بْرمش

اے سپر سْیاہ شپاں اگاں جُنز اِیت اے سپر کرنے ءَ داں رُژناہ بیت ✍۔ پھد دیدگ https://t.me/Bramsh_baloch

تامر: بلوچستان ھوٹل تامرساچ: حنیف شریف سال: ۲۰۱۰ @takband_qandeel

ما درست انسان اتیں زات ءَ ، مئے رھوت سِست سیاست ءَ مئے میان ءَ دیوال چِست کت مزھب ءَ مارا جتا کت ءُ مال ءُ مڈیاں مئے میان ءَ مزنی ءُ کسانی آؤرت ، چوناھا وَ ما درست انسان اتیں۔ #رجانک https://t.me/Bramsh_baloch

ساھگ ءُ ساچان ءِ گم،تبد ءُلوارانی گم اِنت

ما پروشتگ اَنت ذات ءِ کبس دم برتگیں زندے، ما داتگ نپس ✍۔بردیا https://t.me/Bramsh_baloch

ھَوار بیتگ اَنت شَیھ ءُ ھانُل گُلیں پد ءَ زیمِلاں گوں، دَمال چست بنت ✍۔راشد دیدار https://t.me/Bramsh_baloch

ما درست بلوچیں، مئے راہ ءُ مکسد ءُ لوٹ یک اَنت ءُ بس بلوچستان ءِ آجوئی ءُ بلوچ ءِ آبادی ءُ دیمروی اِنت.اگاں مئے پکر اِے بہ بیت ءُ ما وت ءَ یکے بزانیں. گڑا ھچکس وت ءَ چہ یک ءُ دومی ءَ شرتر ءُ مستر نہ لیک اِیت، روکپت ءِ مردم وت ءَ چہ رودرآتک ءِ مردم ءَ شرتر نہ لیک اِیت ءُ رودرآتک ءِ مردم چہ روکپت ءِ مردم ءَ ، مئے سرجمیں بلوچستان ءُ بلوچ راج ءِ زبان یک دود ءُ ربیدگ یک ءُ راجدپتر یک ءُ درست یکین اِنت چتور بیت کنت یکے شرتر ءُ یکے ھراب تر، بلوچستان یکے بلوچ ھم یکے. ✍۔باسد شوھاز https://t.me/Bramsh_baloch

