معاً لحفظ كتاب الله📓

زلزال حصل خضّة بسيطة، بس كانت كافية تخلّي الناس تسيب اللي في إيديها وتبص لفوق. أهو ربك بيفكرنا بلقطة من مشاهد يوم القيامة… “إذا زلزلت الأرض زلزالها” مشهد بسيط بس فيه رسالة تقيلة: إنك ضعيف… مهما كان عندك، ومهما شايف نفسك ثابت، الأرض اللي تحت رجلك ممكن تتحرك في لحظة وتخلّيك تدوق معنى “الخوف الحقيقي”. الزلزال ما جاش علشان يهزّ البيوت… جاي يهزّ قلوب نايمة، مشغولة، تايهة في تفاهات وسايبة صلاتها، وسايبة علاقتها بربنا. ربنا بيبعَت رسائل، بس مش كل الناس بتقراها. فيه ناس خدت الزلزال هزار… وناس تانية قامت توضّت وصلت ركعتين، وقالت “أنا رايح له في يوم… بس مش عارف إمتى”. اللي بيصحى من الخضة دي، ده إنسان عاقل… أما اللي بيرجع يكمل حياته كأن ما حصلش حاجة… يبقى ده نايم نوم تقيل قوى