𝐁𝐀𝐂𝟐𝟕 𝐰𝐢𝐭𝐡 𝐓𝐚𝐟𝐚𝐰𝐨𝐤 📚

بعض الاساسيات الضرورية🌷🫧

لقد سبق و شاركت معكم اساسيات اللغة الانجليزية ⬆️ مع المصادر

منيش نخلع فيكم 😂 راه مزال عندكم الوقت تقدرو تبداو من تحت زيرو و تفهمو و تدو علامات ممتازة ان شاء الله فقط استمرو 😭

عليها قتلكم الحيل او بليزاستيس معندهم حتا فايدة بلا فهم للغة بحد ذاتها للاسف 🤷💔

كي راني نركزلهم هم على اللغات و الانجليزية خاصتا بما انو معاملها طلع و بقات اللغة الوحيدة للعلميين هادا لمصلحتكم صدقوني خاصة إذا كنت متفهمش كاش مادة و تبقا غير هارب منها حتى تلقا لعام خلص و نت سيجي متعرفش تحلو اوكاي خاصكم تواجهو مخاوفكم و تبداو بيهم هوما لولين مديروش نفس غلطتي مع الفرنسية مقريتهاش لعام كومبلي لاني كنت نخاف منها و معنديش لاباز فيها و زيد كانت مادة ثانوية فهملتها و قلت نحل بليزاستيس و مع لخر مجبتش فيها و هبطتلي لمعدل 😭 ( لكن تركيزي على المواد العلمية انقضني الحمد الله ) 🔻لكن هادا ميعنيش اهمال مكتسبات المواد الاساسية لانو هي أصلا تعتامد بشكل أكبر على برنامج لباك على عكس اللغات

راكم تشوفو بلي نسبة المكتسبات في اللغات اهم من برنامج الباك وحدو ؟ 🙂

🇬🇧 الإنجليزية: 50% مكتسبات — 50% باك 🇫🇷 الفرنسية: 60% مكتسبات — 40% باك 🇮🇹 الإيطالية: 65% مكتسبات — 35% باك 🇩🇪 الألمانية: 65% مكتسبات — 35% باك 🇪🇸 الإسبانية: 65% مكتسبات — 35% باك

و يكذب عليك لي يقولك تجيب علامة ممتازة بليزاستيس صدقوني أكبر كذبة هي ليزاستيس هادو 😂🤦 و ماشي دايمن تصدك و كونك طالب معندوش لاباز و لا ميفهمش الكلمات الاساسية للغة او مصطلحات البرنامج مغديش تجيب علامة ممتازة او حتى جيدة غير مكالاه تكسرت راسك 👍🙂

🔴 علاش لازم تبداو باللغات في الوقت الحالي ( مهما كانت اللغة او الشعبة ) و تفضلهم على المواد العلمية في الصيف🤔؟؟ 1️⃣ - اللغة تحتاج "فهم وتراكم" مش حفظ لحظي: 🔻المواد العلمية تعتمد على الدروس والتطبيقات لي راح تقراها مع الأستاذ خطوة بخطوة في السنة. لكن اللغة تسليمها يعتمد على الأساس والتراكم و الصيف هو الوقت الوحيد لي يخليك تبني هذا الأساس براحتك وبدون ضغط لأن اللغة تحتاج وقت باش توالفها و تفهم منطقها👌 2️⃣ - "دروس المدرسة وحدها ما تكفيش!" : 🔻برنامج اللغات في الثانوية يركز مباشرة على "قواعد الباك" (بزااف قواعد خاصة في الانجليزية و اللغة المميزة لشعبة لغات 🥲) و راح يركزلك على كيفية كتابة فقرة ... الاستاذ يبدأ معاك وكأنك عارف الأساسيات الأستاذ في القسم ما عندوش الوقت الكافي يرجع معاك للور ويشرح لك "كيفاش تصرف فعل" أو "كيفاش تبني جملة صحيح" "كيفاش تفهم النص و الاسئلة "... إذن ضبط الأساسيات في الصيف هو مسؤوليتك الشخصية باش تحمي روحك من الضياع في عام لباك👍 3️⃣ - ربح الوقت للمواد العلمية وسط السنة: 🔻في العام الدراسي المواد العلمية (كالرياضيات، العلوم، الفيزيا و حتى الفلسفة للادبيين ) راح تديلك 80% من وقتك وتركيزك. لو دخلت وأنت ضعيف في الإنجليزية او الفرنسية ، راح تضطر تضيع وقت المواد الاساسية باش تقرى أساسيات مادة ثانوية!؟ بينما لو تهنيت منها في الصيف راح تتفرغ كلياً للمواد الصعبة وسط السنة.🌷 4️⃣ - الإنجليزية "نقطة مضمونة" لازم تستثمر فيها : 🔻اللغة هي مادة متوقعة، سهلة لمن يفهمها و مصطلحاتها محصورة في كل وحدة استغلال 20 يوم في الصيف يضمن لك نقطة ممتازة (15-18) تطلعلك معدلك وتغطي على أي نقص بسيط ممكن يصرالك في المواد الاساسية 😚 💡 ملاحظة مهمة: "المواد العلمية راح تشبعوا منها تطبيقات و تمارين طول السنة مع الأساتذة والدروس الخصوصية، أما اللغة فهي مكمل اساسي لمن يريد المعدل الممتاز و ايضا باش تبدا العام وأنت مرتاح وما عندك حتى نقطة ضعف 😉🫧🩷