اِنّا: ھو ءِ چَپ(اُلٹ) اِنت۔ اِنّا من وَ دُزی نہ کُتگ۔ ھو من وانگ ءَ آں۔ راجی زبان بلوچی ءِ ￵تامُرانی ایش اِنت یوٹیوب چینل ءِ لِنک👇🏻 https://youtu.be/QJ8yPteB_mg?si=47x9mEnNtK6uYnOy پیسبوک ءِ لِنک ایش اِنت👇🏻 https://www.facebook.com/share/v/19d5P1ryHn/ وَ، واہ، او ءُ ھو: وَ: انچوشکہ ھِندی ءِ "تو" اِنت👇🏻 ۱- تو وَ اود ءَ ناساڑی ات ئے! (آپ تو اودھر موجود نہیں تھے) ۲- شُما وَ راجی زُبان ءِ بلاھیں جُھدکار اِت(آپ لوگ تو راجی زبان کے بڑے جُھدکار ہیں) واہ: شاباشی گالے👇🏻 ۱- واہ تو سک شریں کارے کُتگ! ۲- واہ تو وتی کار ھلاس کُت! او: (گْوانک گالے) 👇🏻 ۱- او بانُک ءُ واجھاں اد ءَ بْیا اِت۔ ۲- او منی راج ءِ ورناھیں بْرات ءُ گْوھاراں وتی راجی زُبان ءَ بوان اِت۔ ھو: Yes👇🏻 ھو، ما مُدام وتی راجی زُبان ءَ وان ایں۔ اِنّا من انگت ءَ زابُل ءَ نہ شُتگ آں۔ دَرونت(سبق): ہ، ھ ءُ اِت📝📚📕 ھ ءُ ہ: چوناھا اے دوئیں آب یک اَنت۔ اربی، پارسی ءُ بلوچی ءَ "ھ" گالانی بُنگیج ءُ نیام ءَ کارمرز بیت انچوشکہ (ا۔ک):- ھکل، مھر ءُ ھمراہ بلے "ہ" گالانی گُڈسر ءَ کارمرز بیت ا۔ک :- واجہ، ھبکّہ، گُناہ، جاہ ءُ پوہ ءِ وڑیں گال اَنت۔ البت پہ تْرُندیں توارینک ءَ "ھ" گالانی گُڈسر ءَ ھم کارمرز بیت ا۔ک:- ڈیھ، دیھ ءُ گھ۔ اِت: پہ "شُما" ءَ کارمرز بیت۔انچوشکہ رھدربری گالرِد(طریقہ کار جُملے)👇 ۱- شُما رو اِت، شُما نِند اِت۔ ۲- شما زبان دوستیں بلوچ اِت ءُ شُما نوکیں دَرونتے وانگ ءَ ات۔ پہ گْوست برجم ءَ دو "ات ات" نبیسّگ بیت۔ رھدربری گالرِد👇 ۱- شُما تچگ ءَ اَت ات۔ ۲- شُما بانُک شاری ءِ لوگ ءَ روگ ءَ اَت ات۔ اِت: اے "ایت" ءِ گْوست ھم ھست انچوشکہ گّوست سادگی زمانگ ءِ گالرِداں دلگْوش کن ایں۔ سُرگ: سُر ایت(Will move) ءُ سُر اِت(moved) تچگ: تچ ایت ءُ تچ اِت۔ * چار اِت، من مار اِت(I felt) ءُ دْرچک ئِے گُڈ اِت۔ ھست سرجم ءَ ھمے گالرِد اِے داب ءَ نبیسگ بنت انچوشکہ👇 سُرگ: سُر ایت، سُر اِت ءُ سُر اتگ۔ تچگ: تچ ایت، تچ اِت ءُ تچ اِتگ۔ * شما چار اِتگ، من مار اِتگ(I have felt) ءُ دْرچک ئِے گُڈ اِتگ۔ گوما❌ گوں✅ گوں: بُنرھبند ءِ رِد ءَ *"گوں"* ھم چہ نامگال ءُ پنامگالاں پیش ءَ نبیسّگ بیت۔ انچوشکہ * شما من ءَ گوں چے ءَ زھر اِت؟❌ شما منی گوما چے ءَ زھر اِت؟❌ * شما گوں من ءَ چے ءَ زھر اِت؟✅ * تو پہ راجی زُبان ءِ دیمروی ءَ گوں بانُک ھانی ءَ ھمراھداری بکن ئے۔✅ * تو پہ راجی زُبان ءِ دیمروی ءَ بانُک ھانی ءَ گوں ھمراھداری بکن ئے۔❌تو پہ راجی زُبان ءِ دیمروی ءَ بانُک ھانی ءَ گوما ھمراھداری بکن ئے۔❌ چے ءُ چی: اِے دوئیں یک اَنت کہ پہ جُست ءَ کارمرز بنت انچوشکہ رھدربری گالرِد(طریقہ کار جُملے)👇🏻 ۱- بانُک ھانی چے ورگ ءَ اِنت؟ شما گوں من چے ءَ زھر اِت؟ ۲- تو چی ءَ پریشان ئے؟ چہ: From By ءُ Than دلگوش: اِے "چہ" ءِ گال چہ نامگال(Noun) ءُ پنامگال(Pronoun) ءَ پیش ءَ نبیسّگ بیت۔ انچوشکہ رھدربری گالرِد👇🏻 ۱ - تو چہ من ءَ چے ءَ دُور نشتگ ئے؟ ۲- زاناں وھید چہ سے لمبر ءَ بے سوب بیتگ؟ ۳- ما بلوچ چہ دنیا ءِ دِگہ راجاں دلیر ایں۔ دلگوش: اِے وڑ ءَ نبیسّگ رَد اِنت اش۔ * تو من ءَ چہ چے ءَ دُور نشتگ ئے؟❌ * ما بلوچ دنیا ءِ دِگہ راجاں چہ دلیر ایں۔❌ بلوچی وانگ ءُ دربرگ ءِ جُھد ءَ پْروش مہ ور اِت بلکیں بلوچی دَرونت ءُ راجدوستی نبشتانکاں وانان ءَ بلوچی راست نبیسگ ءِ جُھد ءَ برجاہ بِہ دار اِت گُڑا وھد ءِ ھمراھی ءَ وت زبر بَہ اِت۔ https://t.me/Bramsh_baloch

