Sakranum

Qur’on Qiroatidagi Xilma-xillik: Yetti Harf Siri va Nabaviy Ruxsat

• Qiroat Turlarining Asosi: Yetti Harf. Qur’onning turli uslub va lahjalarda o‘qilishiga oid eng asosiy hujjat — "Yetti harf" (Sab’atu ahruf) hadisidir. عَنِ ابْنِ عَبَّاسٍ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: أَقْرَأَنِي جِبْرِيلُ عَلَى حَرْفٍ فَلا زِلْتُ أَسْتَزِيدُهُ وَيَزِيدُنِي حَتَّى انْتَهَى إِلَى سَبْعَةِ أَحْرُفٍ Ibn Abbos (r.a.)dan rivoyat qilinadi, Rasululloh (s.a.v.) dedilar: "Jabroil menga Qur’onni bir harf (uslub)da qiroat qildirdi. Men unga murojaat qilib, ziyoda qilishini so‘rayverdim, u menga ziyoda qilib bordi, hattoki yetti harfga yetdi." ©️ Manba: Sahihul Buxoriy, 3210-hadis; Sahihu Muslim, 819-hadis. • Qiroat Ixtilofiga Nabaviy Yondashuv. Hazrati Umar (r.a.) va Hishom ibn Hakim (r.a.) o‘rtasidagi voqea qiroat turlarining barchasi vahiydan ekaniga eng yorqin dalildir. فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: كَذَلِكَ أُنْزِلَتْ، إِنَّ هَذَا الْقُرْآنَ أُنْزِلَ عَلَى سَبْعَةِ أَحْرُفٍ، فَاقْرَءُوا مَا تَيَسَّرَ مِنْهُ Rasululloh (s.a.v.) dedilar: "U (sura) shunday nozil qilingan. Albatta, bu Qur’on yetti harfda nozil bo‘lgandir. Undan o‘zingizga oson bo‘lganini o‘qinglar." ©️ Manba: Sahihul Buxoriy, 4992-hadis; Sahihu Muslim, 818-hadis. • Qiroat - Allohning Marhamati. Payg‘ambarimiz (s.a.v.) ummatlariga qulay bo‘lishi uchun Allohdan qiroat turlarini ko‘paytirishni so‘raganlar. أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: يَا جِبْرِيلُ إِنِّي بُعِثْتُ إِلَى أُمَّةٍ أُمِّيِّينَ: مِنْهُمُ الْعَجُوزُ، وَالشَّيْخُ الْكَبِيرُ، وَالْغُلامُ، وَالْجَارِيَةُ، وَالرَّجُلُ الَّذِي لَمْ يَقْرَأْ كِتَابًا قَطُّ. قَالَ: يَا مُحَمَّدُ، إِنَّ الْقُرْآنَ أُنْزِلَ عَلَى سَبْعَةِ أَحْرُفٍ Nabiy (s.a.v.) dedilar: "Ey Jabroil, men savodsiz (kitob o‘qishni bilmaydigan) ummatga yuborildim. Ularning ichida keksa ayollar, yoshi ulug‘ kishilar, yosh bolalar, cho‘rilar va umrida kitob o‘qimagan erkaklar bor". (Jabroil a.s.) aytdi: "Ey Muhammad, albatta Qur’on yetti harfda nozil qilindi". ©️ Manba: Sunani Termiziy, 2944-hadis. • Qiroatdagi Chegaralar. Qiroat turlari ma’noni o‘zgartirmasligi va ilohiy maqsadga muvofiq bo‘lishi zarur. كُلُّهَا شَافٍ كَافٍ، مَا لَمْ تَخْتِمْ آيَةَ عَذَابٍ بِرَحْمَةٍ، أَوْ آيَةَ رَحْمَةٍ بِعَذَابٍ "Ularning (qiroatlarning) har biri shifo va kifoya qiluvchidir. Basharti azob oyatini rahmat bilan yoki rahmat oyatini azob bilan tugatib qo‘yilmasa bas." ©️ Manba: Musnadi Ahmad, 5/41; Sunani Nasoiy, 2/152.

Hulosa qiladigan boʻlsak.

