Dija e dobishme fetare

Seria #Të_drejtat_e_bashkëshortes #Detyrimet_e_burrit_ndaj_gruas_në_Islam 2- Më i miri prej burrave është ai që është më i miri me familjen e tij 💡Shpjegimi i hadithit: Shumë njerëz sillen mirë me: miqtë; kolegët; fqinjët. Por sapo hyjnë në shtëpi, ndryshojnë. Fytyra ndryshon. Zëri ndryshon. Durimi mbaron. Profeti ﷺ na mëson se masa e vërtetë e moralit nuk është sjellja para njerëzve, por sjellja me ata që jetojnë me ty çdo ditë. ❓Pse e përmendi familjen? Sepse familja e njeh njeriun më mirë se kushdo. Ata e shohin: kur është i lodhur; kur është i zemëruar; kur ka probleme. Nëse ai arrin të ruajë moralin edhe në këto gjendje, atëherë ai është me të vërtetë njeri me moral të lartë. 🔍Profeti ﷺ ishte shembulli më i mirë Aishja رضي الله عنها u pyet:

"Si ishte morali i Profetit ﷺ?"

Ajo tha:

"Morali i tij ishte Kurani."(Muslimi)

Në shtëpi ai: buzëqeshte; bënte shaka me familjen; ndihmonte në punët e shtëpisë; qepte rrobat e tij; rregullonte sandalet; mjelte delen; nuk ngrinte dorë mbi gratë e tij.

Aishja رضي الله عنها ka thënë: "I Dërguari i Allahut ﷺ nuk goditi kurrë me dorën e tij as grua dhe as shërbëtor."(Muslimi)

Ky është interpretimi praktik i hadithit. 💡Përfitimet nga ky hadith: ① Njeriu më i mirë është ai që është më i mirë me familjen e tij. ② Morali i burrit matet më shumë në shtëpi sesa jashtë saj. ③ Profeti ﷺ është shembulli më i përsosur në jetën bashkëshortore. ④ Butësia dhe mëshira janë shenja force, jo dobësie. ⑤ Gruaja ka të drejtë të jetojë me një burrë që e trajton me fisnikëri dhe respekt. Dija e dobishme fetare

Seria #Të_drejtat_e_bashkëshortes #Detyrimet_e_burrit_ndaj_gruas_në_Islam 2- Më i miri prej burrave është ai që është më i miri me familjen e tij Profeti ﷺ ka thënë:

"Më i miri prej jush është ai që është më i miri me familjen e tij, dhe unë jam më i miri prej jush me familjen time."

🍃Vëre se: Profeti ﷺ nuk tha: "Më i miri prej jush është ai që ka më shumë autoritet në shtëpi." As nuk tha: "ai që bind më shumë familjen." Përkundrazi, ai e lidhi epërsinë e burrit me mirësinë (الخيرية). ✔️Kjo tregon se udhëheqja në Islam nuk ndërtohet mbi ashpërsinë apo dominimin, por mbi moralin e lartë, mëshirën dhe kujdesin. Prandaj, çdo burrë që dëshiron të ndjekë Profetin ﷺ duhet ta fillojë Sunetin e tij nga shtëpia. Dija e dobishme fetare

Seria #Të_drejtat_e_bashkëshortes 1- Detyrimi për ta trajtuar bashkëshorten me mirësi 💡Shpjegimi i ajetit: - عاشروهن Vjen nga fjala: العِشرة që do të thotë: bashkëjetesë, shoqërim, marrëdhënie e vazhdueshme. Pra Allahu përdori një fjalë shumë më të gjerë. Domethënë: jeta e përditshme me gruan - بالمعروف Kjo është një nga fjalët më gjithëpërfshirëse në Kuran. المعروف është çdo gjë që: e miraton Sheriati; e pranon arsyeja e shëndoshë; e konsiderojnë të mirë njerëzit e drejtë. Prandaj kjo fjalë përfshin: fjalët; sjelljen; shpenzimet; buzëqeshjen; butësinë; faljen; respektin; durimin. Ky është urdhër. Jo këshillë. Jo rekomandim. Allahu urdhëron çdo burrë:

Jetoni me to me mirësi.

