Татар дулкыны

Уфа проекты «Чәк-чәк дискотека» Мәскәүгә килә Бу атнаның шимбәсендә Мәскәүнең «Urban» клубында «Чәк-чәк дискотека» узачак. Дискотеканың махсус кунагы - Башкортстанның халык артисты, Татарстанның атказанган артисты Дамира Сәйетова. Дамира татар дөньясында «Мин эзләдем даладан» хит җыры белән танылган. Оештыручы сүзләре буенча, программада әйлән-бәйлән, әкрен биюләр, бәйгеләр һәм караоке каралган, ә дискотекага кергәндә ишек алдында танышу һәм әкрен биюләргә ачык булган кешеләргә яшел беләзекләр таратылачак. «Чәк-чәк дискотека» проектының авторы - Башкортостаннан татар егете Булат Миндияров. Аның сүзләре буенча «Чәк-чәк дискотека» татар мәдәниятен яшьләр арасында популярлаштыру, дусларча атмосфера тудыру һәм хәмерсез, тәмәкесез ял киңлеге булдыру максатыннан уйлап табылган. «Чәк-чәк дискотека» сәхнәсендә танылган татар һәм башкорт җырчылары чыгыш ясый. Шулай ук Булат Миндияров телеграмда «Татары Уфы» диеп аталган чат оештырган һәм чат кысаларында офлайн сөйләшү клубы да эшли. 〰️〰️〰️〰️〰️〰️ СҮЗЛЕК: 💡әйлән-бәйлән - хоровод 💡беләзек - браслет 💡хәмер - алкоголь 💡тәмәке - сигарета 🤩 Татар дулкыны - татарлар турында татар телендә

12нче-17нче май көннәрендә Татарстан башкаласы халыкара әңгәмә үзәгенә әверелә Казанга 103 илдән кунаклар җыела - Индонезиядән алып Малига кадәр, Төркиядән алып Пакыстанга кадәр. Шәһәр делегацияләрне каршы алды, үзәк урамнарны машиналар өчен япты һәм бар теләүчеләр өчен хәләл-ярминкә белән мода күргәзмәләрен ачты. Оештыручылар быелгы «KazanForum»ны рекордлы Форум дип атыйлар. 103 ил вәкилләре катнашуларын раслаганнар, 10 меңнән артык кеше килүе көтелә. Форум программасында 149 чара каралган. Әмма гади казанлылар өчен иң мөһиме - әлеге форумның аның маршрутларына, буш вакытына һәм яңа әйберләр белән танышу мөмкинлегенә ничек йогынты ясавы. Казан мэриясе транспорт хәрәкәтен чикләүнең төгәл тәртибен сайтында чыгарды. Юл ябулар 11нче май киченнән 16нчы майга кадәр булачак. Иң яхшы киңәш - машинаны өйдә калдырып, метроны сайлау. «Кремль», «Тукай мәйданы», «Сукно бистәсе» станцияләре гадәти режимда эшли. Төп бизнес вакыйга - 15нче майда «Казан Экспо»да үтәчәк пленар утырыш. Тема: «Харитадагы нокталардан үсеш нокталарына: технологик, финанс һәм логистик инициативаларны берләштерү». Быел форум кысаларында тәүге тапкыр ИХО илләренең Милли банклары съезды узачак - 24 дәүләт партнерлык финанславы буенча фикер алышачак. Быелгы яңалык - «Халыкара инвестицион һәм инфраструктур проектлар күргәзмәсе» - ул 13нче-15нче май көннәрендә «Казан Экспо»да үтәчәк. Рәсәй өлкәләреннән 150дән артык әзер проект тәкъдим ителәчәк. Татарстан төбәк инфраструктура проектларын күрсәтәчәк. Моннан тыш, форум кысаларында «Яшь пешекчеләрнең өченче халыкара ярышы» узачак. Катнашучыларга ашамлыклар җыелмасы турнир башлангач кына билгеле булачак. 18 илдән килгән пешекчеләр ризык әзерлиячәк, ә кунаклар аларны бенто-бокс форматында татып карый алачак. Бу ярыш «Казан Экспо»да, 13нче-15нче май көннәрендә үтәчәк. 〰️〰️〰️〰️〰️〰️ СҮЗЛЕК: 💡халыкара әңгәмә үзәге - эпицентр международного диалога 💡әверелү - превращаться 💡вәкил - представитель 💡раслау - подтвердить 💡йогынты ясау - влиять 💡тәртип - расписание, график, режим 💡бистә - слобода 💡утырыш - заседание 💡ИХО (Ислам хезмәттәшлеге оешмасы) - ОИС (Организация исламского сотрудничества) 💡фикер алышу - обсуждать 💡ярыш - турнир 🤩 Татар дулкыны - татарлар турында татар телендә

