𝐁𝐀𝐂 𝐖𝐈𝐓𝐇 𝐌𝐀𝐋𝐀𝐊 🩷📚
Ir al canal en Telegram
𝐀𝐧𝐲 𝐬𝐭𝐮𝐝𝐞𝐧𝐭 𝐨𝐟 𝐁𝐚𝐜 𝟐𝟎𝟐𝟕 𝐰𝐞𝐥𝐜𝐨𝐦𝐞 𝐢𝐧 𝐨𝐮𝐫 𝐟𝐚𝐦𝐢𝐥𝐲 😍🎓 𝐁𝐚𝐜 𝟚𝟘𝟚𝟟 : مَن أرادَهـا فَـليُجاهِـد 🩷🫂 " و…أَن ليْسَ لِلإِنسَانِ إلاَ ماَ سعَى " ❤️
Mostrar másEl país no está especificadoLa categoría no está especificada
1 635
Suscriptores
+4124 horas
+2757 días
+46530 días
Archivo de publicaciones
1 642
+2
أهم التطبيقات لي تحتاجوهم عام لباك 👇🏻:
تطبيق Notebooklm: هذا التطبيق مفيد بزاف واحتجتو في الايام الاخيرة صح هذا تحطولو pdf تاع كتاب او رابط فيديو.. ويلخصلكم واش فيه 🫶🏻💜
منصة Youtube: الغنية عن التعريف بلا مانطوللكم فلهدرة فيها كلشي ❤
المنبه!!: تحتاجوه بزاف ولصلاتكم اكثر شي علابالي بلي تعرفوه غير نزيد نفكركم برك ⏰
1 642
شوفو لي يحتاجو مواضيع عقبة بن نافع تلقاوهم في السيت في غوغل ( في تلغرام انا بروحي ومنعرفش نحوس فيه 🥲)
https://okba.bac-feljib.com
1 642
بالنسبة للي يقولولي راني زيرو فلونقلي راني حمار مانفهم والو...
هاذا pdf تحفظو الكلمات لي فيه ونديرلكم كويز عليهم هاذو هوما لب الوحدة الأولى لي غالبا ماتطيح فلباك🌱🌸
ومبعد تجي الوضعيات الادماجية لي تعتمد بشكل كبير على هاذو المصطلحات وتكوين الجمل منها ⚡
اكثر من هكا ماعندي مانزيد نديرلكم غير نحفظكم بلعصا ✨🙂
1 642
كنت نقرا الدرس نعاودو بزاف نقراه في القسم ونعاودو فليوتيوب ونزيد نعاودو فليكور وكنت نعتمد على النصوص العلمية كاينين فلكتاب موجودين في اخر كل وحدة كنت نقراهم بعمق ونلون المصطلحات والحوايج الاساسية ولي منفهمهاش نروح نشرحها من الانترنات والتمارين حليت مليح مش بزاف بصح حليت يعني
ووحدة تركيب البروتين هي الأولى هذيك هي لاباز تاع مادة العلوم الكل ماذابيكم تفهموها بعمق اكثر ماتقدرو ومبعد يجيكم كلش ساهل باذن الله🫶🏻🩷
1 642
شوفو تفكرت نقلكم بلي لازم كل واحد فيكم يكتشف وقت الذروة تاعو ولي يكون فيها اكثر تركيزا
مثلا انا عندي من بعد العصر الى 3 تاع الصباح
الشي هاذا متقدروش تكتشفوه على رواحكم غير بحلول الفصل الثاني ني ننبه فيكم برك 🔥🫶🏻
1 642
الأخطاء لي وقعت فيها ولازمكم تتجنبوها!!:
🔴 مقريتش من البدية تاع العام
🔴 Scrolling
🔴كنت منحلش تمارين بزاف واكتفي بفهم الدرس دون كتابة ملخص
🔴كنت كي مانفهمش حاجة نسكت ونخبيها في قلبي ونقول ضك نفهمها مبعد
🔴نروح لليسي نقول نقرا فدار وكي نجي للدار نقول نقرا فليسي
🔴 كانت عاجبتني نقاط القوة تاعي ومقويتهمش اهملتهم ونسيتهم( تعب راح في باطل )
🔴 كي منعرفش نحفظ نستسلم للأمر الواقع وننسى بلي كاين الف طريقة ماخير
🔴 تقول نقرا مواد اساسية برك
1 642
الفصل الثالثثث ⚡
هنا وين درت قدراتي كامل واعمال جبارة بمعنى الكلمة كانت الساعة 3 صباحا عندي هي ساعة الذروة ونشوفها مفيدة بزاف تقدرو تصلو فيها قيام الليل وتقراو قران( وهذا لي راح نديروه معاكم في البرنامج الدراسي القادم وراح يكون صارم 👽)
كنت مقسمة نهاري على زوج اما سهر حتى لل 3 تاع الصباح ولا نرقد بكري وننوض على 3 تاع الصباح 🌸🌱
الرياضيات كنت حكيتلكم عليها من قبل اعطيتكم نبذة على المحاور لي تقراوها والاساتذة لي قريت من عندهم.. انا كنت نحل غير لي باك بلو سابقين والبكالوريات بزاف وديت فيها 14🔥💕
الفيزياء انقذتها غير الاسبوع الاخير تقريبا وعالجت مشاكلي ونقائصي المتبقية فيها من عند تمارين الاستاذ عبدو رضوان قننبلةة وماشاء الله كل كتب تاعو حاطهم مجانا والدروس كنت غير نقراهم ونفهمهم من عند الاستاذ عبد اللطيف هكا وديت فيها 11.5 🫶🏻💜
نجو للعلوم هنا كنت كملت قريت الدروس كامل عن ظهر قلب من عند الاستاذ ايوب للعلوم وبديت غير نحل فمواضيع عقبة بن نافع وحليت بزاف وكنت نصحح من اليوتيوب وهذا لي خلاني نتميز وندي فيها 17.5 بعدما ديت في اول العام 4.25 😭❤
