تشــريح نفــــسي𝚿

حتى تلفوني متعود على الزنقات مثلي يكمل بسرعه والاثنين الباقية تجلس معي مثل 50 % وانا وقت الاختبارات كذا😂💔

خلاص من اليوم نرجع لمبدا الطووووووز لكل شي وهنا نحصل السكينه والتصالح مع الذات اما البشر واحد يجي وواحد يروح ومحد يستاهل شي غير نفسك. .

They say: ألفُ أرنب يجري يلعب يأكل جزرًا كي لا يتععبب We say: طاءُ طالبب يسعى يذاكر يأكل كتبًا كي لا يرسسببب💔🚶‍♂😂.

براسي سؤال ليش الضيق والضبح والمزاج المعكر يجي بالوقت الغلط دائماً💔🚶‍♂ استغفر الله العظيم بس

صباح مدري مساء الخير وبعد اكتشفت اننا مزنوق اكبر من زنقة المادة الاوله بكثيررررر دعواتكم🚶‍♂

الحشو باربع خطوات 😂😂💔 .

والحمد لله كان اسهل اختبار وجاوبته كله 😔😂 .

بكرة امتحان اصعب مادة واخوكم مزنوق . دعواتكم

. كفايه خوف من المجتمع الأندومي باتمان الوجبات يحميك من الجوع أخر الليل

أنا لو وزير التربية والتعليم والتعليم العالي اول شي بوقف الدراسة في البرد وأكبر سبب مقنع ان المعلومات تتجمد ايام البرد.

احياناً اغنية بالوقت الغلط تعكر مزاجك وتغير كل شي كنت تسويه وتغير مودك فاختارو الاغاني بدقة 🚶‍♂ .

صبـاح الفجر يا اخوتي بما اننا ضابح وهالك بالموت حبيت اتكلم لكم قليل عن تخصصي واللي هو طب اضراس(اسنان) :- طبعاً انا طالب مستوى اول طب اسنان جامعة إب . اول شي الكادر الاداري حقه كلهم مريضين من اصغر واحد لاكبر واحد مع الدكاتره يعني اي دكتور وسط التخصص مريض عدا من رحم ربي اما لو به دكتور تخصص ثاني يعني يدرس مقرر عادهم يرحمونا قليل. ثاني شي : يلعبو بنا لعب كوره يعني كل شي تعنت الجدول المحاضرات كل شي لعبة كوره الدكتور متى ما صنف يقول بكره تعالو محاضرة. ثالث شي: معانا مادة اسمها تشريح اسنان هي قسمين عملي ونظري العملي طبعاً هو رسم ونحت يعني نرسم او ننحت السن الواحده بمقاستها الدقيقة وحاجات وبعاسس وسط التخصص ما حد عيفهمها الا اللي بالتخص يعني تخيلو السن معاها خمس جهات خالفت حتى قوانين الفيزياء ومعاها من خمس لست زوايا ونفس الشي نقاط وكل نقطه بكل سن لها تسميه ومقرره حفظ علينا والنحت عاده كذاك احيان تنحت لما قدك مخلص واكتسر الشمع وترجع من جديد والدكاتره حق العملي اثنين معيدين مش مصدقين انفسهم انهم يدرسو واحد كيوت والثاني يميل للجنس الاخر اعتقد كلكم فهمتو 😂 المهم هاذو اكره من خلق الله يعني متى ما صنفو يصفرونا كلنا كذا بمزاجهم ويستهزئو بنا كان احنا عندهم حشرات وهم مش فاهمين من انفسهم . هذا كله ويجي واحد راسه مستطيل مش حتى مربع يقول لك هي الا ضرس اقلعه بالكلبتين (الكماشه) او يقول لك مش تخصص هذا وهو لو به قليل وجع لانه به سنه لحمة عالقه بين اضراسه يقيم القيامه اعظم من الي تولد. 😂💔 المهم اديت مجبري هذا كله من ضيق تخيلو من الساعه 9 للان جالس انحت وارسم والدوام من 8 واذا تاخرت حتى دقيقه يسجلك غياب وممنوع تدخل وعاد الدكتور بكره الله اعلم كيف عيعمل المهم اذا قال اي شي عسب له واجزع . وكان هذا الجزء الاول من معاناة طب الاسنان وان شاء الله اتكلم لكم عن باقي المواد اذا شفت تفاعل منكم . ودمتم بود ولا تنسو تفرشو اسنانكم بالفرشاة والمعجون وبالطريقه الصحيحه. #كلية_طب_الأضراس . #لا_لطب_الاسنان. #صـــلو_علــى_سـيدنآ_ونـبيـنا_وحبــيبــنآ .

الناس فرحانين بعيد الجلاء عشان يعطلو وانا فرح عشان اذاكر بها اكثر للاختبار 😔😂 .

. المفروض الأجازة والأحتفلاات تكون في بريطانيا مش عندنا 😂💔 .

آخر الليل لا تأتي الدواهي يأتي الجوع .

تباً للشتاء ولمحبين الشتاء واي شي يتعلق بالشتاء اي حد عنده اعتراض؟!

تزوجيه طبيب أسنان، إن غابت الإبتسامة عن مُحياكي رسمها بيديه. .

تزوجيه مُهندسًا، سَيضعك في أعمق زواية في روحه. .

Pov: .

كان الهدف شرقد من أول الليل، رقد أول الليل وقد عيرقد آخره والعصفور صوّ صوّ وأنا ما رقدت. . وتصبحو على خير.