Йиғлама дил

🌿 Ishq bir hasratdir.. Hojar onamizdek bir goʻdak bilan choʻllarda Allohga omonat yashamoqdir. 🌿 Ishq ishonchdir... Ibrohim Xalilullohdek eng sevganini eng sevganiga ikrom qilmoqdir. 🌿 Ishq hayodir.. Odam Atodek gunohlardan uyalib qirq yil osmonga qaray olmasdan yigʻlab, avf soʻramoqdir. 🌿 Ishq fidoyilikdir.. Yaʼqub alayhissalom kabi Allohga qilgan birgina xatosi uchun eng suyganining firoqida hijronda yashamoqdir. 🌿 Ishq fidokorlikdir.. Xuddiki bor davlatini din uchun fido qilgan Xadicha onamizdek. 🌿 Ishq rashkdir.. Xuddiki Oisha onamizdek, vafot etgan boʻlsalar ham sevganlarini Xadicha onamizdan qizgʻanib koʻz yosh toʻkkandek. 🌿 Ishq kechirishdir.. Yusuf alayhissalomdek oʻziga minglarcha xiyonatlarga sevgi bilan javob bergandek. 🌿Ishq yigʻlamoqdir.. Tanimaydigan ummatining gunohlari uchun yigʻlamoq kabi.. 🌿Ishq Alloh uchun moʻminni sevmoqdir...Xuddiki Sevimlisi Hamzaning jigarini sugʻurib olgan Vahshiydan moʻmin boʻlgani uchun nafratlanmagan Habibimiz (s.a.v)dir..! ✨ 𝐓𝐞𝐥𝐞𝐠𝐫𝐚𝐦 | Йиғлама дил

КУНЛИК ЗАРУРИЙ ЭСЛАТМАЛАР❗️ 📖 Агар сиз қадрингиз йўқлигини, обрўйингиз тушиб кетаётганини ҳис қилсангиз "Инсон" сурасининг 22-оятини ўқинг! "Албатта, бу сизлар учун мукофот ва сизларнинг саъй-ҳаракатларингиз (Аллоҳ наздида) мақбулдир”. 📖 Агар сиз ўзингизни муваффақиятсиз, омадсиз деб ҳисобласангиз, ноумидликка тушсангиз "Юсуф" сурасининг 87-оятини ўқинг! "Эй, ўғилларим! Борингиз-да, Юсуф ва унинг укасини излангиз ва Аллоҳнинг раҳматидан ноумид бўлмангиз. Зеро, Аллоҳнинг раҳматидан фақат кофирлар қавмигина ноумид бўлур”. 📖 Агар ўзингизни ҳамма нарсадан маҳрум қилинган деб ўйлаётган бўлсангиз "Иброҳим" сурасининг 34-оятини ўқинг! "Шунингдек, сизларга барча сўраган нарсаларингиздан ато этди. Агар Аллоҳнинг неъмат(лар)ини санасангиз, саноғига ета олмайсиз. Ҳақиқатан, инсон (ўзига) ўта золим ва (Раббига) жуда ношукрдир”. 📖 Агар сиз қийинчилик ва машаққатлардан чарчаган бўлсангиз "Шарҳ" сурасининг 5-оятини ўқинг "Бас, албатта, ҳар бир қийинчилик билан бирга енгиллик бордир”. 📖 Агар одамлар сиз билан жанг бошласалар "Фурқон" сурасининг 63-оятини ўқинг! "Раҳмоннинг (суюкли) бандалари ерда камтарона юрадиган, жоҳил кимсалар (бемаъни) сўз қотганда “Саломатлик бўлсин!” деб жавоб қиладиган кишилардир”. 📖 Агар сиз турли қўрқувлардан қутулишни истасангиз "Бақара" сурасининг 62-оятини ўқинг! "Албатта, мўминлар, шунингдек, яҳудийлар, насронийлар ва собиийлардан кимки Аллоҳга ва охират кунига имон келтирса ҳамда солиҳ амалларни қилса, уларга Раббиларидан ажр бордир, уларга хавф йўқдир ва улар ташвиш ҳам чекмаслар”. 📖 Агар гуноҳларингиз кечирилишини истасангиз "Оли Имрон" сурасининг 135-оятини ўқинг! "Улар бирор фаҳш иш қилиб қўйсалар ёки ўзларига зулм қилиб қўйсалар, (дарҳол) Аллоҳни эслаб, истиғфор айтадилар. Ваҳоланки, гуноҳларни фақат Аллоҳгина мағфират этар. Яна, улар била туриб, қилмишларида давом этмайдиган кишилардир"! http://t.me/nozimaho

ШЕРЛАР ИККИЛАНИБ ТУРГАН ҚАТЪИЯТСИЗ ЎЛЖАНИ ЎРАБ ОЛИШАДИ Шерлар бошқаларнинг заифлигини ички туйғу билан ҳис қилишади. Биринчи учрашувдаёқ келишув, ён бериш ва чекинишга тайёрлигингизни намойиш қилсангиз характерида қонхўрлик хос бўлмаган одамда ҳам йиртқичлик туйғуларини уйғотиб юборасиз. Ҳамма нарса ташқи таъсирни қандай қабул қилишга боғлиқ. Сизнинг қиёфангизда босимга дош беролмайдиган, барча талабларга тез кўнадиган, ҳимоя позициясида туриб иш кўрадиган одамни кўришса — сизни раҳмсизларча эзиб ташлашади. Роберт Грин, сиёсатшунос, ёзувчи ва психолог Жалолиддин Сафоев таржимаси. http://t.me/nozimaho

