Ruqiya ilmlari

Сеҳр ва ҳасад орасидаги фарқлар Кўпчилик бу икки ҳолатни аралаштириб юборади. Аслида эса сеҳр ва ҳасад таъсири айрим ўхшаш жиҳатларга эга бўлса-да, уларнинг аломатлари ва инсонга таъсирида аниқ фарқлар бор. Қуйида энг кўп учрайдиган фарқлар содда ва тушунарли тарзда баён қилинди. ⸻ 1. Ҳис-туйғу ва кайфият Сеҳрланган инсон – жуда тез жаҳли чиқади – асабий, тоқатсиз бўлиб қолади – кичик гапга ҳам қаттиқ реакция қилади Ҳасадланган инсон – кўпроқ хафа бўлади – ичида сиқилиб юради – сукут сақлайди, лекин ичидан эзилади ⸻ 2. Ибодатга муносабат Сеҳрланган инсон – умуман ибодат қилолмайди – намозга туриш жуда оғир туюлади – Қуръон ўқишдан қаттиқ қочади Ҳасадланган инсон – ибодат қилади, лекин қийналиб – ялқовлик қилади – баъзан истамай-истамай адо этади ⸻ 3. Уй ва оилага муносабат Сеҳрланган инсон – уйга қайтгиси келмайди – уйда тургиси келмайди – уйга яқинлашганда безовта бўлади – ҳатто бўғилиб кетгандек ҳис қилади Ҳасадланган инсон – аксинча, уйдан чиқгиси келмайди – кўп ётиб қолади – уйдан ташқарига чиқишга ҳаваси бўлмайди ⸻ 4. Уйқу ҳолати Сеҳрланган инсон – кечалари ухлай олмайди – уйқуси бузилган бўлади – кўпинча бедор юради Ҳасадланган инсон – кўп ухлайди – бошини ёстиқдан кўтаргиси келмайди – уйқуси келмаса ҳам ётиб олади ⸻ 5. Қуръонга реакция Сеҳрланган инсон – Қуръон ўқий олмайди – эшитганда безовта бўлади – ўқилганда асабийлашади ёки қочгиси келади Ҳасадланган инсон – Қуръон эшитса уйқуси келади – эснай бошлайди – баъзан дарҳол ухлаб қолади ⸻ 6. Одамлар билан муносабат Сеҳрланган инсон – жамоатдан қочади – одамлар орасида ўтира олмайди – ёлғиз қолишни хоҳлайди Ҳасадланган инсон – жамоатни ёқтирмайди – уйига одам келишига қарши бўлади – ҳатто яқинлари келса ҳам безовта бўлади ⸻ 7. Жисмоний ҳолат Сеҳрланган инсон – бош, юрак, ошқозон ва қорин оғриқлари – томоғида нимадир тиғилиб қолгандек ҳис – иш қилгиси келади, лекин иши юришмайди Ҳасадланган инсон – елкаси оғир бўлиб юради – доим чарчоқ ҳис қилади – ҳеч нарса қилгиси келмайди ⸻ Муҳим эслатма Бу аломатлар 100% ташхис эмас. Лекин кўп ҳолларда руқия амалиётида шу каби фарқлар кузатилади. Инсон шошмаслиги, ҳар бир ҳолатни тўғри баҳолаши ва ўзини кузатиши муҳим. ⸻ Валлоҳу аълам. ✍🏻 саидбек роқий @Ruqiyailmlari

Hurmatli kanalimiz obunachilari, Har kuni ertalab soat 07:00 da o‘qilishi kerak bo‘lgan online ruqiyani hozircha internet tezligi yetarli bo‘lmagani sababli o‘tkaza olmayapmiz. Hozirgacha mobil internet (sim karta) orqali jonli efir qilinar edi, ammo so‘nggi paytlarda uning quvvati yetmay qolmoqda. Shu sababli uyimizga Wi-Fi internet ulash uchun ariza topshirdik. Inshaalloh, 3–5 kun ichida internet ulanadi. Shundan so‘ng online ruqiyalar yana odatdagidek davom etadi. Sizlardan kanalimizni tark etmasligingizni so‘raymiz. @Ruqiyailmlari

Hurmatli obunachilar, Telegram orqali online ruqiya o‘tkazishda muammo yuzaga keldi. Shu sababli ruqiyani Instagram sahifamiz orqali davom ettirmoqdamiz. Quyidagi havola orqali kiring: https://www.instagram.com/ruqiyailmlari?igsh=MWZmN3ZxZjY3MHJ5Nw%3D%3D&utm_source=qr @Ruqiyailmlari

