فِي رِحَاب الذِّكر .

قال ﷺ ؛ كلمتان خفيفتان على اللسان، ثقيلتان في الميزان، حبيبتان إلى الرحمن؛ "سُبْحانَ اللَّهِ وَبِحَمْدِهِ، سُبْحانَ اللَّهِ الْعظيمِ"،

-‌ القَلبُ الّذِي لَا يتّكِئُ خمسَ مرّاتٍ يومِيًا علَى : ﴿إِيَّاكَ نَعْبُدُ وَإِيَّاكَ نَسْتَعِينُ﴾ قَلبٌ أعرَج !

-‌ صَلاةُ الفجرِ ، أثـابَكم الله .

‏وقد تكون بينك وبين الفرج دعوة ‏وبينك وبين الطمأنينة سجدة ‏وبينك وبين تحقيق أمنيةٍ طال انتظارها ركعةٌ صادقة في جوف الليل فلا تحرم نفسك من الوقوف بين يدي الله ‏فإن الكريم إذا فتح لعبده باب مناجاته ‏أراد أن يسمع دعاءه ‏وإذا أيقظه للوتر ‏فقد ساقه إلى خيرٍ لا يعلمه إلا هو

وِتركم || الوتر موعد الأحبة مع الله❤.

حبيت اليوم أتكلم عن شيء صراحة صار منتشر بشكل فضيع بين الناس، واللي يقهر أكثر إن كثير صاروا يشوفونه شيء عادي جدًا، لدرجة إن الواحد ممكن يسويه وما يحس أصلًا إنه غلط، ألا وهو الغيبة والنميمة . صارت الغيبة تدخل في سوالفنا بشكل كبير، نتكلم عن شخص مو موجود، عن شكله أو أسلوبه أو تصرفاته أو موقف صار له، ونضحك ونقول: "عادي، أنا قلت الحقيقة". بس انتبهوا، الغيبة مو شرط تكون كذب، إنك تذكرين شخصًا بما يكره وهو غايب، حتى لو كان الكلام صحيح . والله سبحانه وتعالى قال :

﴿وَلَا يَغْتَبْ بَعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ﴾

تخيلوا التشبيه! الله سبحانه وتعالى شبّه الغيبة بأكل لحم الأخ وهو ميت، وهذا لحاله يخلينا نوقف ونسأل نفسنا: هل السالفة فعلًا تستاهل إني آخذ ذنبها؟ وبرضو النميمة، اللي صارت منتشرة بشكل كبير، واحد ينقل كلام شخص لشخص ويقول: "ترى فلان قال عنك كذا"، وبعدها تبدأ المشاكل والقطيعة .

والله سبحانه وتعالى قال: ﴿هَمَّازٍ مَشَّاءٍ بِنَمِيمٍ﴾.

والأخطر إن الموضوع ما عاد بس في المجالس، حتى بالجوال، في القروبات والرسائل واللقطات، نتكلم عن شخص وهو مو موجود وننسى السالفة بعد دقائق، لكن الشخص اللي تكلمنا عنه يبقى له حق . والنبي ﷺ ذكر لنا في حديث صحيح قصة المفلس، ومنهم من يأتي يوم القيامة بحسنات، لكنه ظلم هذا وشتم هذا، فتُؤخذ من حسناته وتُعطى لأصحاب الحقوق . فخلونا ننتبه، مو كل شيء منتشر صار عادي، ومو كل سالفة تستاهل نتكلم فيها. أدري إننا نحب نسولف ونضحك مع أصحابنا، لكن حاولوا تمسكون ألسنتكم، وإذا بدأت الغيبة غيروا الموضوع، وإذا زل لسانكم استغفروا وتوبوا وحاولوا ما ترجعون لها . والصدقة والاستغفار والدعاء لمن اغتبناه من الأعمال الطيبة، لكن لا نخليها عذرًا نستمر فيه بالغيبة ونقول بعدين بستغفر .

أنا أول وحدة أذكر نفسي قبل ما أذكركم، وكلنا نخطئ، لكن المهم نحاول ونراجع أنفسنا .

الله يطهر ألسنتنا من الغيبة والنميمة، ويغفر لنا ، ويجعل كلامنا كله خير ❤️‍🔥 .

اللّهـم اجعلني مقبولاً أينـما حللت محبوبًـا إن غبت مـذكـورًا مـدعـوًا بـالـخـير إن رحـلـت ❣️.

يا راكبٍ درب القيام بليلهِ أبشر بفضلٍ من كريمٍ غفّارِ خلّ المنام وقم لربك خاشعًا فالليل بابٌ للرضا والأنوارِ

الوتر ، ولا تنسونا من دعواتكم ❤️‍🔥 .

انشروه بقنواتكم عشان الناس تنتبه منه! لان كثير قاعدين يقولون لي انو جاهم برضو وانه كليوم يرسل الله يستر علينا ويهديه ويهدينا جميع