🔤🔤🔤🔤🔤 🔤🔤🔤🔤🔤🔤🔤🔤🔤 🔤🔤🔤🔤🔤🔤🔤🔤 💬ХМАО һәм ЯНАОда бу ялларда аномаль көчле сыерчык бураны булган. Фотосурәтләрдә ХМАО. 💬Tiktok «Алабуга Политех» көллиятенең рәсми аккаунтын томалаган. 💬Владимир Путин Габдулла Тукайның тууына 150 ел тулуны федераль дәрәҗәдә бәйрәм итү турында фәрман чыгарды. 💬Казанда 7нче июнь көнне VK Fest узачак. Быел анда бер татар җырчысы гына була. Ул Ришат Төхфәтуллин. 〰️〰️〰️〰️〰️〰️ СҮЗЛЕК: 💡көллият - колледж 💡томалау - закрыть, заглушить, заблокировать 💡фәрман - высочайший приказ, указ, мандат 🤩 Татар дулкыны - татарлар турында татар телендә

Быел «Башкорт теленән халыкара диктант» акциясендә 406 536 кеше катнашкан Күптән түгел «Башкорт теленән диктант» акциясе узды. Диктантта өч дәрәҗә иде - башкорт телен башлап өйрәнүчеләр дәрәҗәсе, башкорт телендә иркен сөйләшүчеләр дәрәҗәсе һәм «башкорт теленең төньяк-көнбатыш диалекты» диеп аталган дәрәҗә. Диктантны 406 536 кеше язган. Соңгы ике елда диктант язучылар саны нык арткан. Оештыручылар сүзләре буенча, узган елда катнашучылар саны 405 меңгә җиткән иде, быел исә тагын да күбрәк булган. Диктант язучыларның 386000нән артыгы - Башкортостаннан, 18000нән күбрәге - башка Рәсәй өлкәләреннән, 1600дән артыгы чит илләрдән булган. “Аспекты Башкортстан” проекты мөхәррире Руслан Вәлиев үз тапшыруында бу кадәр кешенең диктантта катнашуына гаҗәпләнгәнен әйтә. «Әгәр бу дөрес булса, бик кызык», ди ул. Шул ук вакытта ул язучыларның зур күпчелеге Башкортостаннан булуын һәм мәктәп укучыларын мәҗбүри яздырган булсалар, моңа аптырарлык берни дә юк, диеп әйтә. Ягъни диктантны башкорт мәктәп балалары гына түгел, ә татар мәктәп балалары да язалар. Нәрсә ул «башкорт теленең төньяк-көнбатыш диалект» дигән дәрәҗә? Белгечләр сүзләре буенча бу диалект ул чынлыкта татар теле. Диктант текстларын сайлаганда Рәсәйдәге «Халыклар бердәмлеге елы», Башкортостандагы «Зур һәм тату гаилә елы» булуын күздә тотып һәм шагыйрь-мәгърифәтче Гали Чокрый тууына 200 ел тулуга багышлап сайланды. 〰️〰️〰️〰️〰️〰️ СҮЗЛЕК: 💡төньяк - север 💡көнбатыш - запад 💡мөхәррир - редактор 💡гаҗәпләнү - удивляться 💡мәҗбүри - обязательный 💡тату - согласный, дружный, мирный #Башкортостан 🤩 Татар дулкыны - татарлар турында татар телендә