Prandaj nuk mjafton: të ushqesh gruan; t'i blesh rroba. Nëse: e fyen; e poshtëron; e tremb; e nënçmon; atëherë ai nuk e ka zbatuar këtë ajet. ❓Çfarë nuk është "ma'ruf"? Nuk është prej ma'rufit: të bërtasësh vazhdimisht; të poshtërosh gruan; ta krahasosh me gra të tjera; ta ofendosh; ta kërcënosh pa arsye; ta përdorësh fenë për ta shtypur. Kjo bie ndesh me urdhrin e Allahut. 💡Përfitimet kryesore nga ky ajet: ① Mirësjellja me gruan është urdhër hyjnor. ② Fjalët e mira janë pjesë e adhurimit. ③ Sjellja e mirë është më e rëndësishme se dhuratat. ④ Familja ndërtohet mbi mirësi, jo mbi frikë Dija e dobishme fetare

Seria #Të_drejtat_e_bashkëshortes #Detyrimet_e_burrit_ndaj_gruas_në_Islam 1- Detyrimi për ta trajtuar bashkëshorten me mirësi Allahu i Lartësuar thotë:

﴿وَعَاشِرُوهُنَّ بِالْمَعْرُوفِ﴾ "Jetoni me to me mirësi." (En-Nisa, 19).

🍃Ibn Kethiri thotë:: "Domethënë: bëjini të mira fjalët tuaja ndaj tyre, zbukuroni sjelljen dhe paraqitjen tuaj sipas mundësisë suaj, ashtu siç dëshironi që edhe ato të veprojnë me ju." Dija e dobishme fetare

📖 Së shpejti... Me lejen e Allahut, do të fillojmë me serinë e re: "#Detyrimet_e_burrit_ndaj_gruas_në_Islam" Një seri e përditshme, në të cilën do të trajtojmë përgjegjësitë dhe detyrimet që Allahu ia ka ngarkuar burrit ndaj bashkëshortes së tij. 📲 Na ndiqni çdo ditë në kanalin tonë: Dija e dobishme fetare 🔄 Mos harroni ta shpërndani këtë seri, që dobia të arrijë në çdo familje muslimane.

Seria #Të_drejtat_e_bashkëshortit 10- Largimi i gruas nga lëndimi dhe shqetësimi i bashkëshortit të saj 💡Shpjegimi i hadithit: Ky hadith nuk synon të krijojë frikë, por të edukojë. Profeti ﷺ i kujton gruas se jeta bashkëshortore është e shkurtër. Një ditë ose vdes burri; ose vdes gruaja; prandaj nuk ia vlen që ditët e pakta të jetës të mbushen me: fyerje; nënçmime dhe grindje të panevojshme. ❓A vlen kjo vetëm për gruan? Jo. Edhe pse hadithi i drejtohet gruas, parimi është i përgjithshëm. Allahu thotë:

﴿وَعَاشِرُوهُنَّ بِالْمَعْرُوفِ﴾

"Jetoni me to me mirësi."(En-Nisa, 19).

Dhe Profeti ﷺ ka thënë:

«خيركم خيركم لأهله.»

"Më i miri prej jush është ai që është më i miri me familjen e tij."

Prandaj edhe burri ndalohet ta lëndojë bashkëshorten. ❓Çfarë është lëndimi? Lëndimi nuk është vetëm dhuna, mund të jetë: - poshtërimi para të tjerëve; - ironia e vazhdueshme; - ngritja e zërit; - fjalët që e thyejnë zemrën; - shpërfillja e ndjenjave; - tallja me pamjen ose aftësitë e bashkëshortit. Shpesh këto plagë zgjasin më shumë se plagët fizike. 🔍Çfarë mëson gruaja? ✨Të ruajë gjuhën. ✨Të mos e lëndojë bashkëshortin pa të drejtë. ✨Të kujtojë se jeta është e shkurtër dhe se çdo fjalë do të peshohet tek Allahu. 🔍Çfarë mëson burri? ✨Edhe ai duhet të largohet nga çdo lloj padrejtësie ndaj bashkëshortes. ✨Islami nuk pranon që një hadith të përdoret kundër njërës palë dhe të harrohen tekstet që urdhërojnë mirësinë ndaj tjetrës. ✅Përfitimet kryesore nga hadithi: ① Lëndimi i bashkëshortit pa të drejtë është prej sjelljeve të qortuara në Islam. ② Fjalët mund të lëndojnë po aq sa veprat. ③ Besimtari kujton gjithmonë se do të japë llogari para Allahut për mënyrën si ka trajtuar bashkëshortin. ④ Familjet më të lumtura janë ato ku secili përpiqet të mos e lëndojë tjetrin. Dija e dobishme fetare

Seria #Të_drejtat_e_bashkëshortit 10- Largimi i gruas nga lëndimi dhe shqetësimi i bashkëshortit të saj Profeti ﷺ ka thënë:

"Asnjë grua nuk e lëndon bashkëshortin e saj në këtë botë, veçse bashkëshortja e tij prej hyjnive të Xhenetit (hurive) thotë: 'Mos e lëndo! Allahu të ndëshkoftë! Ai është vetëm një mysafir i përkohshëm tek ti dhe së shpejti do të ndahet prej teje e do të vijë tek ne.'"