Ushbu hadislar shuni ko‘rsatadiki, bugungi kunda bizga yetib kelgan o‘nta mashhur qiroat (Qiroati ashara) o‘zboshimchalik emas, balki Rasululloh (s.a.v.)ga Jabroil (a.s.) tomonidan o‘rgatilgan va sahobalar tomonidan omonat bilan yetkazilgan ilohiy xazinadir. Ustoz qorilarning vazifasi, ana shu lahja va uslublardagi go‘zallikni, tajvid qoidalariga muvofiq holda, buzmasdan keyingi avlodga o‘rgatishdir. ✈️Bizni kuzatishda davom eting ! 📎 Yaqinlaringiz bilan ulashib qoʻying. 📱 Instagram  📱 Telegram 📱 YouTube  🌐 Tiktok

🌓 Gunoh avval lazzat beradi…

~Koʻnglingizni masjid kabi qiling! Unga faqat Allohdan qo'rqadigan insonlar kirsin)🥀

Siz menga Alloh tomonidan inʼom etilgan eng goʻzal gulimsiz Ona..!

Tabriklaymiz 👏👏👏

• Adabiyot o‘qisang, muloyimlik ziyoda bo‘lur! • Tarix o‘qisang, ibrat ziyoda bo‘lur! • Qur’on o‘qisang, muloyimlik ham, ibrat ham, ajr ham ziyoda bo‘lur!🌷

​​▫️Қандай қилиб Аллоҳ сени рози қилади? 3 маротаба “Розийту биллаҳи роббан ва бил ислаами дийнан ва бимуҳаммадин соллаллоҳу алайҳи васаллама росула”, дегин. ▫️Қандай қилиб У Зот гуноҳларингни мағфират қилади? 3 маротаба “Астағфируллоҳаллазий лаа илааҳа иллаа ҳувал ҳаййул қоййуму ва атуубу илайҳ”, дегин. ▫️Қандай қилиб 1000 та яхшиликка эришасан ва сендан 1000 та ёмонлик ўчирилади? - 100 маротаба “субҳаналлоҳ” дегин. ▫️Қандай қилиб Раҳмоннинг Арши қадар ҳасанотларга эришса бўлади? “Субҳаналлоҳи ва биҳамдиҳи вазината ъаршиҳи”, дегин. ▫️Қандай қилиб махлуқотларининг ададича, аршнинг оғирлигича ва Аллоҳ нафси рози бўлгунча ажрга эришса бўлади? “Субҳааналлоҳи ва биҳамдиҳи ъадада холқиҳи, ва ризо нафсиҳи, ва зината ъаршиҳи, ва мидада калимаатиҳи”, дегин. ▫️Қандай қилиб ҳар бир муслим ва муслима, мўмин ва мўмина учун ҳасанотларга эришиш мумкин? “Аллоҳуммағфир лилмуслимийна вал муслимат вал муъминийна вал муъминат ал-аҳйа-у минҳум вал-амваат” ни ўқи. ▫️Қандай қилиб Қуръонни тўлиқ ўқиганни ажрига эришса бўлади? 3 маротаба Ихлос сурасини ўқи.

Ассалому алайкум ва  раҳматуллоҳи ва баракатуҳу! «Эй сахар шабодаси каби, тонг вақтининг завқини туйган, у онлардаги илоҳий тажаллийларнинг маъносини сезган кўнгил! Сен кўрганларингдан маст бўлдингми ёки кўрмаганларингданми? Кўрганларингми ёки кўрмаганларингми сени сендан олди?» Янги кун, янги саҳифа демакдир. Саҳифамиз Аллоҳ рози бўладиган, Унга ёқадиган амаллар ила қоралансин. Ҳар бир ишингизда хайр бўлиб, баракасини ҳис этиш насиб этсин. Одилхон қори ЮНУСХОН ўғли

#Fazilat ☪️☪️☪️☪️☪️

Ahli ilmlar o‘rtasidagi ehtirom - oliy fazilat !

