♡أُحبّكَ ربي♡

قــصص رائــعة مقطع راااائع

خرجت من البيت لمشوار مهم .. بعد خطوتين من باب البيت تذكرت دعاء الاستخاره .. قلت بعد الدعاء اللهم "إن كان المشوار خير .. يسره و إن كان شر فاصرفه " بعد دقيقه واحده و انا لسه فى شارع البيت جالي اتصال من شخص فى المكان اللى انا رايحاله قالي الموظف اللى رايحاله مجاش النهارده !! رجعت و انا حاسه بعظمه ديننا الاسلامي و قيمه الدعاء .. احيانا بننسي إن ربنا مطلع و قدير .. لكن موقف يعرفك و يقولك "وَمَا قَدَرُوا اللَّهَ حَقَّ قَدْرِهِ " احنا بس بننسي نستعين بالله .. و ننسى نستخير و ننسى ان الله قدير .. و بنبقي زعلانين لو موقف عطلنا ! حقيقي الحمد لله ان لنا رب قدير مطلع عظيم لا يغفل ساعه و لا ينام . الحمد لله على نعمه الاسلام . -آمنه السواح

من الحاجات اللي اتعلمتها من الشيخ الحويني حفظه الله لما كان يأتيه اتصال هاتفي على الهواء وهو في القنوات الفضائية والمتصل يطلب منه إنه يدعيله مثلا يمتلك سيارة أو يتجوز البنت اللي بيحبها أو يحصل على عقد عمل الشيخ كان له إجابة واحدة فقط : اسأل الله أن يقضي لك الخير كم ممن تمنى سيارة = مات فيها وكم ممن تزوج من أحبها = شقي بها وكم من سافر للعمل = فانقلبت حياته يارب اجيب ولد = فيشقى بالولد يارب اخلف بنت = فيشقى بالبنت دع الحكيم الخبير يختار لك الأصلح فإنك أيها المسكين الضعيف لا تدري أين هو الخير!

تعرضت لخسارة مالية كبيرة وصلت لعدة ملايين من الجنيهات نتيجة استثمار تحويشة الغربة في مشروع ما في مصر .. استعوضت ربنا وقررت اركز ع دعاء "اللهم وسع عليا رزقي بالحلال وبارك لي فيه" في رمضان .. وروحت الاعتكاف في العشر الأواخر ببيت الله الحرام وأنا مركز ع الدعوة دي .. الشيطان كان بيجيلي أوقات كتيرة ويقولي انت راجل موظف ف المستشفى لك مرتب ثابت مش هيتغير .. لا بتعمل صفقات مثلاً هتضرب معاك ف مرة ولا شاطر ف البيزنس، ف هتغتني إزاي يا فالح ؟ لحد ما حصل موقف قدامي ف الاعتكاف لحد دلوقتي مش قادر استوعبه .. حسيته رسالة من ربنا ليا .. كل مجموعة معتكفين كانوا بيلموا من بعض ويجيبوا فطار خفيف كده ع أدهم يفطروا بيه .. ف كنا خمسة ستة واشترينا أربع علب فول وعلبتين بصارة وعيش .. كان معانا شاب صومالي له مع الله شأن، وكان كريم جداً .. فرش السفرة ويلا يا شباب .. وكان كل ما يلاقي حد من المعتكفين معدي جنبنا يدعيه للأكل .. بيني وبين نفسي عمال أقول يابني كفاية هتفضحنا الناس مش هتلاقي حاجة تاكلها .. دول أربع علب فول واتنين بصارة انت مش دابح خروف يعني .. والولد مش مبطل يدعي الناس ووسعوا لبعض يا شباب لسه فيه مكان فاضي هناك .. قعدنا ناكل وكنت مركز قوي عاوز أشوف الاحراج اللي هيحصله ده هيتصرف معاه إزاي .. قسماً بالله قعدت أعد الناس اللي جم فطروا معانا لقيتهم سبعة وتلاتين واحد .. والأكل جاي لستة أفراد بس .. قسماً بالله كنت بغمس الفول بعدها أحس إن الفول ف العلبة بيزيد بعدها مش بينقص كإني بغمس من بير .. قسماً بالله الفول والبصارة كان لهم طعم رهيب عمري ما تذوقته في حياتي قبل كده .. قسماً بالله قومنا كلنا من ع الأكل وكل واحد حاسس إنه مش قادر يتنفس من الشبع .. ف حسيت إنها رسالة من ربنا ليا ف الأيام المباركة دي وفي المكان المقدس ده .. إن الرزق مش ف كثرة الفلوس خالص بقدر ما هو ف "البركة" ف اللي موجود معاك حتى ولو كان حاجة بسيطة خالص .. زي ما حصل معانا كده بالفول والبصارة .. 👌

💫 لن تفهم حكمة المنع الآن.. وربما لن تفهمها مُطلقا، ما يجب عليك فقط هو علمك بأن الله الذي أسمى نفسه الحكيم، هو نفسه الذي أسمى نفسه العليم، جل جلاله يُعطي بحكمة ويمنع بحكمة، يجدك تتعلق بشيء فتفقده فتظنه حرمك والأصل أنه بحكمته البالغة حفظك، تسعى لشيء فلا تصل وربما إن واصلت ووصلت لا تجده فتظن أنك أخطأت ولكن بعلمه التام أنك أصبت وأثِبت، تُحب فتُخذَل، أو تذبُل بعد أن تبذُل، أو تؤذى وأنت الذي لا تعرف شرّا ولا أذى، فتسأل لماذا كل هذا؟ فلا تجد جوابا شافيا والفصل في أمرك كل أمرك أنك بلطف الله مُحاط، وتحت مسمعٍ ومرأى من عنايته الإلهية مُساق، حتى وإن بدا لك في الأقدار عكس ما ترجو وتتمناه.. فليس شرطًا في الحُب أن تقف على كل شيء من محبوبك لتفهمه، إنما الحُب هو كامل التسليم والرضا، وكل ما أتى من الحبيبِ حبيبُ. #صباحكم سعادة تملأ قلوبكم وأمان يعانق أرواحكم #افتح_لي_قلبك https://t.me/iftahlyqalbak .