✍የራያ እና አካባቢው የሰለፍዮች ቻናል

🌙🌙🌙💫ሰበር ዜና💫🌙🌙🌙 አልሐምዱ ሊላህ! የረመዿን ጨረቃ በሃገረ ሳዑዲ ዓረቢያ ስለታየች ነገ እሮብ የካቲት 11/ 2018 ዓ.ል  ረመዷን አንድ ብሎ ይጀምራል።ዛሬ ምሽቱንም ተራዊሕ እንጀምራለን።

ነቢያዊ አደራ! ረሱል (ሰለሏሁ አለይሂ ወሰለም) እንዲህ ብለዋል፦ ﴿إِنَّي أُحَرِّجُ عليكم حقَّ الضعيفينِ: اليتيمُ، والمرأةُ﴾ “እኔ በናንተ ላይ በሁለት ደካሞች መብት ጉዳይ አደራ እላችኋለው (አሳስባችኋለው) የቲምንና ሴትን።” ሶሂህ አልጃሚ፡ 2447

ጥንቃቄ! ረሱል (ሰለሏሁ አለይሂ ወሰለም) እንዲህ ብለዋል፦ ﴿غَطُّوا الإناءَ، وأَوْكُوا السِّقاءَ، وأَغْلِقُوا البابَ، وأَطْفِئُوا السِّراجَ؛ فإنَّ الشَّيْطانَ لا يَحُلُّ سِقاءً، ولا يَفْتَحُ بابًا، ولا يَكْشِفُ إناءً، فإنْ لَمْ يَجِدْ أحَدُكُمْ إلّا أنْ يَعْرُضَ على إنائِهِ عُودًا، ويَذْكُرَ اسْمَ اللهِ، فَلْيَفْعَلْ؛ فإنَّ الفُوَيْسِقَةَ تُضْرِمُ على أهْلِ البَيْتِ بَيْتَهُمْ﴾ “የምግብ እቃችሁን ክደኑ። የመጠጥ እቃችሁን ክደኑ። በራችሁን ዝጉ (ቆልፉ)። ፋኖስ (ሻማችሁን/ስቶቫችሁን) አጥፉ። ሸይጣን የተከደነን እቃ አይከፍትም፣ የተዘጋን በር አይከፍትም፣ የተሸፈነን እቃ አይገልጥም። ከናንተ አንዳችሁ የሚሸፍንበትና የሚከድንበት ነገር ባያገኝ እንኳ የአላህን ስም በማውሳት እንጨትም ቢሆን ያስቀምጥባቸው። ምክንያቱም ፉወሲቀት (እንደ አይጥ አይነት ትናንሽ ተንኮለኛ እንስሶች እሳት በማቀጣጠል) ቤተሰብንና ቤትን የሚጎዳ ነገር ይፈፅማሉና።” ሙስሊም ዘግበውታል፡ 2012

ግን አንተ ለሚስትህ/ለባለቤትህ እንዴት ነህ?? 🌿 የአማኞች አርአያ የሆኑት ረሱል (ﷺ) በሚስቶቻቸው ዙሪያ ፦ 🔻 በእድሜ የገፋች ሴትን ረሱል (ﷺ) አግብተዋል 🔻የተፈታች ሴትን ረሱል (ﷺ) አግብተዋል 🔻ባሏ የሞተባት ሴትን ረሱል (ﷺ) አግብተዋል 🔻ሴቶችን በስራ በቤት ውስጥ ረሱል (ﷺ) ያግዙ ነበረ። 🔻በገበታ ወቅት ሚስታቸውን ረሱል (ﷺ) አጉርሰዋል። 🔻ለሚቶቻቸው ፍቅርን፣ አድናቆትንና ክብርን በቃላትና በተግባር ረሱል (ﷺ) ይገልፁ ነበር። 🔻ረሱል (ﷺ) የሚስቶቻቸውን ስህተት ይቅር ይቅር ባይ ነበሩ። 🔻ረሱል (ﷺ) ለሚስቶቻቸው ተውቦ ይቀርቡ ነበር። 🔻ረሱል (ﷺ) የሚስትቶቻቸውን ስሜት ይረዱ ነበረ። 🔻ረሱል (ﷺ) ከሚስቶቻቸው ጋር ተጫዋች ነበሩ። 🔻 ረሱል (ﷺ) ሚስቶቻቸውን በመልካም ስሞች ይጠሩ ነበር። 🔻ረሱል (ﷺ)የትዳር የግል ጉዳዮቻቸውን ለሌሎች አያጋሮም ነበር። 🔻ረሱል (ﷺ) የሚስቶቻቸው ወላጆችንና ወዳጆች ይወዱና ያከብሩ ነበር። 🔻ረሱል (ﷺ) ሚስቶቻቸውን የሚያፅናኑ ነበሩ። 🌿 የብዙዎች አርአያ የሆኑት ረሱል (ﷺ) ከሚስቶቻቸው ጋር ፦ 🍃 ተጫዋች ነበሩ፣ 🍃ጥሩ ጊዜዎችን በጋራ በመዝናናት የሚያሳልፉ፣ 🍃 አንዳንድ ጊዜዎችንም በሩጫ የሚሽቀዳደሙ፣ 🍃አብረው የሚያወጉ፣ 🍃አስደሳች አጋጣሚዎችን ከሚስቶቻቸው ጋር በጋራ የሚያሳልፉ ድንቅ ነብይ ነበሩ።