Islom tarixiga nazar tashlasak, buyuk imomlarimiz nafaqat o‘zlarining ilmlari, balki bir-birlariga bo‘lgan cheksiz hurmat va ehtiromlari bilan ham islom ummatiga o‘rnak bo‘lishgan. Ular bir-birlarining fazilatlarini e’tirof etishni o‘zlari uchun sharaf deb bilishgan. Bunga buyuk mujtahid olim Imom Shofiiy rahimahullohning zamondoshi Imom Muhammad ibn Hasan ash-Shayboniy (Imom Abu Hanifaning shogirdi) haqida aytgan e’tiroflari yorqin misol bo‘la oladi. Imom Shofiiy u kishining ilmiy darajasi va shaxsiyatini naqadar baland tutganlarini quyidagi so‘zlaridan bilsak bo‘ladi: "Men Muhammad ibn Hasandan bir tuya yuk bo'ladigan darajada ilm (kitob) yozib oldim. Men undan ko'ra aqli nozikroq (o'tkirroq) kishi bilan o'tirmadim. U qalbni ham, ko'zni ham (o'zining go'zal fazilatlari bilan) to'ldiradigan inson edi." (حَمَلْتُ عَنْ مُحَمَّدِ بْنِ الْحَسَنِ وِقْرَ بَعِيرٍ كُتُبًا، وَمَا جَلَسْتُ إِلَى أَحَدٍ أَلْطَفَ عَقْلًا مِنْهُ... كَانَ مِمَّنْ مَلأَ الْقَلْبَ وَالْعَيْنَ) • E’tirof fazilati: Bir olim boshqa bir olimning ilmini ommaga maqtashi va uni tan olishi uning ma’naviy boyligidan dalolat beradi. • O‘zaro muhabbat: Imomlarimiz bir-birlarini shunchaki "hamkasb" emas, balki din yo‘lidagi birodar va ilm xazinabonlari deb bilishgan. • Kamtarlik: Dunyo tan olgan zot bo‘lishiga qaramay, Imom Shofiiy o‘zidan ilm olgan insonlarni ham yuksak ehtirom bilan tilga olganlar. Bugungi kunimizda ham ahli ilmlarimizning bir-birini mana shunday go‘zal tarzda e’zozlashi, bir-birlarining fazilatlarini xalqqa yetkazishi jamiyatimizda o‘zaro mehr-oqibat va ilmiy baraka ko'payishiga sabab bo‘ladi. ©️ Imom Zahabiy, "Siyar a'lamun nubala", 9-juz, 134-sahifa. ✈️Bizni kuzatishda davom eting ! 📎 Yaqinlaringiz bilan ulashib qoʻying. 📱 Instagram  📱 Telegram 📱 YouTube  🌐 Tiktok

#Дуо 📖 Уйқуга боришдан олдин ўқиладиган дуо بِاسْمِكَ اللَّهُمَّ أَحْيَا وَأَمُوتُ 📖Ўқилиши: Бисмикаллоҳумма аҳйа ва амуту. 🔖Маъноси: Эй Раббим, Сенинг исминг билан тириламан ва ўламан.

#oyat #jannat #uy #hidoyat #iymon ЖАННАТ АҲЛИ ЖАННАТДАГИ УЙЛАРИНИ ҚАНДАЙ ТОПАДИЛАР? Аллоҳ таоло айтади: "Уларни (Аллоҳнинг) Ўзи уларга танитган жаннатга киритур" (Муҳаммад сураси, 6-оят). Имом Табарий раҳимаҳуллоҳ: "Жаннат аҳли жаннатдаги уйларини таниб олишади. Ҳатто бир киши жаннатда ўз уйига дунёдаги уйига келгани каби бориб олади", деди.  Ибн Касир раҳматуллоҳи алайҳи: "Яъни, улар жаннатда ўз манзилларини осон топадилар", деди. Имом Қуртубий раҳимаҳуллоҳ: "Бу оят мўминларга берилган улуғ бир муждадир. Чунки дунёда улар сабр қилдилар, иймонларини мустаҳкам тутдилар. Энди жаннатда ўз маконларини Аллоҳнинг ҳидояти билан осонгина топадилар. Бу Аллоҳнинг уларга лутфидир", деди. Аллоҳ таоло мўминлар ва тақводорларни Ўзи уларга тавсифлаб, таърифлаб берган жаннатга киритади. Бу жаннат улар учун аввалдан тайёрланган ва улар унда ўз манзилларини худди дунёдаги уйларини билгандек, осонгина топадилар. ✍️ Устоз Одилхон қори ЮНУСХОН ўғли