دروس وقصص وحكايات ومسابقات و السيرةالنبوية للأطفال والكبار مع أ.حكمت محمد عليوه

الحلقة ٢٦من سيرة سيد الخلق سيدنا محمد صلى الله عليه وسلم 🤲🤲 وحلقة اليوم عن بعض الأحداث بعد غزوة بدر. وبدايةالسنة الثالثة من الهجرة 🌸🌸🌸🌸🌸🌸🌸🌸🌸🌸🌹🌹🌹🌹🌹🌹🌹🌹🌹🌹🌹🌹

https://t.me/braemseera     🍬🍭🍬🍭🍬    ﮩ••✾ *﷽*•✾••ﮩ حبايب قلبى الحلوين ❤️ نساء  ❤️وبراعم ❤️ موعدنا اليوم. مع حلقة  جديدة للسيرة النبوية وسيتم تسجيلها تباعا بإذن الله  🤲💕 وستنزل التسجيلات على قنوات التليجرام تباعا بمشيئة الرحمن 🤲🌹❤️ الحلقات للكبار والصغار 💕 تابعونا نسعد بتواجدكم معنا  ❤️🌹 ❤️❤️مع تيته حكمت محمد عليوه    🎈🧸🎈🧸🎈 *الساعة ،5 مساءا بتوقيت مصر*        6  مساءا بتوقيت مكة*           من كل يوم جمعة بمشيئة الله🤲🌹          ‏​‏​.•°˚˚°🌸❀🌸❀🌸°˚˚°•. https://t.me/braemseera      🍬🍭🍬🍭🍬 *رابط الزوم  للمعلمة تيتة حكمت* https://us06web.zoom.us/j/7537791205?pwd=TzFKQW9WU2Y1NCtNcE1xdHBjY0hoZz09 🍡🪄🍡🪄🍡🪄🍡 *رابط قناة دروس ا.حكمت* https://t.me/+JIVXlnMWtFYwNDdk رابط تسجيلات حلقات ماما أ حكمت عليوه للسيرة النبوية وسيرة الأنبياء والمرسلين https://t.me/+l5uAsMwgzoQxMTFk