#Руқия❗️ Ҳурматли Каналимиз аъзолари бугун Тошкент вақти билан 21:00да Ушбу Каналимизда Онлайн Руқия ўқилади! Ин шаа Аллоҳ❗️ Онлайн Руқияни эшитадиган беморларга Тавсия: 1~ Руқияни эшитишдан олдин таҳорат олиб 2 ракат нафл намоз ўқинг. 2~ Қўлингизни дуога очиб, Аллоҳдан дардингизга шифо сўраб дуо қилинг. 3~ Руқияни қулоғингизга наушникни тиқиб, баланд овозда кўзларни юмиб эшитинг! 4~ Руқияни эшитишда ҳеч нарсага чалғимай, диққат эътиборингизни бир жойга жамлаб эшитинг. 5~ Ўзига ишонмаганлар, руқия ўқилганда касаллиги қўзғалиб қолса, ёнида ишончли бир киши турсин, мазаси қочганда сув сепиб, сув ичириб турсин! 6~ Кўпроқ қайси оят ўқилган пайт таъсирланганингизни эслаб қолинг ва савол-жавоб пайтида бизга айтинг. Каналимизни ўз яқинларингизга тавсия қилиб, бизни қўллаб-қувватланг! @Ruqiyailmlari

Едирилган сеҳрга қарши кучли муолажа!!! Бу муолажани 7 кун давомида қилинг. Ин шаа Аллоҳ, Аллоҳнинг изни билан сеҳр тўлиқ ботил бўлади ёки анча заифлашади. Агар 7 кун ичида сеҳр ботил бўлмаса, муолажани яна давом эттириш керак бўлади ёки илми кучли шаръий роқийга мурожаат қилган афзалроқ. Беш вақт намозни ўз вақтида адо этиш, ярим кечаси туриб таҳажжуд ўқиш, дуо ва зикрларда маҳкам бўлиш, кучли тақвода бўлиш, мусиқа ва беҳуда нарсалардан бутунлай воз кечиш лозим. Эрталаб туриб 250 грамм зайтун ёғи (ошқозони касал бўлган беморларга тавсия этилмайди) бокалга солинади. Ёғга қуйидаги сура ва оятлар ўқиб дам солинади: 1 марта Фотиҳа сураси, 11 марта Оятул Курси, 11 марта Нисо сураси 56-ояти, 11 марта Аъроф сураси 117-оятдан 122-оятгача, 11 марта Юнус сураси 79-оятдан 82-оятгача, 11 марта Тоҳа сураси 65-оятдан 70-оятгача, 11 марта Соффат сураси 1-оятдан 10-оятгача, 11 марта Буруж сураси 10-ояти, 11 мартадан Кофирун, Ихлос, Фалақ, Нос суралари. Шуларни ўқиб дам солингандан кейин, чап қўл билан буринни маҳкам қисиб туриб, ўнг қўл билан бокалдаги зайтун ёғини “Бисмиллаҳ” деб бир мартада ичиб юборилади. Кейин 3 соат давомида ҳеч нарса ейилмайди ва ичилмайди. 3 соатдан сўнг ич кетиши ёки қаттиқ кўнгил айниб қусиш кузатилиши мумкин. Агар шу икки ҳолатдан бири кузатилса, сеҳр ботил бўлаётгани аломати бўлади. Агар кузатилмаса, бу муолажани шу ҳолатлардан бири кузатилгунча давом эттириш мумкин. Валлоҳу аълам. ©️ Шаръий роқий Саидбек @Ruqiyailmlari

بسم الله الرحمن الرحيم    |    Онлайн Руқия Онлайн руқиядан олдин қилиши зарур бўлган шартлар: 1⃣ Руқияни наушникда ва овозини баланд қилган ҳолатда эшитинг (вакум наушник бўлса унданда афзал). 2⃣ Сеҳр қилинган ва жин билан чалинган беморлар эшитаётган пайт ҳушидан кетиб, жини жасадни бошқаради, шунинг учун куйдирадиган ва жароҳатлайдиган нарсалардан узоқроқ бўлсин. 3⃣ Руқияни ўтирган ҳолатда эшитсин, ётгиси келса ҳам ётмасин (фақатгина кўп ўтириши мумкин бўлмаган касаллиги бўлса ётиб олса майли). 4⃣ Сеҳр қилинган ва жин билан чалинган беморлар туриб, юриб ёки машина ҳайдаётиб эштиши қатъиян ман қилинади. 5⃣ Соғломман деган одам эшитаётган бўлса ва шу ҳолатда кўнгли айниса, боши айланса ёки оғриб кетса, ёки умуман ғалати ҳолат юз бераётганини сезган заҳоти руқияни ўчириб бемалол бўлганида эшитсин. 6⃣ Эфир пайтида гапириш, савол сўраш қатъиян ман қилинади. Фақатгина савол беришга рухсат берилса, савол сўралсин. 7⃣  Эркак ва аёллар бир бири билан ёзишиши ҲАРОМ. Кимки аёлларга ёзаётган бўлса бизга хабар берсин, дарҳол уни гуруҳдан чиқариб юборамиз. Қилинишлиги афзал бўлган тавсиялар: 1⃣ Таҳоратдан сўнг икки ракъат нафл намоз ўқиш суннат. Шунинг учун руқиядан олдин шу амалларни қилиб туриш тавсия қилинади. 2⃣ Аёл киши бўлса рўмолини ўраб, намоз ўқийдиган ҳолатда бўлиши тавсия қилинади. Ҳайз ҳолатида эшитишни зарари йўқ. 3⃣ Ёнида кимдур ўтириб, кузатиб туришини тавсия қилинади. 4⃣ Руқия эшитаётган пайт оятлар беморларга ҳар хил таъсир қилади, шунинг учун таъсир қилган оятларни иккита сўзини бўлса ҳам эслаб қолиб, уни ёзиб қўйсин, кейин бизга айтсин. 5⃣ Эрталабки зикрларни қилиб ва баданига зайтун суртган ҳолатда бўлиши тавсия қилинади. @Ruqiyailmlari