بزانکہ "ایت" مُدام چہ کارگالاں جُتا نبیسّگ بیت۔ انچوشکہ "بیت، بوت ءُ بوتگ یا بیتگ" ھمے وڑ ءَ "ایت" ءَ ھم گْوستے ھست اَنت۔ لھتیں گالرِد دلگوش بہ کن ایں👇 ۱- اِنّا، مرچی ھَور نہ گْوار ایت۔ ۲- پہ دربرگ ءَ وانگ لوٹ ایت۔ ۳- تئی جُھد ستا کرز ایت۔ ھو، آس وَ سوچ ایت! ۴- پاتما سوت گوشدار ایت۔ ۵- دْرچک وَ بے آپ ءَ نہ رُد ایت۔ دلگوش: گُشیت یا گْوشیت❌ لوٹیت❌ وانیت❌ گْوش ایت✅ لوٹ ایت✅ وان ایت✅ دَرونت : اں ءُ آں 📝📚📕 اں: پہ باز ءَ کارمرز بیت انچوشکہ (ا۔ک۔)👇🏻 سنگتاں، دزگْوھاراں، دَرونتاں ءُ نودربراں۔ اگاں گال ءِ ￵گُڈی آب "ا، ی ءُ ￶ے" بیت گُڑا "یاں" نبیسّگ بیت ا۔ک۔ مُلا ءِ باز مُلایاں، شکاری ءِ باز ￵شکاریاں ءُ ￶آبرے(ماھیگ ءِ ￵زاتے) ءِ ￵آبرییاں۔ آں ءُ اَنت ءِ پرک📝📚 مئے راج ءِ بازیں وانِندہ "آں ءُ اَنت" ءِ پرک ءَ نہ زان اَنت۔ بازینے "اَنت" ءِ جاہ ءَ "آں" ءَ نبیسّ ایت۔ ءُ لھتیں نودربر ءُ رَدیں وانِندہ "آں یا ایں" ءِ جاہ ءَ ھم "اَنت یا اِنت" ءَ نبیسّ اَنت۔ بیا اِت، مرچی ما ایشاں دلگوش بہ کن ایں۔ آں ءُ ایں: آں پہ "من" ءَ کارمرز بیت انچوشکہ:- من رو آں، من نِند آں، من بلوچے آں، من دَرونتاں وانگ ءَ آں ءُ من روگ ءَ اِت آں۔ ھمے وڑ ءَ "ایں" پہ "ما" ءَ کارمرز بیت انچوشکہ:- ما بلوچ ایں، ما روگ ءَ ایں۔ انی ما لھتیں گالرِداں وانان ءَ دلگوش کن ایں کہ اِے "آں، ایں ءُ اَنت" ءِ راستیں جاہ کُجام اَنت۔ انچوشکہ من وان آں، ما وان ایں، بلوچی نودربر وان اَنت، ھانی ءُ ماھگُل وان اَنت۔ من چے گْوش آں؟ مردم چے گْوش اَنت؟ دلگوش : کُمکّارگال "اَنت" گوں کارگال ءَ ھوار نبیسّگ رَد اِنت :- تچنت❌ گْوشنت❌رونت❌ ءُ واننت❌ تچ اَنت✅ گْوش اَنت✅ رو اَنت✅ ءُ وان اَنت✅ اِنت ءُ اَنت ءِ دگری ءُ سرپدی اِنت(is): یکی ءِ کُمکّارگال اِنت، ماں ھست زمانگ(Present Tenses) ءَ انگریزی ءِ "Is" ءُ ھندی ءَ "ہے" ءِ مانا دنت۔ اَنت(are): باز ءِ کُمکّارگال اِنت، ماں ھست زمانگ ءَ انگریزی ءِ "are" ءُ ھندی ءَ "ہیں" ءِ مانا دنت۔ رھدربری گالرِد(Examplory Sentences)👇🏻 ۱- ماھگُل نوکیں کتابے وانگ ءَ اِنت، ماھگُل ءُ پاتما وشیں کیکے ورگ ءَ اَنت۔ ۲- لیلہ چے ءَ نادْراہ اِنت؟ شانتُل ءُ ماھگُل راجی زُبان ءِ بلاھیں جُھدکار اَنت۔ ۳- اے کْوھنیں گِس(لوگ) کئی اِنت؟ اِے کْوھنیں گِس بانُک شانتُل ئیگ اِنت۔ ۵- آ دوئیں اُشتر بالاچ ئیگ اَنت۔ آ کَے اِنت؟ آ واجہ پانزُل اِنت۔ ۶- ورگ وارتگ اَنت ئِے ءُ چہ پیشی ئیں زال ءَ ھم زھگے ھست اِنت ئِے۔ گْوست برجمی زمانگ: ۱- دُزے تچگ ءَ اَت، اُشتر کِشار ءَ چرگ ءَ اَت۔ ۲- سے ئیں دُز تچگ ءَ اَت اَنت، اُشتر کِشار ءَ چرگ ءَ اَت اَنت۔ (بزانکہ ماں اِے گالرِداں دُزّ ءُ اُشتر باز اَنت)۔ شُمئیگ، مئیگ، کئییگ ءُ آئیگ:👇 * اِے بُز کئییگ اِنت؟ اے بُز وَ مئیگ اِنت؟ * اِے زھگ کئیگ اَنت؟ اے زھگ واجہ ھمل ئیگ اَنت۔ اے پس بانُک ھانی ئیگ اِنت۔ * اے شُمئیگ اَنت ءُ اِے آئیگ اِنت۔ دلگوش: * من نودربر وانینتگ آں۔ گِند ئے￷ ￴اِے گالرِد بُنرھبند ءِ ￵رِد(ھساب) ءَ رَد اِنت۔ انی شُما ھیران بَہ اِت وھدیکہ گالرِد ءِ گُڈسر ءَ "من" ءِ کُمکارگال "آں" ھم نبشتہ اِنت گُڑا پرچا رَد اِنت؟ بلوچی بُنرھبند ءِ ￵رِد ءَ ￴ایشی ءِ ￵راستیں گالرد اِے وڑ ءَ ￴نبیسگ بیت انچوشکہ👇🏻 * من نودربر وانینتگ اَنت۔ پرچا کہ ٹَوک نودربر ءِ ￵بیگ ءَ ￴اِنت ءُ ￶نودربر ھم باز اَنت۔ اگاں نودربر یکے بیت گُڑا ”من نودربر وانینتگ“ نبیسگ بیت۔ ھمے داب ءَ پہ باز ءَ ￴دِگہ جھلی گالرِداں پہ دروری(مسال ءَ) دلگوش بہ کن اِت کہ شُمارا شریں وڑے ءَ ￴سرپدی بہ رس ایت ا۔ ک۔(انچوشکہ)👇🏻 * ما نودربر وانینتگ اَنت، من نودربر وانینتگ اَنت، تو نودربر وانینتگ اَنت، شُما نودربر وانینتگ اَنت، بانُک ھانی ءَ نودربر وانینتگ اَنت، بانُک ھانی ءُ ￶واجہ الی ءَ نودربر وانینتگ اَنت۔ بزانکہ اے وڑیں گْوست زمانگ ءِ گالرِد ھمے ڈول ءَ نبیسگ بنت۔ ھمے داب ءَ کہ دِگہ درور ایش اَنت ا۔ک👇🏻 * تو وتی دست شُشتگ اَنت، شُما وتی دست شُشتگ اَنت، من وتی دست شُشتگ اَنت، ما وتی دست شُشتگ اَنت ءُ آئی ءَ وتی دست شُشتگ اَنت۔ بے ءُ ￶بِہ: بے: ￵بے گُناہ، بے ھیا، بے وس ءُ بے وپا بِہ: پہ پرمان دیگ ءَ ￴انچوشکہ کنگ ءِ ￵بہ کن، دیگ ءِ ￵بِہ دے، آیگ ءِ ￵بیا ءُ ￶روگ ءِ ￵برو نہ، نا ءُ ناں نہ(کارے ءِ نہ کنگ): من نہ رو آں، تو کار نہ کن ئے ءُ ما ھِندی ءَ نہ وان ایں۔ نا: نااِنساپی، ناساز، ناسرپد، نادْراہ ءُ ناسرجم(نامُکمل) ناں ءُ نَیکہ یا ناں کہ ( Neither ...nor) ۱- بلوچی وانگ ءُ دربرگ ءِ جُھد ءَ ناں دلپْروش بِہ بَہ اِت ءُ ناں کہ وتی جُھد ءَ یل بدے اِت۔ ۲- لھتیں مردم ھست کہ آ ناں وت وان اَنت ءُ نیکہ دِگہ کسے ءَ وانین اَنت۔ https://t.me/Bramsh_baloch

