သိင်္ခ

ဘန်ကောက်မြိုတွင် မိုးသည်းထန်စွာရွာသွန်းပြီး ရေကြီးရေလျှံမှုများ ဖြစ်ပွားနေသဖြင့် အထူးသတိပြုရန် လိုအပ် ထိုင်းနိုင်ငံ၊ ဘန်ကောက်မြိုတွင် ယမန်နေ့က မိုးတစ်နေကုန် သည်းထန်စွာ ရွာသွန်းခဲ့မှုကြောင့် မြိုနေရာအများအပြား၌ ရေကြီးရေလျှံမှုများ ပြင်းထန်စွာ ဖြစ်ပွားခဲ့ပြီး၊ ယနေ့အထိ မော်တော်ယာဉ်များ သွားလာရခက်ခဲလျက် ရှိပါသည်။

ယာဉ်အို/ယာဉ်ဟောင်းအစားထိုး EV ၃၄ စီးအတွက် ယခုလအတွင်း ပါမစ်ထုတ်ပေးမည်၊ ပထမအသုတ်အဖြစ် ထုတ်ပေးခြင်းဖြစ်ပြီး သတ်မှတ်ချက်ကိုက်ညီသည့် လျှောက်ထားမှုများကို ဆက်လက်စိစစ်ခွင့်ပြုမည် ရန်ကုန်၊ စက်တင်ဘာ ၂၆ ယာဉ်အို/ယာဉ်ဟောင်းများ အပ်နှံ၍ အစားထိုး လျှပ်စစ်သုံးမော်တော်ယာဉ် (EV) တင်သွင်းခွင့် လျှောက်ထားမှုများအနက် ပထမအသုတ် EV ၃၄ စီးအတွက် တင်သွင်းခွင့်ပါမစ်များကို ယခုစက်တင်ဘာလအတွင်း ထုတ်ပေးသွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

တရုတ်အကူအညီဖြင့် စပါးနှင့် ပဲပုပ်စိုက်ပျိုးနည်းပညာ ၄၅ ရက်ကြာ သင်တန်းဖွင့်ပြီး မြန်မာစိုက်ပျိုးရေးအရာရှိနှင့် နည်းပညာရှင် ၆၂ ဦးကို စပ်မျိုးစပါး၊ ပဲပုပ်မျိုးစပ်မွေးမြူရေးနှင့် မျိုးစေ့ထုတ်လုပ်ရေးနည်းပညာများ သင်ကြားမည် နေပြည်တော်၊ စက်တင်ဘာ ၂၆ တရုတ်နိုင်ငံ၏ အကူအညီဖြင့် မြန်မာနိုင်ငံမှ စိုက်ပျိုးရေးအရာရှိနှင့် နည်းပညာရှင် ၆၂ ဦးကို စပါးနှင့် ပဲပုပ် စိုက်ပျိုးထုတ်လုပ်မှုဆိုင်ရာ နည်းပညာများ သင်ကြားပေးမည့် ၄၅ ရက်ကြာသင်တန်းကို နေပြည်တော်၌ ဖွင့်လှစ်ခဲ့ကြောင်း သိရသည်။

CI ဖြင့် ပြန်ဝင်လာသည့် မြန်မာနိုင်ငံသားများကို ရန်ကုန်လေဆိပ်တွင် UID ထုတ်ပေးနေ ၊Biographic နှင့် Biometric အချက်အလက်များ ကောက်ယူ၍ e-ID စနစ်ဖြင့် ဆောင်ရွက်ပေး ရန်ကုန်၊ စက်တင်ဘာ ၂၆ ပြည်ပနိုင်ငံများမှ သက်သေခံလက်မှတ် (Certificate of Identity-CI) ဖြင့် ရန်ကုန်အပြည်ပြည်ဆိုင်ရာလေဆိပ်သို ပြန်လည်ဝင်ရောက်လာသည့် မြန်မာနိုင်ငံသားများကို Biographic နှင့် Biometric အချက်အလက်များ ကောက်ယူ၍ e-ID စနစ်ဖြင့် UID နံပါတ် ထုတ်ပေးလျက်ရှိကြောင်း သိရသည်။