🔍Qëllimi i hadithit është edukimi moral dhe nxitja për të ruajtur marrëdhënien bashkëshortore nga fjalët dhe sjelljet që shkaktojnë plagë në zemër. Në të njëjtën kohë, tekstet e tjera të Kuranit dhe Sunetit e detyrojnë edhe burrin të sillet me mirësi, drejtësi dhe mëshirë ndaj bashkëshortes së tij. Dija e dobishme fetare

Seria #Të_drejtat_e_bashkëshortit 9- Detyrimi për ta falënderuar bashkëshortin për mirësinë që bën ndaj saj 💡Shpjegimi i hadithit: Ky hadith na mëson një moral shumë të madh: Mirënjohja është pjesë e besimit. Profeti ﷺ ka thënë:

«من لا يشكر الناس لا يشكر الله»

"Kush nuk i falënderon njerëzit, nuk e falënderon Allahun."

Nëse kjo vlen për të gjithë njerëzit, atëherë vlen edhe më shumë për bashkëshortin, i cili kalon vite duke punuar, duke u përkujdesur, duke shpenzuar dhe duke mbajtur përgjegjësinë e familjes. ❓Çfarë është mosmirënjohja? Mosmirënjohja nuk është vetëm të mos thuash: "Faleminderit", ajo shfaqet kur: - harrohen të gjitha të mirat për shkak të një gabimi; - nënvlerësohet sakrifica e bashkëshortit; - krahasohet vazhdimisht me të tjerët; - ose thuhet: "Ti nuk ke bërë kurrë asgjë për mua." Pikërisht për këtë Profeti ﷺ në një hadith tjetër tha për disa gra:

«يكفرن العشير» "Ato tregohen mosmirënjohëse ndaj bashkëshortit."

Dhe shpjegoi:

"Nëse ai i bën mirë gjithë jetën, pastaj sheh prej tij një gjë që nuk i pëlqen, thotë: 'Nuk kam parë kurrë ndonjë të mirë prej teje.'" (Buhariu dhe Muslimi)

🍃 Allahu i Lartësuar thotë:

﴿هَلْ جَزَاءُ الْإِحْسَانِ إِلَّا الْإِحْسَانُ﴾

"A ka shpërblim për mirësinë tjetër veçse mirësia?"(Er-Rahman, 60).

Ky ajet është i përgjithshëm dhe na mëson se mirësia duhet të shpërblehet me mirënjohje dhe mirësi. 🔍Çfarë mëson gruaja? ✨Të vlerësojë mundin e bashkëshortit. ✨Të mos harrojë të mirat për shkak të një gabimi. ✨Të shprehë falënderim me fjalë dhe me sjellje. 🔍Çfarë mëson burri? ✨Edhe burri duhet të jetë mirënjohës ndaj gruas. ✨Profeti ﷺ ishte njeriu më mirënjohës. ✨Ai e përmendte shpesh mirësinë e Hatixhes radiAllahu anha edhe pas vdekjes së saj. ✨Mirënjohja është cilësi e besimtarëve. ✅Përfitimet kryesore nga hadithi: ① Falënderimi i bashkëshortit është pjesë e moralit islam. ② Mosmirënjohja është shkak për paralajmërim të rëndë në hadith. ③ Gruaja duhet të kujtojë dhe të vlerësojë të mirat që bashkëshorti i bën. ④ Mirënjohja forcon dashurinë dhe respektin në familje. ⑤ Ashtu si gruaja duhet të jetë mirënjohëse ndaj burrit, edhe burri duhet të jetë mirënjohës ndaj gruas dhe të mos mohojë të mirat e saj. Dija e dobishme fetare

Seria #Të_drejtat_e_bashkëshortit 9- Detyrimi për ta falënderuar bashkëshortin për mirësinë që bën ndaj saj Profeti ﷺ ka thënë:

"Allahu nuk e shikon (me shikim mëshire dhe kënaqësie) gruan që nuk e falënderon bashkëshortin e saj, ndërkohë që ajo nuk mund të bëjë pa të."

