👩🏻‍🦰✍🏻သက်ထား

တစ်ပတ်အတွင်း နိုင်ငံတကာသတင်းသုံးသပ်ချက် “စီးပွားရေးဖိအား၊ ရာသီဥတုပြဿနာနှင့် ပဋိပက္ခတည်ငြိမ်မှုမရှိခြင်း” ဆိုတဲ့ အကြောင်းအရာ ၃ ခုက ဒီတစ်ပတ်အတွက် ထူးခြားတဲ့သတင်းတွေပဲဖြစ်ပါတယ်။ စီးပွားရေးဘက်မှာတော့ ကမ္ဘာ့ဈေးကွက်တွေ အတက်အကျ မတည်ငြိမ်ဘဲ ဆက်လက်လှုပ်ခတ်နေပါတယ်။ အထူးသဖြင့် နည်းပညာနယ်ပယ် (AI, semiconductor, cloud service) တွေမှာ အမြတ်နှုန်းတိုးတက်မှုနှေးကွေးလာနိုင်တယ်ဆိုတဲ့ စိုးရိမ်မှုတွေကြောင့် ရင်းနှီးမြှုပ်နှံသူတွေ သတိထားနေကြပါတယ်။ ရာသီဥတုအနေနဲ့တော့ ဒီတစ်ပတ်အတွင်း အထူးသတိထားရတာက အပူလှိုင်းပြင်းထန်မှုပါ။ ဥရောပတောင်ပိုင်းကနေ အရှေ့အလယ်ပိုင်းအထိ အပူချိန်မြင့်တက်နေပြီး လူနေထူထပ်တဲ့မြို့ကြီးတွေမှာ ကျန်းမာရေးအန္တရာယ်တွေ တိုးလာနေပါတယ်။ ဒီဖြစ်ရပ်တွေက “climate change” ရဲ့ တိုက်ရိုက်သက်ရောက်မှုကို ပိုမိုရှင်းလင်းစွာ ပြနေပါတယ်။ ပဋိပက္ခတွေအနေနဲ့ ယူကရိန်း–ရုရှားစစ်ပွဲက ဆက်လက်တင်းမာနေဆဲဖြစ်ပြီး အရှေ့အလယ်ပိုင်းဒေသမှာလည်း နိုင်ငံရေးဆွေးနွေးမှုတွေရှိပေမယ့် တည်ငြိမ်သွားသေးခြင်းမရှိပါဘူး။ အထွေထွေသုံးသပ်ရမယ်ဆိုရင် ဒီတစ်ပတ်က “တိုးတက်မှုထက် အန္တရာယ်စိုးရိမ်မှုများတဲ့အခြေအနေ” လို့ပြောလို့ရပါတယ်။ သက်ထား

ဇွန် ၂၁ ရက်နေ့ သာယာဝတီခရိုင် PDF တွေက ကြိုပင်ကောက်မြိုနယ်၊ ကုန်းရွာမှာရှိတဲ့ ရွာသားတစ်ဦးကို အကြောင်းမဲ့ သတ်ဖြတ်   သာယာဝတီခရိုင် မှာ PDF တွေက ကြိုပင်ကောက်မြိုနယ်၊ ကုန်းရွာမှာရှိတဲ့ ရွာသားတစ်ဦးကို အကြောင်းမဲ့ ညပိုင်းအချိန်မှာ အကြောင်းမဲ့ သတ်ဖြတ် ခဲ့တယ်လို့သိရပါတယ်။ သက်ဆိုင်သူရဲ့ မိသားစုတွေက အလောင်းပြန်လိုချင်လို့ တောင်းဆိုနေကြပါတယ်။ တပ်က သူတို့ တပ်တည်တွေ အင်အားတွေသိသွားရင်လည်း အစပျောက်သွားနိုင်တော့ ပြည်သူကိုလည်း သိပ်မကြမ်းရဲပဲ ကြိတ်ရှင်းနေတယ်ပြောတယ်။ ဖိုးမောင်

