چاپەمەنیی مانگ

چاوەڕوانتانین!

دیدار لەگەڵ نووسەران پێشانگای کتێبی فستیڤاڵی گەلاوێژ له کارگەی جگەرەی سلێمانی، ژووری چاپەمەنی مانگ ڕۆژی هەینی ٢٠٢٢/٥/٢٧، کاتژمێر ٤ تا ٨ی ئێواره

بەشداری مانگ لە پێشانگای کتێبی فستیڤاڵی گەلاوێژ لە سلێمانی شوێن: کارگەی جگەرەی سلێمانی کات: چوارشەمە ٢٠٢٢/٢٥/٥ (٤ی جۆزەردانی ٢٧٢٢)

#چاپی_نوێ . ناوی کتێب: ڕێبازی کەماندێری نووسەر: پائۆلۆ کۆئیلۆ وەرگێڕ: نادیا سیراجی‌ئەقدەم بابەت: نۆڤلێت چاپی یەکەم . . . @mangpub

"داوای هاوکاری بۆ بەشی منداڵان" چاپەمەنیی مانگ بۆ‌ ڕێک‌خستنەوه و پەرەپێدانی بەشی منداڵان و تازەلاوان، پێویستی بە کەسێکی شارەزا و چالاک لە بواری ئەدەبی منداڵان و مێرمنداڵاندا هەیە کە بەرپرسیارییەتی ئەو بەشە بگرێتە ئەستۆ. بۆ ئەو مەبەستە لە تەواوی ئەو کەسانەی کە شارەزاییان لەو بواردەدا هەیە و خوازیاری ئه‌و ئه‌رکه‌ن، داوا دەکەین پێشینە و ڕێزومەی کاری (CV) خۆیان بنێرن بۆمان. جێی ئاماژەیە کە خوازیاران دەبێ خاوەنی ئەو تایبەتمەندییانەی خوارەوە بن: ـ شارەزایی تەواو بەسەر زمانی کوردیدا ـ شارەزایی لە ئەدەبی منداڵان و مێرمنداڵاندا، بەتایبەت "ئەدەبی منداڵان"ی هاوچەرخی جیهان ئەم تایبەتمەندییانەی خوارەوەش وەک خاڵی بەھێز چاو لێ‌دەکرێت: ـ خوێندنی ئاکادمیک و پلەی زانستی پێوەندیدار ـ شارەزایی بەسەر زمانەکانی دیکەدا بەتایبەت ئینگلیزی ـ بەرهەمی چاپکراو لە بواری منداڵاندا ـ پێشینەی پەروەردە و ڕاھێنان وەک مامۆستا (شوێنی نیشتەجێ‌بوونی کەسەکە گرینگ نیە.) هەر کەسێک هەڵگری زۆرترین تایبەتمەندی بێت وەک بەرپرسی بەشی منداڵان و مێرمنداڵانی مانگ دیاری دەکرێت و بۆ ئەو مەبەستەش سەرەڕای واژۆکردنی گرێبەست لەگەڵیدا، سەرەڕای دیاری‌کردنی ئەرکەکانی و ڕاپەڕاندنیان، خۆی بڕیاردەری ئەو بەشە دەبێت. تکایە پێشینە یان ڕێزۆمەکانتان (CV) بۆ ئەو ئێمەیلانەی خوارەوە بنێرن: mangpub1@gmail.com info@mangpub.com چاوەڕوانی پێوەندیتانین!

#چاپی_نوێ ناوی کتێب: دوایین وێستگە نووسەر: دانا ڕەئووف بابەت: شانۆ چاپی یەکەم نرخ: 50000 تمەن . . . @mangpub

#چاپی_نوێ ناوی کتێب: گۆرانییەک بۆ تەنیایی داهۆڵەکان نوووسەر: محەمەد موەفەقی بابەت: شێعر چاپی یەکەم نرخ: 40.000 تمەن . @mangpub

لە پێشانگای نێودەوڵەتیی کتێبی تاران، چاوەڕێی ئێوە هاوڕێیانی مانگ دەبین. . وردەکارییەکانی ناونیشانی ژووری مانگ لە پێشانگا، لە ڕۆژانی داهاتوودا ڕادەگەیێنرێ. @mangpub

#چاپی_نوێ ناوی کتێب: تەمی سەر خەرەند نووسەر: شێرزاد حەسەن بابەت: ڕۆمان ژمارەی لاپەڕە: 120 چاپی دووەم نرخ: 35000 تمەن . . . @mangpub