Кама «диңгезендә» апрель ахырында көчле шторм булган. Шторм Лаештагы комлыкны, ягъни пляжны, юып бетергән. Лаеш төбәге идарәсе торгызу эшләре инде башланды, ләкин пляж сезоны башлануына өлгермәскә мөмкин, диеп белдерде. 〰️〰️〰️〰️〰️〰️ СҮЗЛЕК: 💡комлык - пляж 🤩 Татар дулкыны - татарлар турында татар телендә

Канадада эшләүче хосусый татар мәктәбе беренче тапкыр үз журналын нәшер итә башлады «Alima Academy» онлайн татар мәктәбе укытучылары «Ялт-Йолт» дип аталган татар балалары өчен журнал чыгарганнар. Ул балалар өчен күңел ачу һәм белем өстәү басмасы. Журналда балалар өчен шигырьләр, башваткычлар, ребуслар, әкиятләр, квестлар, укыр өчен кызыклы әсәрләр, буягычлар бар. Аны чыгаручы- лар - «Alima Academy» онлайн татар мәктәбе укытучылары Диләрә Гарафова һәм Гөлназ Дениз. Журналның беренче саны татар мәгърифәтчесе Каюм Насыйрига багышланган. Әлегә тиражы 50 данә булып басылган, аны «Amazon» платформасыннан алып була, бәясе 30 канада доллары. 〰️〰️〰️〰️〰️〰️ СҮЗЛЕК: 💡хосусый - частный 💡мәгърифәтче - просветитель 💡данә - штука, экземпляр 🤩 Татар дулкыны - татарлар турында татар телендә

Татар дөньясында Җиңү бәйрәме көнендә ниләр булды? 🔹Казанда Бауман урамында «Бу көнне без бөтен көчебезне куеп якынайттык» диеп аталган иммерсив тамаша үтте. Биредә сугыш елларындагы тыл шәһәре тормышын һәм Кызыл Армия сугышчыларының фронт көнкүрешен күрсәттеләр. Шулай ук Бауман урамында сугыш елларындагы күптөрле ату кораллары күргәзмәсе булды: монда Мосин винтовкасыннан башлап Дегтярёв пулемётына кадәр барлык ату кораллары күрсәтелде диярлек. Күргәзмә бигрәк тә кытай студентлары арасында популяр булды. Җиңү көнен биюсез күз алдына китереп булмый - урамда вальс буенча мастер-класс уздырдылар, гармунга биеделәр. 🔹Рөстәм Миңнеханов үзенең телеграм-каналында Җиңү парадында Акбарс исемле малай белән танышуы турында язды. 🔹Уфада Октябрь проспекты, 13 адресы буенча урнашкан бинада СССР Каһарманы Мәгубә Сыртлановага багышланган мурал барлыкка килде. Мәгубә Сыртланова хатын-кызлардан гына торган төнге очучы бомбардировщиклар полкына кергән. Фашистлар алардан курыкканнар һәм «төнге убырлы карчыклар» дип атаганнар. 🔹Пенза шәһәрендә «Җиңү көне» җырына клип төшерделәр, анда 6 милләт вәкиле үз туган телләрендә җырлый: рус, татар, чуаш, мордва, әрмән һәм яһүд телләрендә. 🔹Төмәндә Татар мәдәни үзәгендә Бөек Ватан Сугышының Җиңүнең 81 еллыгына багышланган концерт узды. 🔹Куркынычсызлык булдыру исәбеннәң Мәскәүдә, Уфада һәм Төмәндә Җиңү көнендә салютлар булмады, ә Санкт- Петербургта, Кәтринбурда һәм Казанда салютлар булды. 〰️〰️〰️〰️〰️〰️ СҮЗЛЕК 💡көнкүреш - быт 💡күргәзмә - выставка 💡убырлы карчык - ведьма 💡яһүд - еврей // еврейский 🤩 Татар дулкыны - татарлар турында татар телендә