#долзарб МУШКУЛ КУШОД Мушкулкушод икки сўздан: мушкул – қийинчилик, кушод – енгиллатувчи, яъни “қийинчиликларни бартараф этувчи” дегани. Халқ ўртасида тарқаган гапларга қараганда, Мушкулкушод Баҳовуддин Нақшбанднинг авлиё холасининг лақаби бўлган. Шу сабабли бўлса керак, бу маросимни одатда аёллар ўтказишади. Мушкулкушод ҳақида Маҳмуд Саттор ўзининг “Ўзбек удумлари” номли китобида шундай дейди: “Биби Мушкулкушод ва Биби Сешанбалар эса мусулмон хотин-қизлар тасаввурида кишиларнинг мушкулини осон қиладиган, авлиё хотинлар саналган. Қадимдан отинойилар, “кўзи очиқ” аёллар мушкулкушод маросими ўтказганлар. Бошига мушкул тушган аёл (оилада бирор фалокат, беморлик бўлса) маҳалланинг отинойисига иккита иссиқ нон, икки ҳовуч қора майиз, иккита пилта (пахта) чироқ, бир танга келтириб, шу оила ҳимоясига Биби Мушкулкушоддан мадад сўраб, тиловат ўқиттирилган. Бу маросим ҳар чоршанба куни ўтказилган. Чунки афсонага кўра Ҳазрат Баҳовуддин Нақшбанднинг холалари ўроғини йўқотган ўтинчига ёрдам бериб, ҳар чоршанба кунлари бу илоҳий аёлни эслаб, ис-чироқ қилиши лозимлигини тайинлаган. Шундан буён Биби Мушкулкушод руҳига бағишланган маросим фақат чоршанба кунлари ўтказилиб келинган” (Чўлпон нашриёти, Тошкент 2007, 167-бет). Демак, мушкулкушод – бошига мушкул иш тушган аёллар йиғилиб, ўтган авлиёдан мадад сўрайдиган маросим экан. Маълумки, Аллоҳдан бошқадан мадад сўраш ширкдир. Бу ҳақда Аллоҳ таоло: “Аллоҳни қўйиб, сизга фойда ҳам, зарар ҳам етказа олмайдиган нарсаларга илтижо қилманг” – деган. Расулуллоҳ соллаллоҳу алайҳи ва саллам: “Агар ёрдам сўрасанг фақат Аллоҳдан сўра” – деганлар. Шунга биноан, мушкулкушод маросими ширк бўлиб, бу каби маросимларни ўтказиш ёки унда иштирок этиш ҳаром, бу ишни қилган киши диндан чиқиб қолиши мумкин, валлоҳу аълам. ✍🏻 Муҳаммад Ҳабибуллоҳ @Ruqiyailmlari

КАНАЛИМИЗ МАҚСАДИ Сеҳрнинг қай даражада хатарли ва зарарли эканини билдириш ва уни очиб бериш ислом уламолари зиммасида турган вожиб амалдир. Шунингдек, сеҳр теккан инсонлар, ундан халос бўлиш ниятида фожир сеҳргарлар даргоҳига нажот истаб бормасликлари учун сеҳрнинг асл маъносини билдириш ва ундан огоҳ етиш, фолбин ва сеҳргарларнинг кирдикорларини очиб бериш муҳим ишлар сирасига киради. Шояд инсонлар иймон қалъасини вайрон қилиб, ибодатларини зое кетқазувчи иймонсиз фолбин ва сеҳргарларга эҳтиёж сезмасалар. Кўп касалликларнинг ортида жин ва шайтонлар туради. Уларнинг йўлларини тўсиш учун уларнинг оламини ўрганишимиз керак, шундай қилиб мазкур каналимиз орқали жинлар олами ҳақида Қуръон ва ҳадисларда келган хабарлар, сеҳрнинг барча турлари ва уларни шариатга муофиқ муолажалари ҳақида маълумотлар бериб борамиз. Сеҳр касалига йўлиққан, жин ва кўз тегиши билан боғлиқ муаммолари бор мўмин-мусулмонларга иймон-эътиқод тақозосига кўра ўзларини ўзлари даволаш йўлларини ўрганиб борадилар. Қолаверса руқияга тааллуқли саволларга онлайн жавоблар бериб борамиз. Сизларга кичик илтимосимиз бизларга келаётган ҳатларнинг кўплиги сабаб саволларингизни қисқа ва лўнда қилинг. Узундан-узун саволларга жавоб бера олмасак бизни мазур тутинг @Ruqiyailmlari