တပ်မတော်အနေဖြင့် သဘာဝပတ်ဝန်းကျင်ထိန်းသိမ်းရေးနှင့် ဂေဟစနစ်မပျက်စီးရေးအတွက် သစ်ပင်စိုက်ပျိုးခြင်းများကို နှစ်စဉ်ပုံမှန်ဆောင်ရွက်နေခြင်းပင်ဖြစ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ပြောကြား တပ်မတော်သည် နိုင်ငံတော်အစိုးရနှင့်လက်တွဲပြီး နိုင်ငံတော်ကာကွယ်ရေးနှင့် နိုင်ငံတော်ဖွံဖြိုးတိုးတက်ရေးကို ထာဝစဉ်ဆောင်ရွက်ပေးနေသည့် ကာကွယ်ရေး အင်အားစုကြီးတစ်ရပ်ဖြစ်သည်နှင့်အညီ နိုင်ငံတော်ကာကွယ်ရေးအတွက် နိုင်ငံတော် အပေါ် ကျရောက်လာမည့် သဘာဝဘေးအန္တရာယ်များကိုလည်း ကြိုတင်မြော်တွေးပြီး ပြင်ဆင်ဆောင်ရွက်ထားရမည့် လုပ်ငန်းစဉ်များပင်ဖြစ်ကြောင်း၊ ထိုကြောင့် တပ်မတော်အနေဖြင့် သဘာဝပတ်ဝန်းကျင်ထိန်းသိမ်းရေးနှင့် ဂေဟစနစ်မပျက်စီးရေးအတွက် သစ်ပင်စိုက်ပျိုးခြင်းများကို နှစ်စဉ်ပုံမှန်ဆောင်ရွက်နေခြင်းပင်ဖြစ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ဇွန်လ ၂၂ ရက်တွင် ၂၀၂၆ ခုနှစ်၊ ကာကွယ်ရေးဦးစီးချုပ်ရုံး(ကြည်း၊ ရေ၊ လေ) မိသားစုများ၏ ပထမအကြိမ် မိုးရာသီသစ်ပင်စိုက်ပျိုးပွဲ အခမ်းအနားသို တက်ရောက်အမှာစကားပြောကြားစဉ် ထည့်သွင်းပြောကြားခဲ့တာဖြစ်ပါတယ်။ သက်ထား

ပြည်ထောင်စု သမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် တရုတ်ပြည်သူ့ သမ္မတနိုင်ငံသို့ နိုင်ငံတော်အဆင့်ချစ်ကြည်ရေးခရီးသွားရောက်စဉ် (၁၇-၆-၂၀၂၆)ရက်နေ့၌ တရုတ်နိုင်ငံ CCTV သတင်းရုပ်သံလိုင်း၏ တွေ့ဆုံမေးမြန်းမှုများအား လက်ခံဖြေကြားချက်များမှကောက်နုတ်ချက်များ ၁။ တရုတ်ပြည်သူ့ သမ္မတနိုင်ငံသို့ တရားဝင် ချစ်ကြည်ရေး ခရီးစဉ် အဖြစ် လာရောက်ခဲ့ရသည့် အကြောင်းအရင်းများ။ ၂။ မြန်မာ-တရုတ် နှစ်နိုင်ငံ အေးအတူပူအမျှ အသိုက်အဝန်းကို တည်ဆောက်ထားသည့် မိတ်ဆွေနိုင်ငံဖြစ်တည်မှုအပေါ် သမ္မတကြီး၏ သုံးသပ်ပြောကြားမှု။ ၃။ "ဆွေမျိုပေါက်ဖော်" ဟူသည့် စကားနှင့် ပတ်သက်၍ သမ္မတကြီး၏ ရှင်းလင်းပြောကြားချက်။ PPIB

မင်္ဂလာ နံနက်ခင်းဖြစ်ပါစေရှင် 🙏🙏🙏

မည်သည့်အဖွဲ့အစည်းကဖြစ်စေ လူတစ်ဦးအား “သတင်းပေး”၊ “ဒလန်” စသည့် စွပ်စွဲချက်များဖြင့် တရားစီရင်မှုမရှိဘဲ အင်အားသုံးအရေးယူခြင်းသည် လူ့အခွင့်အရေးနှင့် တရားမျှတမှုဆိုင်ရာ အခြေခံမူများကို ထိခိုက်စေနိုင်သည့် လုပ်ရပ်ဖြစ်သည်။ ထို့ကြောင့် လက်နက်ကိုင်အဖွဲ့များအနေဖြင့်လည်း အရပ်သားများ၏ အသက်အန္တရာယ်နှင့် အခြေခံအခွင့်အရေးများကို လစ်လျူမရှုသင့်။ NUG/PDF များ၏ လုပ်ရပ်သည် အကြမ်းဖက်လုပ်ရပ်သာဖြစ်ပါကြောင်း။ ဖိုးမောင်

အမှန်တကယ်ဆိုးရွားနေတာက မိမိတို့နိုင်ငံမဟုတ်ပဲ ဂျူလီ ဘစ်ရှော့ပ် သာဖြစ် မြန်မာ့နိုင်ငံရေးမှာ သဘောထားကွဲလွဲမှုတွေ ရှိပေမယ့် စေ့စပ်ညှိနှိုင်းမှုတွေ ဆက်လက်ရှိနေခြင်းက အပေါင်းလက္ခဏာဆောင်တဲ့ အခြေအနေဖြစ်ပါတယ်။ ဒါပေမယ့် ဂျူလီ ဘစ်ရှော့ပ်က မြန်မာနိုင်ငံတစ်ဝန်းလုံး ပိုမိုမှောင်မိုက်ဆိုးရွားလာနေတယ်လို့ ပြောဆိုတာက လက်တွေ့အခြေအနေနဲ့ ကွာဟနေပါတယ်။ အမှန်တကယ် သဘောထားကွဲလွဲနေကြတာက မြန်မာပြည်သူတွေထက် သူမရဲ့နောက်ကွယ်က အဖွဲ့အစည်းတွေ ဖြစ်နေသလို၊ မျှော်လင့်ထားသလို နိုင်ငံတကာထောက်ခံမှု မရတော့တဲ့ အင်အားစုအချို့ရဲ့ အခြေအနေကိုသာ ထင်ဟပ်နေတယ်လို့ မြင်မိပါတယ်။ ဖိုးမောင်

