتو الحلوه .. ملك بتو ال مجتهده .. ملك صحبتو و ملك هيا الوحيده ال ح تقدر تنجح و ترفع راسو .. و انا؟ انا قتلتو لانو كان يستاهل .. حتى قبل يموت سمعتو و هو بقول انو انا مستهتر و انو ملك ح تقدر تمسك الشركه احسن مني .. قتلتو و انبسطه لانو م كان اب كويس و م كان عارف يكون اب كويس اصلاً .. ما ندمان اي .. انا احسن من ملك .. و احسن من انامل و من كل زول .. انا ما غبي فاهمين انتو؟انا ماااا غبي .. ... حواء لمن أكتشفت انو احمد هو ال قتل محمد إتفاجئت ما كانت عارفه ب شى .. كانت قاعده تبكي في القسم على ولده احمد خلاص ضاع .. و كان عقابها ال حقيقي في الحياه خسارة احمد للأبد .. بعد اسبوع : بلسان ملك : فتحته عيوني .. كان في الكرسي جمبي في عمر نايم إبتسمتا عاينت ل يدي ما كان حولينها أصفاد و لا شى حاولتا اقوم براحه بس عمر صحه عمر:ملك .. صحيتى ؟ انتى كويسه؟ حاسه ب شنو وريني ؟ إبتسمتا ل عمر ملك:مصدعه بس .. و حاسه جسمي مكسر عمر:حمد لله انك فتحتى .. خفته افقدك .. خفته شديد ملك:لو تعرف اني فتحته بسببك عمر:كيف؟ ملك:كنت بتجيني كل يوم و بتقول لي م تمشى .. بحلم بيك .. اعتقد انى فتحته بسببك و بسبب كلامك الكتير في احلامي عمر:ملك .. عمر مسك يد ملك .. عمر:ما مستعد اضيع تاني ثانيه من حياتي و انتى بعيده ملك:لو ما كان الحصل قبل الحادثه كابوس فمفروض انو انا مسجونه عمر:في حاجات كتيره إتغيرت و انتى مغمضه عيونك .. بس اهم حاجه انو انتى حسي حره .. ملك:حصل شنو؟ عمر:... عمر حاول يشرح ل ملك كل شى براحه كان عارف مهما حاول يخفف عنها ما حا يقدر ملك أطعنت من اخوها و صحبة عمرها شرح ليها كل شى .. انو احمد و اسيل من البدايه بدو اللعبة دى و انو يامن دخل في اللعبه عشان ياخذ انتقام يسرا أختو انو مصطفى هو ال كان سبب في موت روان و انو يامن كشف كل شى في النهايه ملك كانت منهاره بعد عرفت كل التفاصيل دي بس ما كان في قدامها حل .. غير انها تكون قوية .. طلعت من المستشفى بعد كم يوم .. الدكتور ال نفسي طلب انها تبدء تتعالج من التعاطى عمر عرض على ملك الزواج و انهم يسافرو و تبدء تتعالج بره و ملك وافقت بس قبل ده كلو طلبت من حاتم انها تشوف يامن و فعلاً اتقابلو .. مشت ليهُ زياره ال سجن يامن:ما اتوقعتك تجى تقابليني .. ملك:عمر قال لي انك اعترفتا بكل شى .. ليه؟ يامن:انا م انسان سئ يا ملك .. كنت بس عايز اجيب حق اختي .. حاولتا انى اساعدك .. قلتا ليك انو في زول قاعد يخته ليك شى في اكلك و شرابك و قلتا ليك انتبهي .. بس قدرو يورطوك .. آسف .. ما كان بتستاهلي ده كلو انتى ..

