وَمَا تَوْفِيقِي إِلاَّ بِاللَّهِ 🕊️🤎
Ir al canal en Telegram
أهلاً بكم في قناة وما توفيقي إلا بالله دروس • مواعظ • خواطر إيمانية •نسعى لنصل وبالله التوفيق🌿 قناة (وَمَا تَوْفِيقِي إِلاَّ بِاللَّهِ )واتس: https://whatsapp.com/channel/0029Vb87ZqD2phHGBt2BAT1R ❀ أَمَّـةٌ تَـسْـعَـىٰ ❀💗
Mostrar másEl país no está especificadoLa categoría no está especificada
215
Suscriptores
-124 horas
-47 días
+230 días
Archivo de publicaciones
هنتكلم مع بعض الليلة في قناة الواتس عن العادة السرية بإذن الله اللينك
https://whatsapp.com/channel/0029Vb87ZqD2phHGBt2BAT1R
وهنتكلم مع بعض هنا إن شاء الله عن تنظيم الوقت وتقوية العلاقة مع ربنا وهنكمل كلامنا عن الإرهاق النفسي 📌
دعواتكم لي بالشفاء العاجل لعل دعوة من أحدكم تُصادف ساعة إجابة، فيكتب الله لي بها عافية إن شاء الله والله المستعان❀ أُمَّـةٌ تَـسْـعَـىٰ ❀
فترة صعبة، صح؟ حاسه بيك… 🥺
هي فعلًا صعبة، وكل حاجة جت عليك مرة واحدة، وبقيت حاسس إنك لوحدك، خلاص تعبت ومش قادر تكمل
بس هون عليك يا صديقي… واسأل نفسك ماذا أصابك، أحرمت من الجنة؟!تعالى نعمل Flashback صغير كده… وافتكر إنت عديت بإيه، وافتكر كام مرة قولت مش هقدر، وقدرت! كام مرة الدنيا ضاقت عليك، وربنا وسعها من حيث لا تحتسب إيه مالك نسيت ليه؟! إنت عديت بكل ده، وجاي دلوقتي تقول مش قادر؟ بص لنفسك شوية… شوف إنت فين دلوقتي، وشوف ربنا كرمك ب إيه مش بقولك تتكبر، لأ… بقولك اعرف قد إيه ربنا قواك وسندك
إنت مش ضعيف، إنت عديت بحاجات كتير ولسه واقف فـ اجمد كده يا صديقي، وخد نفس، واستعين بربنا… وكمل إنت بطل إنك عديت كل ده… فمتقفش دلوقتي استمر، واللي جاي بإذن الله أجمل
#رسائل إلي شاب✍❀ أُمَّـةٌ تَـسْـعَـىٰ ❀ 🤎
فترة صعبة، صح؟ حاسه بيك… 🥺
هي فعلًا صعبة، وكل حاجة جت عليك مرة واحدة، وبقيت حاسس إنك لوحدك، خلاص تعبت ومش قادر تكمل
بس هون عليك يا صديقي… واسأل نفسك: ماذا أصابك، أحرمت من الجنة؟!تعالى نعمل Flashback صغير كده… وافتكر إنت عديت بإيه، وافتكر كام مرة قلت: مش هقدر، وقدرت! كام مرة الدنيا ضاقت عليك، وربنا وسعها من حيث لا تحتسب إيه مالك نسيت ليه؟! إنت عديت بكل ده، وجاي دلوقتي تقول مش قادر؟ بص لنفسك شوية… شوف إنت فين دلوقتي، وشوف ربنا كرَمك بإيه. مش بقولك تتكبر، لأ… بقولك اعرف قد إيه ربنا قواك وسندك
إنت مش ضعيف، إنت عديت بحاجات كتير ولسه واقف فـ اجمد كده يا صديقي، وخد نفس، واستعين بربنا… وكملإنت بطل إنك عديت كل ده… فمتقفش دلوقتي استمر، واللي جاي بإذن الله أجمل
#رسائل إلي شاب✍❀ أُمَّـةٌ تَـسْـعَـىٰ ❀ 🤎
موضوعنا القادم بإذن الله عن التعب والإرهاق النفسي
#رسائل إلي شاب✍❀ أُمَّـةٌ تَـسْـعَـىٰ ❀ 🤎
الخيانة بتبدأ منين؟مش دايمًا الخيانة بتبدأ بخطوة كبيرة… ساعات بتبدأ بكلام عادي، اهتمام زيادة، رسالة في السر، أو حاجة صغيرة تقول لنفسك: «دي مش خيانة» وبعدها خطوة تجر خطوة، والحدود اللي كنت شايفها مستحيلة تبدأ تتنازل عنها واحدة واحدة… لحد ما تلاقي نفسك في مكان عمرك ما كنت تتخيل توصله متستهونش بالبداية، لأن الخيانة مش مجرد فعل في لحظة هي اختيارات صغيرة اتجمعت فوق بعض. ولو بتحب حد بجد، متكنش سبب في وجعه ولا تكسر ثقته فيك… الوفاء مش كلام، الوفاء أمانة❤️
« ألم تر أن العلمَ يذكرُ أهلهُ
بكل جميلٍ فيه والعظم ناخرُ
سقى اللهُ أجداثًا أجنَّتْ معاشرا
لهم أبحرٌ من كل علمٍ زواخرُ »
انت تعرف يا صديقي الكذب بيبدأ ب ايه؟
بكذبة صغيرة… أو زي ما كانوا بيضحكوا علينا وإحنا صغيرين ويقولولنا: «دي كذبة بيضا»!