گْوش(Say and Tell) بے اوشت ءِ نشان ءَ : گوش(Ear)، گْورم : جِھیل (Tide or Lake)، بے اوشت ءِ نشان ءَ : گورم(Cattle) دَرد: تورشت(Pain)، دْرد: تْرُندیں ھور (Heavy Rain) ھمے وڑ ءَ اوشت نشان ءِ لھتیں لبزانی دَرور ایش اَنت:- بْرمش، گْوات، گْوارگ، تْرونگل، دْرچک، سْروش، پْراہ، دْراج، پْروش، دْراہ، دْروہ(دھوکہ)، راجدْروہ(غدار)، نادْراہ، شْوانگ۔۔۔۔ دْروت ءُ دْراھی۔ ائین: وھدیکہ یک کارے چہ دِگہ کسے ءَ کنائینگ بہ بیت۔ انچوشکہ ۱- من تئی کار ءَ کنائین آں۔ ۲- ما پہ آئی ءَ گُد ءِ جوڑی یے دوچائین ایں۔ ۳- تو دُژمن ءَ پْروش دیائین ئے۔ ۴- من پہ تو نوکیں لوگے بندائینت۔ ۵- زاناں اِے بزگ کَے ءَ کُشائینتگ؟ راجی زُبان ءِ شریں دَرونت(سبق) ءُ سرپدی 📝📚📕 رنگ گال(یں، ھیں، ئیں): ھما گال کہ یک چیزے ءِ ￵جْواناھی یا ھرابی ءَ ￴پیشدار ایت رنگ گال ئِے￸ گْوش اَنت۔ بلوچی رنگ گال ءِ ￵پجّار "یں ءُ ￶ئیں" اَنت کہ گال ءِ ￵بھر اَنت انچوشکہ یں: سوریں آپ، وشیں ھال، بدیں مردم، دوزواھیں سنگت، تْرُندیں ھور ءُ ￶سارتیں آپ۔ ھیں: وھدیکہ گال ءِ گُڈی آب "ہ" بیت گُڑا پہ رنگ گال ءَ "ھیں" نبیسّگ بیت انچوشکہ👇 پوہ ءِ ￵رنگ گال: پوھیں مات، دوزواہ ءِ ￵رنگ گال: دوزواھیں رھشُون ءُ وتواجہ ءِ ￵رنگ گال: وتواجھیں راج ئیں: وھدے کہ گال ءِ گُڈی آب "ا، و، ی ءُ ے" بیت گُڑا پہ آئی ءِ رنگ گالی ءَ "ئیں" کارمرز بیت :- روژنا ءِ ￵رنگ گال روژنائیں بان(کمرہ)، جُتا ءِ ￵جُتائیں رنگ، دو ءِ ￵دوئیں بْرات، وشبو ءِ￵ وشبوئیں پُل، سی ئیں روچ ءُ سےئیں ماہ ایں: اے "ما" ءِ کُمکّار گال اِنت انچوشکہ (ا۔ک۔) :- ما کَے ایں؟ ما بلوچ ایں، ما وانگ ءَ ایں ءُ ￶ما راجی زبان ءِ ￵جُھدکار ایں۔ البت نہ بیتگیں کاراں اے "ایں" بے "ا“ ءَ یا گْوش ئے ”تیں“ گوں کارگال ءَ ھوار نبیسّگ بیت ا۔ک👇🏻 ۱- آئی ءَ تئی کار بِہ کُتیں، شما ورگ بہ وارتیں، دْریگتیں تو من ءَ ھال بداتیں۔ ۲- شما دْرچک مہ گُڈ اتیں، گْوات ءَ مہ کَش اتیں۔ ۳- تو مہ شُتین ئے ءُ من گوں شما ھوار بیتین آں/ بوتین آں۔ نی ما لھتیں انچیں گالرِد نبیسّ ایں کہ دوئیں رنگال ءُ کُمکّارگال "ایں" ماں یکیں گالرِد ءَ کارمرز بنت ا۔ک۔👇 ۱- ما بلوچ یک مُھکمیں راجے ایں۔ ۲- ما مُساپریں مردم ایں۔ ۳- ما دِیریں مساپر ایں۔ ۴- ما چہ دِیر ءَ آتکگیں شُمئے کْوھنیں سنگت ایں۔ ۵- ما یکمُشتیں راج وت ماں وت مہ مِڑ ایں۔ دَرونت: ے، ءِ، ئے ءُ ئِے 📝📚📕 ے: پہ یکی ءَ کارمرز بیت ا۔