ملك:انت كمان يا يامن .. م بتستاهل ده كلو .. لو بجد كنت انسان سئ كنت ح تسكت و تكمل و تعيش حر .. بس انت اخترتا تتعاقب و اخترتا تكشف كل شى .. انا ما جايه ألومك .. مبسوطه انك اخذتا انتقام اختك .. و مبسوطه انك حسي مرتاح .. و شكرا لانك ساعدتني .. انت انسان كويس شديد .. يا ريت لو ما كانت دى نهايتك .. يامن انبسط بعد سمع الكلام ده من ملك و ما رده عليها ما كان عارف يرد ب شنو ما اتوقع الكلام ده بذات يطلع من ملك .. بلسان ملك : حسيت انى مرتاحه بعد اتكلمتا مع يامن عمر كان منتظرني في الشارع خلصتا و طلعتا و مشيت ليهُ مشيت ال بيت بديت الم في حاجاتي بالمناسبه دي خليني اوريكم حصل شنو للناس: سهى اتسجنت برضو لكن فترة سنتين احمد طلع ليهُ قرار إعدام بعد شهرين و اسيل سجن مؤبد لانها ساعدت في كل الجرايم دى اما يامن اتسجن 25 سنة و ده تخفيفاً لانو اعترف بكل شى و نسبة انو م قتل زول بيدو قبل اطلع من البيت امي كانت في الصاله مشيت ليها ملك:زعلانه لانو بعد كل الحروب ال دخلتى فيها عشان ولدك .. انتى حسي هِنا .. وحيده .. ده عقاب مناسب ليكي .. مناسب جداً طلعتا من هِناك و حقيقي كان جواي حُزن كبير بس كُنت مبسوطه .. كابوسي خلص و معاي عمر .. مشينا بيتو و سلمتا على اهلو و ودعناهم الإضافه ال حلوه ال كانت في حياتنا هيا حياة .. طفلة روان .. إتكفلنا انا و عمر نربيها و سميناها حياة .. لانها عرفت تتمسك بالحياه رغم كل شى حصل معاها .. بكل بساطه مشينا ما عاينا وره تاني ما اعتقد في سبب عشان نعاين وره .. سبنا كل زول ياخذ عقابو و كل زول يعيش حزنو و احنا اخذنا نصيبنا من الفرح و ماف تاني مرحله للموت الموت خلص في مرحلتو ال ثامنه الثقه كانت آخر محطه .. كل ما كنت واثق كل ما كان موتك قريب فشوفو مراحل الموت تاني و غمضو عيونكم قيمو موقفكم و أهربو .. لازم تهربو عشان تعيشو " نهاية عادية .. لقصة عادية .."

رجع القسم شال شعر من الطفله و طلب تحليل DNA فوراً و فضلو منتظرين النتيجه .. النتيجه ال حا تغير كل شى .. اثناء ما هما مستنين نتيجه ال تحليل تطلع انور جا القسم و اتكلم مع حاتم .. عمر كان مستغرب و عايز يعرف الحاصل شنو؟ ... عنده يامن : مصطفى إتلفت و إتفاجئ ب احمد ماسك السلاح عليهُ مصطفى:احمد؟ احمد:بره المكان كلو رجال .. لو حاولتا تعمل شى .. صدقني انت زاتك ح تلحقنا مصطفى:انت مجنون؟ده ال قتل مرتك؟ احمد:انت المجنون يامن قام من الكرسى ال كان قاعد فيهُ يامن:كنت منتظر ال يوم ده من زمان مصطفى:يوم شنو؟ يامن:ال يوم ال اشوفك بتموت فيهُ قدامي مصطفى:انتو ؟ انتو الاتنين متفقين سوا؟انتو ال قتلتو انامل؟ احمد:احكى ليك ال قصه كامله؟ #فلاش_باك : بعد زواج انامل و احمد ب شهر و نص و بعد رجعو من شهر العسل : انامل:قلبي المويه خلصت .. تنزل تجيب من البقاله؟ احمد:عيوني ليك انا .. احمد نزل و اثناء ما هو في المصعد اتذكر انو المحفظه نساها فوق رجع طلع و فتح الباب انامل ما كنت منتبه و بتتكلم بالتلفون انامل:مصطفى ممكن تروق .. يعني انت م عارف انو ده كلو ح يحصل .. انا مرة راجل حسي اكيد م ح اقدر اتكلم معاك زى اول .. بعدين انا و انت من متين بنخطط ..حسي قربنا نصل ل الحاجه ال احنا عايزنها .. خليني اغشو و بعدين فجأه من غير يحس ناخذ كل شى و يكون لينا .. مصطفى انا كمان بحبك و عارفه انك بتغير بس اعمل شنو حسي ؟ روق يا حلو .. انا بحبك و ماف غيرك ماخذ قلبي اصلا و ما تفكر اني في يوم ممكن احب الحمار ال هنا ده .. اصلا هو ما فيهو شى كويس غير جيبو .. ابوهو كان ليهو حق لمن بفكر يمسك ملك كل شى .. غبي و م بعرف يدير الشركه اصلا .. خلينا نساعدو و نكبر الشغل معاهو و بعدين ناخذ كل شى و نعيش انا و انت بسعاده .. شوف هو حسي ح يكون قرب يجي .. خلاص بتكلم معاك بليل لمن ينوم .. يلا بحبك .. احمد طلع من البيت بكل هدوء كان معصب شديد و شايف الدنيا قدامو سوده بس قرر ينتقم من مصطفى و انامل بطريقتو اتعامل مع انامل كأنو ما عارف شى بدء يراقب كل تصرفاتها كان عارف كل شى هيا بتعملو في يوم مشا ل اسيل و كان منهار اسيل:احمد؟؟في شنو؟مالك عامل كده احمد:اسيل انا محتاج ليك .. آسف لأني مشيت زي الغبي و اتزوجتا اول وحده جات في بالي .. كنت عايز احرق ليك قلبك .. ساعديني .. انا ما بثق في زول غيرك اسيل:بس .. احمد:عارف انك بتحبيني .. خلينا نتزوج .. خلينا نتزوج و نتخارج من انامل .. انا عايز اقتلا .. ساعديني .. انا عارف انك بتحبيني و م قادره على البعد ال بينا .. اديني فرصه .. انا ح اخليك ملكه .. اسيل:... أسيل ما كانت قادره ترفض كانت بتموت كل يوم و هيا شايفه احمد مع غيرها اتزوجو بالسر و بدو يخططو ل اى شى بالسر احمد:محتاجين زول نضحى بيهُ اسيل:منو؟ احمد:ملك .. اسيل:ليه ملك؟ احمد:عشان انا بكرها .. في كل شى كانت احسن .. في كل شى كانت افضل .. امكن انا بكرهه ملك اكتر من انامل تصدقي .. مستحيل احس بالنصر الا لو اتخلصتا منهم الاتنين .. اسيل:بس .. احمد:م مستعده تضحى ب ملك عشاني ؟ اسيل سكتت مسافه بعدها قالت ليهُ اسيل:مستعده .. انا ما عندي اهم منك يا احمد .. مستعده اعمل كل شى عشانك .. احمد أتفق مع أسيل عشان يبدو يخلو ملك تتعاطى وقتها ما كان عندهم حل الا يدخلو سهى في الموضوع و فعلاً سهى بعد اتعرض عليها مبلغ كبير وافقت ام ملك لاحظت انو سهى بدت تعمل ال حاجات دى و واجهتا سهى:بس انا قاعده اعمل كده لأنو احمد قال لي .. حواء:احمد ؟ سهى:ايوا .. انا ما عارفه ال انا بختو ف اكلها و شرابها ده شنو .. بس احمد هو ال طلب حواء:تمام .. حواء سكتت و م واجهت احمد كانت خايفه تخسر ولدها و ما كان عندها مشكله في انو يتصرف اى تصرف طالما التصرف ده في مصلحتو هو .. بعد فترة و بسبب مراقبه احمد ل انامل اكتشف خطتها و العملتو في يسرا انامل كانت متأكده انو بسبب الفيديوهات ال عندها يامن حا يعمل اى شى و ح يدعمهم في اى شى كان كل ال في بالها ال شركه ال في يوم حا تكون ليها احمد بعد عرف اتصل على يامن و قال ليهُ انو عايز يقول ليهُ شى مهم .. و فعلاُ إتلاقو .. احمد:انامل و مصطفى .. هُما ال عملو كده في يسرا يامن:عندك دليل؟ احمد طلع ليهُ فلاشه احمد:دي فيها كل محادثات مصطفى و انامل .. و عنوان ال زول ال خلوهو يعمل كده و تفاصيلو و اى شى عنو .. يامن:عايز شنو انت؟ احمد:عايزك تساعدني .. و ننتقم منهم الاتنين .. يامن:و انت عايز تنتقم لى؟ احمد:قاعدين يلعبو علي .. انامل بتخونى مع مصطفى من قبل حتى نعرس .. خاتين عينهم على الشركه و القروش الفيها .. يامن:لو كلامك طلع صح و هما السبب فعلا في الحصل ل يسرا .. مستعد اعمل اى شى احمد:... يامن إتأكد انو فعلاً انامل و مصطفى كانو ال سبب في الحصل ل يسرا الغضب كان بياكل قلبو .. أتفق مع احمد و بدو يخططو لكل شى