Hurmatli foydalanuvchilar, Instagram sahifamizga joylangan “online ruqiya har kuni ertalab soat 07:00 da Telegram kanalimizda o‘qiladi” mavzusidagi videodan so‘ng ko‘plab savollar kelib tushmoqda. Eng ko‘p berilayotgan savol: ertalab kanalda o‘qiladigan bepul online ruqiya bilan kechqurun WhatsApp orqali yopiq guruhda o‘qiladigan ruqiyaning farqi bormi? Javob: Ha, ular orasida 3 ta muhim farq bor. 1. Davomiyligi va ishtirokchilar: • Telegram kanalidagi bepul ruqiya hamma uchun ochiq bo‘lib, taxminan 50 daqiqa davom etadi. • Yopiq guruhdagi ruqiya esa 2 soat davom etadi va faqat 32 kishi uchun mo‘ljallangan. 2. Ruqiya mazmuni: • Ikkala ruqiyada ham umumiy ruqiya oyatlari o‘qiladi: sehrni yechish va jinlarni kuydirishga qaratilgan oyatlar. 3. Muloqot va savol-javob: • Bepul ruqiyada savol-javob bo‘lmaydi. • Yopiq guruhda esa bemorlar domladan to‘g‘ridan-to‘g‘ri o‘z savollariga javob olishlari mumkin. Shu jihatlar bilan ikki ruqiya o‘rtasida farq mavjud. @Ruqiyailmlari

Бир синглимиз фолбин сабаб бошларига тушган муаммони айтиб бердилар. Қисқа қилиб айтганда, оилада ўзаро муаммо келиб чиқади. Турмуш ўртоқлари ва  уйидагилари: "бизни ўқитиб ташлашяпти. Зўр домла бор", деб фолбиннинг олдига боришади. Улар фолбин ҳузурига боришганда турмуш ўртоқлари  "Аёлим билан ажрашяпман, сеҳр қилинганман" деган гумонлари борлигини айтадилар. Бадбахт фолбин ҳам эрда сеҳр борлигини, қолаверса, уйининг ҳам бир неча жойида сеҳр борлигини ва бу сеҳрларни унинг аёли ўлим учун қилганини айтади. Табиийки ўша сеҳрларни топиб беришини ҳам қўшимча қилади. Фолбинларнинг яна бир аёрликларидан баъзилари "маълум ҳақ берасан" дейишмайди. Лекин битта сеҳр топиб беради, кетидан яна топиб беради, кетидан яна топиб беради. Хуллас шунчалик кўп сеҳрлар топиб беради ўзингиз қанақа қилиб рози бўлиб пул бериб қўйганингизни билмай қоласиз.  Фолбинни уйга олиб боришади. У баландроқ бир жойдан бир неча сеҳрларни топиб беради. Шундан сўнг эр ҳам, эркакнинг оила аъзолари ҳам аёлга тескари бўлиб, ажрашиш ҳаракатига тушишади. "Иккинчи томонни ҳам эшитиш керак. Балки, ростдан ҳам сеҳр қилгандир", деб айтишингиз мумкин. Лекин¸ бу вазиятда иккинчи томонни эшитадиган нарсанинг ўзи йўқ-да. Агар роқий ўқиб: "Сизда сеҳр бор", деб айтганда ҳам бошқа гап эди. Қолаверса биз оилавий масалани эмас айнан сеҳр предметига боғлиқ бўлган масалани ёзяпмиз. Бу воқеада иккинчи тарафни эшитишга ҳожат ҳам йўқ. Шуни билингки, ҳақиқий  шаръий роқий ҳеч қачон аниқ далилсиз сеҳрни ким қилганини била олмайди. Уйда сеҳр борлигини, сеҳрнинг жойини ҳам айтиб бера олмайди. Бу ишни фақат шайтонлар билан ишлайдиган фолбину, сеҳргарлар қилади. Шунингдек, бу оила мурожаат қилган киши юз фоиз фолбин ва сеҳргардир. Шайтонларнинг мақсади нима? Шайтонларнинг мақсади инсонларга зарар беришдир. Иблис томонидан: "Энг катта ишни қилдинг", деб мақтов эшитган шайтон нима қилган эди?  Бир оилани ажратиб юборган эди. Бу вазиятда ҳам ўша фолбиннинг шайтонлари шундай имкониятдан фойдаланиб қолишган. Эр ўз оёғи билан келган. У ёғи эса қийин бўлмаган. Ўша хонадонга сеҳрни ўзлари ташлаб қўйишган ёки  боришганида ўша инсонларнинг кўзига уни гипноз йўли билан кўрсатиб беришган. Ҳар қандай ақли- хуши жойида бўлган инсон ўйлаши керак-да. Бу масалани тушуниш учун диний илм ҳам керак эмас. Фараз қилинг, бир одамнинг олдига келяпсиз. У сизга: "Сени хотининг сеҳр қилган" деяпти. У бу нарсани қаердан билади?  Ахир, ғайбни ҳеч ким билмайди-ку. Наҳотки, шуни билишмайди?  Ундан ҳам баттари "Уйда сеҳр предметлари бор" деб, қаердалигини ҳам топиб беряпти. Наҳотки, шундан сўнг ҳам ўйлашмаган?  Ҳаттоки, пайғамбаримиз алайҳиссалом ҳам ўзларига сеҳр қилинганда, сеҳр қаердалигини токи Аллоҳ таоло фаришталар орқали билдирмагунича билмаганлар. Наҳот Пайғамбар алайҳиссалом била олмаган нарсаларни бир фолбин била олса?  Эй инсонлар, тафаккур қилинг. Агар тафаккур қила олмасангиз, илм аҳлларидан сўранг. Масжидга чиқиб сўранг. Одамлар айтган ҳар бир инсон домла бўлавермайди. Ўз жуфти-ҳалолингизга ишонмай, шайтонларга қул бўлган инсонга ишониб, оилангизни бузиб юбораверманг. Инсонларга озор берманг. © Равшанбек роқий @Ruqiyailmlari

