ذايب .

لك منزلٍ بالقلب ماهوب منقول لا والذي زينك على الناس زاده لو غبت عن عيني بك القلببببب مشغول ياواحدٍ قلبي له الحبّ قادة  .

‏أحبّك جعل حبٍ يجي من بعدك يعاف ‏وأنا حالفٍ حبك مع الوقت ما أخونه ‏ليا شفت وجهك والله إن ماعلّي خلاف ‏فلا تنشد اللي شاف غايته وش لونه .

لولا الحيا والملام وهرج عذّالي ‏لأقول بيت يراودني وخبّيته ‏فلان كل الوجيه اللي على بالي ‏وفلان كل القصيد اللي تغنّيته .

تراني لغيرك لامجامل ولا عشاق ‏تسيطر على قلبي غلاك وقفل ابوابه ‏تصرف على كيفك وحط الجلال دقاق ‏ملكت الضماير ولا مامعي ماتلهابه .

كل حب غير حبك ينكشف لي زيفه ‏وكل طيف غير طيفك مايهز احساسي ‏وكل وجه غير وجهك فالوجيه اعيفه ‏وكل صوت غير صوتك ما يقنّد راسي .

لو بغيت العمر ما يغلى عليك كل شي لخاطر عيونك يهون مهما خسرت من المخاليق عادي يكفيني اني في حياتي كسبتك .

تعال اضمك وسط صدري وارتاح ماهي كفايه تلتقي الروح بالروح يمكن بشفه تنتهي كل الاجراح والهم يتلاشي من القلب ويروح .

حسبت اللي بينا ضحك ومزوح وغديت يمك في جميع الليالي تعلقت بك ولا ودي بيوم تروح لقيت فيك الزين وجميع امالي .

أخبي غلاتك عن عيون العرب بإحسان و أشوف بوصالك عمري و علاج الجروح أحسك من غيوم السما و أنخلقت إنسان و أشوفك غلاي و كل كلي مع طموحي .

اي والله احبك واحب كل ما فيك ياللي حضورك يبعد الهم عنيييي ان غبت غاب الضحك عن مغليك وان جيت اضحك واسولف واغني .

‏شفت الفجر مع طلعة النور ضاحك ‏قلت الأكيد إنه لمح بسمتك لمّح ‏مدري صباح الخير وإلا صباحك ؟ ‏بالحالتين الخير في وجهك السمح .

واعشق سميك فالبزارين وادعيه واقبل خطاه إليا اخطا واتلقاه واسمك يروعني ليا مر طاريه واحب ملقوفٍ يسولف وطرّاه .

متى الشوارع تجمع اثنين صدفة لاصار شباك المواعيد مجفييي الحب واجد مير الاقدار صلفه والارض واجد لكن العزم منفي .

وليف عساني ماخلا منه ولا أبكيه غيابه يميت الروح والوصل يحييني ليا من دعيته جاوب وقال لي لبيه أحس بشعورٍ ماهوب دايم يجيني .

انت الأمان اللي سكن وسط صدري وانت الشعور اللي على الكل غالي أعطيك عمري واعتبرها من بدري ما أبي أحد غيرك يسولف بحالي .

مالي سواك وكل نبضي يناديك حبك سكن بالقلب ماهو عادي ياليتني دايم على قربك وفيك وياليت عمري يتحسب لك زادي .

ماشوف في دنياي غيرك ضروري لقيت بك عقب الشقى زود الاوناس يضيق بالي يوم افكر بـ أمورييي وانسى الشقى لامن ذكرتك والاتعاس .

عروق قلبي لك دلال ومباهير صفيتها دلة ودلة ودلة ما ادري صباح الخير ولا مساء الخير بس الوكاد بوجهك الخير كله .

تدري أنك عندي أغلى من الغالي وزود وان لك فالقلب جره ولك ماطى قدم جعلني ماذوق حزنك وجعلك فالوجود وجعلني ما أعتاااض ولا خلا ولا عدم  .

حفظتك سرّ مايظهر على العالم ولا ينقال ‏زرعتك بين تناهيد الضلوع وبين غربالي لك الله مال غيرك فالحَنايا والضمير ظلال أقربَ من قريب الخلق واقربَ لي من ظلالي .