Step to Bac 2027 🚀

🤓بصح كيفاه نعرف الطريقة المناسبة ليا؟

وهنا النقطة الأهم... ماكانش طريقة نقدروا نقولو عليها: هذي هي الأفضل للجميع لانو الطريقة لي نجحت مع شخص آخر، ماشي بالضرورة تنجح معاك. واحد عندو تخصص يفرض عليه الحضور يوميًا، واحد عندو أيام أخف، واحد عندو تنقل طويل، واحد يرجع للدار عندو طاقة يقرا، وواحد آخر يكون نهارو كامل مستهلك... لهذا ما تخليش كلام الناس هو لي يحددلك كيفاه تنظم عامك ✨جرب✨ جرب تقسيم الأسبوع، جرب الحصص اليومية، جرب تستغل الأيام الخفيفة والفراغات... ومن بعد راقب روحك: 🔹 هل راني نقدر نوفق بين الجامعة والباك؟هل راني نتقدم فعلًا في برنامج الباك؟هل راني قادر نحافظ على مستوايا في الجامعة؟ وهل هاذ الطريقة نقدر نستمر عليها، ولا غير قدرت نصمد عليها أسبوع ولا زوج؟ التجربة هي لي رايحة تعطيك الجواب الحقيقي ماشي تجربة شخص آخر، وماشي واش قالولك الناس، لأن كل واحد عندو تخصصو، ووقتو، وظروفو، وقدرتو وإذا جربت أكثر من طريقة وبقيت تلقى روحك ماكش قادر توازن، ما تبقاش تجبر روحك على حاجة واضحة بلي راهي ما تخدمش معاك لانم في الاخير رايح تلقى روحك ماك قادر تطلع عامك في لافاك، ولا قدرت تحقق الهدف لي عاودت على جالو الباك هنا لي صح ضاعلك عام وضاعلك وقتك وجهدك فاعرفوا تتخذو القرار أما إذا جربت، وعرفت حدودك، واكتشفت بلي التوفيق بيناتهم ما يناسبش ظروفك، واتخذت قرار التجميد في الوقت المناسب باش تتفرغ لهدفك، فهذي ماشي خسارة عام. بالعكس، أنت جربت، قيّمت وضعك، واتخذت قرارك على أساس تجربة حقيقية، ماشي على أساس الخوف ولا كلام الناس. وفي الأخير، قرار التجميد ولا الاستمرار يبقى قرار شخصي. ما نقدرش نقولو لواحد: "دير كيما درت أنا"، لأن ظروفك ماشي ظروفو. جرّب أولًا، راقب تقدمك، وكون صريح مع روحك... ومن بعد قرر. والأهم: إذا وصلت لقناعة بلي الموازنة ما راهيش تخدم معاك، ما تستناش حتى تتراكم عليك الأمور ويفوت الوقت التجميد يبقى خيار مطروح تقدر تلجألو في الوقت المناسب، خاصة إذا كان هدفك الأساسي هو الباك. لأن الهدف ماشي تلقى الطريقة المثالية من أول مرة، الهدف تلقى الطريقة لي تقدر تكمل بيها حتى للنهاية🤍 🥇:https://t.me/step_to_bac

1️⃣ نقسمو الأسبوع بين الجامعة والباك

🟨إذا كنت تقرا تخصص يحتاج حضور شبه يومي، تقدر تخلي: 💫من الأحد للخميس: التركيز الأساسي على الجامعة كي ترجع للعشية، راجع دروس الجامعة وحضّر للأعمال المطلوبة منك. 💫الجمعة والسبت: تخصصهم للباك، وتنظم يومك مليح باش تستغلهم في التقدم الحقيقي في البرنامج. وهذي الطريقة تقدر تناسب خصوصًا لي يقراو تخصصات فيها حضور مكثف كيما بعض المدارس العليا وشبه الطبي

2️⃣ كل يوم شوية باك + شوية جامعة

🟨إذا كان عندك وقت وطاقة بعد الجامعة، تقدر تدير حصة صغيرة للباك كل يوم. 💫مثلاً ساعة أو ساعة ونصف للباك بعد ما تكمل واش عليك في الجامعة. الميزة هنا أنك ما تخليش الباك يغيب عليك أسبوع كامل، حتى لو كانت الحصة قصيرة.

3️⃣ نستغلو الأيام الخفيفة

🟨ماشي كامل أيام الجامعة يكونو بنفس الضغط. 💫نهار عندك فيه برنامج خفيف؟ استغلو أكثر في الباك. 💫نهار عندك فيه محاضرات كثيرة وتنقل وتعب؟ ركز على الجامعة وارتاح. يعني بدل ما تقول: "لازم نقرا الباك كل يوم مهما كانت الظروف" خلي الخطة مرنة وتتبدل حسب أسبوعك.

