Бургут

Шамсиддин Соҳибназаров Бош прокурор ўринбосари — Иқтисодий жиноятларга қарши курашиш департаменти бошлиғи лавозимидан бўшатилгани айтилмоқда Соҳибназаров департамент бошлиғи лавозимида 2023 йил октябридан бери ишлаб келаётганди. Хабар расман тасдиқланмаган. @burgutuzb

Грузия парламентида депутатлар муштлашиб кетди Машмаша хорижлик агентлар тўғрисидаги қонун лойиҳасини "Грузин орзуси" партияси томонидан яна кун тартибига олиб чиқилиши ортидан рўй берган. Мухолифат партия етакчилари бунга шундай қараб тура олмаган. @burgutuzb

Шавкат Мирзиёев 18-19 апрель кунлари расмий ташриф билан Тожикистонда бўлади. @burgutuzb

Ўзбекистон Яқин Шарқдаги вазият кескинлашувининг янги босқичидан чуқур хавотирда эканини маълум қилди Ташқи ишлар вазирлиги баёнотида айтилишича, Ўзбекистон томони барча тарафларни босиқликка, ҳарбий ҳаракатларни давом эттиришдан тийилишга ҳамда можарони энг қисқа фурсатларда сиёсий тартибга солиш учун мумкин бўлган барча чораларни кўришга чақиради. «Мазкур минтақадаги кескинликнинг авж олиши янада жиддий оқибатларга ва кенг кўламли ҳарбий қарама-қаршиликларга олиб келиши мумкин деб ҳисоблаймиз», дейилади ТИВ баёнотида. @burgutuzb

Уч қаватли йўл ўтказгич ёнида ЙТҲ содир бўлди. Ҳодиса натижасида машиналардан бири ағдарилиб ётганини кўриш мумкин. @burgutuzb

Машиналарини қандай сотишни билмаган UzAM давлат ташкилотларига Ониксни мажбурлаб ўтказишга уринмоқда. Ўзавтосаноат хатига кўра, давлат идораларига машина 24 ойга фоизсиз бўлаб тўлашга таклиф қилинмоқда. Бозор қийматига ҳисобласак, бир йиллик омонат фоизлари ўртача 25 фоизни ташкил қилади. Яъни сиз шунчаки пулингизни омонатга қўйсангиз у 25 фоиздан 27 фоизгача "туғади". Икки йилда 50 фоиз. Агар Оникснинг энг қиммат модели 215,6 млн сўм бўлса, бунда 107,8 млн сўм тўлаб, худди шу суммани 2 йил фоизсиз бўлиб тўлашингиз мумкин. 107 млн сўмни 25 фоизли шартда омонатга қўйсангиз у икки йилда сизга салкам 54 млн сўм фойда келтиради. Қиёсан олсак, UzAM шундоқ ҳам 15 млн чегирма билан сотаётган машинасини 54 млн зиёнига бўлсада сотишга ҳам тайёр. Ундан кўра, ўша 54 млн сўмни шундоқ чегирма сифатида эълон қилиб, оддий халққа сотиб юборса бўлмасмикан? Халқ учун бундай катта чегирма қилиб, репутациясини йўқотишдан қўрқишармикан ёки? @burgutuzb

🏦Бизнесни ривожлантириш банкига бириктирилган маҳаллалар аҳолиси учун ажойиб имкониятни тақдим этамиз! "Томорқа бизнес" микроқарзи билан ўз хонадонингизда бизнесни йўлга қўйинг. Полиз экинларини етиштириш, парранда ёки қорамол боқишдан тортиб, хизмат кўрсатишни ташкил этиш каби йўналишларда бизнесни ташкил этинг. 💼 Кредит шартлари: Миқдори: 20 млн. сўмгача Муддати: 4 йилгача Йиллик фоизи: 24% 📈 Бизнесни ривожлантириш банкининг мижозлари қаторига қўшилинг ва даромадингизни ошириш имкониятини бой берманг. ☎️Батафсил маълумот учун 1254 ёки @brbsupport га мурожаат қилинг. Реклама

Президент сирдарёлик боғбонга Tracker автомашинасини совға қилди Президент Шавкат Мирзиёев Сайхунобод туманидаги Пахтакон маҳалласида яшовчи миришкор боғбон Турсунбой ота Ариповга Tracker автомашинасини совға қилди. Отахон меҳнат фаолиятини 15 ёшида колхозда сувчиликдан бошлаган. Кейинроқ туманда ташкил этилган бўрдоқичилик чорва фермасида 40 йил меҳнат қилди. 2011 йилда нафақага чиққач, томорқасида узумчилик билан шуғуллана бошлади. Узоқ йиллар узум етиштириб, ток парваришининг ҳадисини олди. Ҳозир узумнинг ризамат, ҳусайни, келин бармоқ, шоҳонаки, кетмон соп каби навларини кўпайтирмоқда. Отахон янги “абатар” навини пайванд қилганини айтди. @burgutuzb