crd ကိုသက်

အမြန်လမ်းတွင် ရတနာဖြိုးအဝေးပြေးယာဥ်အား ရွှေမန္တလာယာဥ်က နောက်မှ ဝင်တိုက်ရာမှ အမျိုးသားသုံးဦး သေဆုံးကာ ကိုရင်တစ်ပါးအပါအဝင် လေးဦးဒဏ်ရာရမှု ယနေ့ဖြစ်ပွား နေမိုး ၂၂. ၆. ၂၀၂၆ အမြန်လမ်းတွင် ရတနာဖြိုးအဝေးပြေးယာဥ်အား ရွှေမန္တလာအဝေးပြေးယာဥ်က နောက်မှ ဝင်တိုက်ရာမှ အမျိုးသားသုံးဦးသေဆုံးကာ ကိုရင်တစ်ပါးအပါအဝင် လေးဦးဒဏ်ရာရမှု ယနေ့နံနက်ပိုင်းအချိန် ဖြစ်ပွားခဲ့ကြောင်း မီးသတ်ဦးစီးဌာနမှ သိရှိရသည်။ ဖြစ်စဥ်မှာ ယနေ့ ဇွန်လ ၂၂ ရက် နံနက် ၃ နာရီခန့်အချိန်က ရန်ကုန်-မန္တလေးလမ်းမကြီး၊ မိုင်တိုင်အမှတ် ၁၁၇/၇ ဖာလုံတွင် ရတနာဖြိုး Express ယာဉ်အား ရွှေမန္တလာ Express ယာဉ်မှ နောက်က ဝင်တိုက်မှုဖြစ်ပွားခဲ့မှုကြောင့် ယာဥ်ပေါ်လိုက်ပါလာသည့် အမျိုးသားခြောက်ဦးနှင့် ကိုရင်တစ်ပါး စုစုပေါင်း ခုနစ်ဦးအနက် အမျိုးသား သုံးဦးနှင့် ကိုရင်တစ်ပါး ထိခိုက်ဒဏ်ရာရရှိခဲ့ပြီး အမျိုးသားသုံးဦး ‌သေဆုံးသွားကြောင်းသိရ။ သက်ထား

ကလေးဝမြိုတွင် ငွေကျပ် ၃ ဘီလီယံကျော်တန်ဖိုးရှိ ဘိန်းဖြူ ၁၀ ကီလိုခန့်၊ စိတ်ကြွဆေးပြား ၁၀ သိန်းကျော်နှင့် လက်နက်ခဲယမ်းများဖမ်းဆီးရမိ  ဇွန်  ၂၁ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲမှ တပ်ဖွဲဝင်များပါဝင်သော ပူးပေါင်းအဖွဲသည် သတင်းအရ ဇွန်လ ၇ ရက်နေ့ နံနက် ၁၀ နာရီအချိန် ကလေးဝမြို၊ ချင်းတွင်းတံတားတွင် ဂိုးရှင်းမန် (ခ)ရှင်းမန် မောင်းနှင်လာသော PRADO ယာဉ်ပေါ်မှ ဘိန်းဖြူ  ၅ ဒသမ ၅ ကီလို၊ ဂင့်ကပ်ခိုင်(ခ)ခိုင်ခိုင်  မောင်းနှင်လာသော  PRADO ယာဉ်ပေါ်မှ ဘိန်းဖြူ ၄ ဒသမ ၄ ကီလို၊ မုန်ဂင့်ဆန် (ခ)ဆန်းသယ်မောင်းနှင်လာသော PRADO ယာဉ်ပေါ်မှစိတ်ကြွဆေးပြား ၁၀ ဒသမ ၅ သိန်းနှင့်ပစ္စတိုသေနတ် ၂ လက်၊ ၎င်းကျည်  ၂၀၀ တောင့်တိုအား  ဖမ်းဆီးရမိခဲ့သဖြင့် မော်တော်ယာဉ်  ၃ စီးပေါ်မှ စုစုပေါင်း ၎င်းဒေသတန်ဖိုးငွေကျပ် ၃ ဒသမ ၀၂၁ ဘီလီယံတန်ဖိုးရှိ ဘိန်းဖြူ ၉ ဒသမ ၉ ကီလို၊ စိတ်ကြွဆေးပြား ၁၀ ဒသမ ၅ သိန်းနှင့် လက်နက်ခဲယမ်းများ သိမ်းဆည်းရမိခဲ့ပါသည်။ သက်ထား