4️⃣ نستغلو الفراغات الصغيرة

🟨ساعة فراغ بين المحاضرات، وقت رجعت فيه بكري للدار، نصف نهار فارغ... 💫ماشي لازم كل دراسة تكون 4 ساعات متواصلة. 💫تقدر تستغل هاذ الأوقات في: ✓حفظ جزء صغير. ✓مراجعة درس. ✓مشاهدة جزء من شرح. ✓حل بعض التمارين. ✓مراجعة الأخطاء. ومع الوقت، هاذ الساعات الصغيرة تقدر تجمعلك وقت معتبر(مايهمش عدد الساعات قد مايهم الاستغلال الجيد للوقت) 🥇:https://t.me/step_to_bac

🎓 دليل المترشح الحر | اليوم#5

🎖️ كيفاه نوازن بين الباك ولافاك؟🎖️ واحدة من أكثر الحوايج لي راح تتعب المترشح الحر هي محاولة التوفيق بين زوج حاجات في نفس الوقت: الجامعة والبكالوريا. و صراحة ماكانش طريقة وحدة تصلح للجميع، لأن جدول الجامعة، عدد ساعات الحضور، التنقل وحتى التخصص يختلف من شخص لآخر. بصح كاين بعض الطرق لي تقدر تجربها وتشوف واش يناسبك ويناسب ظروفك ومش لازم تلقى الطريقة المناسبة من الاول تقدر تجرب عدة طرق وتعتمد على عدة برامج باه تخرج بنتيجة تساعدك وتخليك تتقدم طيلة العام دون اهمال لا دراستك في الجامعة ولا تقدمك في الدروس للبكالوريا، وانا جمعت بعض الطرق عل وعسى تكون مفيدة لواحد منكم: 👇🏻 🥇:https://t.me/step_to_bac

هذا راي بعض المشاركات فتحدي المكتسبات القبلية صراحة التزمن بكل مهمة وكملو حتى للاخير وضك راهم يحلو فتمارين للتثبيت 😍🩷انا فخورة بالتزامهن 🤍🤍

وهذه شهادات من القناة للملتزمات لاخر رمق من التحدي 🩷😍 فهي ذكرى لبداية لنجحاتكم القادمة 🥹🩷

تم بحمد الله اكمال تحدي المكتسبات القبلية للشعب العلمية الحمدلله حمدا كثيرا طيبا مباركا فيه 🥹 تم انهاء كل العناوين اللازمة لبناء اساس متين وحل تمارين بكل ثقة وسهولة تحدي جمع عدة جوانب منها التنضيم والانضباط والالتزام من طرف المشاركات🩷😍✅ بارك الله لهن فيما تعلمنه وزادهن الله بسطة في العلم ومنّ عليهن بالمزيد من النجاحات 🤍🤲🏻 القناة الجميلة👇🏻🤓 https://t.me/step_to_bac

تأجيل الدخول المدرسي إلى 11 أكتوبر بدلا من الأسبوع المقبل، بسبب ارتفاع درجات الحرارة. العراق تتخذ القرار 🤓

تحدي اللغة الفرنسية🇨🇵

📚 اليوم الثالث | Le texte d'histoire 🎖️اقراو الكلمات مليح وحاولو تثبتوهم، لأن في الليل نستناوكم مع Quiz عليهم 👀🔥 🎯 الهدف: كل يوم شوية كلمات، وفي الأخير تلقاو رواحكم بنيتو رصيد مليح من المفردات الخاصة بالنص التاريخي. موفقين ❤️‍🩹🍃 🥇:https://t.me/step_to_bac

🇬🇧 تحدي اللغة الإنجليزية

📚 اليوم الثالث | Unit 1: Ethics in Business 🎖️اقراو المصطلحات مليح وحاولو تثبتوهم، لأن في الليل راح يكون Quiz عليهم 👀🔥 🎯 الهدف: كل يوم شوية مصطلحات، وفي الأخير تلقاو رواحكم بنيتو رصيد مليح من الكلمات. موفقين ❤️‍🩹🍃 🥇:https://t.me/step_to_bac

اتفاعلو 🙂😔ذالكم خير 🧐🩷 اي سؤال على الكتاب سقسو وانا نجاوبكم👇🏻🌝📍

لمحة عن مابداخل الكتاب وتمارين والافكار وتقدرو تهزو كلمات المفتاحية من الكتاب وتسطرو عليهم💁🏻‍♀️✅