بس الحقيقة إن الكذبة الصغيرة بتجر وراها كذبة، والكذبة تجر كذبة تانية… لحد ما تلاقي نفسك بقيت محترف في الكذب، مش بس على اللي حواليك، لكن وصلت لمرحلة إنك بتكدب على نفسك!
وأخطر حاجة إنك تفضل تبرر لنفسك كل مرة، لحد ما الحقيقة نفسها تبقى تقيلة عليك
فمتستهونش بأول كذبة… لأن اللي بيبدأ بسيط، ممكن يكبر جدًا لو متوقفش والله المستعان
﴿أَلَا بِذِكْرِ اللَّهِ تَطْمَئِنُّ الْقُلُوبُ﴾
•سُبحان الله♡
•الحَمدلله♡
•لا إله إلا الله♡
•الله أكبر♡
•لا حَول و لا قوة إلا بالله♡
•سُبحان الله و بِحمده♡
•سُبحان الله العَظيم♡
•أستغفِرُ الله الْعَظِيم وَأَتُوبُ إِلَيْهِ♡
•لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ♡
•اللٌٰهُم صَلِ وَسَلِم وبآرِك عَلَى نَبِيِّنَا مُحَمَّدٍ♡
•يا مقلِّبَ القلوبِ ثَبِّتْ قلبِي على دينِك♡
الظلم مش بيضيع… حتى لو عدى عليه وقت
ممكن تظلم حد بكلمة، بموقف، باتهام من غير ما تتأكد، أو حتى إنك تاخد حق مش حقك وتفتكر إن الموضوع خلص
بس افتكر إن ربنا قال: ﴿وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ﴾
يمكن المظلوم يسكت، ويمكن مايعرفش ياخد حقه، لكن ده مش معناه إن حقه ضاع
والأصعب إنك تظلم حد كان واثق فيك، أو تكسر قلب شخص مكنش متوقع منك الأذى
فخاف من دعوة المظلوم، وراجع نفسك قبل ما تظلم حد…
لأن حق العباد مش حاجة بسيطة، والعدل عند ربنا لا يضيع والله المستعان يا صحبة 🤍
أحيانًا ربنا بيكشف لنا حقيقة بعض الناس بطريقة توجعنا، بس يمكن الوجع ده يكون رحمة من ربنا وحماية لينا
متزعلش من اللي خذلك، ولا تندم على خير قدمتيه، فالله لا يضيع أجر المحسنين.
سيبيها على ربنا، واطمن إن اللي خرج من حياتك بإرادته، ربنا قادر يعوضك عنه بما هو خير
اللهم اجبر قلوبنا جبرًا يليق بكرمك، وعوضنا خيرًا عما فقدناوالله المستعان 🫡
﴿أَفَرَأَيتُمُ الماءَ الَّذي تَشرَبونَ أَأَنتُم أَنزَلتُموهُ مِنَ المُزنِ أَم نَحنُ المُنزِلونَ لَو نَشاءُ جَعَلناهُ أُجاجًا فَلَولا تَشكُرونَ﴾