🔍Vëre se: hadithi nuk lavdëron pasurinë, bukurinë apo pozitën e burrit. Ai e lidhi vlerësimin me الإحسان – mirësinë që bashkëshorti bën ndaj gruas. Kjo na mëson një parim të madh islam: mirësia duhet të njihet dhe të shpërblehet me mirënjohje. Një familje ku secili e falënderon tjetrin për të mirat që i bën është më e qëndrueshme, më e qetë dhe më afër moralit të Profetit ﷺ. Dija e dobishme fetare

Në Islam, detyrimet dhe të drejtat janë të ndërsjella. Nuk është e vërtetë se vetëm gruaja ka detyrime ndaj burrit, ndërsa burri nuk ka detyrime ndaj saj. Allahu i Lartësuar thotë: ﴿وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ۚ وَلِلرِّجَالِ عَلَيْهِنَّ دَرَجَةٌ﴾ “Ato (gratë) kanë të drejta të ngjashme me detyrimet që kanë ndaj tyre, sipas asaj që është e drejtë. Ndërsa burrat kanë një shkallë përgjegjësie mbi to.” (El-Bekare, 228) Ibn Kethiri, Allahu e mëshiroftë, thotë: “Gruaja ka të drejta mbi burrin, ashtu siç burri ka të drejta mbi gruan.” Pra, Islami nuk flet vetëm për detyrimet e gruas, por edhe për të drejtat e saj. Dija e dobishme fetare

Përgjigjja ndaj pretendimit se Islami e ka rënduar gruan Shejh Ibn Bazi (Allahu e mëshiroftë) u pyet: ❓Pyetje: Pse dispozitat e Islamit për gruan janë më të rrepta, ndërkohë që në hadith thuhet se shumica e banorëve të Xhehenemit janë gra? ✔️Përgjigjja: “Kjo nuk është e vërtetë. Dispozitat nuk janë më të rrepta për gruan. Ku qëndron ashpërsia? Përkundrazi, në shumë çështje Allahu ia ka lehtësuar asaj obligimet. Kur gruaja është me menstruacione, ajo nuk falet dhe nuk agjëron derisa të pastrohet. Kur pastrohet, ajo e kompenson vetëm agjërimin, ndërsa namazet nuk i kompenson. Ky është lehtësim. Po kështu, në akika për vajzën mjafton një kurban, ndërsa për djalin janë dy. Ku është ashpërsia këtu? Edhe në çështjen e دية dijes (kompensimit për vrasje), për gruan është gjysma e dijes së burrit, pra pesëdhjetë deve. Kjo është lehtësim dhe jo rëndim. Gruaja është urdhëruar gjithashtu t’i bindet burrit të saj në atë që është e mirë, të qëndrojë e palëkundur në bindjen ndaj Zotit të saj, të qëndrojë në shtëpi dhe të largohet nga ato që Allahu i ka ndaluar. E gjithë kjo është pjesë e lehtësimit dhe mëshirës së Allahut ndaj saj. Allahu nuk e ka ngarkuar me punë që e lodhin dhe e dëmtojnë. Nuk e ka obliguar të dalë e të punojë mes burrave, as të shpenzojë për burrin e saj. Përkundrazi, burri është ai që e furnizon atë. Kjo është pjesë e kujdesit të tij ndaj saj dhe e nderimit që Allahu i ka dhënë gruas. Allahu ia ka lehtësuar jetën dhe e ka nderuar. Ai e ka bërë burrin atë që punon, lodhet, përpiqet dhe fiton për të siguruar jetesën, që të shpenzojë për gruan dhe fëmijët e tij. Ndërsa gruaja kujdeset për shtëpinë, për fëmijët dhe përgatit atë që i nevojitet burrit, si ushqimin e të tjera. Prandaj, në të vërtetë, ajo njëkohësisht shërben dhe i shërbehet: ajo i shërben burrit të saj brenda kufijve të mundësive të saj dhe asaj që Allahu ka ligjëruar, ndërsa burri i shërben asaj duke përballuar lodhje të mëdha, duke dalë për të punuar, duke u përpjekur dhe duke marrë përsipër vështirësitë për të siguruar furnizimin e saj dhe të fëmijëve të tyre.” Burimi: Fetvatë e Shejh Abdulaziz ibn Baz (Allahu e mëshiroftë). Përgatiti: Dija e dobishme fetare