ک۔(انچوشکہ): بُزے، روباھے، بادشاھے، دَرونتے، سنگتے ءُ دزگْوھارے وھدیکہ(جب) لبز ءِ گُڈسر ءَ "ا، ی ءُ ے" بئیت گُڑا پہ یکی ءَ دو ٹِکیں"یے" کارمرز بیت ا۔ک :- ناھُدایے، لاشاری یے، نمدی یے ءُ بےیے(یک شرتے)۔ دَروری گالرِد(مسالی جُملے)👇 ۱ - اِے چے یے؟ اِے وَ ماڑی یے(یہ تو ایک عمارت ہے)۔ اود ءَ وَ بلاھیں مُچی یے۔ ۲- تو مری یے ئے ءُ من لاشاری یے آں۔ ءِ: پہ سیادی ءَ کارمرز بیت انچوشکہ👇 شاری ءِ لوگ(بزانکہ لوگ بانُک شاری ئیگ اِنت)، شانتُل ءِ دزگْوھار ءُ راجی زُبان ءِ نودربر گالرد ۱- ھانی ءِ ڈاچی کُج اَنت؟ ھانی ءِ ڈاچیاں ما سھی نہ ایں۔ ۲- ھانی ءِ یک ڈاچی یے گار اِنت۔ ۳- ڈاچی ءِ پاد لنگ اِنت۔ ئے: پہ "تو“ ءَ کارمرز بیت ا۔ک۔ تو رو ئے۔ تو نِند ئے ءُ تو کے ئے؟ تو وَ بلوچے ئے۔ انی ما لھتیں انچیں گالرِد نبیسّ ایں کہ آیانی تہ ءَ ￴"ے، ءِ ءُ ئے￷" ھم ھوار اَنت پمیشکا چہ ایشی ءَ ￴زانگ بیت کہ ایشانی تہ ءَ ￴چے پرک ءُ ￶دِگری ھست اَنت۔ ۱- تو بانُک شاری ءِ نوکیں لوگ ءَ روگ ءَ ئے۔ ۲- تو بانُک شانُتل ءِ دوزواھیں دزگْوھارے ئے۔ ۳- تو راجی زُبان ءِ جُھدکاریں نودربرے ئے۔ ۴- تو دْراجیں نمدی یے وانگ ءَ ات ئے۔ دلگوش: گِند ئے￷ لھتیں مردم سک اشتاپ اَنت، شر سرپد نہ بنت گُڑا پہ سْیادی ءَ ￴ھم دو ٹِکیں “یے” ءَ ￴کارمرز کن اَنت انچوشکہ "ماڑی یے ￵واجہ، ھُدا یے ￵داتگیں رھمت ءُ ￶بَے یے ￵گُناہ" نبیسّ اَنت کہ اِے ڈول ءَ نبیسّگ اش رَد اِنت۔ راستیں ڈول ایش اَنت انچوشکہ ماڑی ءِ ￵واجہ، ھُدا ءِ ￵داتگیں رھمت ءُ ￶بَے ءِ ￵گُناہ ئِے ءُ اش: من ءَ گْوشت ئِے، من گِندان ئِے، من گْوش آن اش، دْرچکے گُڈ اِت ئِے۔ کار ایت ئِے، نیار ایت اش، آپ ئِے وارت ءُ شُت۔ اِے ءِ ایش: تئی نوکیں کتاب ایش اِنت۔ سنگت ایش اَنت ءُ تو ایشاں چے کن ئے؟ * من دَرونتاں وان آں۔ ما دَرونتاں وان ایں۔ شما کُج ءَ روگ ءَ اِت؟ تو کُج ءَ روگ ءَ ئے؟ * گْوات کَش ایت، ھور گْوار ایت۔ دست شُشتگ اَنت ئِے یا دست ئِے شُشتگ اَنت۔ * ھانی وش اِنت۔ شانتل وانگ ءَ اِنت۔ دُز تچگ ءَ اَنت۔ درونت: ایت 📝📚📕 *اِیت:* اِے ایوکی ءُ ￶ھست سادگیں زمانگ ءِ ￵کُمکارگالے انچوشکہ👇🏻 آکل باندا ￶وان ایت۔ (عاقل کل پڑھے گا) آکل ھر روچ وان ایت۔ (عاقل روزانہ پڑھتا ہے) چارگ ءِ "چار ایت، چار اِت ءُ چار اِتگ۔" سُرَگ ءِ "سُر ایت ، سُر ات ءُ سُر اِتگ۔" کندگ ءِ “کند ایت، کند اِت ءُ کند اتگ“ https://t.me/Bramsh_baloch

