الخَريــــطــة || Daamii's map ✨

ويبقى السؤال .. إلى متى ؟ 💔

#StopGardes24H بارتاج

#StopGardes24H بارتاج

#StopGardes24H ان لله وان اليه راجعون بارتاج

ضك نفاصي صاي 🥲

معاكم لينا وليت ادمن فالكانال 🥰😂

سلااام

🩵

+ جماعة الدوزيام لي عاودت ميش ضروري تخرجو من الكانال هذي بسك باينة منيش حننساكم ولينوت لي درتهم طيلة هذ العام رابحة نترجمهم بالإنجليزية ونديرلهم التصاور ونزيد نحسن منهم أكثر وأكثر. ونفس الهدرة تنطبق على جماعة البروميار لي راهم هنا وطالعين للدوزيام.

ومن يدري ممكن نخمم فيما بعد ندير الفريق تاع الدوزيام وممكن حتى البروميار إن شاء الله.

هنا الاستبيان تاع الفريق تاع الطروازيام يعني تاع برومونا العام الجاي بإذن الله.

من فكرةٍ عفويَّةٍ بدت للوَهلةِ الأولَى لا تُجرَّدُ عن كونِهَا فوضـىً عشوائِيةً، إلى أن أضحت عملًا بشرِيًّا خالصًا لَيُعينُ أنفارًا غفيرةً من الطُّلَّابِ في مِشوارِهِمُ الدِّراسِيِّ بالقَدرِ الَّذي يدفعُ الفردَ للسَّعيِ أمثالًا مُضاعفةً في تحقيقِ الفكرَةِ وتوسيعِ نطاقِهَا على أن ينظِّمُهَا بدلَ الارتجالِ وإيثارِ الضَّروراتِ على الكمالاتِ.. هنَا تضعُ "الخريطـةُ" في جُعبتِكُم هذا الاستبيانَ المتواضع، بحثًا عن سُفراءَ قائمينَ على مِحورِهَا، ومتعاونِينَ على إعانَةِ طَالبِ الطِّبِّ في مسيرتِهِ الأكاديميَّة الطَّويلة، مستفيدينَ من الأرباحِ الَّتِي سيُحقِّقُهَا هذا الإنجازُ العظيمُ بعظمةِ جُهدهِم وسعيهِم على أمثلِ نطاق: https://docs.google.com/forms/d/1D07zttqJA0b2Dacj6jeZEsFlb6PwQdNFQBiv6i30VLs/viewform لمن يودُّ الانضمامَ عليهِ بملئِ الاستبيانِ مجيبًا على الأسئلةِ المطروحة فيه، وسيُختارُ السُّفراءُ حسبَ المعاييرِ الَّتي يتطلبُها المِحورُ كي يكونَ فريقًا ناجحًا بامتياز. والسَّلامُ عليكم 🩵.

هذا الدكتور اسمو بن سواڤ 😔.

هذا مكان 🩵🌠.