Эрон вакили Исроилга ҳужум юзасидан чақирилган БМТ кенгашида нималар деди? Эроннинг БМТдаги вакили Амир Саид Иравоний Исроил ҳарбий объектларига қилинган ҳужум туфайли чақирилган БМТ Хавфсизлик кенгаши мажлисида қуйидагиларни маълум қилди: — Эроннинг Исроилга қарши жавоб зарбаси фақатгина ўзини-ўзи ҳимоя қилиш ҳуқуқи доирасида амалга оширилди; — Жавоб зарбаси аниқ ва фақат ҳарбий нишонларга қаратилган эди; — Эрон Исроилга ҳужумни катта можаро авж олиш эҳтимолини минималлаштириш ва тинч аҳолига зарар етказмаслик учун эҳтиёткорлик билан амалга оширди; — Агар АҚШ Эронга қарши ҳарбий операцияни қўллаб-қувватласа, Теҳрон ҳам бунга мос тарзда жавоб қайтаради; — Эрон Яқин Шарқдан ўзига уруш уруш қидирмаяпти. @burgutuzb

ДХХ Қашқадарёда ҳоким ўринбосарини, Андижонда МЧЖ раҳбарини, Тошкентда МИБ катта инспекторини ва Фарғонада туман ҳокимияти ходимини қўлга туширибди. @burgutuzb

Дам олиш кунлари Паркент тумани Сўқоқ қишлоғига сел келибди. @burgutuzb

Uzbekistan Airways Исроилга парвозларни бекор қилди Яқин Шарқ мамлакатларининг бир қисми устидан ҳаво ҳудудининг ёпилиши муносабати билан, шунингдек, Ўзбекистон авиация ҳукуматининг парвозлар хавфсизлигини таъминлаш зарурати билан боғлиқ қарорини ҳисобга олган ҳолда, Uzbekistan Airways фақат 15 апрель куни HY301/302 Тошкент - Тель-Авив - Тошкент йўналишидаги авиақатновларини бекор қилди. Ушбу авиақатнов чипталарини қайта бронь қилиш ёки пул маблағларини жарима ундирилмаган ҳолда қайтариб олиш мумкин. @burgutuzb

Куни кеча Қорақалпоғистон Республикаси маъмурий судининг судьяси С.А.Г. ҳам спиртли ичимлик ичиб, маст ҳолда транспорт воситасини бошқариб бораётганда қўлга тушган. Ҳуқуқбузарнинг мастлиги тиббий кўрик вақтида ҳам тасдиғини топган. Маълумотларга кўра, судьяни расмийлаштириб, автомобилни жарима майдонига жойлаштирган ЙҲХ инспекторига ҳозирда босимлар ўтказилмоқда. @burgutuzb

Ҳиндистоннинг Air India авиакомпаниясига қарашли Boeing 787-8 Dreamliner йўловчи ташувчи самолёти Амритсар - Лондон йўналишида ҳаракатланаётганда, кутилмаганда йўналишини ўзгартириб, Ислом Каримов номидаги Тошкент Халқаро аэропортига қўнишга мажбур бўлди. Ҳозирча, экипаж нима сабабдан Тошкентга мажбурий қўнишни амалга оширгани маълум эмас. @burgutuzb

Ислом инқилоби муҳофизлари корпуси Эроннинг Исроилга қарши амалиёти «кутилганидан муваффақиятлироқ чиққани»ни айтди «Бизнинг Исроил томонидан ҳар қандай тажовузга реакциямиз янада қаттиқ бўлади», — дея корпус қўмондонларидан бири Ҳусайн Саломийнинг сўзларини келтирган Эроннинг Press TV давлат телеканали.  Ўз навбатида, Исроил мудофаа вазири Ёав Галлант Эрон билан қарама-қаршилик «ҳали тугамагани»ни айтган. The New York Times маълумотига кўра, Исроил Эронга жавоб зарбасини ўз иттифоқчилари билан келишмоқда. @burgutuzb

Байден Нетаняхуни огоҳлантирди: агар Исроил Эронга ҳужум қилса бунда АҚШ иштирок этмайди. Видеода Эрон кўчалари. @burgutuzb

Ливаннинг жанубий қисмидан уюштирилган ракета ҳужумлари оқибатида Исроилдаги ҳарбий база зарар кўрди Исроил томони маълумотига, кўра, Эрон Исроилга 200 дан ортиқ ракета ва дронлар билан ҳужум қилган. Исроил ҳаво мудофаа тизимлари томонидан кўплаб ракеталар манзилга етмасдан уриб туширилган. @burgutuzb

Исроил ҳудудига ракеталар бориб тушгани акс этган видеолар ҳам пайдо бўлмоқда. @burgutuzb

