السيرة النبوية بالعامية للكبار والصغار

السلام عليكم ورحمه الله وبركاته فرصة كببييييرة ان شاء الله ان يكون لك ثواب علم ينتفع به في حياتك وبعد مماتك وتعليييم القرآن في ميزانك ان شاء الله 🌹👏دار الرضوان قديمة ولها نشاط كبييير وواسع في تعليم القرآن وتعليم علوم القرآن من أعظم أنواع النفقات ما تعلق بخدمة القرآن الكريم..ودور القرآن والسعي في بقائها واستمرار مسيرتها وأداء رسالتها.... 📌بدأنا بفضل الله فى السعى لاجراءات التصالح... لكى نستطيع العودة إلى دارنا المبارك... *سيتم فتح باب المساهمة لمن أراد أن يشارك معنا فى سداد مبلغ المصالحة* ... *المساهمة مفتوحة بما تجود بها النفس* وأسأل أن يجمعنا وإياكم في مستقر رحمته ودار كرامته... وييسر على كل من يسر لنا السداد🌷🌷 لا تفوتك هذه الفرصة 👏🌹ووزعوه في كل جروباتكم ولمعاررفكم ولاقاربكم علم ينتفع به هن شاء الله رقم الموبايل لڤودافون كاش وانستاباي او اورانچ 01207274070

📣

Shared from WhatsApp https://whatsapp.com/dl/source=sfw

⭐المصادر⭐ https://www.islamweb.net/ar/fatwa/102242/ http://www.sahaba.rasoolona.com/Sahaby/10248/تصفح-مفصل/نوفل-بن-معاوية-الديلي https://www.google.com/amp/s/islamqa.info/amp/ar/answers/1398 https://audio.islamweb.net/audio/index.php?page=FullContent&audioid=208225

معنى الكلام إننا نيأس بسرعة ونستسلم😅 يعني شوفوا رسول الله ﷺ قعد أربعين ليلة في الحصار واستخدم كل الوسائل المتاحة ويقدر يعملها وبذل ما في وسعه، ومع ذلك مكنش في نتيجة والهدف متحققش، رسول الله ﷺ معاندش بقى وصمم على إكمال الحصار بغض النظر عن الضرر إللي هيحصل للجيش وللدولة الإسلامية بسبب الحصار، فالمسألة مش مسألة عِند على أد ما هي مسألة تحقيق الأصلح، فمادام الأصلح هو التنازل عن الهدف إللي كان بيسعى لتحقيقه فعادي جدا يتنازل عنه عشان المصلحة الأكبر تتم، فرسول الله ﷺ تقبل في واقعية إنه ينسحب👌 وفي فرق كبير جداً بين المُثابرة على أداء عمل يعني المداومة عليه وبين تضييع الوقت، فالمثابرة على أداء عمل أمر مطلوب، لكن لازم يكون في مؤشرات للنجاح، لازم يكون في مقاييس تشير إلى إن العمل ده يمكن تحقيقه، ولازم الخسائر تكون أقل من الفوائد، عشان كده لازم يكون في متابعة وملاحظة وتقييم المستمر💁‍♂️ أما تضييع الوقت فهو الاستمرار في عمل يستحيل تحقيقه بالإمكانيات المتاحة، أو يتسبب في خسائر أكبر من الفوائد👌 هقول لكم مثال للتوضيح من حياتنا العملية وانتم قيسوا عليه، واحد مثلا حب يفتح مطعم لبيع كوسة بالباشميل فقط، والقصة دي حقيقية فعلا😅 المهم فتح المطعم وعمل له إعلانات وصرف عليه جامد، ومع ذلك عمّال