Чиләбедә һәм Кәтринбурда «Афәрин пати»да Айдар Галимов чыгыш ясыячак Урал шәһәрләрендә башкорт һәм татар дискотекалары өчен кызыклы исем тапканнар - «Афәрин пати». Киләсе «Афәрин пати» Чиләбедә 22нче майдан 23нче майга каршы төндә «OZZ concert club» дигән төнге клубта узачак, Кәтринбурда 23нче майдан 24нче майга каршы төндә «Фабрика Event Hall» дигән күпфункцияле мәйданчыкта узачак. Дискотеканың махсус кунагы легендар татар җырчысы Айдар Галимов. Сүз уңаеннан «Афәрин пати» оешмасы башкорт дискотекалар буларак башлаган иде һәм анда яшь башкорт җырчылары гына чыгыш ясаганнар иде. Соңыннан ул татар-башкорт (яки башкорт-татар) дискотекаларга әйләнде һәм Айдар Галимов анда чыгыш ясыячак беренче татар җырчысы һәм беренче олы яшьтәге җырчы. 〰️〰️〰️〰️〰️〰️ СҮЗЛЕК: 💡Чиләбе - Челябинск 💡Кәтринбур - неофициальное татарское название города Екатеринбург 💡афәрин - молодец 🤩 Татар дулкыны - татарлар турында татар телендә

GAUGA + Ильяс Камал җитәкчелегендә булган оркестр = искиткеч тамаша Gauga яңадан Сәйдәш концертлар залы сәхнәсенә оркестр белән чыга. La Primavera оркестры белән туп-тулы заллар җыйган концертлардан соң тамашачылар сораулары буенча өстәмә концерт. Бу юлы оркестрга тынлы уен кораллары кушыла, димәк драйвлы җырлар тагын да драйвлырак яңгыраячак, ә назлы җырлар тагын да хислерәк яңгыраячак. Gauga ул татар телендә җырлый торган рок төркеме. Жанр брит-поп һәм блюз-рок. Төркемнең солисты Оскар Юнусов тумышы белән Бирск шәһәреннән, хәзер Казанда яши. Төркемнең иң популяр җырлары «Акыллым», «Алсу» һәм «Карлар». Билетларны монда сатып алырга була: https://gauga.timepad.ru/event/3868780/ 〰️〰️〰️〰️〰️〰️ СҮЗЛЕК: 💡җитәкчелек - руководство 💡назлы - нежный 💡хисле - чувственный 🤩 Татар дулкыны - татарлар турында татар телендә

8нче майдан 11нче майга тиклем Уникаль осталык үзәгендә «Ташаяк» этномаркетын оештыралар Аны «Печән базары» фестивале оештыра. Аңарда «албарыс», «Крафтлы чәй», «Остазлар», «Кыпчак», «Сәйлән» «Мәтрүшкә», «Буләкханә», «Татар бизәкләре», «Мадилама», «Тылсым» һәм башка брендлар катнашачак. Ярминкә 10:00 - 21:00 кадәр аскы катта узачак. Оештыручылар кәгазь акча белән килергә киңәш итәләр. 〰️〰️〰️〰️〰️〰️ СҮЗЛЕК: 💡ташаяк - керамика 💡сәйлән - бисер 💡аскы кат - цокольный этаж 🤩 Татар дулкыны - татарлар турында татар телендә