တောင်သူများအတွက် ဆီစာအုပ်စနစ် မရှိသေး၊ လယ်ယာသုံးစက်များ တစ်ရက် ၁၅ လီတာအထိ ဝယ်ယူနိုင် စိုက်ပျိုး၊ ရိတ်သိမ်းချိန် လိုအပ်သည့် စက်သုံးဆီ လွယ်ကူစွာဝယ်ယူနိုင်ရေး လွှတ်တော်တွင် မေးမြန်း နေပြည်တော်၊ စက်တင်ဘာ ၂၆ တောင်သူများအတွက် လယ်ယာလုပ်ငန်းသုံး စက်သုံးဆီများကို ဆီဝယ်စာအုပ်ဖြင့် ဝယ်ယူနိုင်ရေး အစီအစဉ် လတ်တလော မရှိသေးသော်လည်း ထော်လာဂျီ၊ လယ်ယာသုံးစက်ပစ္စည်းများနှင့် မြစ်တွင်းသွားစက်လှေများအတွက် တစ်ရက်လျှင် အများဆုံး ၁၅ လီတာအထိ နေ့စဉ်ရည်ညွှန်းဈေးနှုန်းဖြင့် ဝယ်ယူခွင့်ပြုထားကြောင်း လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဦးကျော်နိုင်ဝင်းက ပြောကြားခဲ့သည်။ Noted: ‌ျေပြောမယ်ဆို ပြောစရာတွေက တစ်ပုံကြီးပါ။ တစ်ချို့ကိစ္စတွေက ထိန်းပြောနေလို့သာပါ။ ဥပမာ- ပြောတာပါ။ ကိုယ်တိုင်လယ်သမားအယောင်ဆောင်ပြီး ဆီဆိုင်မှာ ဆီသာသွားဝယ်ကြည့်ပါ။ ဘာပြောမလဲလို့ ။ တစ်ချို့ကိစ္စတွေက ဆောင်ရွက်ပေးမယ်ဆိုရင်လည်း စနစ်တကျအကောင်အထည်ဖော်စေချင်ပါတယ်။ မူဝါဒအဆင့်နဲ့ကတော့ တိုးတက်ဖို့ဆိုတာ မလွယ်ပါဘူး။ မူဝါဒချမှတ်တဲ့ အဝန်းအဝိုင်းနဲ့ လက်တွေ့မြေပြင်လူထုအသိုင်းအဝိုင်းကြားက ကွာဟချက်တွေကို လျော့ချနိုင်ကြပါစေ။ သိင်္ခ