بيخسر، بعض الناس نصحوه وقالوا له إن مش كل الناس بتحب الكوسة بالباشاميل فقال لهم أنا بحبها، فهو مش فاهم إنه لازم يبيع إللي الناس بتحبه مش إللي هو بيحبه، وفضل مصمم برده على بيع الكوسة بالباشاميل، فهو هنا بيضيع وقته وجهده وفلوسه في حاجة يستحيل تتحقق وملهاش فايدة، والصح إنه كان ينسحب من المشروع الفاشل ده مادام بيتسبب له في خسائر كبيرة👌 فرسول الله ﷺ لما شاف إن مفيش فايدة انسحب وتراجع عن تحقيق الهدف ده، ولأن بعض الصحابة مكنوش مستوعبين الواقعية إللي هو كان شايفها ﷺ، فخلّاهم يخوضوا التجربة بنفسهم عشان يفهموا بالطريقة العملية وجهة نظر رسول الله ﷺ، وموقف رسول الله ﷺ مع الصحابة ده بيعلمنا نقطة مهمة جدا في تربية الأطفال👌 ساعات عيالنا بيبقوا مصممين على حاجة أو رأي هو غلط واحنا عارفين إنه غلط وبننصحهم وهمّ مش بيستجيبوا، فاحنا هنا ممكن نعمل زي رسول الله ﷺ ونخليهم يجربوا بنفسهم عشان يشوفوا نتيجة رأيهم الخطأ وساعتها هيقتنعوا ويعملوا الصح بعدين، بعكس مثلا لو صممنا إنهم يعملوا إللي احنا شايفينه صح بالجبر، هيفضلوا طول عمرهم مفكرين إنهم صح وإن الأب أو الأم همّ إللي غلط ومتسلطين وهيحصل التمرد من الأبناء في أقرب فرصة، وهينفذوا آراءهم بعدين وهيبقى في أمور أشد وأخطر بكتير من آراءهم البسيطة وهمّ صغيرين👌 طبعا يا جماعة الكلام إللي قلته ده👆 ميكونش في حاجة فيها حرام ولا حاجة فيها خطر عليهم😅 يعني متجيش بنتي مصممة إنها متلبسش الحجاب الشرعي أو عايزة تتفرج على أفلام أو تسمع أغاني وأنا أخليها تجرب عشان تشوف إن إللي بتعمله ده غلط، لأ، ده أنا يجب عليّ منعها بكل الطرق لأنها مسؤولة مني وهتحاسب عنها يوم القيامة، لكن أنا بتكلم في الأمور العادية، يعني حد من عيالنا عايز يذاكر بطريقة معينة واحنا عارفين إن الطريقة دي غلط وهتضيع له وقته، وبنفهمه كده وهو مش مقتنع وعايز يذاكر بطريقته، فبنخليه يذاكر بطريقته ونديله مُهلة معينة ونشوف نتيجة المذاكرة بتاعته إيه، فلما هو يجرب ويلاقي إن طريقته كانت غلط، خلاص مش هيبقى في مشاكل بعدين، لكن لو غصبناه ومخليناهوش يجرب، كل مرة هييجي يذاكر هيبقى مقتنع إن طريقة أمه أو أبوه غلط وإن طريقته إللي مجرباهش هي إللي صح😅 فلو كان رسول الله ﷺ غصب الصحابة إنهم يرجعوا من غير ما يديهم فرصة القتال كانوا هيفضلوا يقولوا لو كنت سيبتنا يا رسول الله نقاتل كان زماننا فتحنا الحصن، لكن من حكمته ﷺ إنه خلاهم يجربوا بنفسهم عشان يقفل الموضوع ده خالص وميكنش له أي أثار سلبية في المستقبل👌 أما بقى ليه ربنا لم يُقَدر فتح الطائف، فهو له حكمة سبحانه، من الحكمة دي أمرين: ◇الأول: لو الطائف فُتحت في ظل الظروف الصعبة دي والقتال الشرس