СЕҲРГАРНИ ТУТИШДА БЎЛИБ ЎТГАН ВОҚЕА Саудия Арабистони, Риёз шаҳридаги "Сеҳргарларга қарши курашиш" маркази раҳбари Шайх Одил ибн Тоҳир сеҳргарни тутиш асносида содир бўлган воқеани айтиб беради: "Бир кун бизга жуда кучли сеҳргар ҳақида маълумот келиб тушди. Маълумотни текшириб, ходимамиз буюртма бериш баҳонасида сеҳргар билан телефон орқали мулоқот қилди ва қачон ва қаерга боришни келишиб олди. Табиийки сеҳргар сеҳр қилиниши керак бўлган одамнинг шахсий буюмларини олиб келишни ва каттагина пулни айтди. Келишилган вақт келганда биз ходимлар билан ўша ерга бордик. Сеҳргарни ушлашга борганда у биздан қочиб кетаётганига гувоҳ бўлдик. Ортидан қувдик, етиб олдик ва сеҳргар иккаламиз ўртамизда жуда қаттиқ кураш кетди. Лекин, бир пайт кўзимни олди бирдан қоронғилашиб кетди ва ўзимни йўқотиб қўяр даражага келдим. Кўзимни очсам сеҳргарни кўйлаги қўлимда турибти, ўзи эса қочиб кетган эди. Хуллас, ишимиз ўнгидан келмай орқага қайтдик. Мен эса нимани нотўғри қилганимни, нимага сеҳргар биздан устун келганини ўйлардим. Ўйлаб ўйлаб, уйдан чиқишда Россуллоҳ алайҳиссаломнинг уйдан чиқишда ўқиладиган дуоларини ўқимаганим эсимга тушди ва шу сабаб бўлса керак деган фикрга келдим. Оз вақт ўтгандан сўнг ҳалиги сеҳргар қаердалиги яна маълум бўлди. Уни ушлашга чиқадиганларнинг ҳаммаси билан уйдан чиқишда  суннатда келган дуони ўқиб чиқишга келишиб олдик. Операция муваффақиятли чиқди ва биз сеҳргарни ҳеч қандай муаммосиз ушладик. Сеҳргар билан савол жавоб вақтида тинмай "мени қандай ушладиларинг, бу мумкин эмас эди, менга жинларим хабар бериши керак эди" деб қайтарар эди. Мен эса "бунга учта сабаб бор, ва учтасидан бири сабаб биз сени ушладик деб ўйлайман дедим". "Қандай сабаблар" деди. Мен эса:  "биринчиси сен шайтонларинга етарли даражада ибодат қилмайсан, шунга улар сенга ёрдам беришмаган дедим". У: "йўқ, бундай эмас. Мен уларга етарли даражада ибодат қиламан" деди. Иккинчиси эса: "сен жуда кўп одамларга зулм қилгансан, қанчадан қанча оилаларни хароб қилгансан, мазлумлар эса сени тинмай дуойи бад қилишган " дедим. "Бу бўлиши мумкин, учинчиси қанақа" деди. "Учинчиси эса, биз сени ушлашга кетаётганда ҳаммамиз уйдан чиқиш дуосини ўқиб чиқишга келишиб олган эдик, шу сабаб шайтонларинг бизни кўрмаган" дедим. У: "мени қўлга тушишимга асосий сабаб мана шу бўлса керак" деди. Биз жиддий қабул қилмайдиган, аксаримиз билмайдиган дуони фазилатини ўзингиз билиб олаверинг. Уйдан чиқиш дуоси: بِسْمِ اللَّهِ، تَوَكَّلْتُ عَلَى اللَّهِ، وَلَا حَوْلَ وَلَا قُوَّةَ إِلاَّ بِاللَّهِ Анас розияллоҳу анҳудан ривоят қилинади: «Киши уйидан чиқаётганда «Бисмиллаҳи, таваккалту алаллоҳи, ва лаа ҳавла ва лаа қуввата илла биллаҳи» деса, ўша пайтда унга «ҳидоят қилиндинг, кифоя қилиндинг ва сақландинг», дейилади. Шайтон ундан четланади. Бошқа бир шайтон ҳидоят қилинган, кифоя қилинган ва сақланган одамга: «Ҳолинг қандай?» дейди». «Сунан» эгалари ривоят қилишган. @Ruqiyailmlari