🌿🌿🌿🍃ጥቆማ🍃🌿🌿🌿 ተማሪና ደዕዋ ~ በሀገራችን ተጨባጭ በርካታ ወጣት በትምህርት ተቋማት አካባቢ በሚገኙ የደዕዋ ንቅናቄዎች ሰበብ በመጠኑም ቢሆን ዲኑን አውቋል፣ ወደ ዲን ቀርቧል። ስንት ወጣቶች ካምፓስ ከገቡ በኋላ ቁርአን አሊፍ ብለው ጀምረው ጨርሰዋል! ስንቶች ሰልመዋል! ስንቶች ኪታብ ተምረዋል! ስንቶች ከሺርክና ቢድዐ ወጥተዋል! ስንት ወንዶች ልብሳቸውን አሳጥረው ፂማቸውን አሳድገው በሱና አሸብርቀዋል! ስንት ሴቶች በጂልባብ፣ በኒቃብ ደምቀዋል! ስንቶች ኢማንን መሰረት ያደረገ ትስስር ዝምድና መስርተዋል! እና ትምህርት ከዱንያዊ አላማውና ከተዘዋዋሪ ጥቅሙ ባሻገር በኛ ሃገር ተጨባጭ ቀጥተኛ የሆነ ዲናዊ ፋይዳው ብዙ ነው። ስለሆነም በቂ ትኩረት ሊሰጠው ይገባል። ከታች ከመጀመሪያ ደረጃ ጀምሮ እስከ ኮሌጆችና ዩኒቨርስቲዎች ድረስ ከተማሪዎች ጎን መቆም፣ ማነቃቃት፣ ጊዜ መስጠት፣ ሁለገብ ምክር መለገስና ለትልልቅ ኃላፊነቶች የአእምሮ ዝግጅት እንዲኖራቸው ማነፅ ይገባል። ተማሪ ላይ መስራት ማለት ባቋራጭ በደዕዋ ቀጥታ ልንደርስባቸው በማንችላቸው ገጠሮች ጭምር በር ማንኳኳት ነው የሚሆነው። 🌿🌿🌿🌿🌿🌿🌿🌿🌿🌿🌿 አስር ምክሮች ለሙስሊም መምህራን ~ ① ሃላፊነት ይሰማህ። የምትገነባው ትውልድ ነው። የምታስተላልፈው ነገር እጅግ ውድ ነው። "ሃላፊነት የሚሰማው ሰው እራሱን እንደ ህዝብ ንብረት አድርጎ ይቆጥራል።" ② የሚያዩህ፣ ምሳሌ የሚያደርጉህ አሉና ተጠንቀቅ። ክፉ ምሳሌ እንዳትሆን። ከባህሪህ፣ ከገፅታህ፣ ከአቀራረብህ ሰዎች ይማሩ ዘንድ መልካም ሁን። ③ ፍትሃዊ ሁን። አንዱ ባጠፋው በጅምላ አትቅጣ። በጥቂቶች ጥፋት ተማሪዎችን በትምህርት፣ በፈተና፣ በሌላ መንገድ አትቅጣ። በበደለኛ አስተማሪዎች ሳቢያ ስንቶች ትምህርት አቋርጠዋል?! ስንቶች የተወሰኑ የትምህርት አይነቶችን ጠልተዋል። የስንቶች ውጤት ተበላሽቶ  ሞራላቸው ተነክቷል። "የትምህርት ተቋማት በሰፊው ስለ መብት የሚቀነቀንባቸው፣ ብዙ ጭቆና የሚፈፀምባቸው የግፍ አፀዶች ናቸው።" ④ ልዝብ ሁን አታስበርግግ። ቁጥብ ሁን አትባልግ። ትሁት ሁን አትጨፍግግ። የቸገረው