#فوضى_9 "_النهاية .." يامن:انت عايز مني شنو؟ مصطفى:كُنت بتكلم مع انامل قبل تموت .. انت و ملك اخر اتنين مشيتو ليها .. و شفتا ملك و هيا نازله من الشركه و يدها مليانه دم .. انتو ال قتلتو انامل .. و ده حسي انتقامي .. يامن:اها .. انت قتلتا روان .. قتلتا في بيت ملك عشان يقولو ملك هيا المجرمه، بس كيف خليتها تمشى هناك؟ مصطفى:روان بتحب احمد زى المجنونه .. هددتها ب احمد و انى ح اقتلو .. طلبتا منها تقول اسمك ل عمر، كُنت متمنى من عمر انو يقتلك بس م نجحت الخطه دى .. بعدها فكرتا انى اقتل روان .. طلبتا منها تجى بيت احمد و احمد ح يكون منتظره هناك و لانها غبيه صدقت و جات .. كانت مقتنعه انها ح تتزوج احمد و يسافرو سوا .. ههه .. كانت اسهل جزء في خطتي روان .. شلتا هدوم ملك و ختيت فيها دم روان و شلتا من شعرها خصلات و ختيتها برضو يامن:انت ال خليت ام ملك و اسيل يطلعو و ينشغلو و كنت عارف انو سهى ماف اصلاً مصطفى:ايوا .. خليت احمد كمان ينشغل ب حاجه في الشركه ..ده كلو و انا ما عارف انها اصلا بتتعاطى .. الحظ كان معاي المره دي .. ملك ح تتعاقب بحاجه اسوء من الموت .. اما انت .. انت لازم تموت يامن:امممم .. شكلك كنت بتحبها .. ل انامل .. بما انك عملتا ده كلو عشانها مصطفى:انت قتلتا الإنسانه ال وحيده ال انا عايش عشانها .. يامن:صعب صح؟ مصطفى:شنو؟ يامن:انك تجرب احساس انك فقدتا انسان عزيز عليك شديد مصطفى:صعب .. انت اكتر واحد بتعرفو .. انا و انامل كُنا السبب في الحصل ل يسرا .. ما اتوقعنا انها تنتحر .. بس م انتحرت بسببنا هيا، انتحرت بسببك انت يامن:انت بجد كُنت مصدق انى ما ح اعرف؟ مصطفى:شنو؟.. يامن:بجد كُنت مصدق انى م ح اقدر اصل للعملو كده ف يسرا؟ مصطفى:و لو وصلتا .. ما ح يفرق تاني يامن:انت بجد ما عارف انا منو .. و بقدر اعمل شنو .. فجأه مصطفى حسه انو ف زول وراهو و خاتى السلاح في راسو ... عنده عمر : أثناء ما قاعد في المستشفى تحت حاتم جا قعد قصادو حاتم:ساره و امك في القسم .. بحققو معاهم بخصوص موضوع الولادة حقة روان عُمر ما رده حاتم:عمر .. عارف الموضوع صعب عليك بس ده ما وقت تقعد .. انت اكتر واحد بعرف روان .. لازم .. قبل حاتم يتم كلامو عمر اتكلم عمر:انا ما بعرف اختي يا حاتم .. لو بعرفا ما كنا حسي قاعدين في المكان ده .. ما بعرف اختي و م بعرف امي و لا خالتي .. لو كانو فعلا عارفين بأنو روان كانت حامل و ولدت .. فأنا م بعرفهم .. حاتم تلفونو دقه أتكلم شوية و قفل حاتم:لو عندك قدرة تعرف الحاصل .. ارح عمر قام مع حاتم و بالو لسه كان مع ملك ملك كانت اخر طاقه عندو لو فقدها هيا كمان فخلاص .. كل شى ح يكون انتهى .. وصلو القسم و ساره كانت قاعده بره و بتبكي عمر:كنتُ عارفين؟ ساره م ردت و فضلت تبكي عمر قعد جمبها عمر:عملتو شنو .. في الطفل؟ ساره حكت ليهو كل شى حصل ال يوم داك بس بعدها قالت ليهُ ال شى ال ما كان في غيرها بعرفو #فلاش_باك : ساره:اسمعيني محتاجه ليك في البيت ضروري .. بس م لازم زول يعرف .. روان ولدت .. حالته صعبه شديد و م عارفه اعمل ليها شنو فاطمه:تمام جايه .. الطفل وضعو كيف ساره:لسه في نبض .. بس نفسو ضعيف شديد و م قاعد يبكي و لا يتحرك فاطمه:تمام .. ساره:بس اسمعي .. لازم يفهمو انو ال بيبى مات .. روان حاولت اصلا تقتلو .. لو عرفتو عايش ح تقتلو .. حاولى اخلصي من روان سريع و اخذيهو المستشفى او اى مكان .. قولي لقيتي واقع او اى شى فاطمه:طيب تمام .. فعلا فاطمه جات و خلصت من روان سريع ما اتوقعت انها تلحق ال بيبى بس لحقتو و نسبة لانها ما عندها اطفال انبسطت و خلتو معاها .. ... عمر:يعني طفل روان عايش ؟؟ و انتى داسه كل الفترة دي؟ ساره:عملتا كده لانو كان واضح انو ف زول قاعد يهددها .. كانت بتهلوس و بتقول انو ح يقتلوها و انو لازم تقتلو عشان م يعملو ليها شى .. كنت عايزه احمى روان و البت عمر:بت؟ ساره:لمن حسي م عندها اسم و م عارفين نتصرف كيف و لا نسجلا كيف .. عمر انا اسفه لاني م كلمتك بس كنت خايفه عليك زى ما خايفه على روان و الله .. ما كنت عارفه ده منو و لا بعمل كده ليه .. انا قلتا اى شى للشرطه .. بعد روان مشت م عندي شى اخاف منو تانى .. عمر:... بعد مسافه جات فاطمه و معاها ال بيبى سوسن طلعت من غرفة التحقيقات و عرفت ال كلام ده كلو اول ما شافو ال طفله و كانت بتبكي و شايلاها فاطمه صحبه ساره كلهم قعدو يبكو سوسن:بت بتي .. بت روان عمر دموعو نزلت ما كان قادر يستوعب ده شنو؟ مفروض يزعل على حقيقه روان و لا يفرح لانو حاجه منها لسه في !!.. سوسن شالت الطفله و حضنتها و كانت بتبكي بصوت عالي سوسن:يا الله الحمد لله .. الحمد لله .. حاتم لمن عرف انو الطفله عايشه مشا بيت احمد و انامل كان معاهو مذكرة تفتيش اصلا و احمد ما كان ف البيت كسرو ال باب و اول حاجه عملها انو مشا غرفة احمد اخذ الفرشة و شال منها شعر و اخذ فرشه الاسنان حقة احمد

كان عارف انو ملك حا تكون ضحية ده كلو، ما كان عايز يشوف نهاية يسرا في ملك .. بس ما كان في حل #يوم_وفاة_أنامل : أتصال من اسيل ل احمد : اسيل:انا متحركه حسي على الشركه .. ملك كمان حا تجى بعد فترة احمد:تمام انا و يامن ح نجى بعدك .. اسيل وصلت الشركه و طلعت ل انامل فوق انامل:انتى جايبك شنو بسم الله؟ اسيل:جايه اقول ليك انو احسن تبعدى من احمد .. انا عارفه انك م بتحبي انامل:انتى مجنونه؟بتتكلمي عن راجلي؟ابعد عن راجلي كيف يعني .. ههه اسيل:قصدك راجلي انا .. انامل سكتت مسافه و كان واضح انها مصدومه .. انامل:انتى بتقولي شنو؟ اسيل قعدت تضحك .. اسيل:انا و احمد متزوجين انامل:كذابه .. احمد مستحيل يعمل كده فيني اسيل طلعت صور ليهم من شنطته انامل كانت بتشوف ف الصور و مصدومه اسيل:احمد بحبني .. و انتى مجرد وحده عشان يشغلا عندو في الشركه انامل مسكت اسيل بغضب عايزه تضربا بس اسيل ضربتا في صدرها و رمتا الارض انامل دموعها نزلت في اللحظه دي دخل احمد احمد:احساسك شنو و راجلك بخونك؟ انامل عاينت ل احمد و كانت بتبكي انامل:كيف تعمل فيني كده؟ احمد:خلى دور الضحيه .. انا عارف كل شى كنتِ بتعملي .. حبيب القلب مصطفى و أى شى .. كُنت بس عامل غبي .. عايزك قبل تموتي تجربي نفس الأحساس ال انا حسيتو .. احساس الخيانه و الكذب و انك غبية انامل مسكت رجول احمد انامل:أنا أسفه سامحني .. أنا آسفه لو سمحتا .. ما تعمل لى شى .. و لا لمصطفى لو سمحتا، احنا ح نطلع من حياتك و م ح تشوف تاني وشنا و الله احمد لمن سمع اسم مصطفى الغضب زاد مسكها و رماها في الارض كانت في يدو في سكينه بدء يطعن فيها بغضب يامن كان واقف و شايف ده كلو .. احمد بعد خلص اخذ اسيل و طلعو سريع قبل ملك تجى يامن فضل قاعد تحت و انتظر ملك لمن جات كانت الخطه من البداية انهم يجننو ملك الحبوب و موت انامل و كل ال حاجات ال كانو بحاولو يعملوها عشان تقتنع انها فعلا هيا ال قتلت انامل .. و ما يكون في شك انو كل ال بحصل ده كذب احمد ما كان عايز خطتو تفشل و كان خايف ملك تشك في اسيل لانها لمن اللحظه دي ما قدرت تحكي ل اسيل شى عن الحاصل معاها .. ال يوم ال طلعو فيهُ من القسم و ملك قالت انها ماشه تقابل اسيل في حين انها ماشه تقابل سوسن احمد ضرب ل اسيل و عملو تمثيلية الدكتور النفسي بعد عرفو هيا وين من جهاز التعقب ال كان اصلا في تلفون ملك من زمان .. احمد ضمن انو خطتو كانت ماشه كويس بس ما كان عارف انو مصطفى حا يصل ل روان و يقتلا .. يامن هو ال طلب انو مصطفى م يموت طوالي و انو لازم يتعذب و يعرف معنى موت انسان قريب منو بعد رسل ال رساله و طلب من يامن انو يتقابلو يامن كان متأكد انو مصطفى هو ال قتل روان و هو ال رسل ال رساله اتفق مع احمد و حاصرو مصطفى في المستودع .. ... في الوقت الحالي : مصطفى:انتو بتهظرو صح؟؟يعني انا كنت في لعبة ال مده دى كلها ؟؟ احمد:كلو كان لعبه فعلاً مصطفى:بس كيف انت قتلتا انامل؟انت كنت معاي ف البيت يوم الشركه احمد:اديتك منوم .. كنت ضامن انك م ح تصحى لمن ما انا ارجع .. و فعلا رجعتا و عملتا نفسي نايم عادى .. طلعتا من العماره وره و ركبتا عربيه تانيه عشان كده حتى في الكاميرات ما كان واضح انى طلعتا الفترة دى .. مصطفى:احمد .. مستحيل تكون قاتل ..مستحيل تقتلونى .. احمد انت م بتقدر تعمل كده .. احمد:انا قتلتا أبوى .. ح يغلبنى أقتلك ؟؟ تعبتا من الكذب .. تعبتا من الناس ال بتعاملنى إنى غبي و أقل منهم .. مصطفى رفع السلاح على احمد فى اللحظه دى يامن ضربو و السلاح وقع يامن:ما تحاول .. انت خلاص .. انتهيت احمد طلع سكينه و هجم على مصطفى و كان بطعنو بطريقه جنونيه الطريقه ال قتل بيها ابوهو و حسن و انامل كانت طريقه بتدل على انو انسان م طبيعي نفسياً و انو لازم يتعالج يامن كان بعاين بنظرة غريبه كان مبسوط لانو جاب حق اختو بس كان زعلان لانو ما كده و لأنو ما إنسان سئ هو عارف ال كان منتظرو اول ما يطلعو احمد كان في دم فيهُ في كل مكان طلع مع يامن و اول ما طلعو كانت الشرطه محاوطه المكان احمد اتخلع و رمى السكينه بس يامن كان واضح انو كان عارف .. #فلاش_باك : قبل كم ساعه : يامن:انور بعد الساعه ثمنيه امشي و قدم بلاغ و خليهم يجو على المكان ده .. انور:ليه؟ يامن:م تسأل .. ما عايزك تكون جزء من اللعبة دي .. فأحسن ما تكون عارف شى انور:بتتكلم عن شنو انت؟ يامن:آسف لو خيبتا ليك ظنك فيني .. بس ح اشرح ليك كل شى .. انا واثق انك ح تمشي تقدم بلاغ .. قول ليهم انو عرفتا منو ال قتل انامل .. و انو انا جيت و قلتا ليك انى ح اقابل الزول ال ورط ملك في ده كلو انور:... ... في الوقت الحالي : رجال الشرطه بدو يمسكوهم و في جزء دخل جوا و لقو جثه مصطفى احمد كان بصرخ و بقول احنا ما عملنا شى و يامن كان هادى جداً مشو القسم و يامن هناك اعترف بكل شى .. و اعترف بكل حاجه قالها احمد و انو كان مسؤل عن موت ابوهو و حسن