Усаров Тохир

🛑 Рамазон ойи мусулмонлар учун раҳмат, мағфират, савоб ишларда ўзаро мусобақалашиш ойидир. Бу муддатнинг ҳар бир кундузи-ю, кечасини дунё ва охират учун фойдали, манфаатли, имкон қадар савобли ва хайрли ишларга тўла ўтказишга, абадий саодатга эришиш учун ибодатларни гўзал тарзда адо этишга Аллоҳ Таолонинг Ўзи насиб айласин. Рамазон Карим раҳмат ойи бўлиш билан бирга гуноҳлар кечириладиган, мағфират ойи ҳамдир. Ушбу фазилатли ойда Ғаффор бўлмиш Зот барча гуноҳларимизни мағфират қилсин. Ҳақ Таоло Қуръони Карим мутолааси ва хатми, таровеҳ намозлари, Халлоқу Оламнинг зикри ва нажот дуоларини бизга ёқимли ва фойдали қилсин. Рамазон ойи муборак азиз юртдошлар! 📍Бизни кузатинг 👉https://t.me/toxir_yp

#Хушхабар: “Муборак ой суҳбатлари” яна жонли эфирда 🔸Ҳар йили муборак Рамазон ойи муносабати билан “Uzreport” телеканалида жонли эфирда етук уламоларимиз ва имом-хатиблар билан турли мавзуларда “Муборак ой суҳбатлари” ташкил этиб келинаётган эди. ✅ Ўзбекистон мусулмонлари идораси, Дин ишлари бўйича қўмита ҳамда “Uzreport” телеканали ҳамкорликда бу анъана бу йил ҳам давом эттирилмоқда. 🌙 Рамазон ойида “Муборак ой суҳбатлари” яна доимгидек, саҳарлик ва ифторлик вақтларида жонли эфирга узатилади. Кўп минг сонли телетомошабинларга мақбул бўлган маърифий суҳбатлардан баҳраманд бўлиб, Рамазон ойини илму маърифат билан ўтказинг. ✅ Ушбу кўрсатувнинг илк сонида Ўзбекистон мусулмонлари идораси раиси, муфтий Нуриддин домла ҳазратлари билан "Рамазон ойи фазилатлари" мавзусида бугун, ❗️1 апрель куни соат ⏰ 17:00 дан бошлаб, жонли суҳбат бўлиб ўтади.

Ўзбекистон мусулмонлари идораси матбуот хизмати

#Раҳмат_ойи_Рамазон #Рамазон Улашинг ⤵️ @muslimuzportal | @mp3muslim | @diniysavollar

SENING JOYING QOʻYLIQDA EMAS Navoiy viloyatidanman. 2019 yil Toshkent davlat iqtisodiyot universitetiga o‘qishga kirdim. Oilaviy sharoitim tufayli xarajatlarimni qoplash uchun ishlashga to‘g‘ri keldi. Ish qidira boshladim, ammo qayerga bormay "student kerak emas" deb qaytaraverishdi. Qancha harakat qilmay tayinli ish topa olmadim. Oxiri mardikorlikka chiqishga qaror qildim. O‘sha kuni ertalabdan yomg‘ir yog‘gandi. Bunday ob-havo sabab kunlik ishlarning narxi oshardi, ammo ishga olib ketuvchilar ham shunga yarasha ko‘p bo‘lmasdi. Bir payt oldimizga Spark kelib to‘xtadi. "80 ming so‘m beraman, yerto‘lani tozalash kerak" dedi va ish joyining suratini ko‘rsatdi. Ochig‘i, ish bu narxga arzimasdi, ya’ni bu yumushni bajarish uchun ko‘proq pul to‘lanishi kerak aslida. Biroq ishni hech kim olmadi. Qaytib ketishga pulim yo‘qligi uchun men rozi bo‘lib qo‘ya qoldim. Mahmud aka (meni ishga olib ketgan odam) shinavanda, ustiga ustak iqtisodchi, Kanadada firmasi bor ekan. Tezda chiqishib ketdim. To‘ytepagacha O‘zbekiston iqtisodiyoti haqida suhbatlashib ketdik. Manzilga yetgach, tezda ish boshladim. Mahmud akaning men bilan suhbatlashgisi keldi, shekilli, yonimga kelib yordam berishga kirishib ketdi. Gaplashib, qanday ishni tugatganimizni bilmay qoldik. Gap bilan bo‘lib, soat 21:00 bo‘lganini sezmabman ham. Mahmud akaga yotoqxonaga 22:00 dan keyin kirgizmasligini, tez ketishim kerakligini aytdim. Aka esa "Uyda bir o‘zimman. Oilam Kanadada. Agar xohlasang qolishing mumkin, ertalab o‘qishga ketaverasan" dedi. Shunday qilib, Mahmud akanikida qoladigan bo‘ldim. Tun yarmiga qadar suhbatlashib o‘tirdik. O‘sha kuni kitoblardagidan ko‘p bilimga ega bo‘ldimki, menga endi ishlagan pulim ham kerak emasdi. Ammo moddiy sharoitim bunga yo‘l qo‘ymasdi. Tong otdi. Ertalab uydan chiqib ketayotgan vaqtim Mahmud aka qo‘limga bir bog‘lam ming so‘mlik pul tutqazdi va "Kechgacha ishlaganing uchun mana 100 ming so‘m. Pulni sanama, o‘zimga to‘g‘ri odamman" dedi. Shu sabab pulni sanamay, rahmat aytib uydan chiqib ketdim. Yotoqxonaga yetib borib, pulni sanamoqchi bo‘ldim. Qarasam, ikkita 100 dollarlik pul qatlab qo‘yilgan ekan. Bitta ming so‘mlikka esa "Sening joying Qo‘yliqda emas, o‘qi!" deb yozilgan edi ©️Xusan Xudayberdiyev