Саранскта дөньякүләм белгечләр җирле халыкларның туган телләрен саклау турында сөйләшәчәк 2026нчы елның 1-3нче июль көннәрендә Саранск шәһәрендә 3нче Халыкара югары дәрәҗәле конференция узачак: «Дөньяның туган телләр хәзинәсе: сакларга һәм кадерләргә. Контекст, сәясәт һәм телләрне саклау практикасы». Конференция тел төрлелеген саклау һәм үстерү мәсьәләләрен тикшерү өчен төп мәйданчык- ларның берсе булачак. Анда халыкара белгечләр, дәүләт органнары вәкилләре, фәнни һәм мәгариф җәмәгатьчелеге, шулай ук мәдәният һәм коммуникация өлкәсендә эшләүче оешмалар катнашачак. Конферециянең төп темалары: 💬Цифрлы чорда телләрнең хәзерге халәте һәм киләчәге; 💬Төрле дәрәҗәләрдә туган телләргә ярдәм итү һәм аларны үстерү сәясәте; 💬Күптеллеккә ярдәм итү институтлары һәм заманча мәсьәләләр; 💬Тел төрлелеген саклап калу өчен ярдәм итүче мәгълүмати технологияләр; 💬Белем бирүдә туган телләрне куллану; 💬Тел берләшмәләрнең һәм тел активистларның мөмкинлекләрен киңәйтү. 〰️〰️〰️〰️〰️〰️ СҮЗЛЕК: 💡хәзинә - сокровищница 💡сәясәт - политика 💡мәсьәлә - проблема 💡мәгариф - образование 💡җәмәгатьчелек - общественность 💡мәдәният - культура 💡берләшмә - сообщество 💡мөмкинлек - возможность 🤩 Татар дулкыны - татарлар турында татар телендә

🔤🔤🔤🔤🔤 🔤🔤🔤🔤🔤🔤🔤🔤🔤🔤 ➡️Рәсәйдә рәсми рәвештә «Чебурнет» барлыкка киләчәк. «Чебурнет» дигән тауар билгесен инде Роспатентта теркиләр. Бренд интернет мәсьәләләре турында сурәтләр белән кием һәм аксессуарлар чыгарырга уйлый. ➡️Аэрофлотта очу вакытында пауэрбанклар белән куллануны тыйдылар. Хәзер бортка гомуми егәрлеге 160 Вт кадәр булган икедән артык җайланма алырга ярамый, алар алдагы утыргыч астында кул йөгендә булырга тиеш. Пауэрбанкларны багажга тапшыру һәм аларны бортта кору тыела. ➡️Рәсәйлеләргә икенче май бәйрәмнәре алдыннан массакүләм тыюлар сәбәпле кәгазъ акча вә төрле операторлар симкаларын әзерләп куярга һәм офлайн хариталарны йөкләп куерга киңәш итәләр. Шулай ук белгечләр чараларга яки поездга билетларга скриншот ясарга, ә машина йөртүчеләргә үзләре белән кәгазь ОСАГО полисын йөртергә кирәк, диеп искәртеп куялар. 〰️〰️〰️〰️〰️〰️ СҮЗЛЕК: 💡теркәү - регистрировать 💡егәрлек - мощность 💡кул йөге - ручная кладь 💡кору - заряжать 💡йокләү - скачать 💡искәртеп кую - предупредить 🤩 Татар дулкыны - татарлар турында татар телендә

Кабан күлендәге фонтан проектларының берсе белән бүлешәсебез килә Видеода масштаблы супер-фонтан проекты. Монда мультимедиа шоуы да, светомузыкаль эффектлар да һәм хәтта ялкынлы тамаша да. Исегезгә төшерәбез - Кабан күлендәге элекке фонтанны насослары искерү сәбәпле 2022нче елның сентябрендә сүткәннәр иде Ничек сезгә бу проект? 〰️〰️〰️〰️〰️〰️ СҮЗЛЕК: 💡хәтта - даже 💡ялкын - огонь 💡тамаша - представление 🤩 Татар дулкыны - татарлар турында татар телендә