السلام عليكم ورحمة الله وبركاته حبايبنا في كل مكان ازيكم النهاردة هنتكلم عن بلد واحدة من ال 22 بلد اللي حكينا عنهم المرات اللي فاتت، فاكرينهم اللي كانوا زي ال 22 اخ بتوعنا ويالا نبدا ونقول، كان ياما كان ولا يحلى الكلام الا بذكر الله ثم الصلاة على رسول الله كان في بلد جميلة جدا جدا ومليانة خير كتير اوي اوي، البلد دي مكنتش مهجورة وفاضية ابدا، من عشر الاف سنة والناس عايشة فيها، بتاكل وبتشرب وبتزرع الزيتون والزعتر من خمس الاف سنة جت قبائل من العرب اسمهم الكنعانين سكنوا البلد الجميلة دي وعمروها والبلد اتسمت باسمهم وبقى اسمها ارض كنعان، وبعد شوية سنين كتير جت قبيلة تانية تعيش معاهم وسكنوا جنوب الارض في مكان اسمه بلست، وبقى الناس اللي عايشة هناك اسمهم  البلستينيين وبعد شوية وقت الاسم بقي الفلسطينين المهم يا ولاد عاشوا كلهم مع بعض الكنعانين والقبائل الجديدة معاهم في استقرار وسعادة يعمروا البلد ويزرعوها ويكبروها واتجوزوا من بعض وبقى كلهم اسمهم الفلسطنيين استمر الحال دا يا ولاد اكتر الفين سنة والبلد دي عظيمة ومليانة خير. انتم عارفين ان سيدنا ابراهيم كان عايش في فلسطين وخلف اولاده الاتنين، سيدنا اسحاق وسيدنا اسماعيل هناك. وزي مانتم عارفين اخد سيدنا اسماعيل ومامته السيدة هاجر وسابهم في مكة يعمروها وبنوا الكعبة هناك، وسيدنا اسحاق عاش في فلسطين، وخلف ابنه يعقوب، وسيدنا يعقوب خلف سيدنا يوسف في فلسطين بردوا، لكن زي مانتم فاكرين قصته مع اخواته وبعد اما رموه في البير وراح عاش في مصر وكبر هناك وبقى عزيز مصر بعت جاب اهله كلهم يعيشوا معاه في مصر. سيدنا يعقوب كان ليه اسم تاني وهو اسرائيل، فاولاده اسمهم بني (يعني اولاد) اسرائيل بني اسرائيل زي مانتم شايفين من بداية وجودهم الشر واللي عملوه في اخوهم سيدنا يوسف، وكانوا عايشين في فلسطين زيهم زي غيرهم من السكان، عاشوا سنين قليلة جدا في فلسطين وبعدين سابوها وراحوا عاشوا في مصر مع سيدنا يوسف. وفضلوا عايشين في مصر سنة ورا سنة سنين طويلة اوي وكانوا ضعفاء اذلة وفضلوا على الحال دا لغاية سيدنا موسى اما بعث. سيدنا موسى بُعث وبني اسرائيل ضعفاء جبناء اذلاء عايشين خدامين عند فرعون وقومه في مصر، يقتل فيهم ويدبح فيهم براحته والحال دا كان سنين طويلة اوي اوي اوي وبعد ما امنوا بسيدنا موسى واخدهم وهرب من فرعون وقومه وربنا شق ليهم البحر، ربنا امرهم يرجعوا فلسطين تاني، سيدنا موسى قالهم يالا ندخل فلسطين ونعمل بلد عظيمة لينا (زي المدينة للرسول صلى الله عليه وسلم)، يالا ندخل الارض المقدسة، لكن هم رفضوا وقالوا مش هندخل ابدا لاننا لازم نحارب اهل فلسطين الموجودين دلوقتي وكان الحاكم والجيش بتاعه بقوا اشرار جدا جدا. اي بلد يا ولاد اما بتكون شريرة او ظالمة بيكون الحاكم هم اللي شرير هو والجيش بتاعه لكن باقي الشعب غلبان عايش وساكت ومستحمل ظلم وشر الحكام زي ما بني اسرائيل كانوا عايشين في مصر تحت ظلم الفرعون، وزي ما اهل فلسطين كانوا في الوقت دا عايشين تحت ظلم الحاكم الكنعاني بتاعهم. المهم بني اسرائيل رفضت حكم ربنا وقالوا مش هنحارب ابدا وربنا حكم عليه هيعيشوا اربعين سنة تايهين في الصحرا على باب فلسطين، مش هيكون ليهم ابدا بلد ولا استقرار لانهم مسمعوش كلام ربنا. وفعلا عاشوا في التيه اربعين سنة لغاية اما سيدنا موسى مات ومات كمان اخوه سيدنا هارون ومات معظم بني اسرائيل اللي رفضت تحارب، وكبر اولادهم وربنا بعت فيهم رسول تاني منهم اسمه يوشع بن نون يوشع بن نون قالهم يالا بقى نحارب الظلم الموجود في فلسطين وندخل نحرر الشعب الغلبان من ظلم الحكام وشرهم، وفعلا سمعوا كلامه ودخلوا حربوهم وكسبوهم ويوشع بن نون مع بني اسرائيل حكموا فلسطين، بس للاسف مستمروش كتير وبمجرد ما يوشع مات وبني اسرائيل اتفرقت تاني ومسك الحكم الكنعانين وفي الوقت دا بردوا الحكام الكنعانين كانوا ظلمة واشرار وبهدلوا بني اسرائيل، واخدوا فلوسهم وعذبوهم وذلوهم سنين طويلة، لغاية اما جيه حاكم في فلسطين اسمه جالوت. بني اسرائيل ساعتها طلبت من الرسول بتاعهم انهم يحاربوا، قالوله احنا تعبنا اوي من الذل ومن الضعف، عايزين حاكم قوي يحكمنا ونروح نحارب الظلم معاه، وفعلا ربنا ارسل اختارلهم طالوت يكون ملك عليهم واخدهم وحارب بيهم جالوت وفعلا قدر ينتصر ويكسب المعركة، لدرجة ان جالوت الحاكم الجبار دا قتله سيدنا داوود وساعتها كان عنده حوالي 16 سنة بس. عاشت بني اسرائيل من بعد الحرب دي في فلسطين، طالوت هو الحاكم، بيحكم جزء من فلسطين وكان عايش فيه بني اسرائيل اللي جايين من مصر والكنعانين اصحاب الارض)، (والساحل الفلسطيني كله اللي هو الجزء اللي على البحر فضل الحكم ليه للكنعانين) استمر الحال دا لغاية اما طالوت مات ومسك بعده الحكم سيدنا داوود وبعد موت سيدنا داوود، اتولى الحكم ابنه سيدنا سليمان وخلونا نقف هنا ونكمل باقي القصة المرة الجاية #فلسطين_قضيتي #الحلقة3