بلوچی آب ایش اَنت👇🏻 ا(آ)، ب، پ، ت، ٹ، ج، چ، د، ڈ، ر، ڑ، ز، ژ، س، ش، ک، گ، ل، م، ن، و، ھ(ہ)، ء، ی ءُ ے۔ دلگوش بِہ بَہ اِت کہ اِے جھلی دوازدھیں آب بلوچی نہ اَنت پمیشکا باید اِنت ما ایشاں کارمرز مہ کن اِیں👇🏻 "ث، خ، ح، ذ، ص، ض، ع، غ، ط، ظ، ف ءُ ق" ایشاں اَربی آب یا تازی آب گْوش اَنت ءُ ￶ایشانی بلوچی بدل اے وڑ ءَ اَنت کہ مارا دلگوش کنگ لوٹ ایت انچوشکہ دروری(مسال) لبز ایش اَنت👇 ث ءِ س: ساکب، سواب، ھارس ءُ وارس۔ ح ءُ خ ءِ "ھ": مھمد ھان، ھکیم، ھیر بکش، ھالد ھُسین ءُ ھاتر ءُ ھلیل الرھمان ذ ءِ "ز": زاکر، زات ءُ ازاب ع ءِ "ا"، "آ" ، "ھ" ءُ "ء" : نئیم، پئیم، شُئیب، آرپ، اندلیب، آئیشہ، ابدلگپور، ابدلسالہ، اَلی، دوُا ءُ ریایت۔ غ ءِ "گ": لوگ، کوگ، روگ ءُ ورگ۔ ف ءِ "پ": لاپ، پاروک، پیز ءُ آسپ۔ ق ءِ "ک": کاسم ھان، وکار ءُ ابدلکادر ص ءِ "س": سابر، پیسل ءُ سادک ض ءِ "ز": رزا مھمد، زیگم ءُ ریاز ط ءِ "ت": تاھر، ابدلتیپ، اِلتاپ، تارک ءُ توپیل ظ ءِ "ز": منزور ءُ زھور ءُ زُلم۔ ڑ ءُ ڈ: اِے دوئیں آبانی دو جُتائیں توارینک اَنت انچوشکہ;- گُڈ، گُڑ، لڈ، لڑ، ھڈ، اڈ دیگ(تیار کنگ)، اڑءُاڑاند، وڑ، وڈ، گُڑا ءُ لھڑ یک شریں سرپدی یے دے ایں کہ اِے "ڑ" ءِ ￵آب گالانی بُنگیج ءَ ھچبر ￴کارمرز نہ بیت بلکیں گالانی نیام ءُ ￶گُڈسر ءَ ￴کارمرز بیت ءُ ￶"ڈ" ءِ ￵آب گالانی بُنگیج، نیام ءُ ￶گُڈسر ءَ بزانکہ ھر سےئیں جاھاں ￴ھم کارمرز بیت۔ انچوشکہ دوئیں آبانی درور ایش اَنت;- ڈگار، ماڑی، ڈُکال، بانڑی، وڑ ءُ ￶کڈ ء ءُ ہ: لھتیں نبشتہ کار ھمے بُرزی دوئیں آبانی کارمرزی ءَ نہ زان اَنت ءُ ناں کہ ایشانی بابت ءَ وانگ ءُ زانگ ءِ جُھد کن اَنت بلکیں ناسرپدیں مردم وتی ھساب ءَ لبزاں رَد نبیسّ اَنت۔ گِند ئے اے دو جتائیں لبز اَنت پمیشکا باید اِنت وتی راستیں جاھاں کارمرز بہ بنت۔ ء: اے گیشتر گوں "ا، و، ی ءُ ے“ ءِ ھمراھی ءَ کارمرز بیت انچوشکہ "کنگ ءِ کنائینگ، کُشگ ءِ کُشائینگ ءُ دُرائینگ یا موبائل“ ھمے وڑ ءَ رنگ گالی ءَ "جُتائیں راہ، دوئیں سنگت، سکی ئیں بادشاہ ءُ سے ئیں برات۔ ھ ءُ ہ: پارسی، اربی ءُ بلوچی ءَ "ھ" گالانی بُنگیج ءُ نیام ءَ کارمرز بیت انچوشکہ:- ھبکّہ(ھیران)، مھر ءُ ھمراہ بلے "ہ" گالانی گُڈسر ءَ کارمرز بیت ا۔ک :- واجہ، توبہ، جاہ ءُ پوہ البت پہ تْرُندیں توارینک ءَ "ھ" گالانی گُڈسر ءَ ھم کارمرز بیت انچوشکہ:- ڈیھ، دیھ ءُ گھ۔ بلوچی ءِ زگریں گال: باید اِنت ما راجی زُبان ءِ زگریں گالاں بے تام مہ کن ایں بلکیں بلوچی ءِ زگریں گالاں راستیں دْروشم نبشتہ بکن ایں انچوشکہ:- دشمن❌ دُژمن✅ اُمید❌ امیت✅ آسمان❌ آزمان✅بُنیاد❌ بُنیات✅ ءُ روشنائی❌ روژنائی✅ گالرِد: Sentence بزانکہ جُملہ👇 * ما درونتاں وانان ءَ بلوچی راست نبیسگ ءَ دربر ایں۔ اے بُرزی نبشتگیں گالرِد راست ءُ نبشتہ رھبند ءِ ھساب ءَ دُرست اِنت۔ البت جھلی سد در سد رَد اِنت👇 * دربر ایں ما بلوچی راست نبیسگ ءَ درونتاں وانان ءَ❌ انگریزی ءِ درور ایش اِنت انچوشکہ We are playing football.✅ Playing football are we.❌ بزانکہ دِگہ زبانانی وڑ ءَ بلوچی ءَ ھم گال رِد ءِ سر ءَ نبیسگ بنت کہ گالرِد تچک، دُرست ءُ براھدار بہ بنت۔ کُمکّارگال: اِت: اِے گال پہ دیمی بازیں مردماں، بزانکہ پہ "شُما“ ءَ کارمرز بیت انچوشکہ شُما کُج ءَ اِت؟شما وانگ ءَ اِت ءُ شما وش اِت۔ ھمے وڑ ءَ پہ "ما ءَ ایں، تو ءَ ئے، من ءَ آں، یک ءَ اِنت ءُ باز ءَ اَنت“ کارمرز بیت انچوشکہ تو کَے ئے؟ تو بلوچے ئے، شُما بلوچ اِت ءُ شُما وان اِت۔ من بلوچی دَرونتاں وان آں، ما راجدوستیں مردم ایں۔ بالاچ وان ایت۔ کاسم روگ ءَ اِنت۔ ماھگُل ءُ ھانی روگ ءَ اَنت۔ آپ ئِے وارت ءُ شُت۔ دَرونت ئِے یات کُت۔ من روگ ءَ اِت آں، ما وانگ ءَ ات ایں۔ شما تچگ ءَ اِت ات۔ زاناں دُز تچگ ءَ ات اَنت؟ گْوات کَش ایت گُڑا ھور ھم گْوار ایت۔ بُنکارگال: ماھناز مرچی کیت ءُ ماھگُل نئیت، پرمانگال: بالاچ اِد ءَ بئیت ءُ چاکر اود ءَ مئیت چہ ءُ چے یا چی👇 * تو چہ من ءَ چے ءَ دُور نشتگ ئے؟ مارا چہ اِے کار ءَ چے پائدگ رس ایت؟ * تو بلوچی چہ کُج ءَ دربُرتگ؟ دلگوش بہ کن اِت کہ جھلی رَد اَنت۔ * تو من ءَ چہ چے ءَ دُور نشتگ ئے؟❌تو بلوچی کُج ءَ چہ دربُرتگ؟❌ چی ءُ چے یک اَنت👇 * شُما دوشی چے وانگ ءَ ات اِت؟ زاناں زی شما چی کُت؟ * ھانی چے ورگ ءَ اِنت؟ گوں: اے گال بُندر ءَ "گون" اِنت، البت سبکین ئِے "گوں" اِنت انچوشکہ * تئی ند من ءَ گون اِنت ءُ شانتل ءَ زر گون نیست۔ گال "گوں" چہ نامگال ءُ پنامگالاں پیسر نبیسّگ بیت انچوشکہ * من گوں شما زھر آں۔ * اِے راجی زبان ءِ جُھد ءَ ما گوں شُما ھمکوپگ ءُ ھمراھدار ایں دلگوش: اِے وڑ ءَ نبیسّگ ئِے رَد اِنت انچوشکہ * من شما گوں زھر آں❌ * پہ اِے راجی زبان ءِ جُھد ءَ ما شما گوں ھمکوپگ ءُ ھمراھدار ایں۔❌ اوشت ءِ نشان " ْ ": https://t.me/Bramsh_baloch

