🇹🇷 دليل جنان طرابزون 🇹🇷

سلام عليكم ورحمه الله وبركاته ولله الحمد رجعنا السعودية وحاب انقل لكم تجربتي كشخص اول مره يروح الشمال التركي بالبداية احب اشكركم جميعاً على تسهيل وايضاح كافة المعلومات بالشمال التركي والرد الاستفسارات شكرا لكم🙏 خلاصة السفرة خلال شهر يوليو٢٠٢٦ قبل السفرة خذ لك فرة على الرسائل المثبتة كلها تختصر على نفسك الكثير +ضيف قروب دليل جنان طرابزون +روائع طرابزون تساعدك على التخطيط لرحلتك واحفظ المواقع مباشرة على قوقل ماب واكتب عليها ملاحظات (محل بقلاوة -كوخ-شقة -كافيهات -موقع صراف بميدان طرابزون وغيرها) +استخدم خاصية البحث لأي شي تحتاج اجابة يمكن احد سأل قبلك عن منطقة معينة او فندق او مطعم يصير تختصر على نفسك واذا ماحصلت اجابة الاخوان مايقصروا معك اذا تحتاج تشوف مطاعم او معالم سياحية ابحث بقوقل ماب وشوف التقييمات وقرر (التقييمات بالقرى وخاصة المطاعم اغلبها كذب اذا بتجرب خذ لك شي بسيط وقرر وقتها) ———————- جواز السفر ضروري لازم يكون معك بكل مكان تروح له يمكن تقابل تفتيش بالطريق+رخصة سارية بطاقة الاصل+بطاقة فيزا +بطاقة برق +بطاقة D360 )+صورة السيارة قبل الاستلام وبعده التسليم +خذ معك مثبت للجوال ينحط على القزاز الامامي او شاشة السيارة تفك لك ازمة ———————— حجزت السيارة عن طريق تطبيق طيران ناس من شركة بدجت تعاملهم سلسل للامانة وسعرهم كان ارخص من اللي شفته بالمواقع ولا حبيت اتعامل مع سماسرة التيك توك وغيرهم والاستلام والتسليم كان بالمبنى ثاني اول ماتطلع من المطار طرابزون تحصل مبنى على اليمين اسالك هناك يدلونك ماتضيع ———— جربت شريحة برق وشريحة هاي نت هاي نت (ميزة جميع الشبكات ) افضل واغلب الاماكن موجودة الشبكة ——— خذ لك محول فيش كهرباء اوربي اذا ماجبت معك تحصل بالبقالة عندهم+مسكت جوال بالسيارة تنحط على القزاز او شاشة السيارة تفك ازمة ——— السواقة على مهلك وركز بالمرتفعات ولا تنشغل بالجوال حصلت ضباب وماتشوف وقف على جنب لحد مايروح عادي فجأة يطلع لك بقر او صيانة على الطريق او بين القرى تحصل العجيز يبيعوا فواكه تجيك بنص الخط واقفة ——— لاقدر الله صار حادث او احد صدم سيارتك لازم وضروري تقرير الشرطة ———— الفنادق ماحجزت ولا فندق قبل ما اوصل طرابزون كلها افتح قوقل ماب اكتب فنادق واشوف الاسعار واتوجه لهم واكاسر واذا ماجاز لي السعر شفت غيره السكن دايم تحصل ارخص بس خلك وسيع ورايق وبعضهم الكاش يخصم لك زيادة ماحصلت سعر مناسب انزل للمنطقة الاساسية مثل طرابزون -ريزا -يومرا خيارات اكثر شطاف مو كل الفنادق تحصل شطاف فيها+الاكواخ اغلبها رطوبة وتجيك باردة خاصة المرتفعات اللي حصلتهم بعضهم مايشغل لك التدفئة يقولك مافيه برد🤣🤣 ——- منتجات البقالات التركية رهيبة جربوها لاتفوتكم +bim اسحب عليها كلها تعبانه ومنتجاتها ماش ——— الاتراك رسمين اذا ماعجبك سعره ولا قابل يتفاوض اسحب عليه —-اهل القرى ناس عسل راعيين سوالف وانتم راحين القرى خذوا معكم شبسات او بساكيت للاطفال يفرحوا فيها ——- ميدان طرابزون ماحسيت فيه شي يستاهل يمكن بس الشناط تقليد ماركات ومحل صراف العملات وكم محل بس مو ذاك الزود مول فورم +ميدان ريزا +مول ريزا حلوين ——— لا تتنقل كثير بين المناطق كل المناظر زي بعض اختار كم وجهها وانبسط فيها ——— مايحتاج تجيب عزبتك كاملة بكل مكان تحصل بس جيب بهاراتك وعزبة القهوة والشاهي اذا ودك ———- لا تأخذ عسل معك شفت بعضهم بمطار طرابزرن اخذوها منهم ——— حاول انك تستغل النهار من اوله يعني على ١٠ كذا اذا بتروح مرتفعات بعضها تكون زحمة وخيام وحجز تحصلها فل اذا تأخرت ——- اوزنقول حول البحيرة ازعاج وكمية زحمه ما انبسطت فيها للامانة وغالية والمطاعم غالية ولا تستاهل مافيها طعم روح للمنطقة اللي بعدها تحصل اكواخ وفنادق ارخص او قبل اوزنقول تحت ارخص +حيدر نبي وبحيرة السمك ماتستاهل الروحة خطها سيئة وحيدر نبي عشوائية وكمية خيام وزحمه وصوميلا تعب على الفاضي كلها درج اتمنى اني نقلت لكم المفيد ورديت لو شي بسيط من جهدكم ومساعدتكم لنا وجزاكم الله كل خير على جهودكم شكرا لكم🙏