Seria #Të_drejtat_e_bashkëshortit 8- Vlera e përpjekjes për të fituar kënaqësinë e bashkëshortit, edhe nëse ai ka gabuar ndaj saj 💡Shpjegimi i hadithit: Ky është një nga hadithet më të bukur mbi jetën bashkëshortore. Gruaja e përshkruar në hadith nuk është e dobët. Ajo është e mençur; largpamëse dhe e interesuar që zemërimi të mos zgjasë. Ajo e di se vazhdimi i konfliktit e shkatërron familjen. ❓A do të thotë kjo se gruaja duhet të pranojë çdo padrejtësi? Jo. Hadithi nuk nxit pranimin e dhunës, padrejtësisë apo mëkatit. Ai flet për konfliktet e zakonshme bashkëshortore, ku njëra palë zgjedh pajtimin dhe faljen për hir të Allahut dhe ruajtjes së familjes. Allahu thotë:

﴿وَالصُّلْحُ خَيْرٌ﴾

"Pajtimi është më i mirë."(En-Nisa, 128).

Dhe thotë:

﴿فَمَنْ عَفَا وَأَصْلَحَ فَأَجْرُهُ عَلَى اللَّهِ﴾

"Kush fal dhe pajton, shpërblimi i tij është tek Allahu."(Esh-Shura, 40).

🔍Çfarë mëson gruaja? ✨Të mos e zgjasë konfliktin. ✨Të marrë iniciativën për pajtim kur kjo sjell dobi. ✨Të mos lejojë që krenaria ta shkatërrojë familjen. 🔍Çfarë mëson burri? Edhe burri duhet të jetë i gatshëm të pranojë faljen dhe të kërkojë falje kur gabon. Profeti ﷺ ishte njeriu më i mirë me familjen e tij.Ai nuk ishte kokëfortë dhe as nuk e zgjaste zemërimin. ✔️Përfitimet kryesore nga hadithi: ① Gruaja e Xhenetit karakterizohet nga dashuria dhe përpjekja për pajtim. ② Falja dhe pajtimi janë cilësi të larta morale. ③ Marrja e iniciativës për pajtim nuk është poshtërim, por urtësi. ④ Hadithi nuk justifikon padrejtësinë, por nxit shuarjen e konflikteve. ⑤ Familjet më të forta nuk janë ato pa mosmarrëveshje, por ato që dinë të pajtohen shpejt. Dija e dobishme fetare

Seria #Të_drejtat_e_bashkëshortit 8- Vlera e përpjekjes për të fituar kënaqësinë e bashkëshortit, edhe nëse ai ka gabuar ndaj saj Profeti ﷺ ka thënë:

"A t'ju tregoj për gratë tuaja që do të jenë në Xhenet? Ato janë çdo grua e dashur dhe pjellore, e cila, kur zemërohet ose i bëhet padrejtësi, thotë: 'Ja ku është dora ime në dorën tënde; nuk do të fle derisa të pajtohesh me mua.'"

🍃Vëre se Profeti ﷺ nuk tha:

"Gruaja e Xhenetit është ajo që nuk zemërohet."

Sepse zemërimi është ndjenjë njerëzore, por lavdëroi gruan që, edhe kur zemërohet ose i bëhet padrejtësi, zgjedh rrugën e pajtimit dhe të ruajtjes së familjes. Ky është një mësim i madh edukativ: virtyti nuk qëndron në mungesën e sprovave, por në mënyrën se si besimtari i përballon ato sipas udhëzimit të Allahut dhe të Dërguarit të Tij ﷺ. Dija e dobishme fetare

Seria #Të_drejtat_e_bashkëshortit 7- Gruaja nuk duhet të dalë nga shtëpia e saj, përveçse me lejen e bashkëshortit të saj 💡Shpjegimi i hadithit: 🍃Në shikim të parë, hadithi flet për daljen në xhami. Por dijetarët kanë nxjerrë prej tij një rregull më të përgjithshëm. Nëse Profeti ﷺ tha:

"Kur t'ju kërkojnë leje..."

kjo tregon se kërkimi i lejes është parimi, ndërsa dalja është pasojë e saj. Prandaj Imam Neveviu tha: "Gruaja nuk del nga shtëpia e bashkëshortit pa lejen e tij". Pse? Sepse Allahu ia ka dhënë burrit përgjegjësinë mbi familjen. Allahu thotë:

﴿الرِّجَالُ قَوَّامُونَ عَلَى النِّسَاءِ﴾

"Burrat janë përgjegjës dhe kujdestarë për gratë."(En-Nisa, 34).