ሊያዋይህ የማይፈራህ፣ የከበደው ሊጠይቅህ የማይሰጋህ፣ ያበጠበት የማይደፍርህ ሁን። ሚዛንህን ጠብቅ። ለሁሉም የሚገባው ቋንቋ ይኑርህ። ⑤ ክፋትን፣ ዘረኝነትን አትመግብ። ትውልድ አትመርዝ። በአሁኑ ሰዓት ዘረኝነት ከገበሬው ይልቅ ምሁሩ ጋር ጎልቶ የሚታይበት ምክንያቱ አርቀው ማየት የማይችሉ የተማሩ መሀይማን በመብዛታቸው ነው። መምህራንን ኢላማ ያደረጉ አማፂዎች መነሻ አካባቢ ላይ የመምህራን ድጋፍ የነበራቸው ናቸው። ⑥ ብቁ ሁን። እራስህን በእውቀት ገንባ። ተዘጋጅተህ ወደ ክፍል ግባ። ካልሆነ ትናቃለህ። ካልሆነ ሃላፊነትህን በአግባቡ አትወጣም። ካልሆነ ልበ ሙሉነት /confidence/ ታጣለህ። የምትስሰለች ሳይሆን ልብ የምታንጠለጥል፣ የምትናቅ ሳይሆን የምትወደድ፣ የምትፍፈራ ሳይሆን የምትከበር ሁን። ⑦ ለችግር ደራሽ ሁን። የተማሪ ችግር ይግባህ። የጤና፣ የኢኮኖሚ ችግር ያለበት፣ ቤተሰባዊ ቀውስ ያጋጠመው፣ ስነ ልቦናው የተጎዳ፣ ልቡ በሀዘን፣ በጉዳት የተሰበረ ይገጥማልና ለመረዳት ቅርብ ሁን። "አይዞን"፣ "አብሺር" ማለት ለተጎዳ ሰው ዋጋው ትልቅ ነው። ⑧ ቂመኛ አትሁን። ያለፍክበትን ገና ያላለፉ፣ ነገን አሻግረው ለማየት አቅም የሚያጥራቸው ጨቅላዎች፣ ወጣቶች ጋር ቂም አትጋባ። ተማሪህ የሚናገረውን፣ የሚጠይቀውን ሁሉ በክፉ አትተርጉም። ⑨ ጥንቃቄ ይኑርህ። በአነጋገርህ፣ በአቀራረብህ፣ በሁለ ነገርህ ጥንቃቄ አይለይህ። በምታስተምራቸው ተማሪዎች ቁጥር ልክ በየቤቱ አጀንዳ እንደሆንክ ልብ በል። በክፉ ወይም በበጎ በየቤቱ ትነሳለህ። ከረጅም አመታት በኋላ ዛሬም ድረስ በክፉ ወይም በበጎ የማንረሳቸው አስተማሪዎች አሉ። ለሰዎች ከልብ የማይጠፋ ክፉ ትዝታ አትሁን። (10) ለዲንህ ዋጋ ስጥ። ዲንህን ስታውቅ ለተማሪዎችህ መልካም ምሳሌ ትሆናለህ። ዲንህን ስታውቅ የተሳሳተ አስተምህሮ ለተማሪዎችህ አትመግብም። መጠናቸው ቢለያይም ሁሉም የትምህርት አይነቶች ውስጥ ከዲን ጋር የማይሄዱ ነገሮች ይገጥሙሀል። ንቁና ብቁ ከሆንክ እርምት እየሰጠህ ማለፍ ትችላለህ። መስጂድ ስትመላለስ አርአያነትህ ከፍ ይላል። ከ IbnuMunewor የተወሰደ