تو بید ء من ءَ گل ئے باز وشی بوت ایشی ءِ اشکنگ ءَ ، من بید ء ترا زندگاں سک بژن انت من ءَ https://t.me/Bramsh_baloch

ھمیش اِنت دژمن ءِ کسہ گس ءِ دار ءَ برگ لوٹیت اے جنگ کہ کوہ بندات اِنت نوں بازار ءَ برگ لوٹیت ✍۔ارشاد پرواز https://t.me/Bramsh_baloch

ترس ءَ مارا درستاں ھراب کتگ ءُ مئے سر ءَ راجداری کنوکیں مردم مئے ترس ءَ کارمرز کن اَنت ءُ مارا گیشتر زلم ءُ زوراکی ءِ آماچ کن اَنت #رجانک https://t.me/Bramsh_baloch

#مھرنگ بلوچ ❤️ https://t.me/Bramsh_baloch

اگاں یکروچے گُرکے ءَ تئی سر ءَ اُرش کُت! گُڑا میاریگ تو وت ئے! چے ءَ کہ تو چو میش ءَ آئی ءِ دیم ءَ وتی سر جھل کُتگ بوتگ https://t.me/Bramsh_baloch

آجوئی ءِ بزانت اے نہ اِنت کہ ھرچ کارے ءَ تئی دل لوٹ اِیت تو بکن ئے! بلکیں بزانت ئِے ایش اِنت : لاچار نہ ئے ھما کارے ءَ بکن ئے ، که تئی دل ئِے مہ لوٹ اِیت۔ ✍۔ژان_ژاک_روسو #رجانک https://t.me/Bramsh_baloch

تو من ءَ ھزار رَند ءَ پاھو بہ دے سوچ ءُ کبر بکن من مِراں ھاک باں پاد کایاں پدا راستین ءَ گوْش آں ✍۔مبارک کازی https://t.me/Bramsh_baloch