ဆီစက်လုပ်ငန်းရှင်များ လုပ်ငန်းသုံးလှည့်ပတ်ရင်းနှီးငွေအတွက် ကျပ်သိန်း ၁ဝဝ မှ ကျပ်သိန်း ၅ဝဝဝ အထိ၊ မတည်ရင်းနှီးငွေအတွက် ကျပ်သိန်း ၂ဝဝ မှ ကျပ်သိန်း ၅ဝဝဝ အထိ တစ်နှစ်လျှင် အတိုးငါးရာခိုင်နှုန်းဖြင့် ချေးငွေလျှောက်ထားနိုင် ဆီစက်လုပ်ငန်းရှင်များ လုပ်ငန်းသုံးလှည့်ပတ်ရင်းနှီးငွေအတွက် ကျပ်သိန်း ၁ဝဝ မှ ကျပ်သိန်း ၅ဝဝဝ အထိ၊ မတည်ရင်းနှီးငွေအတွက် ကျပ်သိန်း ၂ဝဝ မှ ကျပ်သိန်း ၅ဝဝဝ အထိ တစ်နှစ်လျှင် အတိုးငါးရာခိုင်နှုန်းဖြင့် ချေးငွေလျှောက်ထားနိုင်ကြောင်း ဆီစက်လုပ်ငန်းများဖွံဖြိုးရေးချေးငွေ စီမံခန့်ခွဲမှုလုပ်ငန်းအဖွဲမှ သိရသည်။ Noted: ဒီနေ့တော့ အတော်ကိုအားရစရာကောင်းပါတယ်။ သမ္မတကြီးက ဆီထွက်သီးနှံတွေ စိုက်ပျိုးထုတ်လုပ်နေပါလျှက် နိုင်ငံခြားကနေ တင်သွင်းနေရတာဟာ ရှက်စရာကောင်းတယ်ဆိုတာ တကယ်မှန်ပါတယ်။ နည်းလမ်းတကျနဲ့ မှန်မှန်ကန်ကန်သာ လုပ်နိုင်ရင် ဆီထွက်သီးနှံတွေ အခုထက်ပိုမို စိုက်ပျိုးထုတ်လုပ်နိုင်လာမှာပါ။ တစ်ခုပဲ အကြံပေးချင်ပါတယ်။ အောက်ခြေစိုက်ပျိုးထုတ်လုပ်သူတွေဆီအထိ ဆင်းပြီး အခက်အခဲတွေ၊ နဲ့ ဖြေရှင်းရမဲ့ နည်းလမ်းတွေကို လက်တွေ့ကျကျ ပူးပေါင်းဆောင်ရွက်စေချင်ပါတယ်။ မူဝါဒကောင်းပေမဲ့ မထိရောက်ရင် ရေရှည်အကျိုးမရှိနိုင်ပါဘူး။ နောက်တစ်ခုက အကျင့်ပျက် ဝန်ထမ်းတွေကို သတိထားစေချင်ပါတယ်။ ဒီလောက်ကောင်းတဲ့ အကောင်းအထည်ဖော်မှုတွေ မထိရောက်တာ သူတို့ကြောင့်လည်းပါနေပါတယ်။ သတိထားဆောင်ရွက်နိုင်ကြပါစေ။ သိင်္ခ

ကျေးရွာချင်းဆက်လမ်းနှင့် ကုန်ထုတ်လမ်းများ တိုးချဲ့ရေး၊ လုပ်ငန်းထပ်မနေစေရေး ညှိနှိင်း 𝙎𝙀𝙋～𝟐𝟔 နယ်စပ်ဒေသနှင့် ဖွံဖြိုးမှုအားနည်းသည့်ဒေသများတွင် လမ်းတံတားလိုအပ်ချက်ရှိသည့် နေရာများကို ကွင်းဆင်းစိစစ်ပြီး ကျေးရွာချင်းဆက်လမ်း၊ ကုန်ထုတ်လမ်းနှင့် ပြည်ထောင်စုလမ်းမကြီးများနှင့် ဆက်သွယ်သည့် Class A၊ Class B နှင့် Class C အဆင့် လမ်းများ တိုးချဲ့ဆောင်ရွက်ရန် ဆွေးနွေးခဲ့ကြသည်။ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်က လမ်းတံတားလုပ်ငန်းများကို အမှန်တကယ်လိုအပ်သည့် လမ်းပိုင်းများအပေါ် အခြေခံ၍ လျာထားဆောင်ရွက်ရန်နှင့် ကွင်းဆင်းစိစစ်ရာတွင် လိုအပ်ချက်များကို သေချာစွာဖော်ထုတ်ပြီး လုပ်ငန်းများ ထိရောက်စွာ ဆောင်ရွက်နိုင်ရေး ညှိနှိင်းပေးရန် ပြောကြားသည်။ Noted: ဒီလုပ်ငန်းဟာ တိုင်းပြည်အခြေခံဖြစ်တဲ့အတွက် တွန်းအားပေးပြီး အမြန်ဆုံးအကောင်အထည်ဖော်ဆောင်သင့်ပါတယ်။ ဖွံ့ဖြိုးဆဲနိုင်ငံတွေအတွက်က လမ်းတံတားနဲ့ လျှပ်စစ်၊ အခြေခံ အဆောက်အအုံနဲ့ စက်မှုလုပ်ငန်းငယ်တွေတိုးတက်ဖို့သည် အဓိကပါ။ ဒီအုတ်မြစ်ခိုင်မာမှသာ ဖွံ့ဖြိုးတိုးတက်တဲ့ နိုင်ငံဆီကိုဦးတည်နိုင်မှာမို့ပါ။ ဝိုင်းဝန်းကူညီဆောင်ရွက်နိုင်ပါစေ။ သိင်္ခ