Tafriq sehri haqida tushuncha Tafriq sehri — insonlar o‘rtasini, ayniqsa er-xotinni bir-biridan sovutish, muhabbatni yo‘qotish va oxir-oqibat ajratish maqsadida qilinadigan sehr turi hisoblanadi. Bu sehrning taʼsiri ko‘proq qalb va his-tuyg‘ularga qaratilgan bo‘ladi. Yaʼni insonning aqli joyida bo‘ladi, lekin qalbida tushunarsiz o‘zgarishlar yuz beradi. Qurʼoni karimda bu haqda ochiq ogohlantirish bor: “…ular er bilan xotin o‘rtasini ajratib yuborishni o‘rganardilar…” (Baqara surasi, 102-oyat) Bu oyatdan maʼlum bo‘ladiki, insonlar o‘rtasini buzishga qaratilgan sehr turi bor. Lekin shu oyatning davomida yana bir muhim haqiqat bayon qilingan: “…ular Allohning iznisiz hech kimga zarar bera olmaydilar…” (Baqara surasi, 102-oyat) Yaʼni sehr mavjud, ammo u mustaqil kuch emas. Hech bir sehr Allohning irodasisiz taʼsir qila olmaydi. Bu esa mo‘min inson uchun eng katta tasalli va ishonchdir. ⸻ Tafriq sehrining taʼsiri qanday bo‘lishi mumkin? Bu sehr odatda insonning ichki holatiga taʼsir qiladi. Shuning uchun quyidagi holatlar kuzatilishi mumkin: • juftiga nisbatan sababsiz sovuqlik paydo bo‘lishi • ilgari yaxshi ko‘rgan insondan bezib qolish • kichik gaplar katta janjalga aylanishi • bir-birini ko‘rgisi kelmaslik • uyda o‘zini noqulay his qilish • “ajrashsam qutulaman” degan fikrlarning ko‘payishi Eng qiyin tomoni — inson bu holatni o‘zi ham tushunmaydi. Kecha yaxshi bo‘lgan munosabat, birdaniga o‘zgarib ketgandek tuyuladi. ⸻ Shoshqaloq qaror chiqarmaslik kerak Bu juda muhim masala. Ayniqsa oilaviy hayotda. Ko‘pchilik insonlar shunday holatlarda: • darhol ajrashishni o‘ylaydi • hissiyotga berilib qaror qabul qiladi • keyin esa pushaymon bo‘ladi Agar haqiqatdan ham tafriq sehri bo‘lgan taqdirda ham, ajrashish bu muammoni hal qilmaydi. Chunki sehr nikohga emas, insonning o‘ziga taʼsir qiladi. Yaʼni inson ajrashsa ham: • ichki bezovtalik qolishi mumkin • ruhiy og‘irlik davom etishi mumkin • muammo boshqa shaklda qayta chiqishi mumkin Shuning uchun oilani shoshilib buzish — eng noto‘g‘ri qarorlardan biri hisoblanadi. ⸻ Qurʼonda sehr haqida yana ogohlantirish Alloh taolo yana shunday marhamat qiladi: “Sehrgar qayerga borsa ham najot topmaydi” (Toha surasi, 69-oyat) Bu oyat sehrgarlikning qanday yomon va halokatli yo‘l ekanini ko‘rsatadi. Sehrgarlar insonlarga zarar yetkazishni istaydilar, lekin oxir-oqibat o‘zlari ham najot topmaydilar. ⸻ Eng muhim tushunish kerak bo‘lgan narsa Tafriq sehri haqida gap ketganda, inson qo‘rquvga tushib qolmasligi kerak. Balki: • vaziyatni to‘g‘ri baholashi • shoshmasdan qaror chiqarishi • oilasini asrab qolishga harakat qilishi juda muhimdir. Oila — bu shunchaki munosabat emas, balki amonat. Uni bir lahzali hissiyot yoki tushunarsiz holat sabab buzib yuborish katta xatoga olib kelishi mumkin. ⸻ Inson har qanday holatda ham hushyor bo‘lishi, shoshilmasligi va to‘g‘ri qaror qilishga harakat qilishi kerak. Vallohu aʼlam. @Ruqiyailmlari

Ассаламу алайкум ва раҳматуллоҳи ва баракатуҳ. Барча обуначиларимизни Рамазон ҳайити билан муборакбод этамиз. Аллоҳ таоло барчангизнинг ибодатларингизни қабул қилсин. Барча беморларга комил шифо ато этсин. Кейинги Рамазонга соғ-саломат етиб боришни насиб қилсин @Ruqiyailmlari