السلام عليكم ورحمة الله وبركاته حبايبنا الحلوين اخباركم ايه يارب تكونوا زي الفل مين فاكر القصة اللي حكيناها المرة اللي فاتت بتاعة ال 22 اخ اللي كانوا محافظين على ارضهم، وبيسمعوا كلام باباهم ومكنش حد ابدا بيقدر يهزمهم او يسرق ارضهم اهو حكايتنا النهاردة زي الحكاية دي بالظبط ويالا نبدا ونقول كان ياما كان ولا يحلى الكلام الا بذكر الله ثم الصلاة على رسول الله زمان ياولاد العرب، اللي هم الناس اللي بتتكلم عربي، كانوا متفرقين، كل شوية عائلات عايشين مع بعض، وكل عيلة بتتخانق مع التانية، عمرهم كله رايح في الخناق والفرقة، كل عيلة عايزة اسمها يكون هو الاقوى، (احنا عيلة فلان، واحنا عيلة علان) والخناقة تبدا، دي مكنتش بس خناقة دي كانت حروب طويلة ودا كان سبب ضعفهم دايما. فضل دا حالهم سنين وسنين لحد اما الرسول محمد صلى الله عليه وسلم ربنا اوحاله وبدأ ينشر الاسلام بين العائلات دي، وبدات الناس تحب الاسلام، وعدد المسلمين يكتر يوم عن يوم، لغاية اما الرسول هاجر للمدينة زي مانتم عارفين، ومن ساعتها بقى للمسلمين دولة. دولة المسلمين الولاد كانت كل الاراضي اللي عايش فيها مسلمين، فكانت الدولة بتكبر كل يوم، لان المسلمين كل يوم عددهم بيزيد، وفضل الرسول يحكم دولة المسلمين لغاية اما مات وبعد وفاته صلى الله عليه وسلم، حكم بلاد المسلمين الصحابة رضوان الله عليهم، وكان الحاكم ساعتها اسمه خليفة المسلمين. استمر الحال دا سنين طويلة، لمدة الف وتلتمية واربعيييييبن سنة 1340, في السنين الكتير دي الدولة الاسلامية حققت نجاحات كتير اوي، بقت دولة عظيمة كبيرة قوية جواها 22 بلد زي ال22 اخ بالظبط اللي حكينا عنهم، وخليفة المسلمين كان بيحكمهم كان المسلمين ساعتها مبيفرقش معاهم هم من اني بلد من ال22 بلد، المهم انه يكون من الدولة الاسلامية. دا كمان كان اي مسلم يقدر يسافر من اي مكان في الدولة الاسلامية لمكان تاني من غير لا ورق ولا تاشيرات ولا باسبورتات، الارض ارضهم كلهم والبيت بيتهم وطبعا الشر زي ما قلنا لازم يظهر وميبقاش مرتاح ولا فرحان ابدا بقوة واتحاد المسلمين، لانه حرامي وظالم وشرير وعايز ينشر فساده وظلمه في الارض كلها، بس دايما الدولة الاسلامية كانت بتمنعه وواقفة في وشه بتحاربه بكل قوتها. ومن هنا بلاد الشر ابتدت تنفذ خطة تفكيك الدولة الاسلامية زي ما عملوا بالظبط مع الاخوات، فضلوا يعملوا خطط في خطط وبسبب خيانة بعض من المسلمين قدروا يفككوا الدولة الاسلامية العظيمة دي كلها لدول صغيرة مبقاش خلاص في خليفة للمسلمين يدافع عن كل بلاد المسلمين، مبقاش خلاص ارض المسلمين ارض واحدة تجمعهم وتحميهم، وبالفعل اجتمع الاشرار مع بعض وبداوا يقسموا البلاد الاسلامية لدول صغيرة، ويوزعوها على بعض، زي بالظبط اما تشوف تورتاية جميلة وتفضل تقطع فيها وتوزع على اصحابك اهو دا بالظبط اللي حصل، فضلوا يرسموا في الخريطة ويقطعوا ويعيدوا تقسيم وتوزيع الارض الاسلامية وبقت كل بلد لوحدها خلاص، فمهما كانت الدولة قوية مش هتقدر عليهم لوحدها وهو دا اللي كان مطلوب وبدل ما كان عندنا الدولة الاسلامية وخليفة المسلمين، بقى عندنا مصر وفلسطين والسعودية والامارات واليمن والجزائر ولبنان وسوريا وغيرهم كتير من البلاد العربية اللي بقت لوحدها، كل بلد ليها حاكم، وليها اذن لدخول البلد ومبقاش حد يقدر يروح هنا ولا هنا من غير تاشيرة واذن سفر، وبعد ما كانوا كلهم حاجة واحدة، بقوا اغراب عن بعض والاسم بس اخوات، لكن محدش بيساعد حد ولا حد بيدافع عن حد ولا حد اصلا بيهمه حد من اخواته وكل واحد بيفكر في مصلحته هو بس وفي حتة الارض اللي قاعد فيها ومش مهم اخواتي يتحرقوا او يموتوا او يجرالهم اي حاجة فانا ملييييش دعوة، في ساعات طبعا الدول العربية بتساعد بعض، دولة او اتنين او تلاتة، وبيدخلوا حرب علشان بعض، لكن الغالب عليهم ان كل واحد مهتم بارضه وحدوده وبسسس وخلونا نقف هنا النهاردة ونتقابل المرة الجاية مع حاجة غريبة جدا وبجحة جدتدا عملها الاشرار في بلاد المسلمين، مش قسموهم بس! لا دول عملوا كمان حاجة فظيعة هنعرفها المرة الجاية بس هقولكم كلمة السر : فلسطين❤️❤️ #طوفان_الاقصى #فلسطين_قضيتي #فلسطين_عقيدة_مش_مجرد_ارض #الحلقة٢

السلام عليكم ورحمة الله وبركاته ان شاء الله هبدا مع الاولاد سلسلة فلسطين قضيتي انتظروني❤️❤️❤️