Alan Sound🎙️

قەسەم بەو شەربەتـــی دیداری پاکت شەرابم عەینـــــی ژەهری مارە بێ تۆ لە کن تۆ خار و خەس گوڵزارە بێ من لە کن من خەرمەنـی گوڵ خارە بێ تۆ #نالی https://t.me/AlanFatemi

زانایەک کە خێری بە خەڵک نەگات وەکوو گوێدرێژێکە کە باری قاغەز ئەبات.! https://t.me/AlanFatemi

کەوتوومە بەر تووکە شەقی چارەنووس و وەک گۆیەکەی سەرگەردانی گۆڕەپانی نەفرەتی خوام! ژیانم لێ وەڕەز بووە زەوی لە ژێر گرانی لەشما ئەناڵێنێ چاوی ڕۆژ لە حاند سیمای من هەڵنایێ من چۆلەکەی باڵشکاوی وەرزی ڕەشی گەردەلوولم ڕۆحم لەگەڵ ئارامشدا، لە زەوی تا ئاسمان دوورە... #مەلەکشا https://t.me/AlanFatemi

کەس نازانێ لە پشت ئەم زەردەخەنە گەمژانەوە پڕاوپڕی چەند گــــــۆڕستان فرمێسک تێیدا قەتیس ماوه! 🖤 https://t.me/AlanFatemi

ئاخ...! ئەگەر بزانی ئەم ئاقارە بە ڕواڵەت هێمنە تەقینەوەی بۆمبی، چ مەرگەساتێکی ژاناوی دەیشڵەژێنێ! ئەوەی چاک و خۆشیم لەگەڵ دەکا بە جەفت ئیهانەم دەکات و وەک وایە سێوێک لە سێوێکتر بپرسێ ئەرێ قوربان! ئەحواڵی کرمە نازەنینەکانی لەشی موبارەکتان چۆنە؟! #مەلەکشا https://t.me/AlanFatemi

شەو هات و ئەمن مەستی خەیاڵاتی کەسێکم مەشغووڵی نەفەس گرتنی موشکین نەفەسێکم لەم حوجرە، لەبەر پەنجەرە کەوتووم و دەخوێنم بێ عەینی دەڵێی بولبولی گۆشەی قەفەسێکم هەم واریسی فەرهادم و هەم نائیبی مەجنوون وا تێمەگە، قوربان، کە گەدا، بولهەوەسێکم گەردەن کەچی تۆم بێ کەشش و ڕست و قەلادە وا زەن مەبە ناعارف و هەرزە مەرەسێکم وەڵڵاهی کڵاوی سەری من چەرخی دەماڵی ببوایە بە دامانت ئەگەر دەستڕەسێکم باوەڕ مەکە ڕۆح سەختی غەمی فیرقەتی تۆ بم بۆ هاتنی تۆ باقییە نیوە نەفەسێکم هەر لەحزە دەڵێم من سەگی دەرگام و، ڕەقیبیش دێتە سەر و چاوم کە منیش سەگ مەگەسێکم! گرتوویە سەگت چاکم و لای تۆمەوە دێنێ یەعنی وەرە نالی کە منیش دادڕەسێکم! #نالی https://t.me/AlanFatemi

تیشکــــــی ڕووت کاتـێ لە دەریای وردی ئەندێشەم ئەدا خشڵی شێعرم وا ئەڕازێ بووکی هەست جــــوانتر ئەکا. https://t.me/AlanFatemi

لە شاییـــدا، لە وەختـــی هـــەڵپەڕینا لە خــــــۆشیدا، لە کاتـــــــی پێکەنینا لە کـــــۆڕی ماتەم و گـــــریان و شینا ئەمن ئەی نیشتمان تۆم هەر لە بیرە بە شەو تاکوو بە سەرما زاڵ دەبێ خەو بە ڕۆژ تاکــــــوو دووبارە دێتــەوە شەو لە کاتێکــــــدا کە دەدوێنم ئەم و ئەو ئەمن ئەی نیشتمان تۆم هەر لە بیرە #هێمن https://t.me/AlanFatemi