Kjo përgjegjësi përfshin: ruajtjen e familjes; kujdesin për sigurinë; organizimin e jetës familjare. Prandaj, kërkimi i lejes nuk është nënçmim i gruas, por pjesë e rendit dhe përgjegjësisë që Allahu ka vendosur në familje. 🔍 Çfarë mëson gruaja? Ky hadith e mëson gruan të respektojë përgjegjësinë e bashkëshortit; të mos dalë duke e anashkaluar atë dhe të ndërtojë jetën bashkëshortore mbi konsultim dhe mirëkuptim. 🔍Çfarë mëson burri? Burri nuk duhet ta përdorë këtë të drejtë për kontroll të padrejtë; ta izolojë gruan nga familja, prindërit ose adhurimi pa arsye. Ai duhet të kujtojë fjalën e Allahut:

﴿وَعَاشِرُوهُنَّ بِالْمَعْرُوفِ﴾

"Jetoni me to me mirësi."(En-Nisa, 19).

❓A zbatohet kjo në jetën bashkëkohore? Po, në shumë familje sot, kjo e drejtë realizohet me mirëkuptim. Kjo nuk është dobësi, por shenjë e respektit; transparencës dhe bashkëpunimit. Edhe burri duhet të veprojë me urtësi dhe të mos e shndërrojë këtë të drejtë në mjet presioni. 💡Përfitimet kryesore nga hadithi: ① Dalja e gruas nga shtëpia bashkëshortore bëhet me dijen dhe lejen e bashkëshortit. ② Kërkimi i lejes është pjesë e respektimit të përgjegjësisë që Allahu i ka dhënë burrit. ③ Burri nuk duhet ta pengojë gruan pa arsye të vlefshme, sidomos në çështjet e adhurimit dhe nevojave të ligjshme. ④ Jeta bashkëshortore ndërtohet mbi konsultim, mirëkuptim dhe besim të ndërsjellë. ⑤ Ky hadith tregon se Sheriati ruan njëkohësisht të drejtën e bashkëshortit dhe të drejtën e gruas, pa padrejtësi ndaj asnjërës palë. Dija e dobishme fetare

Seria #Të_drejtat_e_bashkëshortit 7- Gruaja nuk duhet të dalë nga shtëpia e saj, përveçse me lejen e bashkëshortit të saj Profeti ﷺ ka thënë:

"Kur gratë tuaja t'ju kërkojnë leje për të shkuar natën në xhami, atëherë jepuni leje."

🍃Ibn Haxher el-Askalani ka thënë:

"Imam Neveviu ka argumentuar me këtë hadith se gruaja nuk del nga shtëpia e bashkëshortit të saj, përveçse me lejen e tij."

📚(Feth el-Bari, 2/348). Dija e dobishme fetare

Seria #Të_drejtat_e_bashkëshortit 6- Bindja ndaj bashkëshortit është prej shkaqeve të hyrjes në Xhenet 💡Shpjegimi i hadithit: ✨Ky hadith përmbledh katër shtylla të jetës së një gruaje besimtare: ① Marrëdhënia me Allahun:

Falja e pesë namazeve.

② Adhurimi

Agjërimi i Ramazanit.

③ Morali

Ruajtja e dëlirësisë.

④ Marrëdhënia me familjen

Përmbushja e të drejtave të bashkëshortit.