ဧရာဝတီတိုင်းဒေသကြီးဝန်ကြီးချုပ်ဦးအေးကျော် မအူပင်မြိုနယ်၊ တလုပ်လပ်အရှေ့ကျေးရွာတွင် ဥစားကြက် မွေးမြူရေးလုပ်ငန်းအား ကြည့်ရှုအားပေး ပုသိမ်၊ စက်တင်ဘာ ၂၆ ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တာဝန်ရှိသူများနှင့်အတူ မအူပင်မြိုနယ်၊ တလုပ်လပ်အရှေ့ကျေးရွာရှိ ပိုင်ရှင်ဒေါ်ကြူကြူ၏ အအေးခန်းစနစ်ဖြင့်မွေးမြူသည့် ဥစားကြက်မွေးမြူရေးခြံ ၅ ခြံတွင် ဥစားကြက် ကောင်ရေ ၁၂၀၀၀၀ နှင့် ဥစားကြက်ပေါက်မွေးခြံ ၂ ခြံတွင် ကြက်ကောင်ရေ ၃၀၀၀၀ မွေးမြူထားရှိမှု အခြေအနေများကို ကြည့်ရှုအားပေးခဲ့သည်။

အာဆီယံဒေသတွင်း ဒီဂျစ်တယ်စနစ်၊ ကွန်ရက်လုံခြုံရေးနှင့် အွန်လိုင်းလိမ်လည်မှု တားဆီးရေးဆိုင်ရာ အစည်းအဝေးများ မြန်မာနိုင်ငံက အိမ်ရှင်အဖြစ် လက်ခံကျင်းပ 𝙈𝙃𝙏 𝙉𝙀𝙒𝙎《𝙎𝙀𝙋～𝟐𝟔》 မြန်မာနိုင်ငံက အိမ်ရှင်အဖြစ် လက်ခံကျင်းပသည့် ၂၀၂၆ ခုနှစ် ဒုတိယအကြိမ်မြောက် အာဆီယံဒီဂျစ်တယ် အဆင့်မြင့်အရာရှိကြီးများနှင့် အာဆီယံဆက်သွယ်ရေးဥပဒေပြုကောင်စီခေါင်းဆောင်များ အလွတ်သဘောအစည်းအဝေးနှင့် ဆက်စပ်အစည်းအဝေးများကို စက်တင်ဘာ ၂၁ ရက်မှ ၂၄ ရက်အထိ ရန်ကုန်မြိုရှိ Novotel Yangon Max Hotel တွင် ဒီဂျစ်တယ်ဖွံဖြိုးတက်ရေးနှင့် ဆက်သွယ်ရေးဝန်ကြီးဌာန၊ ဆက်သွယ်ရေးညွှန်ကြားမှုဦးစီးဌာနက ဦးဆောင်ကျင်းပခဲ့သည်ဟု သိရသည်။ စက်တင်ဘာ ၂၁ ရက် နံနက်ပိုင်းတွင် အာဆီယံဒေတာကာကွယ်ရေးနှင့် ပုဂ္ဂိုလ်ရေးလုံခြုံမှုဆိုင်ရာ Industry Engagement စကားဝိုင်းဆွေးနွေးပွဲကို “The Importance of Data Protection in Digital Transformation” နှင့် “Data Protection and Privacy in AI Era” ခေါင်းစဉ်များဖြင့် ကျင်းပခဲ့သည်။