والمطاردة لهوازن وثقيف، والقتال في داخل الحصون، كان هيُقتل منهم عدد كبير جدا، وكان الإسلام هيفقد قوتهم جميعاً؛ لأن هوازن وثقيف أسلموا بعد كده، فلو قُتلوا كنا هنفقد قوتهم وكانت هتبقى عاقبتهم النار، وتخيلوا إن الطائف إللي تأخر إسلامهم دول هيكونوا من المدن إللي هتثبت على الإسلام بعد وفاة رسول الله ﷺ ومش هترتد زي باقي العرب👌 ◇الأمر الثاني: إن الانسحاب دون إتمام المهمة فتح لنا باباً أن نفعل المثل إن تعرضنا لنفس الموقف، يعني لو المسلمين اتعرضوا لنفس الموقف وحاصروا مدينة ومقدروش يفتحوها فهم يقدروا يعملوا زي رسول الله ﷺ وينسحبوا، وفعلا الموقف ده اتكرر في التاريخ، كان المسلمون يحاصروا حصون الأعداء وكان بعض الحصون بتكون صعبة وميقدروش يفتحوها فكانوا بينسحبوا، لكن بقى لو كان رسول الله ﷺ أصر على عدم الانسحاب لحد ما يفتح الحصن، كان هيبقى إحراج كبير جداً للأمة الإسلامية؛ لأنه

#قصص_الأنبياء(٢) #السيرة_النبوية #الحلقة_مائة_وستة_وسبعون #أحداث_السنة_الثامنة_من_الهجرة #فك_الحصار_عن_الطائف_والرجوع_إلى_الجُعرانة اتكلمنا المرة إللي فاتت عن فرض رسول الله ﷺ الحصار على الطائف، وشوفنا بعض محاولاته لفتح الحصن لكن الحصن كان منيع وأهل الطائف عندهم أكلهم وشربهم إالي يكفيهم سنة وأكثر، ورسول الله ﷺ مش هينفع يفضل في الحصار ده إلى أجل غير مسمى للأسباب إللي قلناها المرة إللي فاتت، وفترة الحصار طالت جدا يعني رسول الله ﷺ قعد أربعين ليلة محاصر لحصن الطائف من غير أي فايدة🤷‍♂️ فاستشار رسول الله ﷺ واحد من أصحابه من أصحاب الخبرة العسكرية والرأي السديد، لما تعرفوا اسم الصحابي إللي رسول الله ﷺ استشاره ده هتستغربوا جدا😅 الصحابي ده اسمه : 《نوفل بن معاوية الدَّيْلِي》 نسيتوه صح🤭 خلوني أفكركم بيه كده😁 نوفل بن معاوية ده هو زعيم بني بكر، القبيلة إللي دخلت مع قريش في صلح الحديبية، وهو إللي قاد قومه لقتل خزاعة، وإللي كان سبب في نقض صلح الحديبية، وإللي دخل الحرم المكي واستمر في عملية قتل رجال خزاعة، وإللي رد بالرد الكفري على قومه لما قالوا له: يانوفل إلهك إلهك، فقال لهم: يا بني بكر! لا إله لكم اليوم، وإللي كان سبب في خروج رسول الله ﷺ إلى فتح مكة المكرمة وبعدين حنين، وبعدين الطائف، سبحان مقلب المقلوب والله، من شهرين ثلاثة بس نوفل بن معاوية الديلي عمل الجرائم دي كلها وبعدها أسلم وحَسُن إسلامه وانضم إلى الجيش المسلم وبقى مستشار أمين من المستشارين العسكريين لرسول الله ﷺ👌 واحنا وإن كنا نعجب من تحوّله من الكفر إلى الإيمان، ومن الغدر إلى الأمانة، ومن حِلفه لقريش إلى دخوله في الإسلام، فالعَجَب كل العجب في موقف رسول الله ﷺ معاه، رسول الله ﷺ معملش زي