𝑺𝒐𝒇𝒍𝒊𝒌 | 🦢

#Duo سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ ٱلْمَصِيرُ Sami’naa va ato’naa g‘ufroonaka Robbanaa va ilaykal-masiir. «Va eshitdik va itoat qildik. Robbimiz, mag‘firatingni so‘raymiz va qaytib borish Sengadir», dedilar (Baqara surasi, 285-oyatdan)

Ertalabdan... Yana jarima ... Hayotda hamma narsaga tayyor turish kerak kutilmagan joyda zarba beradi ... Kayfiyatsiz boshlangan kun ... Shunga ham shukur....

#daydi_hislar Ba’zan o‘zimizni ayblaymiz, ba’zan esa boshqalarni. Yig‘laymiz, biroz yengil tortgandek boʻlamiz, ammo qalbimizdagi bezovtalik baribir ketmaydi... Nega? Ko‘pincha ichimizdagi og‘riqni davolash o‘rniga, undan chalg‘ishga urinib yashaymiz. Telefon titkilaymiz, xaridlar qilamiz, seriallar ko‘ramiz, ijtimoiy tarmoqlarda vaqt o‘tkazamiz... Go‘yoki hammasi unutilgandek bo‘ladi. Ammo yolg‘iz qolganimizda, o‘sha hislar yana qaytadi. Chunki chalg‘ish — davolanish emas. Muammodan qochish esa uni hal qilmaydi. Haqiqiy o‘zgarish o‘zimizdan boshlanadi. Qalbimizdagi og‘riqni tan olishdan, o‘zimizni tinglashdan, xatolarimizni anglashdan va qalbimizni Allohga yaqinlashtirishdan... Ba’zan qalbga shunchaki chalg‘ish emas, chinakam taskin kerak...

Samimiy suhbat...

Ish, o‘qish, onlayn darslar... Barchasiga birdek ulgurish biroz qiyinroq ekan. Har birining o‘z mas’uliyati, o‘ziga yarasha vaqti bor. Bugun yo‘lda bo‘lganim sababli onlayn darslarimdan biriga qatnasha olmadim. To‘g‘risi, hozir biroz alam qilyapti. Chunki ilm olishga ajratilgan vaqtning har bir daqiqasi men uchun qadrli. Ba’zan hamma narsaga ulgurishning imkoni bo‘lmas ekan...

Kerakli emas, qadrli bo‘lish kerak... Xuddi «YONIMDA BO‘L» bilan «YONINGDAMAN» so‘zlari orasida katta farq bo‘lgani kabi...

— Ayol kim? — Ayol — “Niso”, “Mujodala”, “Nur”, “Taloq” va “Maryam” . Ayol — Qur'oni Karimdagi: «Niso» surasi, uning haq-huquqlari bayon etilgan. «Mujodala» surasi, iffati va hayosi haqida so‘z yuritilgan. «Nur» surasi, oilaviy mas'uliyatlar yoritilgan. «Taloq» surasi hamda poklik va sabr timsoli bo‘lgan. Maryam (alayhassalom) nomi bilan atalgan «Maryam» surasidir. Ayol — qadri ulug‘, huquqlari himoya qilingan, iffati va hayosi e'zozlangan bir zot. Qur'onda ayolning dardi ham, qadri ham, mas'uliyati ham e'tiborsiz qoldirilmagan. Ayolning qadri haqida gapirishdan avval, Alloh unga qanday maqom berganini anglash kerak..

اللَّهُمَّ صَيِّبًا نَافِعًا Allohumma sayyiban nafi’an.🌧 (Men bor joyda mushuk ham boʻladi... 😁🫠)

G‘urur bor joyda muhabbat yashay olmaydi. Ikkisidan biri chekinishi kerak... Seni chin dildan o‘ziniki deb bilgan erkak, kerak bo‘lsa, g‘ururidan ham kechadi. Chunki u uchun o‘zini haq deb bilishdan ko‘ra, seni yo‘qotmaslik muhimroqdir... #shunchaki

«Agar osonlashsa — ne’matdir, agar qiyinlashsa — hikmatdir.»