قناة خاصة

كلام جميل وهادي ومؤدب و كله إنصاف وعلم. https://youtu.be/rIMOtBmxIvE?si=29I2BEPK7FsMhv4H

قاعد مؤدب -بشتم في في سري- ومستنى واحد ياخد الـ فيرست ستيب وانا فضهره إن شاء الله

عاوزين نبقى نتكلم في موضوع الناس الـ بتنزل اغاني من غير موسيقى دي عشان الموضوع زاد عن حده

عموما طريقة إنك تبعت الكلام بالحب كدا لـ تشات تقوله اعملي برومبت .. دي مش الخطوة الأخيرة المفروض .. لأنه في الغالب بيبالغ جدا في تعميق البرومبت .. وده أحياناً بيكون مضر مش مفيد .. مع الوقت وكثرة رؤيتك للبرومبتات الاحترافية بتاعتة ونتايجها وكتر استخدامك ليها .. بتبدأ بيتكون عندك رؤية في البرومت و هتكون قادر تاخد البرومت ده تهذبه بسرعة عشان يديك النتيجة اللي في دماغك بالظبط.. دي مهارة والنوع ده من المهارات بيقوى بكتر الممارسة، مش بالكورسات..

claude عبقري في موضوع عمل خطة دراسية روح لتشات جي بي تي قوله اعملي برومبت إني عاوز خطة لتعلم كذا بالاعتماد على المحتوى المجاني لـ افضل الجامعات في العالم مع تعويض الفجوات بكتب ومصادر إضافية موثوقة وقسم المنهج ده لـ 8 فصول دراسية وقولي مخرجات التعلم بتاعت كل مادة .. هيديك برمت روح اديله لـ claude وهو هيروق عليك

مهم جدا الكلام ده

أنواع المعلومات |

أهم ما في الفيديو كلامه عن كيفية تعاطي المعلم والطالب دلوقتي مع الحواشي

أجمد من أجمد بيت شعر اتقال في الموضوع ده كفاية لفظة اتْمَعْشَقْ دي

إِيشْ قُلْتُمْ فِي جَدَعٍ لَا عِشِقْ وَلَا اتْمَعْشَقْ .. قَالُوا يَعِيشْ حُمَارْ وَيَمُوتْ حُمَارْ

من أمثال المصريين | . ™

يقولون طالبُ العلمِ لا يجب عليه أن يكون قاسي القلبِ؛ من قال إنه أساساً طالبُ علمٍ إن كان قاسيَ القلب؟ هذا نظرٌ أجنبيٌّ عن الفقه.. https://youtu.be/UyqBPU2ieFk

لا، على إيه بس طريقة التصحيح كانت في غاية الأدب، شكراً جدا جداً على التصحيح وعلى الكتب دي دي أول نقطة تاني نقطة بقى الدكتورة الخيال عندها زاد حبتين وكانت بتسرح بيكم .. المثل زي ما أنا قلته وهو أصلا على وزن: امشي يوم ولا تعدي كوم .. وامشي سنة ولا تخطي قَنا المصدر كتاب الأمثلة المصرية بتاع أحمد تيمور بك باشا (حرف الألف، مثل 532 و 535). كتاب قاموس العادات والتقاليد لأحمد أمين (حرف الباء مش الألف عشان حاطه بلفظة «مشي يوم ولا...»)، ص 349 طبعة هنداوي.. فـ يعني الدكتور غلط وأنا صح .. أنا صح - بصوت أحمد مكي وهو بيقلد حسن شحاته لما خرج ميدو ونزل عمرو زكي وجابله هدف الـتأهل للنهائي ^^-

شعور أول مرة أحس بيه في حياتي .. اللهم الطف بنا ونجنا واغمرنا برحمتك ولا حول ولا قوة لنا إلا بك يا رحيم

ههه أنا بهرز ​شكرا جدا على المعلومة | و لو حضرتك بقى عندك أي وقت فاضي بعدين هكون شاكر لحضرتك جدا لو بعتلي أسماء المواد اللي درستها في الكلية للمادة دي

هو يعني عشان هي دكتورة في الأدب الشعبي و ده تخصصها المباشر يبقى تفسيرها هو الـ صح .. ؟!

من الأمثلة اللي بتدل على شدة حرص المصريين وخوفهم من المخاطرة مثل : امشي سنة ولا تخطي أنا =معناه امشي سنة ولا تعدي من على قناة .. حاجة شبه الـ(مش عارف عاوز مساعدة من أخوتنا الفلاحين) يعني .. | . ™

بوظت الدايت بسبب إن أخويا يوسف العاق لسه قابض.. أول مرة يقبض في حياته .. فالغريزة الذكورية لبعزقة الفلوس في أسرع وقت ممكن اشتغلت عنده .. وعزمني بالعافية على كل حاجة بتتخن في الدنيا

تقييم اليوم (أمبارح يعني) * بوظت الدايت. * نمت 10 ساعات. * مقرأتش حاجة. * مذاكرتش غير حوالي ساعة وشوية. شُف كل الكوارث دي ووالله صحتي النفسية أحسن ألف مرة من اليوم الـ بقعد فيه نص ساعة على فيسبوك.

أنا والراجل الـ اخترع NotebookLM