إللي القادة بيعملوه مع قادة الجيش المعادي بالقتل والإبادة والسجن والتعذيب، زي بنشوف في كل مكان، لكنه وظّف طاقته في خدمة الإسلام، وده كان من عادته في كل حياته ﷺ، ولو تفتكروا في سرية ذات السلاسل لما جعل عمرو بن العاص قائد السرية دي بعد ما أسلم بوقت بسيط، فرسول الله ﷺ بلغ قمة الحكمة في التعامل مع الناس، وقمة الحكمة في إِنزال الناس منازلهم، وقمة الحكمة في احترام أرائهم واستغلال قدراتهم، وهو يعلم ﷺ إن القوّاد إذا هُمّشوا وأُهملوا مش بس هتضيع قواتهم، لأ، ده ممكن يكونوا وبال على الأمة👌 فلما استشار رسول الله ﷺ نوفل بن معاوية الديلي يعملوا إيه في الحصار إللي طال ده، قال له معاوية: "هم ثعلبٌ في جُحر، إن أقمتَ عليه أخذْتَه، وإن تركته لم يَضُرك" يعني هو بيشبه أهل ثقيف بالثعالب، وده حقيقي ومشتهر عنهم وسط العرب، حتى إن عيينة بن حصن قال عنهم: "إنهم قوم مناكير" يعني قوم أصحاب دهاء وفطنة، ومعاوية بن نوفل بيؤكد إنهم ملهمش مهرب من الحصون دي لما قال:《إن أقمتَ عليه أخذته》 لكنه في نفس الوقت بيشير لأمر مهم جدا لما قال: 《وإن تركته لم يضرك》 الكلمة دي معناها إن شوكة ثقيف وهوازن خلاص اتكسرت ومعنوياتهم هبطت للحضيض، ومش هتقوم لهم قائمة بعد إللي حصلهم في حنين، فهزيمتهم في حنين انتشرت وسط العرب، فهو بيقول لرسول الله ﷺ إنه لو صبر على الحصار هيوصل لمراده وغايته من فتح الحصن، لكن تضييع الوقت في حصارهم هيكون ضار بالجيش الإسلامي أكثر من ضرره بثقيف👌 فهنا قرر رسول الله ﷺ فك الحصار عن الطائف والانسحاب والرجوع لوادي الجعرانة إللي فيه الغنائم بعد ما شاف إن فعلا مفيش فايدة الحصار، فأرسل رسول الله ﷺ إلى عمر بن الخطاب إنه ينادي في الناس ويقول: "إنا قافلون غداً إن شاء الله" يعني احنا خلاص هننسحب وهنرجع بكرة لوادي الجعرانة، لكن بعض الصحابة من المتحمسين اتضايقوا من قرار العودة وترك الطائف من غير ما يفتحوها، فقالوا: نذهب ولا نفتح حصون الطائف؟! يعني إزاي نمشي من غير نفتح حصون الطائف، فلما رسول الله ﷺ شاف كثرتهم ورغبتهم، احترم رأيهم وكان عايزهم يتعلموا الدرس بصورة عملية، فقال لهم: اغدوا على القتال👌 يعني ما دام انتم عايزين تقاتلوا خلاص روحوا قاتلوا، فسمح لهم بالقتال في اليوم الثاني، وخرج المسلمون للقتال، وفي اليوم ده بالذات أُصيب المسلمون بإصابات شديدة😅 ومع ذلك رسول الله ﷺ مقعدش يلوم عليهم ويقول لهم مثلا مش قلت لكم، ما كنتم تسمعوا الكلام من الأول بدل الإصابات إللي أصابتكم دي، لأ، قال لهم بس: 《إنا قافلون غداً إن شاء الله》 والمرة دي محدش اعترض وقبلوا أمر رسول الله ﷺ واقتنعوا إن مفيش فايدة من القتال، وبدأوا في جمع حاجاتهم والاستعداد