Kjo tregon se Islami nuk e ndan adhurimin, moralin dhe jetën familjare, po të gjitha janë pjesë e fesë. ❓Pse u përmend bindja ndaj bashkëshortit? Sepse ajo është një nga adhurimet që përsëritet çdo ditë. Ashtu si namazi është provë e marrëdhënies me Allahun, sjellja me bashkëshortin është provë e moralit dhe e sinqeritetit. ❓A do të thotë kjo se gruaja nuk ka nevojë për vepra të tjera? Jo. Hadithi nuk kufizon të gjitha veprat. Ai përmend disa prej veprave më të rëndësishme. 💡Përfitimet kryesore nga hadithi: ① Namazi mbetet shtylla më e madhe praktike e Islamit. ② Agjërimi i Ramazanit është detyrim. ③ Ruajtja e dëlirësisë është një nga shenjat më të mëdha të besimit. ④ Përmbushja e të drejtave të bashkëshortit është adhurim. ⑤ Gruaja që bashkon këto cilësi është përgëzuar me një shpërblim madhështor: t'i thuhet të hyjë në Xhenet nga cilado derë që dëshiron. Dija e dobishme fetare

Seria #Të_drejtat_e_bashkëshortit 6- Bindja ndaj bashkëshortit është prej shkaqeve të hyrjes në Xhenet Profeti ﷺ ka thënë:

"Kur gruaja fal pesë namazet e saj, agjëron muajin e saj (Ramazanin), ruan nderin e saj dhe i bindet bashkëshortit të saj, do t'i thuhet: 'Hyr në Xhenet nga cilado derë e Xhenetit që të dëshirosh.'"

🍃Vëre bukurinë e renditjes së hadithit. Profeti ﷺ nuk filloi me të drejtën e bashkëshortit. Ai filloi me: namazin (marrëdhënia me Allahun), agjërimin (adhurimi), ruajtjen e dëlirësisë (morali), dhe vetëm pastaj përmendi të drejtën e bashkëshortit. Kjo tregon se martesa në Islam nuk është e shkëputur nga feja, por është pjesë e saj. Përmbushja e të drejtave bashkëshortore nuk zëvendëson adhurimet ndaj Allahut, por plotëson jetën e besimtarit dhe është një prej shkaqeve që e afrojnë atë drejt Xhenetit. Dija e dobishme fetare

Seria #Të_drejtat_e_bashkëshortit 5- Zbukurimi dhe stolisja për bashkëshortin 💡Shpjegimi i hadithit: Profeti ﷺ nuk u pyet: "Cila është gruaja më e bukur?' Por:

"Cila është gruaja më e mirë?"

Ky është një dallim shumë i rëndësishëm. Bukuria fizike është një mirësi, por gruaja më e mirë është ajo që bashkon: moralin, bindjen ndaj Allahut, kujdesin për bashkëshortin, dhe paraqitjen e bukur për të. 🍃Çfarë do të thotë:

Ajo që e gëzon (bashkëshortin) kur ai e shikon,

Dmth ajo: kujdeset për pastërtinë; për veshjen; për aromën dhe për pamjen e saj. Pra: të mos jetë neglizhente ndaj vetes. 🍃Çfarë do të thotë:

dhe i bindet atij kur ai e urdhëron (në të mirë)

Dmth që ajo i bindet bashkëshortit në ato gjëra që janë: të lejuara; të drejta; nuk përmbajnë mëkat. Sepse Profeti ﷺ ka thënë:

«لا طاعة لمخلوق في معصية الخالق»

"Nuk ka bindje ndaj krijesës në kundërshtim me Krijuesin."

🔍Çfarë mëson gruaja? Islami e nxit gruan të kujdeset për pamjen e saj para bashkëshortit; të mos mjaftohet vetëm me kujdesin kur del jashtë; ta ruajë bukurinë e saj edhe brenda shtëpisë. Kjo është pjesë e ihsanit në jetën bashkëshortore. 🔍Çfarë mëson burri? Ashtu si gruaja zbukurohet për burrin,edhe burri duhet të kujdeset për veten. Është transmetuar nga Abdullah ibn Abbas se ai ka thënë:

"Unë zbukurohem për gruan time, ashtu siç dua që ajo të zbukurohet për mua."

Kjo është nga drejtësia dhe mirësjellja në martesë. 💡Përfitimet kryesore nga hadithi: ① Gruaja më e mirë nuk është domosdoshmërisht më e bukura, por ajo që bashkon moralin dhe kujdesin ndaj bashkëshortit. ② Zbukurimi për bashkëshortin është një vepër e pëlqyer dhe ndihmon në forcimin e dashurisë. ③ Pastërtia, aroma e mirë dhe paraqitja e hijshme janë pjesë e etikës islame brenda familjes. ④ Bindja ndaj bashkëshortit kufizohet në atë që është e lejuar nga Allahu. ⑤Martesa e lumtur ndërtohet mbi dashuri, mëshirë, respekt dhe kujdes të ndërsjellë. Dija e dobishme fetare