ဂရုဓမ္မအခါတော်နေ့ကို ကုသိုလ်များစွာဖြင့် ဖြတ်သန်းနိုင်ကြပါစေ မြန်မာလများအနက် တော်သလင်းလပြည့်နေ့သည် သာသနာရေးဆိုင်ရာ ထူးခြားမွန်မြတ်သော "ဂရုဓမ္မအခါတော်နေ့" ဖြစ်ပါသည်။ "ဂရုဓမ္မ" ဆိုသည်မှာ "လေးစားအပ်သော တရား" သိုမဟုတ် "မြဲမြံစွာ စောင့်ထိန်းအပ်သော ငါးပါးသီလတရား" ဟု အဓိပ္ပာယ်ရပါသည်။

■ တောင်ငူမြိုတွင် အမှိက်သိမ်းကား မလုံလောက်သဖြင့် အမှိက်သိမ်းယာဉ် ထပ်မံဖြည့်တင်းရန် အစီအစဉ်ရှိ၊ မရှိ လွှတ်တော်တွင် မေးမြန်း

တောင်ငူမြိုတွင် အမှိက်သိမ်းကား မလုံလောက်သဖြင့် အမှိက်သိမ်းယာဉ် ထပ်မံဖြည့်တင်းရန် အစီအစဉ်ရှိ၊ မရှိ လွှတ်တော်တွင် မေးမြန်း အဆိုပါမေးခွန်းနှင့် ပတ်သက်၍ ပဲခူးတိုင်းဒေသကြီး စည်ပင်သာယာရေးဝန်ကြီးဌာန၊ ဝန်ကြီး ဦးနိုင်လင်းဆွေ (ခ) ဦးထွန်းထွန်းဦးက တောင်ငူမြိုကို သန့်ရှင်းသာယာလှပသည့် Green City, Clean City ဖြစ်လာစေရန် အမှိက်သိမ်းဆည်းရေးလုပ်ငန်းများကို ဆောင်ရွက်နေကြောင်းနှင့် မြိုအတွင်းရှိ လမ်းပေါင်း ၁၇၇ လမ်းကို တစ်ပတ်လျှင် နှစ်ကြိမ် ပုံမှန်အမှိက်သိမ်းဆည်းနိုင်ရေး စီစဉ်ဆောင်ရွက်နေကြောင်း ၊ လက်ရှိ တောင်ငူမြိုနယ်စည်ပင်သာယာရေးအဖွဲတွင် စကစ်ယာဉ် ၄ စီး၊ Garbage Truck ၂ စီးနှင့် Forland ၂ စီး စုစုပေါင်း အမှိက်သိမ်းယာဉ် ၈ စီးဖြင့် အမှိက်သိမ်းဆည်းရေးလုပ်ငန်းများ ဆောင်ရွက်နေပြီး ယာဉ်များကို တစ်ပတ်လျှင် အနည်းဆုံး ၆ ရက်ခန့် မောင်းနှင်အသုံးပြုရသဖြင့် ကြံ့ခိုင်မှုအားနည်းသည့် ယာဉ်များကို မကြာခဏ ပြင်ဆင်အသုံးပြုနေရကြောင်းနှင့် အမှိက်သိမ်းဆည်းရေးလုပ်ငန်းများကို အရှိန်မပျက် ဆောင်ရွက်နိုင်ရန်အတွက် လာမည့် ၂၀၁၇-၂၀၁၈ ဘဏ္ဍာရေးနှစ်တွင် Forland အမျိုးအစား အမှိက်သိမ်းယာဉ်တစ်စီး ဝယ်ယူရန် လျာထားဆောင်ရွက်မည်ဖြစ်ကြောင်း ဝန်ကြီးက ပြန်လည်ဖြေကြားခဲ့ကြောင်း သိရသည်။ Noted: ဒီနေရာမှာ ပြောချင်တာလေး ရှိပါတယ်။ နိုင်ငံတော်ကတော့ တစ်နိုင်ငံလုံးအတိုင်းအတာနဲ့ လုပ်ရတော့ ဘက်ဂျက်ကတော့ မျှပေးရတာပေါ့လေ။ ဒါပေမဲ့ အခြားမြို့နယ်ရံပုံငွေကသော်လည်းကောင်း၊ အလှူရှင်တွေဆီကသော်လည်းကောင်း၊ တနည်းနည်းနဲ့ပေါ့လေ စီစဉ်သင့်ပါတယ်။ ဘာလို့လည်းဆိုတော့ တစ်မြို့လုံးမှ ၈ စီးကတော့ အတော်နည်းလွန်းပါတယ်။ ရပ်ကွက်တစ်ခုတောင် ၂ စီး ၃ စီးလောက်မှ လောက်ငတာပါ။ ဝိုင်းဝန်းလုပ်ဆောင်မယ်ဆိုရင် ဖြစ်နိုင်ပါတယ်။ အားရင် တိုင်းပြည်ဘက်ဂျက်ပဲ ရမယ်ရှာမနေကြပါနဲ့လား။ သက်ဆိုင်ရာ တိုင်း မြို့နယ်အစီအစဉ်လောက်နဲ့ ဆောင်ရွက်ဖို့ လိုပါတယ်။ သိင်္ခ

