Study Space،IsRaa Team.

السلام عليكم ورحمه الله تعالى وبركاته بالنسبه للناس اللي راهي روطار عندي لكم برنامج يساعدكم باه تتقدموا في مده 15 يوم المتبقيه بحيث رايحين تقراوا 15 ساعه كل يوم وهذا الشيء اذا داومتو عليه صدقوني رايحين توصلوا لوين راكم باغيين المهم نبدا لكم بعدد ساعات النوم عندكم ست ساعات ترقدوا فيها وهذو سته كافيين جدا اللي باه تستراحو ترڨدوا على 1وتنوضو على 7 نقسموهم لجلسات على حسب الصلاة يعني في وقت الصلاه تاخذو راحة تنوضوا على 7:00 تاع الصباح من 7:00 ل 8:00 تفطنوا وتفطروا وتصليوا وتقراو قران ومن بعد تنطلقوا على الساعه 8:00 من 8:00 حتى ل 12:00 عندكم 4 ساعات ديروا فيها ماده اساسيه من بعدها من 12 حتى للوحده عندكم فتره راحه فيها صلاه الظهر فيها غداء وفيها قراءة قران ومن بعد الجلسه الثانيه اللي رايحه تكون من 13 حتى 17 اي اربع ساعات ثاني ديروا فيها ماده اساسيه ومن بعد من الخمسه حتى 17:30 عندكم فتره راحه فيها صلاه العصر وفيها قراءه قران ومن بعد الجلسه الثالثه اللي رايحه تكون من 17.3 حتى 20 ديروا فيها ماده حفظ عندكم من 20 حتى ل 21:0 راحه فيها صلاه المغرب وفيها تتعشوا وزيدوا تقراوا قران ترجعوا على 21.00 تنطلق الجلسه الرابعه اللي رايحه تكون من 21.00 حتى 1 يعني اربع ساعات ساعتين ونصف ديروا فيها لغات والمده المتبقيه تعالج فيها نقائص تاعكم وربي يوفقكم كاااامل وتوصلو لوين راكم باغيين 🩵💞 هاذي صديقة من قناة اقترحت علينا هذا برنامج من غدوة بإذن الله نطبقوه💗

اليوم الجمعة فيها ساعة اجابة للدعاء وجمهور الفقهاء على انها بعد العصر وقبل المغرب فسلوا الله التوفيق والبركة في الوقت وتسهيل الصعب

السلام عليكم ورحمة الله شوفو هادي نصيحة قيمة جدا جدا👇👇 ماشي وقت التماربن الصعبة الان التمارين لابد تكون واضحة في متناول التلميذ المتوسط التمارين الصعبة نحلوهم خلال السنة ماشي الان من اجل الرفع من القدرات الذهنية الان ماشي مرحلة بناء واستكشاف الجديد انما مرحلة التثبيت والترسيخ أيوب العمدة 🫡

طريقة دراسة الانجليزية للوقت المتبقي و لعلامة ممتازة بإذن الله: لازم تعرفوا الانجليزية مقسمة لثلاثة أقسام 1دراسة النص و الفهم 2القراما 3الفقرة أولا أسئلة النص: ذا يتعلق بزاف بفهم النص لازم تكون فاهم النص باش تخيروا هو و ذا هو العامل لي يخليك تخير السيجي✅️ باش تعرفوا تخيروا لازم يكون عندك باقاج مليح نتع كلمات و تكتاسبوه عن طريق حل كمية مليحة من السيجيات (بكالوريا الانجليزية) حاليا حلو باليوتيوب شغل ديرو مثلا حل باك2019 و الفيديو لي يخرجلكم ادخلو فيه و البروف رح يشرح الكلمات و نت تديهم و جرب تشدوهم و ديما هاكا و مبعد جربو تحلو وحدكم و قبل هاكا جيبو تجميعية كلمات لكل وحدة و ابقاو تقراو فيهم شحال من مرة باش تشدوهم (جيبوهم من كتاب الأستاذ ناصر منصوري) كملنا مع النص نروحو للجزء الثاني ثانيا القواعد: تقراوهم فالقسم أولا و يلا ما شديتوهمش بيا تروحو لليوتيوب الأستاذ لي عجبكم تقراو معاه شخصيا يعجبني منصوري و منصوري هم الفور✅️ الدروس كامل تلقاهم هنايا (المصفوفة الشاملة لكل الدروس) مع تطبيقات و الله ذي لقيتها بعد الباك بلو و فادتني بزاااااف و الله هايلة هااايلة🤌🤌🤌 ثالثا الفقرة: أولا و الحاجة لي تفرق و عليهم زوج نقاطي شكل الفقرة لازم تفرقوا بين Essay Paragraph و غيرهم صاحبتي خدمت كلش برفكت كيما انا بالصح شكل البرقراف خطأ نحاولها زوج دات 17.5 و انا 19.5 تلقاوهم فاليوتيوب حاطينهم كامل الأساتذة و شوفوهم عند منصوري كالعادة و تلقاهم في كتابو صينو ليكم هاذي فيها كلش و مام من كتاب منصوري (كيفية انشاء فقرة+أمثلة لفقرات) الفقرة ننصحكم تختاروا الأولى بيسك يمدولكم مساعدات انا كتبت بيهم مي درت تعابير ملاح و عرفت نوضفهم يعني يلا درتوا : (شكل الفقرة صحيح+كتبتو فالموضوع+الجحم صحيح) رح تضمنو 4 نقاطي بلا والو نورمامو قتلكم كلش و درت الروابط و كلش ما نسحقش واحد يجيب تحت 16 🙂⛏️ و الله ني سيريو القراما تقراو=جيبو و ساهلة بزاف النص ديرو شا قتلكم جيبو✅️ الفقرة هي الاسهل الا طبقتو شا قتلكم ايا بالتوفيق و اي إضافة و لا سؤال ابعثولي

ومش باه نخلعكم ولا بصح بما أنو تع اشبال الأمة حطو في موضوع تحويلات نقطية دوران وجدو رحكم غالبا تلقاو سوجي فيه التحويلات النقطية وسوجي لالا راني وصيتكم