Bac with Fidaa
Canal cerrado
🌸 bac 2027 | BAC WITH FIDAA قناة مخصّصة للبنات فقط، نرافقوا فيها بعضانا في رحلة الباك من خلال سلاسل افكار خطط ، نصائح وتجارب طلبة متفوّقين، وأفكار عملية تعينكم على تنظيم القراية وتحسين المستوى. مساحة للتعلّم، التطوّر، وتبادل الهمم، حتى نحقّقوا أهدافنا
Mostrar másEl país no está especificadoLa categoría no está especificada
856
Suscriptores
+324 horas
+717 días
+50630 días
Archivo de publicaciones
بنات 👀🍓 سؤال صغير ليكم:
وش أكثر حاجة حابين نركزلكم عليها في القناة هاذ الفترة؟
بناتتت 😭🌸
حبيتكم تتفاعلوا معايا شوية،
خاطر الفترة الجاية راح نديرلكم :
♡ تحديات شهرية… أسبوعية… + خطط دراسة لكل مادة
♡ ونجيبولكم أفكار وحوايج تساعدكم طول العام 😭🍓
وزيد أي وحدة عندها فكرة حابة نديروها في القناة، ولا حاجة حابة تفهموها/نهدرو عليها، اكتبولي في رسائل القناة ولا في البوت، راه في الرسالة المثبتة 🤎صارحوني بلا خجل 👀 ، نحب نديروا أفكار جميلة مع بعض ونخلي القناة دايمًا فيها الجديد 🎀 وبالمناسبة… نحّوا الكتم على القناة وديرولها تثبيت 😭 راه كاين بزاف حوايج جاية، ما راحش تندموا 🍓.
💡 الفكرة الخامسة والأخيرة: ما تستنايش حتى يولي كلش كامل باش تبداي 🙂🤏شوفوا… هذي آخر فكرة، وبالنسبة ليا هي الأهم، خاطر راح تمس زوج جوانب. 🤎 كاين اللي بداو يقراو، وكاين اللي مازال ما بداوش أصلًا، وهذا عادي 😭 خاطر رانا مازلنا في البداية، وحتى الانطلاقة الرسمية في الثانوية مازالت ما بداتش، تمام؟ 👍
بصح الحاجة اللي ما نحبش نديروها:هي نستناو حتى يكون عندنا الوقت المثالي، البرنامج المثالي، المكتب المرتب، والروتين المثالي باش نقولو: «هايا، نبدأو.» 👀 خاطر في الأخير، البداية ما تحتاجش تكون كاملة، تحتاج غير تكون بداية.🌝🤷♀️ 🤍 مش لازم بداية من نوع «واو»… بداية فقط. بديتي؟ كملي من وين راكي. ما بديتيش؟ ما تستنايش أكثر هذا هو الوقت ، ابدئي بحاجة بسيطة. المهم ما تقعديش تخممي بزاف كيفاش راح تبداي 😭 ابدئي برك، ومن بعد عدلي طريقتك مع الوقت. 🌝 مش لازم ديري خطة محكمة ومثالية باش تبداي، ابدئي المرة الأولى، ومن بعد كي تشوفي روحك بديتي، عدلي طريقتك على حساب واش يناسبك. 👍
🌸وهذي بالضبط هي الفكرة اللي حابة نوصلها لكم في هذي السلسلة كاملة: ما نحتاجوش نعرفوا الطريقة المثالية من الأول. 💡نجربوا، نشوفوا واش يخدم معانا، ونبدلوا اللي ما يخدمش معانا. 🌱🤍 ( راني نعاودكم غير بداية ابداي مهم نبدا.. ابداو.. البداية تكون... ملا ها افهموا رواحكم وابداو😭😂) وإذا كاين أي استفسار، أي حاجة حابينها، ولا أي فكرة حابين نضيفوها، ابعتولي في رسائل القناة. 🤎🍓😗
💡 الفكرة الرابعة: ما تستنايش المود باش تبدايشوفوا… مرات كي نجيوا نقراو ونلقاو رواحنا ما راناش متحمسين ولا ماناش في المود، نقولو: «نخليها حتى يجيني النفس 👀، كي نتحمس نقرا»…
بصح هنا كاين حاجة لازم نعرفوها 👀الحماس ماشي شرط يجي قبل القراية، مرات يجي من بعدها. يعني ما تستنايش روحك تكوني متحمسة باش تفتحي الكراس 🥲
أبداي بحاجة بسيطة برك:صفحة، فكرة، تمرين، سؤال… المهم تبداي. ومع ما تدخلي في القراية شوية بشوية، تلقاي روحك بديتي تتشجعي وتكملي وحدك.
لهذا جربيها: ما تستنايش المود باش تبداي، ابداي باش يجيك المود. ✨👀
💡 الفكرة الثالثة: ما تبدايش بالحاجة اللي تحبيهاشوفوا… مرات كي نجيوا نقراو، يعني كي نروحوا نقعدوا في المكتب تاعنا ونقراو، أول حاجة نديروها هي نروحوا للمادة اللي نحبوها. نقولوا: نبدأ بيها، زعما نبدأ بيها باش ندخلوا في المود والموتيفاسيون تاع القراية وكذا 😭، ومن بعد نروحوا للباقي.