* * * Зарба келиб қолса орқадан ногоҳ, Бошинг буриб, ортга ташлама нигоҳ. Йўқса, кўриб таниш чеҳраларни, оҳ, Алам-дардинг баттар ортади, эвох. Бобур Бобомурод

“ҲАР ЕРНИ ҚИЛМА ОРЗУ...” Одамлар бошқа юртларга кўчиб ўтсам бахтли бўламан деб ўйлашади. Кейин маълум бўладики: қаёққа бош олиб кетмайлик биз ўзимиз билан ўзимизни олиб келган бўламиз. Нил Гейман, инглиз ёзувчиси Жалолиддин Сафоев таржимаси

#ибрат КАМГАП БЎЛИНГ! Оғзи ёпиқ балиқни ҳеч ким қармоққа тушира олмайди. Сиз ҳам оғзингизни ёпинг. Чунки қанчадан-қанча инсонлар сизнинг хатоларингизни овлаш пайида юрган бўлади. Сиз худди майин ёмғир каби бўлингки, ёмғир қаерга ёғса, ўша ерга манфаат етказади. http://t.me/nozimaho

Кўк "Жигули" яна трендда...

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Агар инсон вафот этса, унинг амали тўхтаб қолади. Фақат 3 нарсада тўхтамайди, яъни номаи аъмолига ёзилиб боради: 1️⃣) Садақаи жория, яъни манфаати етадиган йўлда қилинган садақа, эҳсон. 2️⃣) Манфаатли илм, яъни таълим берилган илм ва ёзиб қолдирилган асар. 3️⃣) Ота-онасига дуо қилувчи солиҳ фарзанднинг ортда қолдирилиши”, — деб айтдилар. (Имом Муслим ривояти) http://t.me/nozimaho

Сени Аллоҳдан чалғитган ҳамма нарса бахтсизликдир! Абу Сулаймон Дороний ҳазратлари

#Тафаккур Бир бой киши маҳалласида ўзи учун катта қаср қурдирди. Қаср битганидан кейин бутун маҳалла аҳлини чақириб, дастурхон ёзиб зиёфат берди. Зиёфат дастурхонига қарию-ёш, хотину-эркак, ақиллию-девона барча-барчани даъват этди. Ҳар бир маҳалла-кўчанинг "девона"си бўлганидек, бу маҳалланинг ҳам бир "девона" (хароботий) си бор эди. Зиёфат тугагандан сўнг аҳоли тарқалар экан, бой хизматкорларига: -"Девонага айтинглар, бу қасрдан кўнглига ёққан нарсани олсин!", деб буюрди. Девонанинг кўзи боғда боғлаб қўйилган оппоқ отга тушди, ва: -"Мана шу отни истайман", деди. У от эса бойнинг энг севимли отларидан эди. Шу сабабдан бой: -"Йўқ, бўлмайди! Бошқа нарсани истасин!", деди. Девона ҳам худди бой билан ўчакишгандай, оқ отни талаб қилиб туриб олди. Бой ҳам қатъиятлик билан: -"Йўқ, бу от ҳеч кимга берилмайди!", деди... Зиёфат тугаб, ҳамма уй-уйига тарқалаётган эди. Девона қасрдан ғамгин ва паришон ҳолда чиқиб кетаётиб, ўзига ўзи бир нарсалар деб ғўлдирар эди. "Девона"нинг ўзининг бундай тутиши бойнинг эътиборини тортди ва хизматкорларига: -"Бориб эшитиб кўрингларчи, бу "девона" нималар деб ғўлдираётган экан?", деди. У тинмасдан ушбу сўзларни такрорлар эди: -"Эй Аллоҳ, Сен истаганингда, у берган бўлар эди. Бой ўзи ким бўлибди ки бермаса?!" ... Хизматкорлар девонанинг айтган сўзларини бориб бойга етказишди. Шунда бой: -"Уни тезда орқага қайтаринглар ва истаган оқ отини бериб, уни хурсанд қилинглар!", деди. Отни унга беришди. Девона қўлида ўзи истаган оқ отни жиловини ушлаганча қасрдан чиқиб кетар экан, яна айни шаклда бир нарсаларни ғўлдираб кетаётган эди... Бой ҳайрон бўлиб, яна хизматкорларига: -" Бориб эшитиб кўрингларчи, бу сафар яна нималар деяётган экан?", деб буюрди. Хизматкорлар бойнинг олдига югуриб келиб, ҳайрат билан шундай дейишди: -"Биласизми хўжайин, у нима деди?! Хўш, нима деди? Эй Аллоҳ! Сен истадинг, у берди. Бой ўзи ким бўлибди ки бермаса?! Сен истадинг, у берди. Бой ўзи ким бўлибди ки бермасин?! Етарки, Сен истагин Роббим!"... 🌸🌙🌺🌼🌷🌙🌿🍀🌱🌻🌹 Ҳар нарсага куч-қудрати етган Зот, мутлақо беради. Ё бериб туриб беради, ёки бермай туриб беради. Роббим сендан юбориладиган ҳар бир яхшиликка муҳтожмиз. Улуғ кунда, улуғ лаҳзаларда улуғ жойларда бизларни маҳрум қилма! http://t.me/nozimaho