#چاپی_نوێ ناوی کتێب: با، سات و کارەسات نووسەر: سەعید سلێمانی بابەت: دەقی کوردی ژمارەی لاپەڕە: 172 نرخ: 40.000 تمەن . . . @mangpub

#چاپی_نوێ . ئەلبێر کامۆ، لەم شانۆنامەیەدا ڕووداوە مێژووییەکانی تەنیا وەک ئێسکبەندێک وەرگرتووە، هیچ ئامانجێکی ئەوەی نەبووە ڕووداوێکی مێژوویی یان ژیاننامەی کەسێکی مێژوویی بخاتە سەر شانۆ. بە گشتی هیچ پێوەندییەکی مێژوویی ئامانجی ئەم شانۆنامەیە نییە، بەڵکوو یەکەم و کۆتایی ڕوانین و فەلسەفەی نووسەر، نیشان‌دانی بێهوودەییە بە زمانی دراما. ئەم شانۆنامەیە لە چوار پەردە پێک‌هاتووە. پەردەی یەکەم: هۆشیاربوونەوەیە بەرانبەر بە بێهوودەیی ژیان؛ پەردەی دووهەم: نیشان‌دانی یارییەکی خەمبار و تۆقێنەرە؛ پەردەی سێهەم: تایبەتە بە پیلانگێڕی؛ پەردەی چوارەم: تایبەتە بە کۆتایی زۆردار و دیسپۆتێکێک. . . . @mangpub

پیاوانی مەزن بە گەرووی تەنگی مەرگدا ناچن. کۆچی‌دوایی شاعیر و نووسەری ناوداری کورد، نەمر عەلی‌ئەشرەف نۆبەتی ناسراو بە پەرتەو کرماشانی، خەسارێک بۆ شێعر و ئەدەبیاتی زمانی کوردی بەگشتی و شێوەزاری کەلهوری و ناوچەی کرماشانە بەتایبەت و خەمێکی قووڵە بە دڵی هەموو گەلەکەمانەوە. وەک دەستەی بەڕێوەبەرێتی و سەرجەم هاوکارانی چاپەمەنیی مانگ، لەگەڵ ڕاگەیاندنی پرسە و سەرەخۆشیی خۆمان، هیوا دەخوازین ڕێبازی بەرزیان بەردەوام بێ و خۆ بە بەرپرس دەزانین لە ئاست بەشداربوون لە گەشانەوە و بەهادان بە سەرجەم زار و شێوەزارەکانی زمانەکەمان و گەشبینین بە گەیشتنەئامانجی ڕێگەیەک کە ئەم تێکۆشەر و کەسایەتی ماندوونەناسانە هەنگاویان تێدا هەڵێناوە. . . . @mangpub

دواشه‌وی دابه‌زینی عیسا ڕۆمانی نووسەری به‌توانای کورد مامۆستا شێرزاد حه‌سه‌نه‌ کە به‌ شێوەی دیالۆگ و له‌ نێوان په‌نابه‌رێک و عیسای مه‌سیح له‌ شه‌وی کریسمه‌سی ساڵی ٢٠٠٠ له‌ که‌مپێکی چۆڵی په‌نابه‌ران ڕوو ده‌دات. ڕۆمانه‌که‌ باس له‌ دڕنده‌خویی مرۆڤ به‌ درێژایی مێژوو ده‌کات که‌ خۆی هۆکاری هەموو کاولکارییەکە. نووسەر باس له‌ مرۆڤی پاوانخواز ده‌کات که‌ هه‌موو شتێکی بۆ خۆی ویستووە و نه‌یتوانیوە به‌ باشی و جوانی بژیت. نووسەر باوه‌ڕی به‌ فریادڕەس نییە و مرۆڤه‌کان به‌ تاکه‌ فریادڕەس ده‌زانێت. . . . @mangpub

. جەیمز جۆیس (۱۸۸۲ – ۱۹۴۱) نووسەری بەتوانای ئیرلەندی، یەکێکە لە ناودارترین نووسەرانی سەدەی بیست و پێشەنگی شێوازی گێڕانەوەی خوڕینی زەین: (Stream of consciousness) لە چیرۆک و ڕۆماندا. ناودارترین بەرھەمی ئەو ڕۆمانی «ئۆلیسیس»ـە کە بە ڕای زۆربەی ڕەخنەگران گرینگترین ڕۆمانی سەدەی بیسته‌مه‌ له‌ جیھاندا. جۆیس لە بوارەکانی شێعر، چیرۆک، ڕۆمان و شانۆنامەدا بەرھەمی خوڵقاندوە و بەرھەمەکانیشی بە زۆربەی زمانەکانی دنیا وەرگێڕدراونەوە. تاراوەکان شانۆنامەیەکی ئەوە کە ساڵی ١٩١٤ نووسیویەتی و لە چاو کارەکانی دیکەی نووسەر، کەمتر کەوتۆتە بەر باسی ڕەخنەگران و ھەربۆیەش تا ڕادەیەک خراوەتە پەراوێزی کارەکانی دیکەیەوە. . . . @mangpub