Эрон Исроилга ҳаво ҳужуми уюштиришни бошлади Эроннинг Тасним агентлиги хабарига кўра, Исроил ҳудудига дронлар юборилган. АBC News маълумотларига кўра, Эрон фақат ҳарбий объектларга ҳужум қилмоқда. @burgutuzb

Фарғонада ўқитувчи ўқувчининг қариндошлари томонидан калтакланди @burgutuzb

Эрон ҳарбийлари исроиллик миллиардернинг кемасини эгаллаб олишди MSC ARIES юк кемаси Эронлик десантлар томонидан эгаллаб олинган. Португалия байроғи остида ҳаракатланаётган ушбу кема исроиллик миллиардер Эйел Офернинг Zodiac Group компаниясига тегишли бўлган. БААдан Ҳиндистонга кетаётган кема десантлар томонидан эгалланганидан сўнг Эрон томонга қараб ҳаракатлана бошлаган. @burgutuzb

Токаев сув тошқинлари сабабли анъанавий ўтказилиб келинадиган халқаро тадбирни бекор қилди 2024 йилнинг 13-14 июнь кунлари ўтказилиши керак бўлган нуфузли Астана Халқаро Форуми бу йил ўтказилмайдиган бўлди. Ҳар йили ўтказилиб келинадиган ушбу форумнинг бекор қилинишига мамлакатдаги кенг кўламли сув тошқинлари сабаб бўлган. @burgutuzb

Кеча ва бугун ёғган ёмғир кўплаб ҳудудларга сел олиб келди. Жумладан Тошкент-Термиз йўлидаги трассани ҳам сув босди. @burgutuzb

Австралиянинг Сидней шаҳридаги савдо марказида икки нафар номаълум шахс одамларга пичоқ билан ҳужум қилган. Полиция уларнинг бирини отганини, иккинчисини қидираётганини маълум қилган. Бир нечта одам жиддий жабрланган. @burgutuzb

Блогер Activist ЙТҲга учради Мирзо Улуғбек тумани Янги Ўзбекистон кўчасида 19 ёшли ҳайдовчи И.Қ. бошқарувидаги Monza, 27 ёшли Ҳожиакбар Носиров бошқарувидаги BYD Song Plus ва 31 ёшли А.А. бошқарувида бўлган Cobalt автомашиналари тўқнашган. Воқеа натижасида ҳеч ким жабрланмаган. @burgutuzb

Сурхондарё вилояти ҳокимига биринчи ўринбосар тайинланди Ражабов Шерзод Абдимуратович Сурхондарё вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди. Тайинловга қадар у Қизириқ тумани ҳокими лавозимида ишлаган. @burgutuzb

Навоий вилояти ҳокимига янги ўринбосар тайинланди Сулаймонов Рустам Давутович Навоий вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди.  Тайинловга қадар у “Микрокредитбанк” акциядорлик-тижорат банки бошқаруви раиси ўринбосари лавозимида ишлаб келган. @burgutuzb

Тошкентдаги Бўрижар каналида 3 киши чўкиб кетди Тошкентдаги Бўрижар каналида уч киши, жумладан, 5 ёшли бола ва унинг онаси чўкиб кетди. Уччала қурбоннинг жасади топилган, учинчисини қидириш ишлари давом этмоқда. Воқеа 10 апрель куни содир бўлган. Гувоҳларнинг сўзларига кўра, 5 ёшли бола қирғоқда ўйнаб, тасодифан сувга тушиб кетган. Уни кўрган аёл (боланинг онаси) болани қутқариш учун сувга сакраган, бироқ кучли оқим туфайли у ҳам чўкиб кетган. Бошқа бир киши уларга ёрдам беришга ҳаракат қилган, лекин уни ҳам сув оқими олиб кетган. @burgutuzb

Қорақалпоғистон ва Хоразм айни дақиқаларда осмонда ғайриоддий ёруғ осмон жисмининг порлашига гувоҳ бўлишди. Эрон, Ироқ, Исроил ва ва бошқа давлатларда ҳам номаълум объектнинг видеоси тарқалди @burgutuzb

Ливандан Исроил томонга қарата 50 дан ортиқ ракета учирилди. @burgutuzb

Эрон бугуноқ Исроилга ҳужум қилиши мумкин CBS News нашри Эроннинг Исроилга ҳужумини бугундан бошланишини таҳмин қилмоқда. Нашрнинг ёзишича бу жуда кенг кўламли ҳужум бўлиб, Исроилга ҳали бунақа кенг масштабли ҳужум тарихда бўлмаган. @burgutuzb

Мўйноқда туз ёғмоқда Қорақалпоғистонда бошланган кучли шамол Оролнинг қуриган еридаги тузларни кўтармоқда. Натижада яқин ҳудудларга туз ёғмоқда. @burgutuzb