بصح هنا كاين مشكل راح يعرقلنا 👀الحاجة اللي تحبيها غالبًا راح تقرايها حتى كي تكون طاقتك ناقصة🤷♀️، خاطر أصلًا ما عندكش مشكل معاها، تمام؟ بصح الحاجة اللي ثقيلة عليك… إذا خليتيها لآخر النهار وإنتي تكوني عيانة😭، غالبًا راح تبدأ السلسلة تاع: نقراها من بعد نزيد شوية نقراها في الليل… وبينايتنا ياك ، راح تخليها 🥲🥲. ماكش راح تقرايها، مستحيل. أصلًا هي تقيلة عليك، وزيد خليتيها لآخر النهار وين تكوني تعبانة وما بقاتلكش طاقة🥲🤏… يعني بالمنطق، ماكش راح تخدميها.
لهذا من اليوم حاولوا تبدلوا هذي العقلية شوية💡🌝:كي تكون طاقتك مليحة، مَدي الأولوية للحاجة اللي عادةً تهربي منها. 🤍👀 يعني الحاجة اللي عادةً تجيك صعيبة وثقيلة🌝، مَدي لها هي الأولوية باش تنحيها من الطريق كيما نقولوا. ماشي معناها كل يوم لازم تبداي بأصعب مادة وكذا، لا.
الفكرة برك
:ما تخليش الحاجة اللي تحبيها هي اللي تقرر دائمًا وش راح تقراي أولًا، وما تهربيش من الحاجة اللي تجيك صعيبة😭👍. جربيها يومين ثلاثة ⏱️ وشوفي وحدك وش راح يتبدل.
والآن نروحوا للفكرة اللي بعدها. ✨👀
📚 الفكرة الثانية: ما تكثروش المصادرشوفوا... هذي من الحوايج اللي حابة نحاربها معاكم هاذ العام. 😭 ماشي كل ما نلقى أستاذ مليح، نزيده... وماشي كل ما نلقى ملف مليح، نهبطه. خاطر في الأخير... نلقاو رواحنا عندنا 10 مصادر لنفس الدرس، وما قريناهش كامل. اختاري مصدر أساسي تمشي معاه، وخلي الباقي غير كي تحتاجي حاجة ما لقيتيهاش فيه. المهم ماشي شحال عندك مصادر... المهم شحال استفدتي منهم. 🎯🤎
ونروحو لفكرررة اخرى 👀👀🤏
الفكرة الاولى 🌸💡:
to do list. . ما راحش نحسبوا شحال قعدنا نقراو، راح نحسبوا وش درنا. يعني ماشي مهم تقوليلي: «اليوم قريت 7 ساعات، 8 ساعات، 4 ساعات…» ⏱️ المهم: وش درتي في هاذ الساعات؟ وعلى هاذ الأساس راح نمشيو بالـto-do list. وبصراحة والله، هذي من أكثر الحوايج اللي فادتني في أعوام الباك تاعي. 🤎 نشوفوا شحال من مهمة كملنا، والأهم: هل كملناها صح؟ ولا غير فوتناها باش نديرو الـ✓ ونقولو كملناها؟ مثلاً بدل ما تكتبي: ❌ «نقرا رياضيات» ديريها أوضح: ☐ نراجع درس الاشتقاق ☐ نحل 3 تمارين على الاشتقاق ☐ نصحح الأخطاء ونكتب الملاحظات هكذا كي تكملي المهمة، تعرفي فعلًا وش أنجزتي. 🎯 خاطر 3 مهام مكمّلينهم مليح، خير من 10 غير باش نقولو باللي كملناهم. وفي البداية، اللي مازال ما دخلش في الريتم، ما نرموش عليه 15 مهمة. يبدا بـ3 برك. ومن بعد كي يولي مرتاح ويلتزم بيهم، نزيدو شوية بشوية. 🌱 يعني مع الوقت، الـto-do list تاعك تكبر على قد طاقتك، ماشي على قد الحماس تاع أول نهار.
نروووحو لفكرة اخرى 👀🌸
اذن يا حلوين، يا رائعين 🤎
من هنا نبدأو أول سلسلة عندنا ✨ سلسلة أفكار في تنظيم الوقت ⏱️ وطريقة الدراسة 📚
وهذي السلسلة حابة نكملوها قبل ما ندخلو في سلاسل المواد والمواضيع وكذا. علاش؟ 👀 خاطر قبل ما نقولولكم: «اقراو هاذ الدرس، حلّوا هاذ التمرين…»
لازم أصلًا نعرفو كيفاش نقراو، كيفاش ننظمو وقتنا، وكيفاش ندخلو للقراية بطريقة تخدمنا. 📝
يعني كل مرة نجيبو فكرة وحدة، نجربوها مع بعض، ونشوفو واش تعطينا. 💡تخدم؟ نحتافظوا بيها. ما تخدمش؟ نرموها. 🌱 وحبيت نبدأ هاذ العام بهاذ الطريقة بالضبط، باش القناة تكون مفيدة ليكم صح، ماشي غير نعمرها بالمحتوى وخلاص.
يلا…
نبدأو بأول فكرة. 🎀