📚المواد التي تحتاج إلى مكتسبات قبلية : 🔻الرياضيات 🔻الفيزياء 🔻العلوم 🔻اللغات هدو هوما المواد لي خاصكم تركزو عليهم في الفترة الحالية خاصة اللغات لأنو تعتامد بنسبة كبيرة على المكتسبات 😉👌

تجنبوها🫧👌

كيفاش توفّق بين الليسي + الليكور + اليوتيوب؟ ━━━╮ 🎯 الهدف: تجيب +17 بلا تشتّت ولا تضيع العام! كثرة الأساتذة والمصادر ما تعنيش بالضرورة أنك راح تقرا أكثر… أحيانًا العكس تمامًا! 😵‍💫 الحل هو أن كل مصدر يكون عنده دور محدد 👇 ━━━━━━━━━━━━━━ 👨‍🏫 1️⃣ أستاذ الليسي = الفهم والأساس خليه مسؤول على: 🔹 فهم الأفكار الأساسية للدروس. 🔹 حل تمارين الكتاب المدرسي. 🔹 معرفة طبيعة الأسئلة وكيفاش يطرحها الأستاذ. 🔹 تسجيل الملاحظات المهمة في القسم. 📌 ما تحتاجش تعاود كل شيء من الصفر في مصدر آخر. ━━━━━━━━━━━━━━ 📚 2️⃣ أستاذ الليكور = التمارين والمنهجية خليه مخصص لـ: 🔥 التمارين الشاملة والصعبة. 🔥 المنهجية الدقيقة في الحل. 🔥 الأفكار المتكررة في البكالوريا. 🔥 التدريب على مواضيع الباك. 📌 هنا ركّز أكثر على التطبيق بالقلم والورقة بدل مشاهدة الشرح فقط. ━━━━━━━━━━━━━━ ▶️ 3️⃣ أستاذ اليوتيوب = الإنقاذ السريع 🚑 ما تخليش يوتيوب يصبح مصدر دراسة ثالث كامل! استعمله فقط عندما: ❌ ما فهمتش درسًا أو نقطة معينة. ❌ تحتاج شرحًا مختلفًا لفكرة صعبة. ❌ حاب تراجع بسرعة قبل اختبار أو فرض. 🎯 يوتيوب = حلّ مشكلة، ماشي إعادة السنة كاملة! ━━━━━━━━━━━━━━ 🚫 4️⃣ ما تعاودش نفس الدرس 3 مرات! أكبر غلطة ممكن تديرها: 👨‍🏫 الليسي → تشوف الدرس 📚 الليكور → تعاود نفس الدرس 📱 يوتيوب → تعاود نفس الشرح ❌ هذي تسمى "إنتاجية وهمية". إذا فهمت الدرس بنسبة 70% أو أكثر، حبّس الشرح! 🛑 وخدم الوقت المتبقي في: ✍️ حل التمارين 🧠 استرجاع المعلومات 📄 تطبيقات ومواضيع الباك ━━━━━━━━━━━━━━ 🧠 5️⃣ ثبّت أستاذًا واحدًا في المنهجية إذا كل أستاذ يعطيك طريقة مختلفة: 👨‍🏫 أستاذ الليسي → طريقة 📚 أستاذ الليكور → طريقة أخرى 📱 اليوتيوب → طريقة ثالثة 😵‍💫 راح تتشتت! ✅ الحل: اختار أستاذًا واحدًا تثق في منهجيته، خصوصًا في المواد التي تعتمد على طريقة كتابة الإجابة، واتبع منهجيته باستمرار. أما باقي الأساتذة ➜ خذ منهم الأفكار والتمارين فقط.

