­­­­­­­­­­­­­­­­­­­­­­­­

وراك يابنتي من الصبح تبكين ترى دموع العين ماهي خفيه تبكين وأبكيتي صغارٍ بريين وأنا بعد دنيتها هاشميه مير البكى والحزن ماهو بها الحين فرقا بنات الناس ماهي قضيه إليا تعدت عشرة أيام تنسين أنتي وهن كلٍ يسليه حيه لاكن إليا حطو على راسي الطين هاك النهار إليا بكيتي عليه ومدام أنا وأنتي على الأرض حيين يا سعد عينك لو بكيتي شويه والله لـ انسيك الزعل لين ترضين وأمهدلك الدنيا فجوجٍ فضيه وأحماك مثل حماية الجفن للعين وكلش فداك إليا بغيتي شريه يفداك ماشافت عيونك من الزين لوان متر الثوب من خمس ميه لواني اسجل على ذمتي دين زودٍ على ما يملكنه يديه

أنا ليه أكثرت للشمس لأهفِت ورا المشراف وهي لاهفِت أول مايقّفي عني ظلالي تبلّتني الأيام والوقت حرجه ضاف ولا عاد تمشي في طريقي ولا فالي تعديت حد العذر واللوام والإنصاف وجحدت الجروح اللي تبيّح خفا حالي على اللي ذبحني بالقطاعة وهو عوّاف وهو خابرٍ إن ماله بقلبي ولا تالي تساقط غلاه بوسط عيني غلا الألاف عقب ما نزل من عيني يساقط غلا الغالي رحل والضلوع العوج من عقبه إعجاف كأنّه خذا صبري وعقلي ورأس مالي أنا لو بغيت أسجّ وأسلا عن الميقاف جبرني عليه اللي يوقّف على بالي

ذبحك الضما وانتِ سحابة وبنت الريح ولا هذا شكلك ولا اللون ذا لونك ملامحك كانت من سكينة ومن تسبيح ومداك أكبر من الضيق والخير بمزونك وش بينك وبين الانتظارات والتجريح اللي كلها خلفك وأمانيك من دونك ما خلقت يدينك للموادع ولا التلويح ولو تستفزك بعض الأشياء على هونك

- سعود الشطيطي

هدوء الليل ونجوم السكون وراحةٌ للناس جعلها الله لبساس للعباد اللي يخافونه ابعيش بهدوء وابتعـد عن كثرة الهوجاس انا لليلي وذاكرتي تخوض بحرب مجنونه اشوف ان في خيالي شيخ مقتول برمح جساس بدا من بعدها حرب البسوس تعم اركونه اقاوم طعن سداته وافاد عيون في فيه انعاس واغني من جماله كل بيت عذب بلحونه انا عذب المشاعر ياجميل ومرهف الاحساس انا اللي راح مني شي صعب انهم يلاقونه واللي من حلاته كل شي فالشعور انحاس يموت ان طاح في صدره ويحيى بنظرة عيونه عرفت ان في حشاي سجون لاكنها بلاحراس عجزت اسجن عجاب راح به من ضحكة سنونه طليق احلامي اللي مالها في خاطري مقياس وفيت انعشت في قلبه وعظيم ان مت من دونه لو تكافح الفرصه ومن كفاحك ذقت مر الكاس اشوف ان كاسه يقوي مناعة من يذوقونه وكاد انك خذيت الدرس عبره تستغل فراس تقدم واطلق حجاجك ترا الارزاق مضمونه

ودعتك الله يا عنود المزاين وداع ما ظني بعده متعافي يا أحب من ورّد على وجهي البين وأعز من ضيّق علي المنافي يا أغلى وجع استشعرته الشرابين وأوجع غلا عشته بخير وعوافي لو كنت أدري بنيتك يوم تقفين عطرت من ريحة لحافك لحافي بها اتذرّى لا غدا البرد بردين ولا عادت أطرافه تدفي أطرافي

وانتي أصدق من رسوم الزمن في وجه عود وأكذب من الشعر لو أعذب الشعر أكذبه إن وقفتي كل الأغصان مالت عود عود وإن مشيتي كل شبرٍ من القاع انتبه وإن رضيتي يقطع السيل مع لبّة نفود وإن زعلتي يزحف الكون لك على ركبه فيك للأبيات غاية وللقيفان مود ينعقد في لساني البيت قدام اكتبه أعشقك وأدرى خطاويك من هرج النقود والطريق الملتوي والكلام المشتبه جعل دارٍ فيه طرياك حنّان الرعود الربيع يفاوله والسحايب تسكبه

يا ذا الجمال العظيم الممتلي بالوقار ‏مخلوقةٍ من تراب أو من سماء مُنزله ‏عن كل غيدٍ تستر خلف ذاك الخمار ‏وعن كل وصف انكتب بأعزوفة المذهله ‏ما بين ربك الكلام ودهشة الانبهار ‏يشوف بيدّك شجاعٍ باللقى مقتله ‏أنتي طموح الحليم ونشوة الانتصار ‏يوم إن غيرك على أدنى حاجه التكمله

‏"لدّي النظر يـ أم العيون اللي نهايتها إحتلال ‏ملامحك لا شافها المخطي يبادر بالعذر ‏أنتي اليقين الراسخ اللي ما يشوبه إحتمال ‏وأنتي الثواب اللي تجلّى لي بعد شدّة صبر "

‏«مدري خطاك أنت ولا الحظ ولا خطاي»

يارب انا عايفٍ نفسي وداخل عليك من وحشة الذنب والحظ العنيد .

اما تشتري ودّي على العسر واللين ‏‌والا تراني بايعك بيعة البور" ‏من أشترانا بالغالي شريناه بثيابنا اللي علينا وإن بعتوا،نبيعكم ونشرب ورا بيعتكم فنجال قهَوة

تمايلتي زعل ولا تثنيتي يا غصن العود

نبذة تعريفية "أنا صدودي ما وراه التفاته / لو انّك تنادي من الصبح .. لـ الليل"

‏ويمر العمر ‏ويبقى مطلبي الوحيد ألا تخيب اختياراتي ‏وألا أفقد السكينة في كل شيء أقصده ‏في المكان وفي الرفقة ‏في البقاء وفي الرحيل ‏في الحركة وفي السكون ‏ألا يمسني فزع ولا شك ولا خيبة ‏وأن تغمر الطمأنينة قلبي وتحفه كشيء يحميه من نوائب الدهر

لاتعطي وعود وحبالك رخا ولا تدقّ الصدر وأفعالك هروج