Татарча диктант 2026 турында фактлар: ✏️Диктант 24нче, 25нче, 26нчы апрель көннәрендә үтте. ✏️Чара унберенче тапкыр үткәрелде. ✏️Акция максаты - татар телен саклау һәм популярлаштыру, сәвәтлелекне арттыру, татар халкының милли үзенчәлеген ныгыту. ✏️Язу рәвеше: онлайн һәм офлайн. ✏️Диктантта өч төрле авырлык дәрәҗәсен сайлап була. Авырлык дәрәҗәсен сайлаганда оештыручылар Татарстаннан һәм Башкортостаннан катнашучыларга югары дәрәҗәне, башка Рәсәй өлкәләреннән катнашучыларга урта дәрәҗәне, чит илләрдән катнашучыларга башлангыч дәрәҗәне сайларга тәкъдим итәләр. ✏️Бөтендөнья татар конгрессы 2026нчы елны татар дөньясында Габдулла Тукай елы дип игълан итте. Шуңа күрә диктант акциясе дә бөек шагыйребез иҗатына багышланды. Диктант текстлары нәкъ аның әсәрләреннән сайланды. ✏️Диктантны һәркем яза ала һәм диктантны һәркем оештыра ала. Акциянең рәсми сайтында мәйданчыклар харитасын карап була. Әгәр харитада кемнеңдер шәһәрендә мәйданчык юк икән, бу очракта ул үзе оештыручы була ала. ✏️Офлайн рәвештә язган катнашучыларга бүләкләр бирелде - махсус каләм һәм махсус ябышмаклар. Видеода кемне таныдыгыз? 〰️〰️〰️〰️〰️〰️ СҮЗЛЕК: 💡максат - цель 💡сәвәтлелек - грамотность 💡игълан итү - объявить 💡иҗат - творчество 💡әсәр - произведение 💡харита - карта 💡мәйданчык - площадка 💡ябышмак - наклейка 🤩 Татар дулкыны - татарлар турында татар телендә

«Дышать»* дигән автор-башкаручы 1нче май көнне «Әке-бәке» дигән җыр чыгарган. Җырның исеме татар балалар санамышына сылтый. Ягъни әке, бәке сүзләрнең мәгънәсе, тәрҗемәсе юк, рус телендәге эни-бэни // эники-бэники сыман. Трек нигезендә - этник музыкаль коралларда төзелгән заманча бию яңгырашы. Җырны стриминг мәйданчыкларында тыңларга мөмкин. Җыр кушымтасын таңылап аңлавы авыр, ә сүзләр анда шундый: «Әке-бәке, Кыек сәке, эремчек, Син калып тор, Әй энем чык» *Дышать - җырчы Гөлназ Шакированың сәхнә тәхәллүсе 〰️〰️〰️〰️〰️〰️ СҮЗЛЕК: 💡санамыш - считалка 💡сылтау - отсылать 💡мәгънә - значение, содержание, смысл 💡корал - инструмент 💡кушымта - припев 💡тәхәллүс - псевдоним 🤩 Татар дулкыны - татарлар турында татар телендә