ဦးမြထွန်းဦး ဦးဆောင်သော မြန်မာကိုယ်စားလှယ်အဖွဲ တရုတ်နိုင်ငံ၌ ကျင်းပသည့် ကမ္ဘာလုံးဆိုင်ရာ ရေရှည်တည်တံ့သော သယ်ယူပိုဆောင်ရေးဖိုရမ် တက်ရောက် 𝙎𝙀𝙋～𝟐𝟔 ပိုဆောင်ရေးဝန်ကြီးဌာနနှင့် ဒီဂျစ်တယ်ဖွံဖြိုးတိုးတက်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးမြထွန်းဦး ဦးဆောင်သော မြန်မာကိုယ်စားလှယ်အဖွဲသည် တရုတ်ပြည်သူ့သမ္မတနိုင်ငံ ပေကျင်းမြို၌ စက်တင်ဘာ ၂၂ ရက်မှ ၂၃ ရက်အထိ ကျင်းပသည့် Global Sustainable Transport Forum 2026 သို တက်ရောက်ခဲ့သည်။ Noted: လူကြီးတွေလည်း အားတက်သရော နိုင်ငံဖွံ့ဖြိုးတိုးတက်ဖို့ လုပ်ဆောင်နေတာ တွေ့ရပါတယ်။ အခုလိုသာ တက်ညီလက်ညီလုပ်မယ်ဆိုရင် မကြာတော့ပါဘူး ရွှေပြည်တော်ကြီးက။ ဒီနှစ်ကုန်ငြိမ်းချမ်းရေးသာ အတော်အားကောင်းလာမယ်ဆိုရင် အတိုင်းထက်အလွန်ပါပဲ။ ခက်တာက တိုင်းရင်းသားလက်နက်ကိုင်တွေရဲ့ ငြိမ်းချမ်းရေးဆိုတာကလည်း ခုစာကလေး ခုဆီထမင်းဖြစ်နေတာကခက်တာပါ။ ဘာပဲပြောပြောနီးကပ်လာပါပြီ၊ အားတင်းထားပါ မြန်မာပြည်။ သိင်္ခ