«کارمامز»، یەکەم چیرۆکی درێژی مامۆستا «عەلی حەسەنیانی»یە کە لە ساڵی ١٣٦٠ی هەتاوی نووسیویەتی. نووسەر دوو جار هەوڵی داوە ئەم چیرۆکە تەواو بکات بەڵام نەهامەتی و گیروگرفتی ژیانی پێشمەرگایەتی بوونەتە لەمپەر بۆ نووسەر و نەیتوانیوە ئەم بەرهەمە تەواو بکات و هەر جارە لە ناو چووە. بەڵام نووسەر کۆڵی نەداوە و سوور بووە لەسەر خوڵقانی ئەم چیرۆکە بۆیە بۆ جاری سێهەم لە گوندی کاوڵانی ناوچەی گەورکی مەهاباد سەر لە نوێ نووسیویەتییەوە و تەواوی کردووە. لەم کتێبەدا ژیانی کوردەواری، ڕابواردنی پێشمەرگایەتی، داب و نەریتی دواکەوتووانە، زوڵم و زۆرییەک کە لە کچان دەکرێ، بە زمانێکی پاراو و جوان خراوەتە بەر چاو. . . . @mangpub

. لووت یەکێکە لە کورتە چیرۆکەکانی نیکۆلای گۆگۆل کە لە ساڵی ١٨٣٦ نووسراوە. چیرۆکی کتێبەکە باس لە بەپرسێکی حوکمی ئەکات کە ڕووبەڕووی ڕووداوێکی زۆر سەیر ئەبێ. ئەو کە ڕۆژێ لە خەو هەڵدەستێ ئەبینێ کە لووتی بە دەموچاوییەوە نەماوە و خۆی وەک کەسایەتییەکی سەربەخۆ خەریکی ژیانی خۆیەتی. کاتێ کە چیرۆکەکە ئەخوێنیتەوە ئەبینی کە چیرۆکەکە، چیرۆکێکی سادەیە بەڵام کاتێ لە بواری دەروونساییەوە باسی ئەکەین بۆمان دەردەکەوێ کە ئەم چیرۆکە باسی زۆرێک لە کێشە دەروونییەکانی ئینسان، لەگەڵ خۆیدا دەکات. زانا و نووسەر و زمانزان و زمانناسی مەزنی کورد «ئەوڕەحمانی حاجی مارف»، ئەم چیرۆکەی هێناوەتە سەر زمانی کوردی. . . . @mangpub