Қўғирчоқ сабаб ерга кўмилган икки бегуноҳ бола... 5 йил кутилган биринчи фарзандимни суннат тўй қилдим. Ҳамма совға салом олиб келаркан овсиним олиб келган бир қўғирчоқ боламга жуда ёқиб тушди. Хонасига олиб кириб ёстиғини ёнига қўйди. Орадан 1 ой ўтди боламни ерга қўйдик. Ўлим сабабини эса врачлар ҳам тушунтириб бераолмади. Ўғлимдан эсталик бўлсин деб қўғирчоғини синглимни 4 ёшли қизига бердим. 1 ойдан кейин тўсатдан синглимни ҳам қизи оламдан ўтди. Жанозада ёш қизчани олиб чиқишар экан уйни чеккасида ётган қўғирчоққа кўзим тушди. Пичоқни олиб қўғирчоқни ичини очиб кўрганимда юрагим сустлашиб ҳушимдан кеттим. Бир пайтлар овсиним совға қилган қўғирчоқнинг ичидан бир тугун чиқди. Тугунни ичида эса мен, синглим ва болаларимиз тушган оилавий расмимиз бор эди. Расмни усти қон, игналар санчилган, орқасида эса сеҳр қилиш учун ёзилган сўзлар қайта қайта ёзилган. Ўлим сеҳри учун ишлатилган бу оилавий суратимизни эса бир пайтлар иштимоий тармоқларга қўйган ўзимман. Овсинимга бўлган воқеани айтиб берсам у қўғирчоқни ўғлимни суннат тўйи куни бир бегона одамдан сотиб олганини айтди. Айтишича айнан бизни уйимизни ёнига келиб сотаётган бўлган. Баъзида энг чиройли совға энг хавфли тузоқ бўлиши мумкин экан. Ёвуз ниятли кимсалар эса ниятига етишиши учун ўзимиз шароит яратиб бермоқдамиз. Қандай қилиб дейсизми Ўзимиз ва оила аъзоларимизни расмларини иштимоий тармоққа жойлаш билан. Расмларингизни кўз-кўз қилманг. Ҳаётингизни кўз-кўз қилманг. Бахтингизни кўз-кўз қилманг. Чунки сизнинг бахтингизни кўра олмайдиган одамлар ҳамиша топилади. Мен буни англаб етганимда кеч бўлган эди. Бошқаларга ўрнак бўлиши учун тарқатинг деб ёзиб қолдирибдилар бир обуначимиз. Кўз, Хасад, Сеҳр бор нарса. Булардан юроқ бўлиш учун эса ҳамма нарсани расмга олиб интернетга қўймаслик керак. Ушбу хабарни ёш боласи бор ҳар бир ота онага тарқатинг! Огоҳлик давр талаби. @Ruqiyailmlari

ТУГУНЛАРНИ ЕЧИШДА РОҚИЙЛАР КЎП ИШЛАТАДИГАН ДУОЛАР Баъзи роқийлар “тугунларни ечиш” маъносидаги қуйидаги дуоларни ўқиб келишади. Бу матнлар тажриабадан келиб чиқиб қўлланадиган дуолар ҳисобланади. Шунинг учун уларни шифо сўраб қилинган дуо сифатида ўқиш мумкин, лекин саҳиҳ ҳадис келган деб даъво қилинмайди. 1️⃣ 📖 اللَّهُمَّ فُكَّ كُلَّ عُقْدَةٍ فِي الرَّأْسِ وَ فِي العُقُولِ وَ النَّاصِيَةِ 🔊 Аллоҳумма фукка кулла ‘уқдатин фи-р-ра’си ва фи-л-‘уқули ва-н-насия 📝 Эй Аллоҳим! Бошда, ақлда ва пешонадаги ҳар бир тугунни ечгин. 2️⃣ 📖 اللَّهُمَّ فُكَّ كُلَّ عُقْدَةٍ فِي الرُّكْبَةِ وَ الصَّدْرِ وَ الظَّهْرِ وَ البُطُونِ 🔊 Аллоҳумма фукка кулла ‘уқдатин фи-р-рукбати ва-с-садри ва-з-заҳри ва-л-бутуни 📝 Эй Аллоҳим! Тиззаларда, кўкракда, орқада ва қоринлардаги ҳар бир тугунни ечгин. 3️⃣ 📖 اللَّهُمَّ فُكَّ كُلَّ عُقْدَةٍ فِي الوَجْهِ وَ الذِّرَاعَيْنِ وَ العَمُودِ الفِقَرِي 🔊 Аллоҳумма фукка кулла ‘уқдатин фи-л-важҳи ва-з-зира‘айни ва-л-‘амуди-л-фиқарий 📝 Эй Аллоҳим! Юзда, қўлларда ва умуртқа поғонасидаги ҳар бир тугунни ечгин. 4️⃣ 📖 اللَّهُمَّ فُكَّ كُلَّ عُقْدَةٍ فِي الأَرْحَامِ 🔊 Аллоҳумма фукка кулла ‘уқдатин фи-л-арҳам 📝 Эй Аллоҳим! Бачадондаги ҳар бир тугунни ечгин. 5️⃣ 📖 اللَّهُمَّ فُكَّ كُلَّ عُقْدَةٍ فِي السَّاقَيْنِ 🔊 Аллоҳумма фукка кулла ‘уқдатин фи-с-сақайни 📝 Эй Аллоҳим! Оёқлардаги ҳар бир тугунни ечгин. 🔹 Қўшимча ҳимоя қўрғонларини йўқ қилиш дуолари 6️⃣ 📖 اللَّهُمَّ فَجِّرْ كُلَّ حِصْنٍ فِي هَذَا الجَسَدِ 🔊 Аллоҳумма фажжир кулла ҳиснин фи ҳаза-л-жасад 📝 Эй Аллоҳим! Бу жисмдаги ҳар бир ҳимояни парчалагин. 7️⃣ 📖 اللَّهُمَّ فَجِّرْ كُلَّ دِرْعٍ فِي هَذَا الجَسَدِ 🔊 Аллоҳумма фажжир кулла дир‘ин фи ҳаза-л-жасад 📝 Эй Аллоҳим! Бу жисмдаги ҳар бир зирҳни парчалагин. 8️⃣ 📖 اللَّهُمَّ فَجِّرْ كُلَّ عُقْدَةٍ فِي هَذَا الجَسَدِ 🔊 Аллоҳумма фажжир кулла ‘уқдатин фи ҳаза-л-жасад 📝 Эй Аллоҳим! Бу жисмдаги ҳар бир тугунни парчалагин. Бу дуоларни кўп қайта қайта такрорлаш яхши фойда беради. ©Равшанбек роқий @Ruqiyailmlari