မြစ်ကြီးနားတွင် ကျောင်းစာကြည့်တိုက်ဖွံဖြိုးရေးနှင့် စာဖတ်ရှိန်မြှင့်တင်ရေးပွဲ ကျင်းပ 𝙎𝙀𝙋～𝟐𝟔 ကချင်ပြည်နယ် ကျောင်းစာကြည့်တိုက်များ ဖွံဖြိုးတိုးတက်ရေးနှင့် ကျောင်းသားလူငယ်များ စာဖတ်ရှိန်မြှင့်တင်ရေးပွဲတော်ကို စက်တင်ဘာ ၂၅ ရက် နံနက်ပိုင်းက မြစ်ကြီးနားမြို အမှတ် (၃) အခြေခံပညာအထက်တန်းကျောင်း၌ ကျင်းပခဲ့သည်။ ပွဲတော်တွင် စာဖတ်ရှိန်မြှင့်တင်ရေး လှုပ်ရှားမှုများ၊ လူငယ်စကားဝိုင်းများ၊ ကာယနှင့် ဉာဏစွမ်းရည်ပြိုင်ပွဲများအပြင် စာအုပ်စာစောင်နှင့် ဓာတ်ပုံပြခန်းများကို ထည့်သွင်းပြသခဲ့သည်။ Noted: ကလေးငယ်တွေကို အခုလိုမြင်ကွင်းမျိုးတွေ ပြန်မြင်ရတာ ဝမ်းသာပါတယ်။ ပညာမြင့်မှ လူမျိုးတင့်မှာပါ။ စင်္ကာပူတိုးတက်တယ်ဆိုတာ HR လို့ခေါ်တဲ့ လူ့စွမ်းအားအရင်းအမြစ်ကို ရေရှည်ရင်းနှီးမြှပ်နှံခဲ့လို့ပါပဲ။ ဒီအရင်းအနှီးက ရေရှည်လုပ်ရတာဖြစ်လို့ စိတ်ရှည်ပြီး အတွေးအခေါ်ရှိဖို့တော့ လိုပါတယ်။ ခုရေတွင်းတူး ခုရေကြည်သောက်ချင်လို့တော့ မရပါဘူး။ အားပေးပါတယ်။ လူငယ်တွေဟာ နောင်မှာ နိုင်ငံ့အနာဂတ်ပါပဲ။ သိင်္ခ

စစ်ဆေးရေးဂိတ်များတွင် တရားဝင်ကုန်စည်များကို အမြန်ဖြတ်သန်းခွင့်ပြုရန်နှင့် ငွေကြေးမတောင်းခံရန် ဧရာဝတီတိုင်းဝန်ကြီးချုပ် ညွှန်ကြား ရန်ကုန်-ပုသိမ်လမ်းပေါ်ရှိ ပန်တိုင်နှင့် ကိုးဆူစစ်ဆေးရေးဂိတ်များကို သွားရောက်စစ်ဆေး ပုသိမ်၊ စက်တင်ဘာ ၂၆ ရန်ကုန်-ပုသိမ်ကားလမ်းပေါ်ရှိ စစ်ဆေးရေးဂိတ်များတွင် တရားဝင်ကုန်စည်များကို လွယ်ကူလျှင်မြန်စွာ ဖြတ်သန်းသွားလာခွင့်ပြုရန်နှင့် ငွေကြေးတောင်းခံခြင်းများ မပြုလုပ်ရန် ဧရာဝတီတိုင်းဒေသကြီးဝန်ကြီးချုပ် ဦးအေးကျော်က ညွှန်ကြားခဲ့သည်။ တိုင်းဒေသကြီးဝန်ကြီးချုပ်သည် စက်တင်ဘာ ၂၅ ရက် နံနက်ပိုင်းက ရန်ကုန်-ပုသိမ်ကားလမ်းပေါ်ရှိ ပန်တိုင်နှင့် ကိုးဆူ လုံခြုံရေးစစ်ဆေးရေးဂိတ်များကို သွားရောက်စစ်ဆေးခဲ့ပြီး ပန်တိုင်စစ်ဆေးရေးဂိတ် အဆင့်မြှင့်တိုးချဲ့နေမှုကိုလည်း ကြည့်ရှုခဲ့သည်။ Noted: အားပေးပါတယ် ဝန်ကြီးချုပ်ကြီးခင်ဗျ။ မှန်ပါတယ် တရားဝင်ကုန်စည်တွေကို အမြန်စစ်ဆေးဆောင်ရွက်ပေးသင့်ပါတယ်။ ခက်တာက တစ်ချို့ဖျံကျတဲ့ ကားသမားတွေ စီးပွားရေးသမားတွေကြောင့်ပါ။ ဒီကုန်တွေက လွတ်ပေးတယ်လည်းကြားရော တရားမဝင်တာလေးတွေပါ ရောသယ်ကြပြန်ရော။ ဒီသံသရာအရှုပ်က ဂျာအေးသူ့အမေရိုက်နေကြတာ။ တကယ်က အားလုံးကင်းရင် ဘာမှကိုပြောစရာမရှိတာပါ။