26нче апрель көнне Казан кирмәне гавами урыннарында «Мин татарча сөйләшәм» акциясенең гала-концерты узды Концерт оештыручысы «Татфорум» татар яшьләр оешмасы. Концертта яшь татар җырчылары чыгыш ясадылар һәм бер башкорт җырчысы Айдар Исхаков чыгыш ясады. Концертның хедлайнеры Defne дигән җырчы булды. Концертны блогер Ләйлә Лерон һәм юмор остасы Владислав Шунский алып бардылар. Концерт 5 сәгать барды һәм тамашачы җайлылыгы өчен Татфорум алдан ук кайсы җырчы кайсы вакытта чыгыш ясаганны үзенең телеграм каналында белдерде. Күп тамашачы бу бәйрәмгә Татарстан байрагын тотып килгәннәре һәм татар язулары язылган худилар киеп килгәннәре куандыра диеп яза журналист Рәмис Латыйпов. Шулай ук журналист фикере буенча безнең яшь җырчылар арасында башкорт төркеме Ay yola кебек йолдызлар элегә юк. Кемдер чараны хуплый, кемдер тәнкыйтьли. Кемгәдер концерт репертуары артык заманча тоела, салмак җырлар концертта бөтенләй юк, диеп, язалар. Шулай ук кайбер концертның моментларында концертның исеме җисеменә туры килми диеп язучы булды, чөнки кайбер артист тамашачы белән рус телендә сөйләшкән. Татфорум үзе чара турында шулай язды: «Бу көн барыбыз өчен дә чын бәйрәмгә әверелде: җырлар, очрашулар, елмаюлар һәм онытылмас мизгелләр белән тулы булды!» Ә сез бу чарада булдыгызмы? 〰️〰️〰️〰️〰️〰️ СҮЗЛЕК: 💡байрак - флаг 💡салмак - плавный 💡җисем - содержание 💡чара - мероприятие

Әлфинә Әзһәмова Bazzar клубында чыгыш ясыячак 8нче май көнне Казанда Bazzar дигән төнге клубта татарча дискотека узачак. Дискотеканың махсус кунагы Әлфинә Әзһәмова булачак. Әлфинә Әзһәмова - татар эстрадасының иң танылган җырчыларның берсе. Киң мәшһүрлык аңа «Төнге урам» дигән җыр китерде. Шулай ук репертуарында «Онытмаган», «Сиңа багышладым» һәм «Уйнап кына ярат» дигән хитлар бар. Әлфинә Әзһәмова Татарстанда гына түгел, ә Татарстаннан читтә дә зур шәһәрләрдә - Уфада, Екатеринбургта, Төмәндә, Ульяновскта - оештырылган татарча дискотекаларда чыгыш ясый. 〰️〰️〰️〰️〰️〰️ СҮЗЛЕК: 💡махсус - специальный 💡мәшһүр - известный, популярный, знаменитый 💡оештыру - организовывать 🤩 Татар дулкыны - татарлар турында татар телендә

Казанда һөнәрчеләр, казанлылар һәм Казан кунаклары өчен Уникаль осталык үзәге дигән яңа киңлек ачылды Ике ел ярым дәвамында барган яңартудан соң Казанда ЦУМ эшли башлады. Иске аббревиатура белән, ләкин яңа атама һәм тулыландыру белән - хәзер ул Уникаль осталык үзәге. Универмаг 2023нче елның көзендә ябылды, шул вакыттан башлап белгечләр ЦУМ бинасы өчен яңа концепция уйлап таптылар һәм Татарстан һөнәрчеләрен эзләделәр. 29нче апрельдә ниһаять киңлек рәсми рәвештә ачылды. Дистәләгән һөнәрчеләр биредә мастер-класслар үткәрәләр, үз эшләнмәләрен ясыйлар һәм саталар. Шулай ук билгеләп үтәргә кирәк, үзәккә килүчеләрне тукландыру өчен Каз рестораны җаваплы - ул монда 1нче катта урнашкан. Кечкенә тарих - элек ЦУМ популяр сәүдә үзәге иде, ләкин соңгы елларда ул халык өчен кирәкми торган сәүдә үзәгенә әйләнде, шунлыктан бинада яңа проект булдырылды. Хәзер инде ул һөнәрчеләр өчен дә, Казан кешеләре өчен дә, Казан кунаклары өчен дә, туристлар өчен дә бик текә һәм кызыклы киңлеккә әйләнде. 〰️〰️〰️〰️〰️〰️ СҮЗЛЕК: 💡Һөнәрче - ремесленник 💡киңлек - пространство 💡яңарту - обновление, реконструкция 💡дистәләгән - десятки 💡изделие - эшләнмә 💡кирәкми торган - невостребованный