Наслдан Наслга Ўтувчи Жинларнинг Таъсири ва Аломатлари Баъзи жинлар индивидуал тарзда инсон ҳаётига таъсир қилса, айримлари наслдан наслга ўтиб, янги қурбонни ўз таъсири остига олади. Ушбу мақолада бундай жинларнинг қандай шаклланиши, таъсири ва аломатлари ҳақида батафсил маълумот берамиз. Наслдан Наслга Ўтувчи Жинлар Қандай Пайдо Бўлади? Кўпинча, бу ҳолат: • Киначилик (фол очиш, башорат қилиш), • Чироқ ёқиш (жинларни чақириш билан боғлиқ маросимлар), • Жодугарлик ёки сеҳр билан шуғулланиш, • Жинлар билан боғлиқ шартномалар тузиш натижасида юзага келади. Ушбу ишларни бажарган шахс вафот этгач, у билан ишлаган жинлар унинг қизи ёки набирасига ёпишади. Наслдан Наслга Ўтувчи Жинларнинг Аломатлари 1. Орқа куракда қаттиқ оғриқ – пичоқ билан тешаётгандек сезилади, дорилар ёрдам бермайди. 2. Жуда кучли бош оғриқлари – дорилар таъсир қилмайди, баъзида босим ёки иссиқлик ҳисси билан кечади. 3. Тушда бегона эркак ёки аёллар билан зино қилиш – такрорий бўлиши мумкин, ошиқ ёки зинокор жиннинг таъсиридан далолат беради. 4. Уйқуда гапириш ёки йиғлаш – бемор буни эсламайди, атрофдагилар сезишади. 5. Тушда ўзини ўлик ҳолда кўриш – қабри қазилаётганини ёки жанозаси ўқилаётганини кўриши мумкин. 6. Мияда чийиллаган овоз эшитиш ва ҳушидан кетиш – баъзан 3 ойда, баъзан ҳар куни содир бўлади. Ҳушига келгач, танаси музлаб, қувватсизланади. 7. Кеча пайти тушиб кетиш ёки қўрқувдан уйғониш – баланд жойдан тушаётганини ёки қувиб келаётганини ҳис қилади. 8. Уй ичида ғалати товушлар ёки шарпалар сезиш – соялар ёки шовқинларни кўриши, ортидан кимдир юриб келаётгандек туйилиши мумкин. 9. Жинсий ҳаётда муаммолар – эҳтирос сусайиши, жинсий заифлик ёки жуфтига нисбатан сабабсиз нафрат пайдо бўлиши. 10. Қоронғуликдан ҳаддан ташқари қўрқиш – хавф остида эканини ҳис қилиш, баъзида нимадир борлигини сезиш. 11. Кечаси тўсатдан уйғониш – юраги тез уриб, нима содир бўлганини билмай уйғониш. 12. Кучли ғазаб ва асабийлик – Қуръон ёки дуо ўқилганда янада кучайиши мумкин. 13. Танадаги кўкариш ва чизишлар – сабабсиз пайдо бўлади, кўпинча тонгда сезилади. 14. Қуръон ёки руқия эшитганда ёмонлашиш – бош оғриши, юрак уриши тезлашиши ёки танада титроқ сезиш. 15. Кўнгил айниши ва ички ноқулайлик – сабабсиз уйқусизлик ва безовталик юзага келиши. Хулоса Бу аломатларнинг ҳар бири наслдан наслга ўтувчи жинларнинг таъсирини кўрсатиши мумкин. Даволашнинг энг самарали усули – Қуръон руқияси, дуо ва шариат асосидаги муолажалардир. Келгуси мақолада ушбу муаммони қандай бартараф этиш ҳақида батафсил тушунтириб берамиз. ✍🏻саидбек роқий каналимизни яқинларингизга тавсия қилинг @Ruqiyailmlari