မော်လမြိုင်နှင့် မုဒုံမြိုနယ်တိုမှ ရဟန်းသံဃာ၊ သီလရှင် (၈,၀၀၀)ပါးခန့်ကို (၇၇)ကြိမ်မြောက်အဖြစ် ဆီဆွမ်းလောင်းလှူ မွန်ပြည်နယ်၊ မော်လမြိုင်နှင့် မုဒုံမြိုနယ်တိုမှ ရဟန်းသံဃာ၊ သီလရှင်(၈၀၀၀)ပါးခန့်ကို စက်တင်ဘာ ၂၅ ရက်က (၇၇)ကြိမ်မြောက်အဖြစ် မွန်ရိုးရာဆီဆွမ်းလောင်းလှူခဲ့ကြကြောင်း သိရသည်။ အဆိုပါ ဆီဆွမ်းလောင်းလှူခြင်းကို မော်လမြိုင်မြို နယ်၊ ရိုးဂိုး၊ ဖားအောက်နှင့် ကော့ခမယ်ကျေးရွာအုပ်စုများတွင် နှစ်စဉ်ကျင်းပပြီး ယခု အကြိမ်တွင် မော်လမြိုင်နှင့် မုဒုံမြိုနယ်တိုမှ ဘုန်းကြီးကျောင်း(၁၀၁) ကျောင်းမှ ရဟန်းသံဃာ(၆,၆၁၇)ပါးနှင့် သီလရှင် (၁,၂၉၅)ပါး(စုစုပေါင်း ၇,၉၁၂ ပါး)တိုအား ဆီဆွမ်းများလောင်းလှူခဲ့ကြကြောင်း သိရသည်။

ရုရှားက ဥရောပနှင့်ဖြစ်ပွားမည့် ပဋိပက္ခများအတွက် ပြင်ဆင်ထားခြင်း မရှိဟု သမ္မတ ဗလာဒီမာပူတင် ပြောကြား ရုရှားသည် ဥရောပနှင့် မည်သည့်ပဋိပက္ခမျိုးအတွက်မဆို ပြင်ဆင်ထားခြင်းမရှိဟု ရုရှားသမ္မတဗလာဒီမာပူတင်က စက်တင်ဘာ ၂၅ ရက်တွင်ပြောကြားသည်။ နေတိုးအဖွဲဝင်အချိုက ရုရှားသည် နေတိုးနယ်မြေကို ရုရှားတိုက်ခိုက်လာမည့်အနေအထားကို သတိပေးခဲ့ကြပြီးနောက် ပူတင်က အထက်ပါအတိုင်း ပြောကြားခြင်းဖြစ်သည်။ "ဥရောပမှာ တော်တော်များများက ရုရှားရဲ့တိုက်ခိုက်မှုကို မျှော်လင့်ထားတယ်လိုပြောနေကြပါတယ်။ ဒါကြောင့် သူတိုက ရုရှားနဲ့ဖြစ်ပွားမယ့် ပဋိပက္ခတွေနဲ့ စစ်ပွဲတိုအတွက် ပြင်ဆင်ထားကြရမယ်လို ယုံကြည်နေပါတယ်"ဟု ပူတင်က စိန့်ပီတာစဘတ်တွင် သတင်းထောက်များကို ပြောကြားခဲ့သည်။