🎀روائع ايمانية🎀

صباح الخير.. ☕️☀️ العبادة مش مجرد حركات بنعملها وخلاص.. العبادة الحقيقية هي "المعافرة". أجمل ما في علاقتنا بربنا إننا مش ملايكة.. الملائكة بتعبد بالفطرة، معندهمش نفس بتشدهم لتحت ولا صراع جواهم.. لكن "أنت" مختلف! قيمتك الحقيقية في: ▫️ اختيارك للصح وأنت قادر تعمل الغلط. ▫️ في قومتك بعد كل وقعة.. وفي محاولتك إنك تكون إنسان أحسن رغم تعبك. ربنا مخلقتش عشان تكون كامل (الكمال مش بتاعنا).. خلقك عشان "تحاول"، وعشان كل ما تغلط تعرف "ترجع". أخطر لحظة في حياتك مش لما تغلط، لكن لما تقتنع إنك خلاص مفيش منك فايدة ومينفعش تتصلح.. طول ما فيك نَفَس.. لسه قدامك فرصة تختار الطريق الصح. 🌿 اللهم في هذا الصباح.. نسألك أن تُعيننا على أنفسنا، وأن تجعل خير أعمالنا ما كان خالصاً لوجهك.. اللهم أرِنا الحق حقاً وارزقنا اتباعه، وأرِنا الباطل باطلاً وارزقنا اجتنابه، ولا تجعلنا من القانطين من رحمتك مهما بلغت ذنوبنا.. يا رب اجعل قلوبنا موصولة بك، وقوِّ فينا الرغبة في التغيير والإصلاح. صباحكم عفو وعافية.. وصباح البدايات الجديدة. 🕊️ #ريهام_محمود #صباح_الخير #تأملات #حياة #إنسانية #بداية_جديدة

🌹🌹🌹🌹🌹🌹🌹🌹🌹🌹 تابع صفحتى داعيه اسلاميه و مستشاره علاقات اسريه و زوجيه تابعني https://www.facebook.com/Remomo2020?mibextid=ZbWKwL?sub_confirmtion=1

🌹🌹🌹🌹🌹🌹🌹🌹🌹🌹 تابع صفحتى داعيه اسلاميه و مستشاره علاقات اسريه و زوجيه تابعني https://www.facebook.com/Remomo2020?mibextid=ZbWKwL?sub_confirmtion=1

"العمل عبادة" يا فتاح يا عليم يا رزاق يا كريم.. نازل شغلك؟ نازلة جامعتك؟ جدد نيتك إنك بتعمر الأرض. نويت الإتقان عشان "ربنا يحب" عملي. الرسالة: لما النية تكون لله، التعب بيبقى لذة، والرزق بيبقى فيه بركة مش بس فلوس. بقلمي #ريهام_محمود #مستشار_اسري

نصيحه ف شعبان ابعتوها لكل حد تعرفوه يمكن تكون هدايه له محبتكم ريهام محمود

"فرصة تانية" صباحكم أبيض زي قلوبكم.. ربنا ادانا النهاردة فرصة جديدة، يوم جديد يعني صفحة بيضاء. نويت أغسل قلبي من أي زعل قديم، وأبدأ من جديد بنفس راضية. نصيحه ريهام: ماتشيلش شيلة مش شيلتك، سيب الماضي لرب الماضي، وعيش النهاردة بالحب. بقلمي #ريهام_محمود #داعيه_اسلاميه

"فلسفة الـ 24 قيراط" صباح اليقين.. النهاردة الصبح فكرت، ليه بنبص على اللي ناقصنا وننسى الـ 24 قيراط بتوعنا؟ نويت النهاردة أشوف "النعم المستخبية". الستر، الصحة، واللمة الطيبة. الرسالة: الرضا مش معناه إنك معندكش مشاكل، الرضا معناه إنك واثق إن ربنا شايلك الأفضل. بقلمي #ريهام_محمود #مستشاره_علاقات_زوجيه_وتربويه