چەمەن یەک بارە خامۆشە خرۆشی بوڵبوڵان، با بێ دڵ ئەمڕۆ مات و مەدهۆشە خوا فەسڵی گوڵان با بێ ئەگەر مەیلت لە سەرمانە چ حاجەت ئابی حەیوانە لە لێوی لەعلی جانانە حەیاتی جاویدان، با بێ نەماوە حاڵەت و ژینم لە دەس چوو ڕۆحی شیرینم ڕەفیقان بێن بکەن شینم سەدای گریە و فوغان، با بێ ئەسیری تاری گیسووتم هیلاکی چاوی جادووتم شەهیدی تێغی ئەبرووتم دەسا عیسای زەمان، با بێ بیحەمدیللا گوڵی ڕەعنا، شکاندی ڕەونەقی لەیلا بڵێن مەجنوونەکەی شەیدا ڕەئیسی ئاشقان، با بێ زەمانە بەزمی ڕەندانە بدە ساقی بە پەیمانە لە بەر تەعزیمی مەیخانە بڵێن پیری موغان، با بێ ئەلا ئەی ئاشقی مەدهۆش وەکوو تاهیر مەبە خامۆش لە بەر سۆزی دڵی پڕجۆش، نەوایی موتریبان با بێ خودا عەدلی لە لای عارف عەیانە لە دەوری پیری مەیخانە سەدایی موتریبان با بێ #تاهیر_بەگی_جاف https://t.me/AlanFatemi

شێعرێکی خۆمە بە جێماو لە 4-5 ساڵ پێش خۆیشم هەرچی بیر ئەکەمۆ نازانم بۆ کێم وتووە لەو سەردەمە پ.ن: وەختێ مناڵن قسەی زلتر لە خۆتان مەکەن.!😂

ئەم شێعرە لە لایەن مامۆستا محەممەدی ماملێ کراوه بە گۆرانی هەروا کە ئەزانن زۆربەی تێکستی گۆرانیە کۆنەکان ناو شاعرەکانیان نادیاره ئەگەر لە هەر جێگەیەک شێعرم دانا و ناوی نووسەری لەگەڵ نەبوو کەسێک زانی شێعری کێیە ئەرک نەبێ پێم بێژێت با بینووسم کە مافی هیچ کەسێک نەخورێت سەبارەت بە ناوی ستران بێژانیش بە هۆی مەشهووری گۆرانیەکان ناویان دانانم چوون گۆرانی ئەگەر لە زاری مامۆستایان زیرەک،ناسر ، نەجمە،ماملێ و ... وترابێ پێویستی بە ناو لێ هاوردن نییە و بۆ هەموو کەسێک ئاشنان لینکی پەیوەندی: https://t.me/BoldChat_Bot?start=sec-gehdghfece https://t.me/AlanFatemi

هەتا زستانە غەمگینم گوڵی سوورم کە ناتبینم بە تەمای وەسڵی دڵدارم لە غەمت دڵ بریندارم دڵی من مات و غەمبارە کە گوڵی من لە گوڵزارە ئەوە فەسڵی گوڵە ئەی دڵ کە دەچی بۆ تەوافی گوڵ وەرە تەنیا گوڵی سوورم کە دەمێکە لە تۆ دوورم لە چەمەن دا مەکە زاری وەکوو من دڵ برینداری شەو هەتا ڕۆژ نیە حاڵم کە ڕموودەی خەت و خاڵم لە چەمەن ئینتزاری تۆم گوڵی سوورم وەرە ماڵم وەرە شەرتێ بکە ئەی دڵ کە دەچی بۆ تەوافی گوڵ وەرە ئەی بولبولی شەیدا گوڵی من بۆ نەبوو پەیدا وەرە ئەی بولبولی شەیدا لە غەمی گوڵ مەکە زاری دەبێ عاشق لە تۆ فێر بن هەموو دەرسی وەفاداری https://t.me/AlanFatemi