للرحيل بسرعة، فلما رسول الله ﷺ شاف سرعتهم في جمع رحالهم قعد يضحك ﷺ😁 خلاص اتعلموا الدرس وعرفوا إن رأي رسول الله ﷺ هو الأصلح والأصوب👌 ☆قرار الانسحاب إللي أخذه رسول الله ﷺ ده بيعلمنا درس مهم جدا وهو 《الواقعية في الحياة》، يعني يا جماعة مش عيب إننا نفشل في أمر من الأمور، ومش لازم كل معاركنا وكل مشاريعنا تبقى ناجحة، لكن المهم إننا منغرقش في العمل من غير ما ندرك إن الهدف بتاعنا غير قابل للتحقيق، لكن برده مش

هيبقى لزام علينا إننا نفعل مثله ﷺ؛ لأنه القدوة ويجب اتباعه، فلما انسحب رسول الله ﷺ بعد المشاورة فهو كده ترك الأمر لقادة المسلمين ولرأي الشورى، يعني لو المسلمين شافوا إن الحصار في وراه فايدة يبقى يصبروا لحد ما يفتحوا الحصن، زي ما حصل في فتح خيبر💁‍♂️ ولو شافوا إن الموضوع مستحيل أو خسائره كبيرة يبقى ينسحبوا زي ما حصل في الطائف، وفي الحالتين هم بيتبعوا وبيقتدوا برسول الله ﷺ👌 اتجهز الجيش للرحيل وهمّ ماشيين حصل موقف في منتهى الرقة من رسول الله ﷺ، بعض الصحابة كانوا لسه متضايقين إنهم مفتحوش حصن الطائف بعد كل ده، فقالوا لرسول الله ﷺ: يا رسول الله، ادعُ على ثقيف! فقال رسول الله ﷺ : اللهم اهدِ ثقيفاً وائْتِ بهم🤲 رسالة رسول الله ﷺ إنه يوصل بدعوته للناس مش إنه يقتلهم، هدفه إنقاذ الناس من النار مش إنه ينتقم منهم، مع ذكريات الطائف في المرة الأولى، وواقع الطائف في المرة الثانية من رفضهم للإيمان واستكبارهم عنه ومقاومتهم وقتالهم؛ لسه رسول الله ﷺ يرجو إسلامهم، ما غابت عن رسول الله ﷺ رسالته وهدفه أبدا، ولو تفتكروا لما جاءه الطُّفَيْل بن عمرو الدَّوْسي بيطلب منه يدعو على قومه دَوْس لأنهم رفضوا الإسلام قال رسول الله ﷺ: " اللهم أهد دوساً، وائت بهم" وبعد غزوة أحد وبعد ما قريش قتلوا سبعين واحد من أصحابه لم يدعو عليهم ولكنه قال: "اللهم أهد قومي فإنهم لا يعلمون" وصدق رسول الله ﷺ لما قال عن نفسه: " إِنِّي لَمْ أُبْعَثْ لَعَّانًا ، وَإِنَّمَا بُعِثْتُ رَحْمَةً" رجع رسول الله ﷺ من الطائف بعد أربعين يوم، ووصل إلى وادي الجعرانة، وكان عنده مهمة عظيمة، وهي مهمة تقسيم الغنائم الكتيرة دي على الجيش المنتصر👌 لكن رسول الله ﷺ موزعش الغنائم أول ما رجع على طول، ده استنى كم يوم يمكن ربنا يستجيب دعوته بسرعة ويأتي أهل الطائف ويُسلموا فيرجع لهم أموالهم ونساءهم وأطفالهم، فلما لقاهم مجوش والناس إللي أسلموا جديد بدأوا يطلبوا توزيع الغنائم ويلحوا، بدأ رسول الله ﷺ بتوزيع الغنائم، وتوزيع غنائم حنين بالذات موضوع طويل، عشان كده هنقوله كله على بعضه المرة الجاية إن شاء الله 😁 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي😊 #Eman_Shalapy