🔶شتێک کە جێگەی چۆڵە ڕەخنەی پەرتووکە🔶 خوێنەران و کتێب دۆستانی هێژا، بەرنامەی #خوێندن_نووسین زنجیرە کێبەرکێیەکی مانگانە لە ژێر سەرناوی "ڕەخنەی کتێب" بەڕێوە دەبات. #خوێندن_نووسین هەوڵێکە بۆ کۆ کردنەوەی سەرجەم ئەو ڕەخنە و شرۆڤانە کە نووسراوە. 🔸کێبەرکێی یەکەم: بەرنامەی #خوێندن_نووسین بەڕێوە دەبات: 🔸تەوەر و بابەتی کێبەرکێ: ڕەخنە و شرۆڤەی کتێبی "هەزارداڵانی جندۆکان" بەرهەمی نووسەری کورد، حەسەنێ مەتێ، بە وەرگێڕانی فاتمە کاکەسووری کە لە لایەن چاپەمەنی خانییەوە چاپ و بڵاو کراوەتەوە. 🔸ناساندن و وەشاندنی بەرهەمەکان: بەشداری کردن لەم کێبەرکێیەدا بە واتای ئیزن دان بە بەڕێوەبەرانی پرۆژەیی #خوێندن_نووسینە کە ئەو ڕەخنانە هەر بە ناوی بەشداربووانەوە بڵاو بکەنەوە. هەروەها بەرهەمانی براوە بە زووترین کات دەناسێندرێت و بڵاو ئەکرێتەوە. 📌تکایە بەشداربووان مەرجەکانی خوارەوە لە دەقەکانیاندا ڕەچاو بکەن: 🔹 بەرهەمەکان بە هەر دوو قاڵبی Word و PDF بێت و لە گەڵیدا ناو و ناوی بنەماڵەیی و شار و ژمارەی پێوەندی نووسرابێت. 🔹 بەرهەمەکان کەمتر لە یەک لاپەڕە و زۆرتر لە پانزە لاپەڕە نەبێت. 🔹 بەرهەمەکان تەنیا بە دوو زمانی کوردی و فارسی نووسرابێت. 🔹 فۆنتی دەقە کوردییەکان Unikurd 14 بێت. 🔹 فۆنتی دەقە فارسییەکان BNazanin 14 بێت. 🔹 بەرهەمەکان دەبێت لە لایەن بەشداربووانەوە نووسرابێت. 📌 دوایین مۆڵەتی ناردنی بەرهەم: ۱۵ڕێبەندانی۱۴۰۰ 🔸 خەڵات: بە پێی هەڵسەنگاندنی داوەران، بە یەک لەو ئازیزانەی کە پلەی یەکەم دێنێتە دەس، پێنسەد هەزار تمەن خەڵاتی دەدرێت. بە براوەی دووەم و سێیەمیش لە لایەن "#خوێندن_نووسین"ــەوە کتێبێک بە دیاری دەدرێت. 🔸شێوازی ناردنی بەرهەم: بەشداربووان دەتوانن بە ئیمەیل و تێلێگرام بەرهەمەکانیان بۆ ناوەندی بەڕێوەبەریی #خوێندن_نووسین بنێرن. تێلێگرام: @xwendin_nusin ئیمەیل: xwendin.nusin@gmail.com

. هەندێ کەسایەتی سەرەڕای ئەوەی تەمەنێکی زۆر نەژیاون و قەدەر مۆڵەتی نەدواون ماوەیەکی زیاتریان هەبێ بۆ ئەوەی گەل کەڵک لە بەرهەمەکانیان وەرگرێ و هەرچەند زۆر خێرا ماڵاواییان لە ژیان کردووە، بەڵام هەر ئەوەندە بەرهەمەی لەم تەمەنە کورتەدا خوڵقاندوویانە، ئەستێرەئاسا لە ئاسمانی مێژووی ئەدەبدا دەدرەوشێنەوە و ناویان تاهەتایە لە یادی گەلەکەیاندا دەمێنێتەوە. یوونس ڕەئووف ناسراو بە دڵدار، یەک لەم کەسایەتییانەی گەلی کوردە. دڵدار، ساڵی ١٩١٨ی زایینی لە شاری کۆیە لە دایک بووە. پاشان بە هۆی کاری باوکییەوە دەچێتە شاری ڕانییە و دواتر دەگەڕێتەوە کۆیە و خوێندنی سەرەتایی و ناوەندی لەم دوو شارە تەواو دەکا. لە کەرکووک قۆناغی دواناوەندی دەخوێنێ و سەرەنجام لە زانکۆی یاسای شاری بەغدا کۆتایی بە خوێندن دەهێنێ و دەبێتە پارێزەر. دڵدار بە هۆی نووسین، کاری ڕۆژنامەوانی و چالاکیی سیاسییەوە ماوەیەک لە بەندیخانە گیراوە. ناوەڕۆکی زۆربەی شێعرەکانی، دڵداری و خۆشەویستی و نیشتمانن. دڵدار ساڵی ١٩٤٨ لە شاری هەولێر کۆچی دوایی کردووە و هەر لەم شارەش بە خاک سپێردراوە. . . . @mangpub

ڕۆمانی «دەروێش»، چیرۆکی ژیانی پڕ نەهامەتی و ناکامەرانی دەروێشێکمان بۆ باس دەکات کە نووسەر بە جوانی سەربوردەکەی تێکەڵ بە دیمەنی جوان و ڕازاوەی کوردستان و ئاوازە ناوازەکانی ڕەزازی، خالقی و شوان پەروەر دەکا. چیرۆکی کتێبەکە هەرچەندە زۆر پاشکەوتوو و تا ڕادەیەک سادەیە بەڵام هونەرمەندی هاوار و زمانە سافەکەی کارێکی کردووە، هەر ئەو داستانە تا دوا لاپەڕە چێژتان پێ ببەخشێ. . . . @mangpub