🌱موضوع جميل جدا راق لي أن أكتب حوله وهو موضوع الراحة كل الناس تحب الراحة وتترك احلامها وتطوير ذاتها ونفسها فقط من أجل أن تبقى في دائرة الراحة، يعني ما تخمم في أي مشروع جديد لانها تخاف تحدث لها مشكلة او ازمة فالمشروع وبذلك تخرج من دائرة الراحة معظمهم يتبع دراسته فقط ولا ينخرط في اي مجال خارجي فقط لانو يخاف من التخمام في ذلك، يخاف أنو يجيه صعيب.. وغيرها، لكن ذلك هو المطلوب انك تخمم، انك الحاجة تجيك صعيبة لكن حاول حتى تولي تجيك ساهلة، اتحدى كلش، والله شهيد اني راني نهدر فالكلام وننصح فنفسي اولا باش متقولوش هادي الطفلة اذا راهي تدير فيهم ولا تهدر باش تهدر لكن عندي شحال من اللي اخذت العزم أنو خلاص أنا ربي خلقني باش نسعى، نثابر، نشقى، ونحقق اهدافي واحلامي ونبذل جهدي باش نحول الحلم الى هدف ثم نخدم على هذاك الهدف ونردو حقيقة .. ودائما تذكروا أنو الدنيا دار عمل، ابتلاء، مشقة.. وكل واحد يتعامل مع الوضع بملء ارادته يعني كي تكون حاجة صعبة نتا اللي تقرر انها تولي سهلة وتبدع فيها متمدش الخيار لنفسك الكسولة اللي تحب تقعد فإطار الراحة .. ودائما تذكروا أنو الراحة فالجنة إن شاءلله أما الدنيا فهي دار إبتلاءات، مشقة، تعب ..

هذه بعض الصور لدفتر الخاص بتلاميذ bac2027 . يحتوي على 55 صفحة للطلب ✉️ : @adooooooolf

⚠️ تحذير ⚠️ 🔴 بما أن #الجزائر على موعد مع كسوف إستثنائي بنسبة 98.6 قبل مغرب يوم غد الاربعاء : تبع معايا بش تفهم ومتخسرش عينيك .. تخيل معايا بلي كاين فخ خفي في الطبيعة، يقدر يسرقلك البصر تاعك في ثواني والمشكل الأكبر انك راح تخليه يدير هكاك بلا ما تحس بحتى سطر .. في الأيام العادية، مستحيل تقدر تخزر في الشمس مباشرة. وعلاش؟ خطرش عينك ذكية وفيها "سيستام" حماية أوتوماتيكي. غير تحاول تطلع راسك وتشوف فيها، عينك ترفض، تبدا ترمش وحدها، وتزير البؤبؤ باش تحمي روحها وماتخليش الأشعة فوق البنفسجية (UV) اللي تحرق تدخل لداخل .. بصح في وقت الكسوف... الحكاية تتبدل وتولي خطيرة ، علاش ؟ تبع مالا : القمر يجي يغطي الشمس، وهذاك الضو القاوي يطفى وتولي الدنيا شوية مظلمة. المنظر يولي يغري بزاف باش تخزر فيه، وهنا يضرب الفخ! القمر يغطي الضو صح، بصح ما يمنعش الأشعة فوق البنفسجية القاتلة للعين باش تلحق للأرض .. واش يصرى لعينك فهذيك اللحظة؟ عينك تتخدع كلياً! كي تشوف بلي الضو طفى والظلمة طاحت، تقول مع راسها: "خلاص رانا في الأمان"، وما تفعلش سيستام الحماية تاعها. البؤبؤ يبقى مفتوح على وسعو، وانت راك مستمتع وتخزر في الكسوف... بصح في نفس اللحظة، هاذيك الأشعة فوق البنفسجية اللي ما تنشافش راهي تدخل بكثافة وتحرق في خلايا الشبكية تاعك . وبما أنو الشبكية لداخل ما فيهاش أعصاب تحس بالألم، راح تكون تتفرج وعينك راهي تنحرق وتتعمى بلا ما تحس بحتى وخزة. على بيها، الكسوف يتسمى "الخدعة الصامتة" وممنوع منعاً باتاً تخزر فيه بعينك المجردة ! الكسوف راح يكون تقريبا كيما فالصورة، وماتشوفش فيه بلا نظارة، لي معندوش نظارة يقدر يشوف بنظرات تع السودور سمك 14 💯

شحال راك ناوي تجيب معدلك في Bac2027 ?