"الوقت.. هو اللعبة اللي دايماً بنخسرها لما بنستهتر بقلوب الناس" عارفين يعني إيه "الخِذلان"؟ هو مش إنك تسيبني وتمشي، الخذلان الحقيقي إنك تيجي تصالحني بس بعد ما الشغف انطفى، واللمحة اللي كانت بينا بقت باردة ومطفيّة. شوفت اتنين حبوا بعض بجنون وانفصلوا، وبعد سنين طويلة حاولوا يرجعوا.. بس فشلوا! مش عشان الحب خلص، لا.. عشان "التعود على غيابك" كسر هيبة وجودك، والشغف بوجودنا مع بعض كان خلاص مات. وصاحبتي اللي كانت غالية، غلطت في حقي واستنيتها شهر واتنين ومجتش.. ولما رجعت بمفاجآت وهدايا، ضحكت لها فعلاً، بس ملقيتش مكانها القديم في قلبي.. ببساطة، لأنها "اتأخرت قوي". حتى الفرحة لها عُمر.. فاكرة يوم نتيجة أولى جامعة؟ كنت طايرة وعاوزة أحضن بابا وأشاركوا فرحتي، بس رده البارد وهو باصص للتلفزيون كسر فرحتي في وقتها. لما جه يحضني ويهزر بعدها، كنت خلاص "شبعت وجع"، ومبقتش محتاجة الحضن اللي فات ميعاده. الحقيقة المُرّة إن "الاهتمام" عامل زي الدوا، لو مأخدتوش في وقت الأزمة، ملوش لزمة بعد الشفا. الرسالة اللي مستنيها الساعة 12 في عيد ميلادك لو جت تاني يوم، بتبقى مجرد "تأدية واجب" مش حب. والدمعة اللي مسحتها إيد غريبة في الشارع وأنا مخنوقة، كانت أطهر بكتير من اعتذار صاحبتي اللي كلمتني بعد يومين. ومن المنظور الروحاني والتربوي.. جبر الخاطر في وقته "عبادة"، وسرعة الود "سُنة". سيدنا النبي ﷺ علمنا إن "أحب الأعمال إلى الله سرور تدخله على قلب مسلم"، والسرور ده مفعوله بيبقى زي السحر لو جه والقلب لسه مكسور ومحتاجه. ماتستهينوش بكسرة الخواطر، وماتعتمدوش إن "الأيام بتنسي"، لأن الله هو "العدل"، والقلوب اللي استنتكم كتير وما جيتوش.. بينها وبين ربنا دعوة صامتة بتقول: "يا رب استغنيت". الخلاصة: ماتلعبوش على وتر "إنه بيحبني وهيستنى".. مفيش حد بيفضل مستني العمر كله. القلوب بتبّرد، والشغف بيموت، واللي كان "نفسك فيه" النهاردة، ممكن بكرة يبقى "مش فارق معاك". ما تتأخروش في التقدير، ولا تأجلوا جبر الخواطر.. طعم الحاجة وهي في وقتها، هو اللي بيخلينا نعيش. اللهم اجعلنا ممن يزرعون الود في وقته، ولا تجعلنا غصة في قلب أحد.. أرجوكم.. ما تتأخروش. 💔 بقلمي #ريهام_محمود #مستشاره_علاقات_زوجيه_وتربويه 💕كلماتى بكل الحب كتبتها.. فضلاً لا تمحى اسمي عند النقل 💕 #ريهام_محمود #قمرالدين #داعيه_اسلاميه #مستشار_اسري #رمضان تابعوا حسابي الجديد »»» ريهام محمود داعية إسلامية *💎قناة التيك توك للداعيه ريهام محمود* https://www.tiktok.com/@reham_mahmoud00?_t=ZS-8skj6PyoCNr&_r=1 *💎 قناه اليوتيوب للداعيه ريهام محمود* https://www.youtube.com/@%D8%A7%D9%84%D8%AF%D8%A7%D8%B9%D9%8A%D9%87_%D8%B1%D9%8A%D9%87%D8%A7%D9%85_%D9%85%D8%AD%D9%85%D9%88%D8%AF?sub_confirmtion=1

💌سلسله يارب تموت(٣)💌 🙈تفكير احد الابوين فى موت احد الابناء طبعا ده من اصعب التصورات اللى ممكن تتصورها ان اب او ام ممكن فعلا يدعى ع ابنه او يتمنى موته بس الحاله دى حاله المثل المصرى ادعى على ابنى و اكره اللى يقول امين تفكير الاب و الام هنا ييكون انا ضحيت بكل حاجه فى الدنيا علشان خاطرك و انت مش تستاهل انت خيبت ظنى و املى فيك و انت فاشل بتحسسنى بالفشل انت مش عارف تحقق حلمى اللى حلمته و اللى مش عرفت احققه و كنت اخر امل ليا و احبطنى بفشل انت السبب فى تحملى لشريك حياتى و التعاسه اللى انا فيها انت ابن اللى عذبنى ف حياتى و انتقاما منه بدعى عليك لكن الحقيقه الحاله دى هى الوحيده اللى عمر الاب او الام يقولوا فيها لو مت ممكن يجي لي ابن تانى يحقق لى اللى انت مش عرفت تحققه لانه ببساطه ابنهم و ان كان فيه حالات فعلا يتمنى الاب القاسى موت ابنه لكن احنا هنا بنتكلم عن الناس الطبيعية الاسوياء مش الناس القاسيه لدرجه تمنى الموت بالفعل لاولادها #يتبع *محبتكم #مستشاره_علاقات_زوجيه_وتربويه 💍💍ا / ريهام محمود 💍💍 💕كلماتى كتبتها فضلا لا تمحى اسمى عند النقل 💕