الاجتماعيات كنت نكره لحفاظة بزاف ايا رحت لشوية مصطلحات وكتبتهم لجيمايني دارهملي غنية 🥲 شوفو هو كل واحد ورايو فلموضوع هذا بصح انا استغليت الملهيات ودرتها فقرايتي والتعريفات تاع الاسلامية ثاني هك.. اما بالنسبة للدروس كنت نقراهم ونفهمهم من عند الاستاذ امين فوور 🫶🏻😎
الفلسفة واصلت بطريقة المخططات كنت نتبع فليوت قناة Pod cap
الشريعة كنت نقراها من عند موسلي حاولو العنصر اول ماتفهموه تحفظوه
الإنجليزية والفرنسية هوما لي كانو نقطة ضعفي اغتريت بتقدمي فيهم وماقويتهمش 💔💔
العربية ثاني قريتها من عند افضل استاذ فلعالم خالد حماش وانا من بكري معنديش العقدة تاع شعر ولا نثر في زوج كيف كيف😍❣️
1 642
نروحو للفصل الثاني هنا كنت بديت نكثف شوي جهودي كان الهدف نوصل ل6 ساعات دراسة بمختلف المواد
بالمناسبة الفصل الاول كنت عييت روحي مليح بين الليسي وليكور وحصص الزوم ننوض 5 وحدي ونرقد مع 11.30 حتى فشلت 💔
الفصل الثاني بدات تظهر غير شويي نتائج بصح المعدل بقا نفسو بديت نقرا الفلسفة بطريقة المخططات بما اني نكره الحفظ والعلوم كنت نقرا الدرس ونديرلو الملخص تاعو والفيزياء كنت حبست في وحد النقطة لي هي برهان العلاقات مكنتش علابالي حتى بواش هي مشكلتي اصلا باش نعالجها بصح مشيت في الوحدات الاخرى من غير الوحدة الاولى والرياضيات مزية لي كانت عندنا استاذة ليكور كانت تديرلنا بحال سباق تاع دوال مي نقاط تاعي في الفيزياء والرياضيات بقتو نفسهم 😿
العلوم لي قفزت فيها قفزة نوعية وديت 12 فيها ✨👽
1 642
بديت دراسة مادة اللغة الانجليزية من شهر جويلية وبداية حفظ بعض المصطلحات والشخصيات بصح للاسف نسيتهم علابيها ملازمش تحفظو من ضكا اما الرياضيات والفيزياء بديتها من شهر اوت
الغلطة لي طحت فيها انو هاذو الزوج مواد كي منفهمش حاجة نبقا حاصلة فيها ومنتقدمش وهذا لي خلاني نسجل روطار فيهم والفصل الاول كانت نقاط كارثية بالنسبة للمواد الاساسية الثلاثة مالقري العلوم قريتها عن ظهر قلب كيما يقولوها 😅
بصح 5.5 في الفيزياء 5 في الرياضيات و 4.25 في العلوم ويين 💔 الفصل الاول ديت معدلي 9🙀 وحسيتو بمثابة الكف لي كان لازمني وهنا قررت نفيق لروحي
العطلة تاع الفصل الاول ماستغليتهاش كيما لازم .. كنت قررت فيها نقرا غير المواد الاساسية بما اني المواد الثانوية جايبة روحي فيهم
الانجليزية كيما سبق وقتلكم قريتها فصيف الفرنسية خصصتلها سمانة من سبتمبر الوحدة الاولى كملتها كامل وماحليت حتى سوجي عليها ديت فيها 15 والعربية من بكري نفهمها وديجا تاع الباك جاية ساهلة بزاف💗
1 642
معاكم الادمن ريتاج والمتحصلة على شهادة الباكالوريا بتقدير قريب من الجيد هاذا الانجاز ممكن يبانلكم ملازمش نفتخر بيه بصح انا نفتخر بيه واكثر ولحد الان مزلت فارحة بالمعدل لي ديتو ضك تعرفو علاه
1 642
الا تستحق قناتي النشر ؟؟ وماتحتويه من افادة 🥺
لاتكونو بخيلين على زملائكم فالدال على الخير كفاعله وفي نفس الوقت انتم تأجرون على ذالك
هيا ياغاليين🥹🩷
علابالي تقدرولها🫡
1 642
من فضلكم اصدقائي الاعزاء
شاركو القناة مع زملائكم ومع كل واحد تعرفو عندو باك باه الكل يستفاد وباه نزيد نتشجع نمد اكثر حابة الكل نعاونو بلي نقدر
هيا تقدرولها؟ 🤔
1 642
قناة استاذ جودي للعلوم الطبيعية :
➥https://t.me/easysciencedz
قناة استاذ عبد الباسط :
➥https://t.me/bassetprof
قناة الأستاذة كتفي شريفة :
➥https://t.me/profketficherif
قناة الأستاذة شهرزاد :
➥https://t.me/chahrazedmaths
قناة الأستاذ داود :
➥ @dr_daoud_sekki
قناة الأستاذ قنشوبة :
➥ @guenchouba
قناة الأستاذ زين محمود :
➥ @profzinemahmoud
قناة الأستاذ بورنان :
➥ @ammarbourenane
قناة الأستاذ خليل سعيداني :
➥ @khalil_saidani
قناة الأستاذ امين زدون :
➥ @bacphysique
قناة الأستاذ خلفي صلاح :
➥ @khlfi_salaHee
قناة الأستاذ شاوش :
➥ @chaouchcanel
رابط قناتي☺️ https://t.me/bacaloriae