الفقرة الثالثة والأخيرة لي تخص الريزيدنا بحكم أنو ضيف الحلقة تاعنا اجتاز هذ الامتحان وخلص أول سنة ليه من بعدها: __ •السؤال الأول: كيفاه الواحد لازم يحضر للريزيدانا؟ وهل تنصح واحد حاب يكون جينيراليست برك بأنو يعڤبها؟ وهل كاين فرق بين طريقة التحضير ليها إذا كان الطالب يحوس على تخصص طبي ولا جراحي ولا بيولوجي؟ ←الإجابة تاعو بخصوص الجينيراليست هي أنو حتى لو ما كانش حاب يكمل يقرا من بعد الريزيدانا بصح عالأقل كي يكون حاط فراسو بلي رايح يعڤبها رايح يعاود يراجع وش قرا طيلة السبع سنوات كامل وهذ الشي يعاونو باه يسترجع المعلومات ويخليه يكون طبيب كُفء فالمستقبل خير من واحد ما راح يراجع والو.. ومن يدري ممكن حتى يبدل قناعاتو ويڤول نتخصص أحسن تسما كي يلڤا روحو ديجا عڤب الاختبار تاع الريزيدانا رايح يكون قطع شوط كبييير بزاف وما يحتاجش أنو يعاود يقرا من دارا وجديد ويزيد يعڤبها مرة أخرى. أما بخصوص الفرق بين طريقة التحضير بالنسبة لواحد حاب تخصص جراحي ولا طبي ولا بيولوجي ڤال بلي مكانش فرق حرفيا وإنما الواحد لازم يسيي قدر المستطاع يدي معدل عالي باه يكون عندو الفرص بزاف يطيرلو التخصص لي راه حابو سواء جراحي طبي ولا بيولوجي. ولازم التحضير ليها بطبيعة الحال يكون من السنة السابعة فقط بسك كاين بزاف ناس يحضرولها من السنة الخامسة ومام السنة السادسة وهذ الشي يخليهم يهملو العام الدراسي لي كانو يقراو فيه. السؤال الثاني والأخير: كيفاه الواحد يخير التخصص تاعو بعد الريزيدانا؟ هل لازم يتبع ميولاتو الشخصية ولا وش يحتاج المجتمع تاعو فالبلاصة لي يسكن فيها ولا يشوف أكثر واحد ساهل يروح ليه وخلاص؟ ←ڤاللنا لازم يتبعهم كامل مع بعض يعني يشوف ميولاتو ويشوف فنفس الوقت أسك هذ التخصص يقدر يمد فيه ولا نو كيما هو عطانا مثال على نفسو بلي كان حاب يدير تخصص وحدوخر بصح بسبب مرض عندو محبش يديرو مالڤري يحبو وباينة لازم يشوف البلاصة لي راه ساكن فيها وش من تخصص يحتاجوه باه يكون خدام.

الفقرة الثاني تاع الجانب التطبيقي: __ •السؤال الأول: وش هي أهم حاجة لي لازم نتعلموها فالسطاج تاع Les soins ونحتاجوها لبقية السنوات فالمشوار؟ ←الإجابة تاعو كانت أنو لازم نتعلمو كلش ونركزو عليهم كامل وإن كان هذا كامل خدمة تاع les infirmiers بصح لازم نتعلموها سيرتو خياطة الجراح وليسيتير. •السؤال الثاني: وش هي الاستراتيجية لي لازم نطبقوها باه نخرجو بأكبر قدر ممكن من المعلومات فالسطاج في جميع السنوات مام حتى السنة السابعة؟ ←ڤاللنا أنو لازم الواحد يتعلم يزدم ديراكت ويسقسي ويشوف ويجرب، حتى لو كان السارفيس لي يسطاجي فيه فارغ لازم يسيي يتعلم وحدو ميش حتان يستنى الطبيب ولا الفرملي ينعتلو. وڤاللنا مكانش منها هذيك الهدرة تاع أنو الطبيب ولا الفرملي بحد ذاتو ميحبش كي تكثر عليه الأسئلة وإنما بالعكس كاين لي ينعتو ويعاونو فالسطاج أما الباقي فهي حالات شاذة والشاذ لا يُقاس عليه. •السؤال الثالث: أسكو Les formations لي يتندارو الخارج الكلية يغنيو عن السطاج كامل ويعوضوه سيرتو فالحالة تاع أنو البرومو تاعنا كبيرة بزاف وصعيبة باه الواحد طيرلو الدالة أنو يسطاجي؟ ←ڤاللنا بلي الدورات هذو يدعمو السطاج ميش يعوضوه، بمعنى أنو السطاج هو الصح ولا غِنَى عنه بالدرجة الأولى من بعد لي حاب يتوسع كثر يروح يحضر هذ الدورات باه يدعم السطاج تاعو. وڤاللنا بلي أفضل طريقة باه الواحد يقدر يسطاجي حتى في ظل الضغط الكبير تاع برومونا هو أنو يزيد السطاج volontaire فالفترات لي ميكونش كاين فيهم الغاشي مثلا.