Bac2027 with alaa

خوتييييي ننذبه 😭😂😂😂😂😂 خلاو كلش نظام قديم😂😂😂😂💔💔💔💔

جماعة هاهو تاع التمارين و راه فيك ملخص ايضاً مشي شرط تحلو كامل التمارين لكن حاولو في نصفهم على الأقل

صبااح الخير راح تقولو هاذي المهبولة واش منوضها على السبعة تاع صباح هههههه لا علينا حبيت برك نفكركم بلي اليوم ان شاء الله إذا تقدروا كملو المكتسبات تاع الفزياء باش غدوة ان شاء الله نبداو فالتمارين و جماعة لي راهم يقولو لي قريناها من عند استاذ وحداخر أكيد مكانش مشكل المهم فهمتو و خلاص و جماعة الرقاد و المماطلة و غدوا نبدا راح يجي نهار وين تندموا و تنغبنوا و إذا راكم تخدموا على 10/11 و حتى ل 14 عادي تقدو تزيدو تكملوا فالراحة تاعكم

درت فويسات فالكانال تاع الانستغرام راح نختصر هنا المهم قلت لكم معدل 18/19 ميجيش بالرقاد و انسان يحب الراحة لازم تتعب و ضحي بزاف أشياء صح انا راح نفيدكم بإذن الله بلي نقدر عليه لكن انا مراحش نجي نحل في بلاصتكم و لا نقرا في بلاصتكم سما تبقى عندكم كل واحد راه مسؤول على روحه و جماعة التفاهة و لي يحبو الواجد و ميتعبوش مراحش يوصلو من التالي لان مراحش في نهاية القصة يكتبو على شخص قرا ساعتين في اليوم و دا 18 معدل هاذي مصراتش و مراحش تصرا أصلا و فالأخير اي شيء انا راني نديره راه لوجه الله و راه صدقة جارية على بابا ربي يرحمه نتمنى تدعوله مشي في تعليق و مشي بجام و مشي باي حاجة و إنما دعاء من القلب و خلاص انا بعد ما حليت هاذي الصفحة بزاااف صفحات طلبو مني ندير لهم إعلانات بالمقابل و كذلك بزاف أساتذة و بزاف طلبة طلبو مني ندير لهم متابعة شخصية بالدراهم لكن انا رفضت لأن أنا ثاني كنت وحد النهار في بلاصتكم و كنت محتاجة واحد يوقف معايا و يوجهني بدون مقابل لهاذا اخترت نكون لكم هاذاك الشخص لي كنت نتمناه لنفسي وحد لوقت نتوما عليكم طبقو برك

جماعة باش نتفاهموا في نقطة على الملخص لي قلت لكم متنشروهش هاذاك مقدرتش نعرف شكون صاحبه يعني مقدرتش نوصل للأستاذ لي داره باش ندي منه الاذن و قلت مدام بعتوه لي ممكن عطاهم الإذن و لا مهم بغيت نتفادى المشاكل مبغيتش ننشره في صفحتي لكن غير مين شفتكم مدابزين مع المكتسبات اما مستقبلا باذن الله إذا لقيت شيء مدفوع و شريته انا شخصيا و فادني راح نجي نتصحكم بيه لكن مراحش نحطه باش تكونو فالصورة و تبقى عندكم حرية الاختيار إذا تشروه و لا لا + راكم عارفيني منحطش حاجة انا معتمدهاش و لا اي حاجة و إذا تحبو نحط لكم غير الأشياء المجانية نحط غير لي باطل 🤌🏻 و إذا تحبو كلش نحط كلش 🤌🏻

هاكا راني حطيت لكم كلش سواء الملخص سواء الفيديوهات باش غدوة الصياح تبداو مباشرة 🤌🏻 و باش ديروا في حسابكم عندكم يومين فقط 🙂 مي كيما الرياضيات يعني الثلاثاء و الاربعاء فقط الخميس نبداو فالتمارين بإذن الله

و كاين هاذا رقم اثنين هاذا ثاني طريقة شرحه هادئة على جالكم تفرجته كامل يعني تقدروا تتفرجوه عادي كل طالب يشوف الاستاذ لي يساعده

بالنسبة للفيديوهات كاين هاذا رقم واحد ( مكان له تجيني جماعة تقولي 2024) علابالي لانه هو المخير فيهم

هاهو و و تقدروا تكتفوا غير بيه حرفيا بلا الفيديوهات شاوا بلا تبهليل جماعة كيما قلت لكم مكانش لي يخرجه من فضلكم

جماعة راح نزيدكم ملخص رووعة لكن راني خايفة نباصي 🙂💔 خطرش هاذا تاع وحدة رسلاته لي قرات زووم و باينة مينحطش فالصفحات و مبغيتش نبخلكم و نخليه غير عندي مدام لقيته و عجبني شاوا منلقاش واحد حاطه عنده و لا اي حاجة قروا منه و خلاص و لا عندكم زملاءكم قولهم يدخلو يقراو هنا و خلاص 🙂 مخصنيش مشاكل

اليوم على الثامنة راح نحط لكم بوست خاص بملخص مكتسبات الفيزياء و نحط لكم الفيديو لي تتفرجوه اذا مساعدكمش الاستاذ ممكن تشوفو غيره و الصراحة الاستاذ لي اخترته كنت شفت شعال من استاذ و هاذ عجبتني طريقته بالرغم اني مقريتش عنده و مع الأسف الاستاذ لي كنت نعتمد عليه مراهش حاط المكتسبات لهاذا ضطريت على حالكم نتفرج الفيديوهات نقطة بنقطة 😭 باش نختار لكم استاذ المهم نتوما واش ديرو شوفو الملخص لي راح نحطه من بعد شوفو الفيديو و لا العكس لي تساعدكم يعني مررتها بيومين راح نحط لكم التمارين لي تحلوها باش ندخلو فالعلوم 🤌🏻

شوفو كإجابة جماعة لي دخلو جدد راهم يسقسوني كيفاش راكم تقراو شوفو في هاذي الفترة تاع المكتسبات راني نحط لكم واش تتفرجو الفيديو لي تفهمو منه يعني و الملخص و كذلك التمارين من بعد ان شاء الله بعد ما نبداو في برنامج الباك راح نحط لكم بالتفصيل انا واش ندير كل يوم المهم بعد ما تكملو المكتسبات نهدروا عليها مليح

سلام الله عليكم 🥹💞 ان شاء الله راكم لاباس المهم بغيت نقولكم غدا باذن الله ندخلو المكتسبات تاع الفيزياء باذن الله باش ديرو في حسابكم 🤌🏻