🛑 Олий Мажлис Қонунчилик палатаси депутати Шуҳрат Полвонов Паст Дарғом туманида сайловчилар билан учрашди. Депутат дастлаб 32-сонли мусиқа ва санъат мактабида бўлиб, 107 та маҳалла маслаҳатчилари иштирокида мамлакатимизда хотин-қизларнинг ҳақ-ҳуқуқлари, қонуний манфаатларини амалга ошириш борасида олиб борилаётган ислоҳотлар билан танишди. Иштирокчиларни қизиқтирган саволларга батафсил жавоблар берди. Шунингдек, тумандаги Дўстлик маҳалласи аҳолиси муаммоларини тинглади, мурожаатлар ечими бўйича тегишли ташкилотларга сўровлар юборишга келишилди. Чандир маҳалласи ҳудудидаги 45-мактаб таъмирга муҳтожлиги, синфхоналар етишмаслиги, ўқув жиҳозлари яроқсизлиги тўғрисидаги муаммолар бўйича масъулларга сўровлар жўнатилди. Бундан ташқари, Буюк Турон маҳалласи аҳолиси фойдаланадиган битта трансформатор эскирганлиги, 50 дона электр узатиш бетон таянчларига муҳтожлиги ва шу каби бошқа мурожаатлар ечими юзасидан тегишли ишлар амалга оширилишига келишилди. Хонбуви ҲАЙИТОВА, "Адолат" СДП туман Кенгаши раиси. 👉 @pdhuz

#ТЕЗКОР #Паст_Дарғом 🛑 Дарҳол ўт ўчирувчилар етиб келиб ёнғинни бартараф этдилар. Туман ИИБ ЙҲХБ ходимлари ҳам воқеа жойида. 📍Бизни кузатинг 👉@pdhuz

🛑 Паст Дарғомда юз берган ЙТҲ оқибатида “Нексия-2ʼʼ автомашинасида ёнғин содир бўлган Аввал хабар қилганимиздек, "Пахтакор" маҳалласи “Самарқанд-Каттақўрғон” автомобиль йўлида икки автомашина иштирокида йўл-транспорт ҳодисаси юз берганди. Маълум қилинишича, ҳаракатланиб кетаётган фуқаро A.X. бошқарувидаги “Нексия-2” автомобиль ва шу йўналишда ҳаракатланиб кетаётган фуқаро Й.Ф. бошқарувида бўлган “Нексия-3ʼʼ автомобиллари ўртасида йўл-транспорт ҳодисаси сабабли “Нексия-2ʼʼ автомобилида ёнғин содир бўлган. Бу ҳақда дарҳол туман фавқулодда вазиятлар бўлимига хабар берилган. Воқеа жойига ёнғинга қарши курашиш гуруҳи соат 14:57 да етиб бориб, ёнғин соат 15:20 да ўчирилган. Мазкур ҳолат натижасида жароҳат олганлар ва ҳалок бўлганлар йўқ. Ҳозирда терговга қадар текшириш ишлари олиб борилмоқда. 📍Бизни кузатинг 👉@pdhuz

#ТЕЗКОР #Паст_Дарғом 🛑 Ҳозиргина Беклар ва Мевали оралиғида ЙТҲ содир бўлди. Битта машина ёниб кетди. 📍Бизни кузатинг 👉@pdhuz